FAILON: Magandang umaga po sa inyo, Secretary Harry Roque. Good morning, sir!

SEC. ROQUE: Good morning, Manong Ted. Ala una y medya po ngayong umaga eh inatasan po ng ating Pangulo ang lahat po ng ahensiya na may mga kinalaman dito sa mga 24,000 na mga OFWs na naka-quarantine na gumawa ng hakbang na para sa loob ng isang linggo lahat po sila ay matapos ang PCR testing at makauwi.

Sinabi po ng Presidente na gamitin ng mga otoridad ang lahat ng resources ng gobyerno para mapauwi sila – sa bus, sa eroplano at sa barko – at sinabi pa nga niya na kung kinakailangan gamitin ang special powers sa Bayanihan Act ay gagamitin po ito.

Sinabi rin po niya na kinakailangan palawakin ang PCR testing ng ating mga probinsiya nang sa ganoon iyong mga darating na mga OFWs sa mga darating na panahon ay doon na mag-quarantine sa kaniya-kaniyang mga probinsiya at doon na mag-PCR testing.

Hindi na po inalam ni Presidente kung anong naging dahilan dahil napakadaming mga OFWs na nakarating sa kaniyang reklamo na mahigit isang buwan na ay hindi pa rin lumalabas iyong PCR test results nila. Pero ang sabi niya, enough is enough, one week otherwise marami pong mananagot.

FAILON: Well, that’s a really… you know, a relief ano ho, sa lahat po ng mga nagpapahatid nga ng mensahe po sa atin pong programa at sa buong ABS-CBN News na mga nakatengga ngayon sa ilan pong mga quarantine facilities dito po sa Metro Manila. Does that mean, Secretary, na pati po ang resources ng Air Force gagamitin na para sa pag-transport?

SEC. ROQUE: Yes, sinabi po ng Presidente iyan. Kung kinakailangan gamitin ang mga Air Force, sa eroplano – gamitin; kung kinakailangan gamitin ang Bayanihan Act para kumuha ng mga pribadong sasakyan – gamitin. Pero lahat ng resources ibuhos, dahil alam ni Presidente na kapag hindi pa natin napauwi itong 24,000 eh napakadami pa pong expected na uuwi, mga hundreds of thousand ang uuwi at kung nagkaproblema na tayo sa 24,000, mas malaki ang problema natin kung hundreds of thousand na ang umuwi.

FAILON: Okay.

SEC. ROQUE: So, iyan po ang huling anunsiyo galing po sa ating Presidente.

FAILON: Okay, sir. So, sir, nabanggit ninyo na ang magiging panuntunan na kapag dumating na iyong OFW from abroad, diretso na po iyong kaniyang quarantine doon sa lugar kung taga-saan siya, doon na po mangyayari ang quarantine, hindi na siya matetengga dito sa Metro Manila?

SEC. ROQUE: Hanggat maaari ano, kaya ang sabi niya dapat palakasin iyong PCR testing capability ng mga probinsiya. At nitong nakalipas na linggo naman, nagkaroon tayo ng increase na 10,000 capacity dahil nagbukas tayo sa Davao, sa Cebu, sa Baguio at kung saan-saan pang mga lugar ‘no. At ang nais niyang makita ay mas marami pa na mga PCR testing facilities sa mga major cities natin, sa mga probinsiya dahil nang sa ganoon eh hindi na nga sa Manila matetengga itong mga umuuwi na mga OFWs.

FAILON: Okay, sige po. Iyan po ay napakagandang balita po this morning kasi po na-timing din po naman, Secretary, na this morning po nakalaan ang unang oras po ng ating programa para nga po sa kapakanan ng ating mga OFWs. 

Sir, mayroon po kasing mga OFWs ngayon sa ibayong dagat, particularly po sa Gitnang Silangan, dito po sa Western Asia, iyong galing ng UAE for example, maging Kuwait, ang dami ho nila ngayon na waiting repatriation. Alam po naman natin na ang buong mundo nga may problema po ngayon kaya ang iba ho ay na-terminate na po ang serbisyo and contract na rin po hindi na ho na-renew, so libo-libo nga po, daang libo ito iyong paparating na wika nga ninyo na binanggit ninyo.

