PCO USEC. CASTRO: Magandang araw, Malacañang Press Corps.
Peaceful rally, nasamahan ng iilang nais manggulo. Mananagot ang lahat, iyan ang nais ni Pangulong Ferdinand R. Marcos Jr. sa lahat ng sinumang gumamit ng karahasan sa naganap na peaceful rally noong linggo. Bilang isang public servant, pinakinggan ni Pangulong Marcos Jr. ang sigaw ng taumbayan – managot ang lahat ng sangkot.
Kaisa ng taumbayan si President Marcos Jr. laban sa korapsiyon. Ang Pangulo mismo ang nagpasimula upang maimbestigahan ang maanomalyang flood control projects. Magpapatuloy din ang Pangulo sa naumpisahan na ito, at sa tulong ng taumbayan na magiging matapang sa pagbunyag ng katotohanan ang pang-aabuso sa kaban ng bayan ay mailalantad at malalabanan.
Ang Pangulong Marcos Jr. ay handang tumugon sa hiling ng taumbayan kaya’t nirespeto at patuloy na nirirespeto ng Pangulo ang karapatang pantao. Hindi siya naging hadlang sa malaking protesta, naglahad ng galit ang tao laban sa korapsiyon. Ngunit kinukondena ng administrasyong ito at ng Pangulo ang paggamit ng mga kabataan na gawing mga tulisan ng mga grupong itinatago ang mukha sa likod ng itim na maskara.
Team Itim kung maituturing, hindi sila raliyista na may lehitimong adhikain laban sa korapsiyon kung hindi gumawa lang ng karahasan, magnakaw, manunog at manira. Hindi kayo makakalagpas sa kamay ng batas at ang mga tao sa inyong likuran na gumamit sa inyo – mga gahaman sa kapangyarihan, hindi kayo dapat paligtasin. Hustisya ang uusig sa inyo.
Sa iilang gumamit ng foul language, nirirespeto ang inyong karapatang magpahayag pero may responsibilidad din kayong maging magandang ehemplo lalo na sa kabataan. Ipinaglalaban natin ang tama, idaan natin sa paraang tama.
[VTR]
At upang pag-usapan ang naging peaceful rally noong Linggo, makakasama natin ngayong araw sina DILG Secretary Jonvic Remulla, DICT Secretary Henry Aguda at acting PNP chief, Lieutenant General Jose Melencio Nartatez Jr. Magandang araw mga secretaries at mga matatapang nating mga CabSecs at si Acting PNP Chief. Maaari na pong mag-start si Secretary Henry Aguda.
DICT SEC. AGUDA: Magandang umaga po. Salamat po, Usec. Claire. Magandang hapon po.
Una sa lahat, malinaw ang direktiba ng Pangulo – igalang at protektahan ang karapatan ng bawat Pilipino sa mapayapang pagtitipon at malayang pagpapahayag. Kaugnay nito, nitong weekend nagkaroon ng malawakang kilos-protesta kabilang ang tinatawag na “Black Mask March,” ito iyong mga ‘Team Itim’ na nasabi nga ni Usec. Claire. Ito ay unang kumalat mula sa grupong ‘Anonymous PH,’ ito po’y isang aktibong activist na grupo. Nakikipag-ugnayan po ako doon sa mga tao sa Anonymous PH, hindi pa po sila nagdi-disavow kung sila nga o hindi sila iyong gumawa nito pero may mga persons of interest na po tayo na minamatyagan.
Sila ang nagsimula ng panawagang magsuot ng itim na maskara at damit na sinasabayan ng ilang personalidad at grupo sa social media. Nakikipag-ugnayan na rin po kami sa social media platforms para dito sa mga personalidad na ito.
Kasabay ng mga aktibidad na ito, aktibong pinatutupad ng DICT ang “Oplan Cyberdome” bilang isang whole-of-country approach sa cybersecurity. Sa ilalim nito, isa, may mahigpit na koordinasyon sa mga law enforcement agencies para sa mabilis na tugon sa anumang online-to-ground na banta, ito po iyong mga nag-oorganisa online tapos nanggugulo physically.
Pangalawa po, katuwang ang mga telco at social media platforms sa pagbabantay laban sa posibleng paggamit ng internet para sa karahasan. Aktibong nakilahok ang cybercommunity rin po at mga pribadong cybersecurity groups upang tiyakin ang seguridad ng ating digital space. Nakipag-ugnayan din tayo sa mga pangunahing pribadong korporasyon po – sa bangko, sa enerhiya, sa tubig, transportasyon at lahat po ng kanilang cybersecurity organization na teams ay nakilahok naman po na protektahan ang cyberspace.
Ngayon po, noong weekend po mula doon sa Threat Monitoring Center po natin sa CICC, iyong same organization po na nagbantay din po noong midterm election, nakita po namin na as of 2 P.M. po, wala po kaming nakitang convergence, convergence po noong mga grupo na nag-oorganisa sa online at on the ground, nanatili pong mapayapa ang mga rally at walang naitalagang ground-to-online convergence.
Subalit po may naitala po kami, 19 na website ng gobyerno ang naka-experience po ng defacement, ibig sabihin po, kinuha iyong website, binago pero mabilis naman pong nakapag-react ang mga government agencies po. Para po mailagay natin sa perspective iyong 19, iyong 19 po out of almost 60,000 apps and website ng bansa so maliit lang po iyong naging epekto nito.
Walang naitalang matagumpay na cyberbreach din po mula sa overseas o tinatawag po nating “nation state actors,” ligtas at maayos ang lahat ng critical government systems. Bagama’t may ilang insidente ng karahasan sa lansangan gaya ng pagsunog ng sasakyan, paghagis ng bato/Molotov, napanatili ng pamahalaan ang kontrol sa sitwasyon sa tulong ng kapulisan at mga katuwang na ahensiya.
Sa kabuuan, pinatunayan ng pamahalaan na epektibo ang Oplan Cyberdome at ang matibay na kooperasyon ng DICT, law enforcement, telcos, social media platforms, cybercommunity at pribadong sektor. Pinakita po natin na kaya nating igalang ang malayang pagpapahayag habang sabay-sabay na pinapangalagaan ang kapayapaan upang siguradong maligtas po ang lahat.
Magpatuloy po ang ating monitoring at patuloy din po ang pagbibigay namin ng update sa inyo. Maraming salamat po, Usec. Claire. Nandito po ako para sumagot ng mga tanong mamaya po.
DILG SEC. REMULLA: Good morning.
