GERRY: Secretary, magandang umaga.
SEC. ANDANAR: Magandang umaga, Gerry. Magandang umaga sa lahat po ng nakikinig. Maganda iyong nabanggit mo na information satellite network or ang tawag natin diyan ‘Government Satellite Network.’
GERRY: Government Satellite Network.
SEC. ANDANAR: Opo. And it’s also an information satellite network at ito po ay three things:Number one, fake news, madali po nating ma-counter iyan sapagkat kung meron po tayong satellite network sa bawat barangay, lahat po ng maitatag natin na… or maa-assign natin na Information Officer ay mas madali pong makausap, mas madali pong makatanggap ng impormasyon.
Number two, kung meron hong mga mensahe ang ating Pangulo sa ating mga Barangay Chairman, kahit na wala po silang cell site or cell signal ay madali na po silang makausap.
At of course number three, mabibigyan ho natin ng libreng internet ang bawat Barangay Hall na meron pong satellite receiver.
GERRY: Aba magaling pala ano. So sa pamamagitan ng internet pala ito.
SEC. ANDANAR: Oo. Sa pamamagitan po ng satellite, Gerry. So alam naman natin na hindi po lahat covered ng mga cell sites ng telcos, number one.
Number two, alam naman natin kapag bumabagyo sa lugar natin, either na natutumba iyong mga poste, naapektuhan iyong kawad ng kuryente, iyong kawad ng mga cable at iyong cell site, puwede ring matumba. Pero ang satellite po kasi puwede mong itago sa loob ng bahay mo kapag bumabagyo. Lalo na sa lugar natin na typhoon-prone talaga iyong lugar natin.
GERRY: Para tuloy-tuloy ang daloy ng impormasyon at komunikasyon. Ano ho ang tawag doon… so bawat barangay, i-ininstolan, lalagayan ng ganitong mga gamit?
SEC. ANDANAR: Iyan po ang hangad natin, sapagkat sa 42,000 barangays, Gerry, so you can just imagine kung gaano kadami. Pero iyong pag-roll out po nito by June or July we should be ready to roll out 42,000 government satellites na receivers. But then again, of course, we have to talk to the Department of Interior and Local Government for their cooperation.
Nakausap ko na naman si Secretary Año at siya naman ay very optimistic about this project. And of course, the President already approved this planned network.
GERRY: Magkano po ang budget nito, Secretary? Mukhang medyo malaki-laki ito, bukod sa equipment ay pati personnel...
SEC. ANDANAR: Opo, tama po kayo. Ito po ay unsolicited proposal sa mga satellite network company, so libre po, wala pong gastos ang gobyerno.
GERRY: Aba, very good.
SEC. ANDANAR: Opo, very good talaga. Kasi sa infrastructure pa lang, pagpapalipad pa lang ng space ship para magpa-orbit nung satellite, hindi ba mahal na iyon. At wala ho tayong satellite talaga ang ating gobyerno.
Therefore, ang magiging partisipasyon lang po ng cost ng isang Barangay ay iyong monthly sa subscription. I think, it’s a minimal 500 pesos a month.
GERRY: 500 pesos a month,kayang-kaya iyon ng bawat barangay. Meron na silang sariling satellite receiver, satellite network, konektado na sila sa satellite.
SEC. ANDANAR: Napakaganda niyan, Gerry. Kasi meron na silang receiver, makakatanggap sila ng signal mula sa government television at radio at iyong government bulletin board, makakatanggap sila ng libreng internet. At the same time, puwede ho silang makipag-usap sa Presidente, makipag-usap sa DILG Secretary o sa PCOO sa pamamagitan ng teleconferencing. Ito po iyong mahalaga.
GERRY: Magaling, high-tech pala iyan, Secretary. So hindi lang pala para sa fake news, kung hindi sa communication ng barangay. Pakikipag-communicate ng barangay sa lahat.
SEC. ANDANAR: Tama, tama po kayo. So, halimbawa, during emergency ay pupuwede hong mag-broadcast iyong barangay papuntang Maynila or to broadcast around the world kung ano ang nangyayari sa barangay niya. Kahit na nagtumbahan na iyong mga poste ng kuryente or cell sites, etcetera. Basta meron lang ho silang generator, at i-orient lang ho iyong satellite ay puwede na ho siyang makipag-usap sa Maynila.
GERRY: Magaling pala ano. Paano ho ito mag-a-assign pa ang PCOO ng tao sa bawat Barangay?