Sir, pinag-iisipan na ba kaya ngayon o baka mayroon ho kayong gagawing pagkilos? Papaano po mairi-repatriate itong mga naghihintay ngayon na makabalik sa Pilipinas na hindi po naghihintay ng commercial flight? Pupuwede bang mag-rescue mission ang ating Air Force, for example, C130, mga ganoon?

SEC. ROQUE: Well, ginagawa po natin iyan kapag mayroong mga aberya na digmaan at hindi ko po—wala po akong nakikitang dahilan para hindi natin gawin iyan ngayon para ma-repatriate en masse iyong ating mga kababayan.

Ang alam nga ng Pangulo – hindi pa alam ang eksaktong numero – pero hundreds of thousands pa iyong uuwi. Kung mga nakalipas nagpapadala tayo ng barko at eroplano para sunduin ang ating mga kababayan, puwede rin po nating gawin iyan.

Sa ngayon po, iyong mga eroplano na gagamitin pauwi ng ating mga OFWs galing dito sa ating mga quarantine sites eh bayad po iyan ng gobyerno. So, lahat po ng resources ng gobyerno uubusin po natin iyan, gagamitin para mapauwi lahat ng mga OFWs na kinakailangan makauwi.

FAILON: Okay. Sir, mayroon na bang instruction po ang ating Pangulo, ang tanggapan niya para po doon sa ating mga labor attaché sa iba’t-ibang mga bansa na sangkaterbang OFWs na to see to it na iyong ating mga OFWs doon kahit papaano po ay nakakakain ng maayos? Kasi sir, hindi lingid naman po sa ating kaalaman na marami ho talaga ang nagpapadala ho ng mensahe through social media at iyon nga ang hinagpis ano. Wala na silang pera eh, ang iba ho walang pang-renta doon sa tinitirahan, ang iba eh umaasa po sa tulong ng kapwa OFW sa pagkain, sir.

SEC. ROQUE: Well, trabaho po talaga ng OWWA iyan. Alam ninyo po dahil nga ginawa nating polisiya ang magpadala ng ating mga kababayan para magtrabaho sa abroad bilang mga OFWs, obligasyon din ng estado – na dahil sila naman ang dahilan na tayo po ay nabuhay dahil sa kanilang mga remittances – kapag sila naman ang nangangailangan eh dapat nandiyan naman ang gobyerno.

Ang OWWA po – hindi gaya ng mga ibang bansa na wala namang OWWA sila sa mga iba’t-ibang mga bansa – ay naririyan para tulungan po ang ating mga OFWs at kaya nga po sigurado ako maski walang mandato ang Presidente eh alam na po nila na binuo ang kanilang mga opisina, mayroong mga labor attachés para magbigay ng serbisyo sa ating mga kababayan.

FAILON: Yes, sir. Kaya po this morning nga po nakalaan po ang ating programa, itong mga unang oras po, iyong unang panahon, para po sa kapakanan po ng OFWs.

Sige po. Sir, last na lang po. Mayroon ho ba kayong briefing ngayon sa IATF para po doon sa mga sinasabi ng DTI, Secretary, na mga pagluluwag na ho eventually, kung saka-sakali man po ano ho, if you will allow, iyong ilan pong mga negosyo – dine-in sa restaurant, iyong mga barbershop, mga salon, mga derma clinic, mga ganoon po, sir?

SEC. ROQUE: Dahil piyesta opisyal po, sarado ang Malacañang. Pero mayroon po tayong press briefing sa Laging Handa sa PTV 4 nang alas onse, so doon po natin gagawin ang ating press briefing sa Laging Handa.

FAILON: I see. Okay, sige po. Sec. Harry, salamat po sa inyo pong panahon, sir. Thank you po.

SEC. ROQUE: Salamat po at magandang umaga po. At salamat din po sa pagkakataon.

FAILON: Opo.

SEC. ROQUE: Good morning.

FAILON: Thank you, thank you. Ang tagapagsalita po ng ating Pangulo, si Secretary Harry Roque.

###

SOURCE: PCOO-NIB (News and Information Bureau-Data Processing Center)