As of 11 A.M. yesterday, the President and I were in touch constantly every 20 minutes to assess the situation. He was in a secured facility inside the compound monitoring every single step. At approximately 2 P.M. while I was at the Command Center in Camp Crame, he called me and asked me to personally assess the threat level that was going on in Ayala Bridge.
The anarchists burned a container truck that was put by the PSG to block the entrance of the Ayala Bridge. Subsequently at around 3:30, the corner of Mendiola and Legarda I think at 3:30, the crowd… our crowd of approximately 5,000 converged at that corner. The President’s directive, very explicitly stated that the PNP shall act with maximum tolerance and with maximum tolerance, they only had their right gear and no firearms. I repeat: The approximate 4,000 policemen deployed to contain the rally had no firearms on them, except for the SWAT group that was in the vicinity. The purpose of having no firearm is because when you engage a crowd, the chances of your firearm being pulled from you and being used against you is very high.
Having said that, number one, there was no discharge of weapon from any PNP official. I repeat: There was no discharge of weapon.
Number two, there was no teargas used by the PNP. All the soldiers, all the policemen behind had instructions – use maximum tolerance. So, they had no teargas and they had no firearms.
Number three, only when the mob was throwing Molotov cocktails did the police push back, that crossed the line. When rocks were thrown, you could shield yourself but Molotov cocktail crosses the line. That can cause death. Having said that, the police pushed back, pushing back using maximum, still maximum tolerance and one by one, they were apprehending the characters who were throwing rocks, Molotov cocktails or engaging them physically.
After the arrest, after all had been said and done, the protest subsided at around 5:30 P.M., after which we ascertained that the following happened: There was an arrest of 216 individuals comprising of 127 adults and 89 minors.
The minors were characterized as following: Sixty-five were children in conflict with the law and 24 children at risk. What is the difference? Children in conflict with the law is 15 to 17; children at risk is 14 and below.
Of the 216 that were arrested—we’d also like to report that 95 PNP personnel were wounded, some of them serious, requiring medical attention. They were brought to the PSG station here in Malacañang and also to the PNP General Hospital for further treatment.
Now, I would like to commend the PNP for their performance yesterday. They acted according to law. They acted according to instructions. I would like to debunk the rumors going around that someone died, that there was a death – there were zero casualties. I repeat: There were zero casualties. What is spreading around in social media is fake news. There were however people who got hurt. None of the protesters were seriously hurt. I repeat, none. By seriously, I mean that they would have to be hospitalized. The police got hurt more than the protesters, and that is something notable to everyone.
Nakakaawa po ang mga pulis natin – binuhusan ng tubig galing sa kanal; binato ng hollow block; binugbog; at binato ng Molotov cocktail, nasusunog sa tabi nila. Pero ganoon pa man, walang ginamit na dahas laban sa mga raliyista. Sayang naman ang efforts ng buong Pilipinas na nagprotesta, the sixty-five or so thousand that protested and aired their grievances which the President duly respected their right to do so. Their right to grievance was marred by maybe a group of 1,000 hooligans who wanted nothing but to spread anarchy.
The first ‘children in conflict with the law’ interviewed said that they had intended to burn the Palace. They had intended to burn the Palace; however, they cannot take that at face value because these were children in conflict with the law and we still needed the DSWD to process them. So, for the part of their intent will come out in the next few days after the interrogation of all those held. The suspects are all held at the MPD station where they are undergoing processing. The minors are being interviewed by the DSWD to determine whether they will be tried as adults in the coming months.
So, that is my report for all of you. Thank you very much.
PNP ACTING CHIEF LT. GEN. NARTATEZ JR.: Magandang umaga po sa ating lahat – ang ating SILG, DICT and our spokesperson, ma’am, magandang umaga, and our press from Malacañang.
Sinabi na po ng ating butihing SILG, SILG Jonvic Remulla, ang pangyayari. Isa lang po ang masasabi ng Philippine National Police, ang Philippine National Police ay naghanda sa ganitong aktibidades na idinaos coinciding with the 53rd anniversary of the declaration of Martial Law. And with that preparation, we have utilized about 50,000 nationwide na kapulisan; half of those police were in Metro Manila. And not only the personnel were used but the different resources of the Philippine National Police, the logistics and the finances that we need to secure this activity particularly the protest rally of individuals and groups.
As a whole, it turned generally peaceful, attended by about 84,000 nationwide po iyon na mga protesters divided into several groups. In Metro Manila, there are 16 areas, and in totality, 130-plus areas po iyon. And so, those are the deployment and utilized resources of the Philippine National Police.
And, of course, we were supported by the different local government units, napakaimportante po niyan because of the equipment that needed especially in responses that be needed and especially in the contingencies na ginawa ng ating mga kapulisan lalung-lalo na po ang ating National Capital Region and the five districts in Metro Manila.
And with that, it is very unfortunate na mayroon, nagkaroon po ng mga isolated incidents particularly in Ayala Bridge and another two incidents in Mendiola, that was when the group of protesters in Luneta ay pupunta po, supposed to be papuntang EDSA Shrine where a group of …marami po doon na raliyista. But they were stopped, of course, here in Malacañang area particularly passing through Ayala Bridge and more particularly two incidents in Mendiola. In-ensure po natin ang deployment dito lalung-lalo na this is in the seat of power, nandito po ang kanilang pinupuntirya, nandito po ang Malacañang area. And so, hindi po sila nagtagumpay sa kanilang—pinayagan po natin silang makapasok sa Mendiola at a distance but they had pushed their way going inside.
And so, with that violence, so unfortunate na nagkaroon ng violence, nambato and so and so forth leading to arrest of a bunch of … tingnan natin terorista ang tawag doon or word ng ating butihing secretary that breached the peace and order especially kakaunti lang sila, about … they were monitored to be about 300. It is very unfair for the rallyists particularly iyong nandoon sa Luneta and nandoon sa ating EDSA Shrine and People Power Monument na napakatahimik po. At nagpapasalamat kami sa kanila in the cooperation and cleansing the ranks.
The investigation will be a continuing one, such that we will—for sure, the tracks of these 200 or 300 including the arrested personalities whether they are minors and/or of legal age, mapa-file-an po natin ng kaso. Certainly, they have left tracks. Sinabi na po ng ating DICT, and working with DICT at mayroong kapasidad din po ang Philippine National Police, certainly they have left tracks from the moment that they have committed this act during the actual rally up to the time that they were recruited for whatever purposes. Magandang umaga po.