SEC. ANDANAR: Hindi ho. Ikakabit na ho iyong satellite receiver, tapos magkakaroon ng orientation sa Barangay Hall. Magtatalaga lang ho ng isang information officer ang barangay and good to go now ho. Puwede na ho siyang manuod ng PTV, Radyo Pilipinas, Philippines News Agency, government bulletin board at kung gusto magtayo ng DILG ng sariling istasyon nila para sa DILG matters ay puwede rin po, infinite po iyong possibilities.
GERRY: So iyong mga tauhan na rin doon sa barangay ang ite-train para maging… makasama dito sa government nationwide info network na ito.
SEC. ANDANAR: Tama po, Gerry. Para lang ano iyan… parang TV station lang iyan. May isang control room, tapos doon sa control room dito sa Maynila sila po iyong magta-trapik ng lahat ng content na dumadaloy diyan at tatanggap ng content mula naman sa mga barangays.
GERRY: Siguraduhin lang na wag lang maglalaro sa computer o kaya ay magpe–Facebook iyong naka-assign doon, Secretary ano. [Laughs]
SEC. ANDANAR: Opo. Alam mo kontrolado naman natin iyong internet na papasok diyan sa satellite na iyan, Ipagbabawal ho natin iyong mga website na hindi maganda. [Laughs]
GERRY: Tama, okay. So kailan ito, kailan masisimulan?
SEC. ANDANAR: Ang ating target po na roll out ay June of this year. So hopefully by June of this year, makaka-launch na ho tayo dito sa Malacañang grounds.
GERRY: May connection na kaya by June ang mga Barangay, may na-install na satellite receiver?
SEC. ANDANAR: Nasubukan na ho natin, meron na hong mangilan-ilan na mga samples. In fact, meron na rin po iyong ating mga kasamahan dito sa Palasyo na nasubukan na ho natin at nakaka-receive ho talaga ng at least 3-7 mbps of internet at the same time.
GERRY: Okay.Balikan natin iyong fake news. Paano ho ito makakatulong para mapigilan o masawata ang fake news?
SEC. ANDANAR: Halimbawa, meron ho isang artikulo na may red tide sa Juan Dela Cruz Municipality, sa pamamagitan po nitong government satellite network ay puwede na ho nating ipakalat iyong balita na fake news ho iyon at puwede pong tanggapin lahat ng mga barangay; at kung Facebook man iyan, they can always tell them na i-share n’yo na ito ang tamang balita, hindi tama iyong kumalat na balita na iyon.
GERRY: Ayon, mabilis, mabilis na matse-check kaagad at makokontra kaagad iyong mga impormasyon, iyong mga maling impormasyon. Pero, Secretary linawin lang natin, ano ba ang fake news, meron na ba tayong clear, unbiased, apolitical definition ng fake news?
SEC. ANDANAR: Ay March 7, magkakaalaman sa Senado. [Laughs]
GERRY: Hindi ba, pati ang Malacañang kasi, pati kayo diyan sa PCOO may inaakusahang nagpapalaganap ng fake news, kaya kailangan talaga meron tayong katanggap-tanggap, acceptable definition ng fake news.
SEC. ANDANAR: Opo, tama po kayo. Kasi alam po natin na maraming gumagawa ng kanya-kanyang definition. What is fake news, antayin na lang natin kung ano ang sabihin ni—
GERRY: Pero ang importante sa akin, ang importante, Secretary, itong benepisyo natin dito sa government network na ito, para talaga siya mas mabilis na pagpapadala ng impormasyon at lalo na sa panahon ng emergency.
SEC. ANDANAR: Tama po kayo, Gerry. At kailangan na kailangan natin, dahil tayo po ay isang archipelago with 7,100 islands at napaka-imposible po talagang maabot lahat; but with satellite, ito po ay magiging posible na. Kasi iyong fiber optics hindi mo naman maiallagay sa lahat ng sulok ng Pilipinas iyan, hindi ba? Ipapadaan mo sa submarine… submarine cable, napakamahal niyan. So at least pag Government Satellite Network diretso mula sa space all the way to your barangay iyon pong benepisyo.
GERRY: Congratulations, Secretary. At good luck po sa atin.
SEC. ANDANAR: Maraming salamat, Gerry at mabuhay ka, mabuhay rin po ang DZMM. Thank you po.
###
SOURCE: PCOO – NIB (News and Information Bureau)
