Q: ‘Ayun, so makakausap natin, ito ha—
Q: Tungkol sa press freedom…
Q: Oo, tungkol sa press freedom kasi siyempre ha—
Q: Or hindi.
Q: O hindi, bahala siya. Basta ako alam ko dito may press freedom kasi may fashion freedom ito. Kaya makakausap po natin – fashion is part of one’s freedom of expression – so Presidential Legal Counsel and Spokesperson, mga kaibigan on Valentines, Atty. Sal Panelo. Good morning, sir.
SEC. PANELO: Good morning, Happy Valentine’s Day to all of you.
Q: Happy Valentines…
Q: Atty. Sal, of course alam po natin na ang nangyayari ngayon ay parang kino-connect na naman ni Maria Ressa iyong kaniyang pagkakadakip for a cyber-libel case against somebody doon sa—doon kay President Duterte, which is for me – unfair, ano pong masasabi ninyo dito, sir?
SEC. PANELO: Eh, hindi na naman bago iyon. Unang-una, dapat nga hindi kami tinatanong diyan eh. Bakit kanyo? Eh ang nag-aakusa sa kaniya isang pribadong mamamayan, private citizen – and the alleged crime has been committed, allegedly, years before the President took his office.
Number two, alam mo iyong ano… iyong sinasabi ni Maria Ressa na ito’y pag-assault sa freedom of expression or freedom of the press, walang kabase-base, bakit kanyo? Kasi ang Presidente ay naging object ng lahat ng paninira sa kaniyang katauhan at sa kaniyang panguluhan; marami… peryodista, senador, kongresista pero ni isa wala finile-an (file) ng kaso ng libel.
Eh ba’t naman siya magkakainteres dito sa isang kaso na finile (file) ng isang mamamayan, eh hindi naman niya kakilala. In other words, absolutely there is nothing—there is no connection whatever. Absolutely unrelated itong kasong ito.
Ang tandaan ni Maria, hindi porke siya’y isang peryodista, high profile eh mae-exempt siya doon sa mga reklamo ng mga ordinaryong mamamayan. Hindi naman pupuwede iyon, sapagka’t ang batas natin hindi naman namimili eh. Hindi namimili…
Now sabihin mo… sabi niya: “We shall observe the rule of law.” Tama siya doon, kaya nga siya nakademanda kasi we’re observing the rule of law. As far as the complainant is concerned, she violated his rights kaya siya finile-an (file) ng kaso. O kaya—eh umusad naman, nagkaroon ng PI – preliminary investigation and probable cause. Noong dinemanda siya sa hukuman, nagkaroon din ng determination ang judge – may probable cause.
O so, anong puwede niya ireklamo doon? Tapos sabi niya hindi raw siya binigyan ng—ah hindi, unang-una sabi niya bakit naman daw in-issue iyong warrant ng afternoon. Eh unang-una, ang bawal mag-serve ng warrant ‘pag Sabado or Linggo dahil hindi—kumbaga matutulog ka… pero in-issue naman yesterday, ‘di ba?
Q: Opo…
SEC. PANELO: Yesterday in-issue, in other words mayroon naman siyang karapatan na mag-bail. Saka alam mo tinitingnan ko si Maria, mula noong naaresto siya from that place of the arrest up to the NBI hanggang kaninang madaling araw, aba’y… unang-una she was smiling, mukhang she’s enjoying everything. So bira pa rin siya nang bira, so paano mo masasabing mayroong violation—mayroong paglabag sa freedom of expression eh she… nasa loob na nga siya ng NBI sige pa rin ang banat niya.
Q: Atty. Sal, si Atty. Jess po ito. Ang sabi naman din ng Rappler sir, iyong cyber-libel na complaint noon sa NBI dinismiss February 22, 2018. Ang unang desisyon daw ng NBI was, i-close ang investigation, found no basis. And then just a week later, parang may pressure daw from the DOJ, nag-file pa rin ng complaint iyong NBI sa DOJ at iyon nga na-indict.
SEC. PANELO: Walang—alam mo iyong mga claim na ganoon, kung mayroon silang legal issue, eh ‘di i-raise nila sa hukuman hindi sa labas. Eh kung iyan ang diskarte noong NBI – dinismiss tapos nag-reconsider, ‘di ba ganiyan naman talaga ang lakaran sa atin? Dismiss, tapos may magpa-file ng motion for recon; bumabalik… ang iba naman pina-file tapos wini-withdraw… ganiyan talaga eh. As many opinions as there are lawyers, mayroon talagang—
Q: Si President Duterte sir, hindi ba niya kilala si Wilfredo Keng? Si Wilfredo Keng, iyong private complainant sir, wala silang koneksiyon, wala silang relationship?