MARICEL HALILI/TV5: Magandang umaga po. Secretary Remulla, tukoy na po ba natin kung anong grupo involved itong mga nahuli, isang grupo lang ba sila, magkakaiba?
DILG SEC. REMULLA: Hindi, scattered kasi ang…again, as Secretary Aguda said, it started online and then they used the Black Piece motif to assault the Palace. Buti na lang hindi sila pumunta sa People Power Monument at doon nanggulo kasi kung doon nangyari, mas marami ang masasaktan. Dito naman kung Mendiola lang, mako-contain talaga ng PNP at PSG ang lahat ng iyon.
MARICEL HALILI/TV5: Pero what are the chances or tukoy ba natin kung sino iyong mga posibleng nag-utos especially doon sa minors na mag-start ng violence?
DILG SEC. REMULLA: Wala pa. Wala pa po. DICT is working on it. They are ascertaining kung sino ang may-ari ng website, kung saan nanggagaling. And habang nagta-tactical interrogation pa ang mga bata, malalaman natin kung ano talaga ang nangyari.
MARICEL HALILI/TV5: Ano po iyong plano nating isampang kaso especially doon sa mga adults?
DILG SEC. REMULLA: Nandiyan iyong arson, nandiyan iyong grave physical injuries and we can go as far as sedition. Iyong statement lang nila na “We intend to burn the Palace. Gusto naming sunugin iyong Palasyo” is a seditious act in itself.
MARICEL HALILI/TV5: Salamat po.
TUESDAY NIU/DZBB: Good morning. To Secretary Remulla or PNP Chief. Nabanggit ninyo, Secretary, na zero casualty tayo from the protest yesterday.
DILG SEC. REMULLA: Yes.
TUESDAY NIU/DZBB: But today, sir, nag-confirm po si DOH Assistant Secretary Albert Domingo, mayroon daw pong isang lalakeng namatay because of the rally – sinaksak daw po. So, papaano natin iaano iyan?
DILG SEC. REMULLA: Ang information namin kahapon doon sa site mismo ha at during the altercation, there was no … wala kaming nakitang ganoon. Kung may nasaksak man, iyan ay hindi na galing sa PNP iyan kasi walang kutsilyo ang PNP eh. So, I would suppose it was one of the anarchists who stabbed him if it were the result of the rally. But during the rally itself, all the ambulances were there. We monitored where they went, at wala kaming nakita na nasaksak.
TUESDAY NIU/DZBB: Follow up lang, sir. May nabanggit po si General Nartatez kanina na parang tinitingnan din po ninyo na as terrorist iyong mga nagsagawa noong mararahas na aksiyon kahapon including iyong burning of the van or iyong sasakyan po diyan sa Ayala Bridge and then iyong pananakit sa mga pulis and other civilians. Can we call them terrorists, sir? Papaano ba, sasampahan din ba sila ng kasong terrorism?
PNP ACTING CHIEF LT. GEN. NARTATEZ JR.: It will be result of the continuing investigation as iyong ebidensiya po ay tinitingnan natin. So, that’s why maybe it can lead to terrorism or violation of the Anti-Terrorism Act.
With regard to the reported death, wala pa pong nakarating sa ating himpilan ng pulisya lalung-lalo na dito sa Manila Police District about death. If this was reported to have a stab wound then our police will investigate that for sure. What’s so important is as of now we don’t have report of death through gunshot wounds. Kasi iyon ang importante, iyong gunshot wound and the reported casualty or the reported na mga nasaktan yesterday up to last night were contusions and lacerations.
Lalo na sa police, there are not less than 70, mayroon pa iyong may malaking laceration dito sa kamay dito, so about four inches siguro iyon. Iyong laceration na iyon accordingly kasi buhay iyong pulis eh, in-struck siya ng tubo na mahaba na medyo sharpen doon sa dulo – that caused this lacerated wound; and a lot of contusions from among the not less than 70 police.
ALVIN BALTAZAR/RADYO PILIPINAS: Good morning po, Chief PNP and DILG Secretary. Secretary, General Nartatez, even before na nangyari ito, iyong kahapon, mayroon na ba tayong intel report na natatanggap na may ganitong mangyayari? And nakuha ba sa intel report na may plano talagang lusubin ang Malacañang?
DILG SEC. REMULLA: Yes. We had intel report and that’s why an additional phalanx of security was introduced into the roads leading to Malacañang. We knew that they would try, they would attempt, we had a suspicion that they would use violence, pero ang directive talaga ng ating Pangulo is use maximum tolerance.
We will not allow anarchy to prevail over the government, so ginawa namin ang lahat at nagtagumpay naman iyong plano namin.
ALVIN BALTAZAR/RADYO PILIPINAS: Secretary, follow up lang doon sa sinabi ninyo kanina doon sa mga naaresto. Can you give us a profile ng mga naaresto – tagasaan ba sila at ito ba ay hinakot?
DILG SEC. REMULLA: We’ll know more after they are processed kasi isa-isang kinakausap iyan eh. But mostly are from Manila, iyong malapit lang na lugar, naglalakad lang papasok-pasok. So, mostly from Manila.
ALVIN BALTAZAR/RADYO PILIPINAS: Secretary, isa na lang. Sa isang interview sinabi ni Manila Mayor Isko Moreno, na iyong gulong nangyari kahapon ang nasa likod ay isang dating politiko at saka isang abogado. Without naming names iyon din ba ang lumalabas sa intel report?
DILG SEC. REMULLA: Hindi pa namin pinag-aaralan. Iba iyong nakikita naming suspects pero iba rin ang sources ni Mayor Isko eh. So, we will verify his allegations.
ALVIN BALTAZAR/RADYO PILIPINAS: Salamat po, Secretary.
CLEIZL PARDILLA/PTV4: Good morning po, Secretary. Secretary, you’ve mentioned earlier na posibleng may nag-utos. Does it mean that some of them were paid?
DILG SEC. REMULLA: We are studying the matter. Sa ngayon, wala kaming nakikitang pera na malaki na hawak nila. Habang nandudoon wala kaming nakitang distribution but nothing is ruled out na according to the [inaudible] na nakikita namin ay pinag-aaralan pa namin. Pero mayroon kaming isang narinig na rally doon sa Bonifacio Monument sa Liwasang Bonifacio na sinabi noong may hawak ng mic, “Oh sandali na lang, pupunta na tayo ng Mendiola, dalahin ninyo na ang mga lighter ninyo.” So, that was confirmation na they had intent to burn the Palace.
