Interview

Interview with Presidential Spokesperson Harry Roque by Ali Sotto and Arnold Clavio (DZBB – Special Coverage)

Event Radio Interview

SEC. ROQUE: Magandang umaga, Igan at Ali, at sa milyun-milyong nakikinig at nanunood sa atin ngayon, magandang umaga po sa inyong lahat.

CLAVIO: Paano binalita sa iyo na, ‘Halika rito, kailangan namin’?

SOTTO: At bakit, anu-ano ang dahilan?

SEC. ROQUE: Well, alam ninyo ho, hindi naman sila nagbigay ng dahilan. Ang sinabi sa akin, ‘Kailangan ka namin,’ – so ako naman, siyempre narito naman po tayo dahil kahit papaano naman po ay naghahanap tayo ng paraan para makatulong.

CLAVIO: Narinig ninyo ba iyong sinabi ng Pangulo sa iyo kagabi? In-announce niya na ikaw na nga ang … babalik ka na, sabi niya, para mas maliwanagan ang pagpapaliwanag sa tao.

SEC. ROQUE: Well, iyon nga lang po naman ang ating mandato sa Presidente, magbigay ng malinaw na paliwanag kung ano ang mga ginagawa ng gobyerno, lalung-lalo na sa mga panahong ito, madaming pagsubok dahil nga dito sa COVID-19.

SOTTO: Very crucial ang timing eh, nitong re-appointment mo, Sec.

SEC. ROQUE: Naku, salamat po ano, pero napakalaki po ng paghamon. Pero tayo naman po ay tinatanggap natin iyan at gagawin natin ang lahat ng ating magagawa para nga po maparating sa taumbayan ang mensahe ng ating Presidente na ginagawa po ang lahat para maibsan po ang ating mga kahirapan ngayon.

SOTTO: Ang isa sa mga reaksiyon kasi na nababasa namin doon sa thread ng comments eh kasi nga Inglisan nang Inglisan kapag nagpi-press conference ngayon. So ang pakiusap, sana ay … nandiyan na kayo ‘no to—

CLAVIO: Mas mapaliwanag.

SOTTO: Oo, sa salita na maiintidihan ng pangkaraniwang Pilipino.

CLAVIO: Puro tayo social distancing, hindi pala naiintindihan ng iba. Eh bawal ho magdikit, hindi ba, iyong ganoon eh – bawal hong magdikit-dikit!

SEC. ROQUE: Tama po, tama po.

SOTTO: At saka iyong sabi nga namin, social amelioration – maiintindihan ba ng masa iyon?

SEC. ROQUE: Sige po, kung kinakailangan managalog, magta-Tagalog po tayo.

CLAVIO: Sabi ko nga kay Secretary kahapon, noon binati ko siya, sabi ko, “Siguro napanood iyong TikTok mo kaya halika na lang dito kaysa mag-TikTok ka.”

SOTTO: Bakit, si CabSec nag-TikTok din ah!

CLAVIO: Para sa mga frontliners iyon, para maaliw.

SOTTO: Wala ka pa lang sense of timing ‘no, Sec?

SEC. ROQUE: Hay naku, hindi nga po ako nakagawa ng farewell TikTok. Sana bago ako bumalik sa gobyerno, nakagawa pa ako ng isa.

SOTTO: Secretary, papaano iyong health ninyo because, ‘di ba, iyong—

CLAVIO: Oo, isang dahilan.

SOTTO: Noong nagdeklara kayo na tatakbo kayo sa pagka-senador pero because of your health – unstable angina coronary disease – kumusta po iyong health ninyo? Are you ready to take on iyong stress? It’s going to be very stressful ‘no?

SEC. ROQUE: Well, actually, nagpulong po kami ng aking doktor at tinanong ko sa kaniya, ‘Puwede na ba ito?’ Sabi niya eh mukha namang okay ka naman dahil ikaw ay nag-e-exercise, ikaw ay nagda-diet, nakikita ko naman na hindi ka lumulubo at nakikita ko naman na talagang lahat ng vitamins mo ay mahusay dahil sa pang-araw-araw mong ehersisyo. So sa tingin ko, iyon lang ang paghamon dahil mahaba ang mga oras na igugugol dito sa trabahong ito, kung makakapag-exercise pa rin ako daily gaya ng ginagawa ko.

Pero ang plano ko naman ay susubukan pa rin natin na i-maintain iyong routine na mayroon tayo sa nakalipas na taon.

CLAVIO: Pero work-from-home ka ba – hindi mo kailangang pumunta ng Palasyo, ‘di ba?

SEC. ROQUE: Well, ngayon po ay work-from-home. Pero mamaya po iyong aking 11:30, pupunta po ako sa briefing room pero wala po akong kasama, ako lang at ang mga kapatid natin sa media ay magpapadala ng tanong sa pamamagitan yata ng Facebook live or Skype. Gagamitin ko lang po iyong podium pero nag-iisa lang ako doon sa kuwarto.