SEC. PANELO: I don’t think kilala niya, dahil si Presidente taga-Davao iyon eh.
Q: At saka sir ‘di ba mayroong issue—
SEC. PANELO: And even assuming na kilala, eh wala nga siyang pakialam, private naman ‘yan. Eh siya nga po, sa kaniya nga mismo, hindi siya nakikialam eh.
Q: Eh kung walang pakialam sir ha, just to challenge that… eh siyempre laging mini-mention ni President Duterte ang Rappler, tapos banas siya kay Pia Rañada; parang mainit ang mata ni President Duterte sa Rappler, kay Ressa.
SEC. PANELO: Hindi… si Presidente ang sinasabi niya sa Rappler: “Kayong mga taga-Rappler, sana sasabihin totoo; huwag kayong mag-e-exaggerate.” Ang unang kinayamutan ni Presidente diyan, ang number of killings doon sa sinasabi—
Q: Yes, ginawang basis…
SEC. PANELO: Iyong mga pagpatay, eh mga apat na libo lang. Siya ang nag-report ng veinte mil eh…
Q: Ay, hindi lang Rappler sir… iyon nga, Inquirer; Iyong mga ano, sanib.
SEC. PANELO: Ginawa niyang ten thousand. I confronted her noong nagkita kami one time: “Alam mo kung ba’t kako nayayamot sa’yo, kung bakit naman four thousand, ginawa mong ten thousand?” Alam mo ang sagot niya sa akin? “But sir, I was just quoting another news..,” that means, it shows your recklessness, dahil hindi mo bini-verify. “O ‘di lalo nang mayayamot sa’yo, kung ‘yan pa ang katuwiran mo sa akin, hindi ka naman pala sigurado pinublish mo.”
So everyone is now quoting Rappler because of you. Nagkamali ka, lahat ng mali mo kino-quote na. kaya ngayon nag-skip na, naging twenty thousand na nga eh…
Q: Inquirer ang pasimuno noon sir ha…
Q: Pero mahirap din kasing tanggalin iyon, kasi ‘di ba hindi mo naman matatanggal. At saka ‘pag ina-update mo nang inaano… puwede mo namang i-update iyong balita sa online, eh wala namang in-update na ganoon, so walang recantation kahit papaano hindi ba?
SEC. PANELO: Ang masasabi ko lang kay Maria Ressa, “alam mo Maria… every columnist, newspaper/mag reporter, consider a libel case a badge of honor – dahil kung hindi ka dinemanda, ibig sabihin wala kang binatbat.” Dapat nga matuwa ka’t nademanda ka, kung mapanalo mo eh ‘di lalo na, doble ang ano mo—
Q: Bongga! Si Beltran dati, dinemanda ni Cory.
SEC. PANELO: Sa tingin ko nga enjoy nga siya, dahil she’s in full bloom, smiling… you know. Mukhang nag-e-enjoy siya.
Q: ‘Ayun, nag-e-enjoy nga talaga sir, malamang…
SEC. PANELO: Hindi naman—tingnan mo ha, sinasabi niya the chilling effect, intimidating… Well, walang effect sa kaniya… look at her.
Q: [Laughs] Kasi talagang ano sir eh… Okay, salamat po Atty. Sal. Salamat po, Happy Valentines.
SEC. PANELO: Happy Valentines…
Q: At sana sa lahat ng minamahal mo eh ano, ma-feel nila ang Valentines ngayong araw na ito.
SEC. PANELO: Si Maria mahal ko ‘yan… kaibigan kong matagal na iyan, Happy Valentines Maria.
Q: Ay bongga!
Q: Kaya siguro blooming kasi mahal mo [laughs]… Okay sir, thank you po.
SEC. PANELO: Ganiyan talaga ‘yan, ganiyan talaga… But you cannot also… you know, you cannot also blame her for what she’s saying… kasama rin ‘yan, freedom of expression nga ‘yan.
Q: Correct. Thank you po, Atty. Sal Panelo, salamat po.
SEC. PANELO: Sige, thank you.
Q: Presidential Spokesperson and Presidential Legal Counsel, Atty. Sal Panelo.
###
SOURCE: PCOO – NIB (News and Information Bureau)