CLEIZL PARDILLA/PTV4: Kay Secretary Aguda. Sir, anu-ano pong mga major websites ng government iyong na-hack at can you confirm na wala naman pong personal information ng ating mga kababayan iyong nakuha? Thank you.
DICT SEC. AGUDA: Of the 19 na nabanggit ko na na-deface karamihan iyon LGUs, apat iyong NGAs or National Government Agencies. Iyong mga na-compromise naman sa kanila ano lang eh like training modules, complaint platform et cetera and all of them naayos kaagad kasi prior to this weekend we already have a list of government agencies na nasa target list nila. So, iyong apat na iyon inconsequential iyong nangyari sa kanila.
The other attacks na ginagawa nila is DDoS, they are trying to overwhelm some of the websites. And so far naman, madali namang naayos. To date, wala pa kaming verified report of exfiltration. So, wala pang personal information na nawala.
And siguro idadagdag ko na rin doon sa sinabi ni Chief kanina on the terrorism side, kung mapatunayan po na terrorism iyong crime na nagawa, iyon pong nasa mga online/iyong mga nag-organisa po sa online, gumamit ng digital platform to resort into violence kasama po sila, hindi komo wala sila physically doon hindi sila damay. So, damay sila kasi nagsimula po iyan nag-organisa sila online eh. Salamat.
CHRISTIAN YOSORES/DZMM: Good morning po. Puwede po si DILG o sa PNP Chief, sir. Are we expecting po ba na may karagdagang mga pulis sa mga kalsada natin in the coming days or weeks following the incident kahapon? Kasi po ang pangamba po ng ilan, baka po maulit ulit iyong mga nangyari kahapon, may mga mambulaga po ulit na sumugod dito po sa vicinity or compound ng Malacañang?
PNP CHIEF PLTGEN. NARTATEZ: The presence of police officers on the street is a continuing one, lalung-lalo na we employ/deploy police officers according to pangangailangan. So for example, here in Metro Manila, we heightened our alertness and we increased visibility especially on threats like for example in vital installation, number one is Malacañang, and so we will increase the number of public safety forces here especially the police.
SAM MEDENILLA/BUSINESS MIRROR: For Secretary Remulla po. Will the national government or LGUS helps businesses defray the cost of looting and destruction of property in Mendiola?
DILG SEC. REMULLA: That is an LGU matter to determine. They will give us a report kung ano ang nangyari doon. But from our assessment, there were two motorcycles that were burned; there is one Starex van that was burned also; and the SOGO motel was raided and their cash vault was taken by them. So, we still have to determine the exact amount, but the looters who went inside the SOGO motel had black mask on.
SAM MEDENILLA/BUSINESS MIRROR: Follow-up, bale hindi po siya magiging under sa DILG?
DILG SEC. REMULLA: Not yet, City of Manila ang magri-report sa amin niyan, tapos we will see what we can do after.
ANN SOBERANO/BOMBO RADYO: Sec, tanong ko lang, it’s either si Chief PNP or ikaw. Sec., may natanggap po bang intelligence report ang DILG o ang PNP na may mga terror groups ang gustong manabotahe po sa rally kahapon?
DILG SEC. REMULLA: Yes, that is why all contingencies were considered. Our biggest fear, that did not happen, was if someone who would incite violence during the People Power Monument rally because the intent of the people there were peaceful. The intent of the people there were to hear their grievances. The President encouraged them to go and heeded their message. He is listening to them. Alam naman niya, nakikinig naman siya eh at alam niya na papunta roon. Our biggest fear was that there will be instigation there, buti na lang sa Mendiola nangyari at mas nako-contain namin iyong situation.
ANN SOBERANO/BOMBO RADYO: Sir, itong terror group, is it international or local terrorist group?
DILG SEC. REMULLA: Local.
ANN SOBERANO/BOMBO RADYO: Sir, isa pa. Kumusta po iyong status, ano po iyong status ng alert level dito po sa Malacañang?
DILG SEC. REMULLA: Malacañang always maintains one threat level. It is never downgraded. As long as the President—being the seat of power of the country, the threat level is just one, it’s always high.
ANN SOBERANO/BOMBO RADYO: Last na lang, sir. Itong local terrorist group po ba, sir, is Abu Sayyaf or mga Maute terror group? Possible po ba silang may kinalaman dito? At ano po ba iyong strength po nila ngayon na para makapanghikayat po ng ganitong kaguluhan?
DILG SEC. REMULLA: The threat of the terrorist was more of a bomb that would go off in Luneta or in the People Power Monument. But with the vigilance of our PNP to look at the situation, because we had 400 policemen on the ground dressed in plain clothes to see what is going on and to assess, and the vigilance paid off and none of it transpired. Safe to say, we are still investigating according to our intelligence report and we will come out with a report pretty soon.
CHLOE HUFANA/BUSINESS WORLD: Good morning po. Kay PNP Chief po, sir, quick question lang po. Does the PNP think po na these violent protests will spread pa po or this is just going to be a one-time event?
PNP CHIEF PLTGEN. NARTATEZ: Katulad ng sinabi, if there were intelligence report about terrorism or act of terrorism, here in Malacañang areas specifically, sagutin ko uli kanina, this is the seat of power, whether there is no threat or there is threat, these premises, this vital installation is given the highest security. So nandito po ang PNP, nandiyan po ang Armed Forces of the Philippines lalung-lalo na iyong Presidential Security Command.
And so, about the threat, continuously ina-assess po natin iyan. We have different threat group – we have the communists terrorist group; we have the local terrorist group, lalo na kung may spill over from Mindanao going here, especially we have elections in Mindanao; we have the Islamic terrorist group. We have the BIFF, the DI/Hassan, DI/Maute and other threats like for example, our situation in the West Philippine Sea.
So pinag-aaralan po natin lahat iyan such that there are several contingencies that we have done before the conduct of these protest rallies. We have already have made our surveys. We have engaged the community around Metro Manila kung saan sila kumukuha ng mga raliyista ay ini-engage po natin iyan. And we have conducted several police operations to enable to deny iyong maging presence ng firearms at the same time explosive materials. If you are going to look at the, number one, is iyong LRT natin, marami pong naka-deploy na mga police doon especially we have coordinated with DOTR such that mayroon iyong X-ray machines doon at nagagamit, and other police operations that we have done.
CHLOE HUFANA/BUSINESS WORLD: Thank you, sir. Kay Secretary Aguda po, sir. Pasensiya na po, lilihis po ako sa topic ng rally. Sir, about Konektadong Pinoy po sana, sir. Sir, kailan po natin i-expect ang IRR? At ano po iyong sinasabi ng mga telco companies natin na gusto nilang makita sa IRR?