SOTTO: Ewan ko kung kasama kayo doon sa very, very late night addresses ng Pangulo.

SEC. ROQUE: Actually, hindi po late night address iyon. Siguro po tineyp (taped) lang, pero kasama na po ako sa pagpulong na iyon. Iyon po iyong idi-discuss natin ngayon dahil bukod pa doon sa ginawang mensahe ng Presidente ay marami pong mga naging desisyon doon sa pagpupulong na iyon. Nandoon po kahapon si Secretary of Finance, si Peace Process Adviser na pinuno ng IATF, ang ating Secretary of Department of Social Welfare and Development. Nandoon din po si Senator Bong Go at – sino pa ba ang nandoon? – Siyempre si CabSec Nograles po at ako po.

CLAVIO: Sina Joey Concepcion. Pero kung ito ay pre-recorded—

SOTTO: Bakit ganoon ka-late?

CLAVIO:  Oo, hindi ba puwedeng agahan, kasi halos lahat po ay tulog na eh? Ang ganda ng mensahe kagabi, nakita ko naman iyong mga pagpapaliwanag at may dagdag na pondo palang ilalabas pa.

SEC. ROQUE: Well, ngayong nakabalik na po ako, makikipag-coordinate po ako dito sa ating PTV-4, sa Radyo ng Bayan para nga po mapaaga po. At tingin ko naman dahil maaga kaming natapos kahapon, pupuwede talagang na-ere nang mas maaga iyon. Susubukan po natin na gawan ng paraan na lahat po ng mga mensahe ng Presidente ay mapaaga ang broadcast.

SOTTO: So, up to speed na po ba kayo kasi kamukha nito, ang isyu ay iyong 51 billion na ilalaan for the middle class? Up to speed na kayo kung papaano po ilalaan iyon, sino ang paglalaanan?

SEC. ROQUE: Opo, iyan po ang ating idi-discuss mamaya sa 11:30, iyan po ang pangunahing agenda natin.

CLAVIO: Okay. May pera ba? Kasi tuwing manunood ako ng kaniyang briefing: Una, gusto niyang ibenta iyong Dewey Boulevard; May mga nagmumungkahing pati ang mga golf course; kagabi, Mt. Apo. Pakilinaw po, ano ito, biro ho ba ito o talagang sa dami ho ng problema at pangangailangan pong pinansiyal ay naiisip talaga ito ng ating pamahalaan, Secretary?

SEC. ROQUE: Well, lahat po ng ipinangako ng Presidente na ibigay by way of immediate assistance ay may pondo po iyan. Pero ang mandato nga ng Presidente, maghanap pa ng ibang pamamaraan para makakalap ng karagdagang mga resources para nga po mabigyan ng tulong ang ating mga kababayan, at ang latest na sinabi niya kahapon ay ititigil ko lahat ng infrastructure na iyan kung kinakailangan; ibubuhos muna natin iyan sa pangangailangan ng ating mga kababayan dahil nga po sa COVID-19.

CLAVIO: Okay, Secretary, good luck at abangan namin iyong mamaya—

SOTTO: Tinawagan ka namin para ma-welcome back ka. Ay papaano nga—mag-uusap pa tayo, iyong nilapit namin sa inyo ha na sabi ninyo na ‘oo’ tutulungan ninyo ha.

SEC. ROQUE: Opo, opo, opo. Well, anyway, tingnan po natin ngayon. Siguro naman iyong ating planong liham ay mas seseryosohin na noong tatanggap ng ating liham.

CLAVIO: Siyempre isa sa mga nasa sentro ng tulong iyong PhilHealth, Secretary, ha? Bantayan natin!

SEC. ROQUE: Ay talagang babantayan ko po iyan dahil—

CLAVIO: At saka talagang nagdemanda pa!

SEC. ROQUE: Opo, sa ayaw at sa gusto ko. Kasi eh noong sinulong natin ang Universal Healthcare ay talagang nag-orchestrate iyong mga tiga-PhilHealth na huwag silang mabuwag dahil ang paninindigan ko ay dapat buwagin na sila nang lahat ng bulok diyan ay matanggal. Pero nga iyong hindi po tayo naging successful doon sa ganoon ay babantayan pa rin po natin iyan, hindi lang bilang isang spokesperson, kung hindi bilang author ng Universal Healthcare at bilang isang ordinaryong mamamayan.

SOTTO: Naku, aasahan po namin kayo. Sec. Harry Roque, welcome back and God Bless po.

SEC. ROQUE: Maraming salamat po at magandang umaga po.

 

###

 

 

SOURCE: PCOO-NIB (News and Information Bureau-Data Processing Center)

 

Resource