DICT SEC. AGUDA: Doon sa IRR, ang schedule natin for Konektadong Pinoy is first week of October. We have had several consultation meetings with them already and iyong mga telcos naman ang gusto lang nila is a fair participation in the crafting of the IRR. And isa doon sa napag-usapan, doon sa IRR is how do we increase our ability in the telcos phase to reduce harmful effects of the internet. Isa na po itong nakita natin over the weekend, nagsimula po ito doon sa black mask. Nag-organize sila online and unfortunately it translated into violence in the street. Kung hindi po naagapan ng DILG at ng PNP, di hindi po sana magiging kasing peaceful iyong nangyari this weekend.
So ganoon po, doon sa Konektadong Pinoy, uulitin ko po, kasama diyan iyong how do we create a better governance around the internet so that we can minimize the ill-effects kasama na po diyan iyong prescribing violence over the internet eh. So, first week of October, tuluy-tuloy naman po, iyong mga telco naman po ang nakiki-cooperate.
CHLOE HUFANA/BUSINESS WORLD: Follow-up na lang po. May mga foreign telco companies na po ba ang nag-express na gusto nilang pumasok sa Philippine market?
DICT SEC. AGUDA: Mayroon. Siguro may tatlong malaki, hindi ko na pangalanan dahil ayaw nating pangunahan sila, pero marami ring lokal. Ang kagandahan po niyan, anywhere from an LGU who wants to serve their locality better to private companies that are in the Philippines already ay marami po. All of them are coming together to participate in Konektadong Pinoy para naman maabot iyong gusto ng Presidente natin na connectivity everywhere in the Philippines and affordable connectivity to all Filipinos.
CHLOE HUFANA/BUSINESS WORLD: May range po kaya tayo, sir, kung ilan?
DICT SEC. AGUDA: Ang mag-a-apply, iyong gusto? Siguro more than a dozen na iyong nag-express. And since wala pa iyong IRR, we expect that to increase further kapag lumabas na iyong IRR.
EDEN SANTOS/NET 25: Kay PNP Chief po at kay DILG Secretary. PNP Chief, sir, kahapon po iyong naging marahas na rally ng mga kabataan sa bahagi ng Ayala Bridge at sa Mendiola, nagulat po ba iyong ating mga pulis dito sa kanilang biglang pagsugod and doon din po sa Mendiola?
PNP CHIEF PLTGEN. NARTATEZ: Of course, nagulat tayo. But we are expecting that to happen especially we have made our contingencies. Kasi may mga contingencies iyan – how if kung may nangyari na ganito, how if kung may nangyari doon, that is why mayroon tayong PNP personnel deployed at that area. In fact, mayroong mga barricades, etc., at may mga contingencies na gagawin. So, when that thing happened, mayroon tayong aresto.
EDEN SANTOS/ NET25: So, marami po kasing mga nasugatan pulis ano. Kay DILG Secretary, Sec., sa laki po ng intel fund ng Office of the President, hindi po ba natin agad natukoy kung sino iyong mga grupo sa likod nitong marahas na rally sa Ayala Bridge at sa Mendiola po? Ito’y mga galing sa Luneta, kasama po sila sa mga nag-rally doon.
DILG SEC. REMULLA: Actually, alam namin kung anong grupong iyan pero hindi pa namin puwedeng sabihin kasi iyong actual participants, kino-connect pa namin sa kanila. So, you give us a few days at we will confirm after all the interviews and the interrogation are done.
EDEN SANTOS/ NET25: So, may political group po ba dito sa mga nasa likod ng marahas na rally na ito po kahapon?
DILG SEC. REMULLA: We will confirm after all the interviews are done.
EDEN SANTOS/ NET25: Sec., sa tingin ninyo po ba iyong mga nag-rally, iyong mga kabataan, may kasama pang mga menor de edad are capable to burn the Malacañang using the lighter na sabi ninyo po kanina nabanggit ninyo nagdala sila ng lighter?
DILG SEC. REMULLA: The capacity to burn the Palace is very difficult, but the intent was there. So, we have to separate the two of them – iba iyong capacity and intent. So, mahirap gawin iyon eh, iyong gusto nilang mangyari at hindi kami papayag, pero gusto talaga nila by showing that they have Molotov cocktails ready.
EDEN SANTOS/ NET25: So, kaya pong sunugin ang Malacañang gamit po iyong Molotov, iyong lighter?
DILG SEC. REMULLA: Well, kung napasok nila siyempre. Iyong lighter naman para sa Molotov iyon eh. Kung lighter lang, siyempre hindi makakasunog iyon ‘di ba. Pero ayon iyong gusto nila ‘di ba. So, kung nakapasok sila at hindi pinigilan, siyempre kaya nilang gawin iyon. Pero hindi kami papayag doon, na mangyari iyon.
EDEN SANTOS/ NET25: Last na lang pong question. Ano po iyong puwedeng maging liability, kung mayroon man po, ng mga organizers ng rally sa Luneta, since karamihan po doon sa mga kabataan na nakaitim na mga suot may mga nakamaskara at naka-bonnet ay galing po doon sa kanilang mga rally sa Luneta?
DILG SEC. REMULLA: We will label them as terrorist. And as far as sedition, puwede namin i-charge sa kanila. We’ve proved it already.
EDEN SANTOS/ NET25: Ito pong Makabayan bloc, ganoon po ba, iyong mga militanteng grupo?
DILG SEC. REMULLA: Wait for the—again, wait for it to be confirmed. And the DOJ has standards of reasonable certainty of conviction before we file the case. So, idi-develop pa iyong case para sa kanila.
EDEN SANTOS/ NET25: Last na lang po. Doon po sa Liwasang Bonifacio, may mga nag-rally din po doon, may pumunta rin po ba dito sa Mendiola at Ayala Bridge?
DILG SEC. REMULLA: Yes, around 300 of them, pumunta dito.
EDEN SANTOS/ NET25: Thank you po.
KATRINA DOMINGO/ABS-CBN: Hi, sir. Good morning. For Secretary Aguda. Sir, can we name the 14 websites that were defaced?
DICT SEC. AGUDA: No, 19 iyon.
KATRINA DOMINGO/ABS-CBN: Sorry, stand corrected.
DICT SEC. AGUDA: Sige, iyong 19 doon, four doon is national government agencies; iyong the rest, mga LGUs. Sige iyong 14, iyong PRISM, iyong isang educational platform ni ARTA but that’s been fixed. I think one of them is BOC pero sandali lang iyon eh, hindi ninyo halos naramdaman eh. The other one is—there was once sa DICT pero mabilis din na naayos, hindi ninyo rin halos naramdaman. The fourth one is DEPDev, it’s a—informational lang siya, tapos naglagay lang sila ng logo nila, tapos again na … kaya nga hindi ninyo halos naramdaman eh. Iyon lang ‘yon, and there were in the list of agencies na we’ve been monitoring already.
KATRINA DOMINGO/ ABS-CBN: Sir, what is the common denominator among the agencies that were included in their initial target list that you got in advance?
DICT SEC. AGUDA: So, ang common denominator is the actor called Anonymous PH, so doon namin na-track down. And the chatter in the cyber security community is pointing to them. Although, I’ve reached out to them, sabi nila hindi daw sila. So, sabi ko eh di disavow ninyo. Well, there’s a person of interest right now that we’re pursuing. We are coordinating with the law enforcement. And iyon na lang, in the next coming days or weeks siguro we’ll give you an update. So, iyon ‘yung common, iyong common doon sa mga iyon.
KATRINA DOMINGO/ABS-CBN: Sir, but as for the intent, what is the common among these websites, bakit sila po iyong napili na 19 among the many government agency websites?
DICT SEC. AGUDA: Kasi iyong—all the other government websites started reinforcing their cyber security platform. Hindi mo kasi masabi kung may na-implant na sa loob iyan before eh. I think what they tried to do is kung sino lang iyong mapasok nila, iyon na ‘yung pinasok nila. There’s no common intent. There’s also breaches na nangyari over the weekend—no, not breaches, attempts to breach, 1.4 million iyong nakita namin na attempts. Ang dami niyan. And kung makikita ninyo, apat lang iyong nakalusot. So, kudos to the people of the CICC from the DICT, at saka iyong cyber bureau natin at saka iyong NCERT (National Computer Emergency Response Team) and together with the law enforcer, so they started working as early as last week pa to secure all of this.
KATRINA DOMINGO/ABS-CBN: Sir, may na-trace na rin po ba kayo kung saan nanggaling iyong disinformation campaign surrounding the rallies yesterday, especially doon sa Recto and Mendiola?
DICT SEC. AGUDA: Yeah, so again, Anonymous PH. Pero iyan kasi isang community ng hacktivist iyan, so it’s a collective. So, kami naman, ayaw naming pangunahan kung sino iyong indibidwal na iyon kasi we need to verify. But it’s not one person; it’s a group; it’s a collective, and matagal nang ano naman iyan eh, gumagalaw sa Pilipinas iyang mga iyan. Tapos may mga from the outside pero hindi naman nakapasok, nag-attempt lang po, pero hindi naman nakapasok sa Pilipinas. That’s why no successful breach can be traced to a nation actor or an overseas entity.
KATRINA DOMINGO/ABS-CBN: Sir, last from my end. Can you give us a brief profile even in broad strokes ng person of interest ninyo na tinitingnan?
DICT SEC. AGUDA: Well, he’s in country, iyon lang siguro. And I think I will defer giving additional information para hindi naman ano, hindi naman masayang iyong investigation process.
KATRINA DOMINGO/ ABS-CBN: Sir, clarify lang namin: “He,” lalaki po?
DICT SEC. AGUDA: He/She.
AILEEN TALIPING/ABANTE: Kay Secretary Remulla po. Sir, anong liability noong nagsalita sa EDSA Shrine na magdala ng lighter doon sa nangyari kahapon?
DILG SEC. REMULLA: Liwasang Bonifacio. It can go from arson to sedition, so we are studying the matter.
AILEEN TALIPING/ABANTE: Another question. Nanawagan si Chavit Singson nitong weekend sa mga kabataan na lumabas at sumama sa rally para makita, maramdaman ng gobyerno iyong disgust. May impluwensiya ba iyong panawagan niyang iyon sa nangyari kahapon?
DILG SEC. REMULLA: Siguro siya lang ang makakasabi noon, hindi kami. And we’re happy that he asked the youth to come out kasi iyon nga iyong purpose noon eh, to air their grievances. Safe to say, that the President heard what was going on and he heard the grievances of the people and he is acting swiftly to connect everything, an institutional change that he wants to do this is in the process of being done.
AILEEN TALIPING/ABANTE: Hindi ba iyan matatawag na inciting to sedition?
DILG SEC. REMULLA: Hindi naman.
AILEEN TALIPING/ABANTE: Panawagan lang?
DILG SEC. REMULLA: Nang-imbita lang siyang pumunta sa rally. Hindi niya naman sinabi na ipabagsak ang gobyerno o patayin ang … may patayin na tao, hindi naman siguro.
AILEEN TALIPING/ABANTE: Okay. Thank you, sir.
MICHELLE GUILLANG/ALL TV: Hello po. Good afternoon, Secretary Remulla. Ang question lang po, records show that there around 70 policemen who were wounded.
DILG SEC. REMULLA: Ninety-five, I think.
MICHELLE GUILLANG/ ALL TV: Sorry, 95 policemen were wounded. Given this fact, Secretary, can we still say that the September 21 protest was generally peaceful?
DILG SEC. REMULLA: Yes, because none of the legitimate protesters were hurt in the sites all around the country. It was only a few who tried to incite violence near the Palace that were arrested. So, the protest was not limited to EDSA Shrine and Luneta and the People Power Monument – all around the country, there were separate venues and all of them were very peaceful.
MICHELLE GUILLANG/ALLTV NEWS: One more question, Secretary. Ang nangyari po kahapon ay protesta laban sa korapsiyon dahil sa flood control projects pero naging marahas po iyong mga nagprotesta sa Ayala, sa Mendiola, sa Recto. Sa tingin ninyo po, Secretary, bakit ang pagsunog sa Palasyo iyong naging motibo ng mga naging marahas kahapon?
DILG SEC. REMULLA: Well, obviously they had different intentions. They did not intend to peacefully air their grievances as allowed by law but what their intentions were, we will determine in the next few days. I mean, how would they assemble, who assembled them or what… how the process went, we will determine in the next few days.
MICHELLE GUILANG/ALLTV NEWS: Sir, sorry, pahabol na lang. Iyong 300 people na sinabi ninyo kanina, na-establish ba natin na iisang grupo sila galing?
DILG SEC. REMULLA: Ah, hindi naman. Hindi naman, so we’re still determining until now.
MICHELLE GUILANG/ALLTV NEWS: Ah, so hindi po isang grupo?
DILG SEC. REMULLA: We will determine in the next few days.
IVAN MAYRINA/GMA NEWS: For Secretary Aguda, sir. Nabanggit ninyo ho itong Anonymous PH at iyong—sila rin ba iyong nasa likod ng Black Mask Movement? Tama ho ba?
DICT SEC. AGUDA: Iyon ‘yung intel namin. It’s pointing towards them.
IVAN MAYRINA/GMA NEWS: At hindi naman ho sila new player? What can you tell us about their associations? Mayroon ho ba silang pinu-push na advocacy, ideology perhaps, sinusuportahang political personality?
DICT SEC. AGUDA: Iyong mga hacktivist naman, usually they… sinasakyan nila iyong cause ‘di ba. Usually, they express their protest in the cyberspace. So, dati may makikita kayong mga website defacement, pagha-hack noong mga government website, nati-trace sa kanila. Ito iyong first incident na nakita namin na nag-organize sila sa web tapos na-translate into violence kaya nga iyong word na ‘terrorism’ is aptly associated with them.
Para lang mabigyan kayo ng konteksto, last week pa po through working with the telco and the social media platforms, sila CICC po tina-track na iyong Black Mask na movement. Naglalagay po sila noong how to create a Molotov doon sa web, hindi ninyo lang masyadong nakikita dahil si—I’d like to acknowledge po iyong mga social media platforms, they proactively take it down. Siguro iyong nakikita ninyo na lang ngayon sa web is about 3% of all the toxic and violent posting nila, marami po iyon.
Tapos sila rin po iyong, well hindi ko na iano, sila iyong nagku-compromise noong mga privacy noong mga tao, pinu-post sa web, nag-i-incite talaga ng violence. Iyon po ay bawal, bawal po rin sa community standards noong mga social media platforms. And iyon na nga, our intel is pointing to that organization, it’s a collective so it’s not one person, not one organization but we have, as I’ve said, some persons of interest already. Iyon po.
Before this weekend, nagbi-buildup na iyong ano and let me add. As of 2 o’clock when I gave my update to the cabinet, peaceful pa po tayo, 2 o’clock wala pong karahasan. Tapos siguro mga bandang, Sec., mga 3 – 3:30 ‘no, bandang 3:30 nagkaroon na ng gulo. And, during that time, doon po kami may na-monitor na mga chatter, may chatter na po sa internet and iyong mga iyan minsan nag-o-organize using Facebook live. So, magpi-Facebook sila sasabihin nila, “O, dito kayo mag-login sa link na ito,” tapos doon sila nag-o-organize. ‘Pag may nakita po kaming ganoon, shina-shutdown namin kaagad. Pero minsan mabilisan eh so bigla na lang… parang bang ano, flashmob ang nangyayari. Alam ninyo na iyong flashmob ‘di ba, iyong parang nagpa-flashmob sila.
So, kaya po kami doon sa internet, iyong kampanya namin to clean the internet of harmful products, harmful services, harmful tendencies pinapaigting po natin dahil nakita ninyo na po iyong resulta over the weekend. Mapayapa po iyong gathering, mapayapa po iyong rally tapos biglang nahaluan ng ganiyan, sayang naman.
CLEIZL PARDILLA/PTV: Secretary Remulla, may DILG Pag-asa Expo ang Manila City Jail po kayo. Can you tell us about it briefly lang po?
DILG SEC. REMULLA: Oh, it’s about giving hope to the PDLs there. It’s a noble program, training them for life after their deprivation of liberty and it’s being showcased all around the country now.
PCO USEC. CASTRO: Thank you very much, Secretary Jonvic Remulla, Secretary Henry Aguda and PNP Chief General Nartatez Jr.
Kanina sa tanong patungkol kay Chavit Singson, ang gusto po ng Pangulo ay managot ang lahat ng maaaring managot at lahat ng maaaring sangkot sa marahas na nangyari. Iilan lamang pero naging marahas ang ilan sa naging rally nitong Linggo. So, tayo na po ang makikiusap sa pamunuan po especially kay Secretary Jonvic Remulla, kay Acting PNP Chief General Nartatez Jr. and, of course, sa DOJ na busisiin mismo ang mga sinabi ni Mr. Chavit Singson. Dahil doon, inakit niya ang mga kabataan especially high school students, college students at karamihan dito malamang ay mga menor de edad upang malaman nila at inanyayahan nito na huwag pumasok sa eskuwelahan.
At habang hindi bumababa ang mga taong gusto nilang pababain, at sila pa—at si Mr. Chavit Singson pa ang nagsabi na hayaan ng mga magulang ang mga batang ito na tumayo para sa isang rebolusyon para sa korapsiyon. So, dapat maimbestigahan ito upang malaman kung siya ay maaaring makasuhan ng inciting to sedition.
Maari na po akong tumanggap ng inyong mga katanungan.
KATRINA DOMINGO/ABS-CBN: Ma’am, may we know the President’s reaction to the violence that happened in Recto and in Mendiola which are areas very close to Malacañang? Ano po iyong kaniyang marching order bukod doon sa nasabi ni Secretary Remulla earlier to get at the bottom of the mess?
PCO USEC. CASTRO: Muli, nasabi na rin po ni Secretary Jonvic Remulla pati na po ni Acting PNP Chief General Nartatez Jr. kung ano po ang dapat na gawin. Maaaring hindi ito mangyayari isang beses pero mas gugustuhin natin na hindi na muling mangyari. Pero handa po ang kapulisan at ang administrasyon sa mga ganitong pangyayari. So, huwag na po sila uli magtangka.
KATRINA DOMINGO/ABS-CBN: Ma’am, just a follow up question. Maliwanag po iyong naging panawagan doon sa mga legitimate rallies – they want accountability, they want politicians, all corrupt actors to be jailed. What policies are being drafted or put in place to make sure that the President heeds the call of the public to have concrete measures against corrupt actors?
PCO USEC. CASTRO: Binuo po ang ICI para siyang gumawa ng mas malalimang imbestigasyon. Hindi po makikialam ang Pangulo sa maaaring mangyari o maaaring gawin at maaaring maimbestigahan ng ICI members. Kung mayroon pong kasamang mga politiko rito, dapat pong sampahan ng kaso. Sinuman ang maaaring sangkot dito, lahat ng sangkot dapat masampahan ng kaso at dapat na managot.
CHZIANELLE SALAZAR/DZXL: Good afternoon po, Usec. May ilang magulang po na nasa harap ng Manila Police District na nagsasabi na iyong mga nahuli daw po na anak nila ay hindi po kasama sa gulo at nadamay lang po kaya po naaresto. Ano po ang reaksiyon ng Malacañang dito at plano po bang papanagutin ng pamahalaan itong mga magulang if ever mapatunayan po na sangkot iyong kanilang mga anak na minors doon sa nangyaring gulo?
PCO USEC. CASTRO: Unang-una po, iniimbestigahan po ito. Pangalawa, sila iyong magulang, dapat alam nila kung nasaan iyong kanilang anak. Dapat alam nila kung ano ang ginagawa ng mga anak nila during that time na nagkakaroon ng rally at itong mga marahas na pangyayari sa Ayala at saka sa Mendiola, Ayala Bridge at Mendiola. At kung mapapatunayan na may pananagutan ang mga menor de edad na ito, definitely dapat kasama po ang DSWD at mga social worker para malaman po ang maaaring nangyari at maaaring kinakasangkutan ng mga kabataang ito.
Hindi po naman sila agad-agad malilinis kung sila man ay menor de edad dahil mayroon pong kailangang intervention program na maisagawa; at kung sila ay 16 years old hanggang 17 years old, maaari po silang makasuhan. At kung mapapatunayan na they acted with discernment at makikita po na alam nila ang kanilang ginagawa, maaari po silang masentensiyahan pero magkakaroon ng suspended na pag-enforce ng anumang penalty na ipapataw ng korte, at maaari lamang itong isagawa kapag umabot na po sila sa edad na 21 years old.
MARICEL HALILI/TV5: Magandang tanghali po, Usec. Although it was mentioned already earlier that the President stayed in Malacañang yesterday, may we know who was with the President while he was monitoring? Ano pa po ang naging activities niya kahapon? Whole day po ba siya sa Malacañang, ma’am?
PCO USEC. CASTRO: Sinabi na nga po kanina ni Secretary Jonvic na siya ay nasa secured place sa loob ng compound, at kung sinuman po ang mga kasama niya ay hindi na muna natin muna ito masasabi. At, opo, maghapon po siyang nag-monitor.
MARICEL HALILI/TV5: And may we know kung anu-ano na po iyong activities ni PBBM today? Business as usual na ba siya?
PCO USEC. CASTRO: Opo, nagmo-monitor na po siya dito sa Bagyong Nando. At babanggitin ko na po ang kaniyang statement: “Nakatanggap tayo ng mga ulat mula sa iba’t ibang probinsiya ukol sa Bagyong Nando. Malalakas ang hangin na nararanasan ngunit sa ngayon ay hindi pa malakas ang ulan. May mga isinasagawang preemptive evacuation at tinutugunan agad natin ang pangangailangan ng mga nasa evacuation centers. Mahigpit nating minu-monitor ang sitwasyon at nakaalerto ang lahat ng ahensiya ng pamahalaan upang makapagbigay ng tulong saanman at kailanman kakailanganin.” Iyan po ang mensahe ng ating Pangulo.
MARICEL HALILI/TV5: Sorry, ma’am, last na lang. Does the President plan to visit NDRRMC or mayroon ba siyang mga private meetings today?
PCO USEC. CASTRO: Ngayon, ang sa ating pagkakaalam ay dadalaw po siya sa NDRRMC, at abangan na lamang po natin.
CHLOE HUFANA/BUSINESSWORLD: Good afternoon po, Usec. With public unrest rising, what is the plan to protect domestic and foreign investment from reputational risk? And what assurances can the Palace give to investors that corruption risks are being addressed effectively especially after the President’s pronouncement po during his SONA that foreign investors should go to the Philippines?
PCO USEC. CASTRO: Well, anyway, we all know that investors want to invest in countries whose leaders fight corruption, whose leaders are willing to put in jail people who are corrupt; and that is what the President is doing right now. Siya lamang po ang presidente na nagpapaimbestiga ng malawakang anomalya especially itong flood control projects kahit sa panahon ng kaniyang administrasyon.
Walang sinuman sa ngayon na nalalaman tayo na pinaimbestigahan niya ang sariling administrasyon; lahat halos ay nagmamalinis. Pero ang Pangulo ay matapang na lumabas upang ipaalam sa tao ang maaaring pang-aabuso sa kaban ng bayan. So, sa tingin natin, with that, we believe na lahat ng investors ay mas hahangaan ang Pangulo dahil lumalaban sa korapsyon.
CHRISTIAN YOSORES/DZMM: Magandang hapon po, Usec. You mentioned kanina na open kayo doon sa possibility na baka maulit ulit iyong mga protesta kahapon. Ano po ang marching order ng Pangulo sa mga law enforcement agencies kung sakaling mag-spillover in the coming days or weeks iyong mga ganoong type po ng protesta na nangyari kahapon?
PCO USEC. CASTRO: Ganoon pa rin po, handa pa rin po ang ating kapulisan, handa po ang administrasyon sa mga ganiyang klaseng laban at hindi po patitinag ang ating Pangulo sa mga ganiyang threats.
IVAN MAYRINA/GMA NEWS: Usec., lilihis lang po ako nang kaunti. The PCIJ came out with a report that shows the President got millions in campaign contributions in 2022 from contractors while they had ongoing contracts with the government. And these contractors eventually got significant prize in public works contracts awarded to them in the last three years. How does the Palace respond to this especially since this is in violation of the Omnibus Election Code?
PCO USEC. CASTRO: Let the Comelec do its job – investigate.
IVAN MAYRINA/GMA NEWS: And if the evidence points to the President, sinasabi ho niya, there should be no sacred cows in this investigation even it eventually leads to him?
PCO USEC. CASTRO: The President is willing to be investigated.
IVY REYES/BILYONARYO: Usec., sinabi ninyo po sa interview ninyo kahapon na kahit matamaan iyong administrasyon ni President, he opened this probe in the spirit of accountability. So, is he willing to submit himself to the ICI? Should he be probed for the 20 million he got from the contractor na donor po niya?
PCO USEC. CASTRO: Opo, matapang po ang Pangulo at alam po niya ang kaniyang ginagawa. At kung anuman ang maaaring imbestigahan dito, hindi rin po niya ie-excuse ang sarili niya.
EVELYN QUIROZ/PILIPINO MIRROR: Good morning, Usec. Sa mga imbestigasyon po sa Senado at sa House of Representatives, parang lumilitaw po na si Congressman Zaldy Co po ang parang contact point sa imbestigasyon na ito. May impormasyon po ba ang Palasyo kung nasaan po siya ngayon?
PCO USEC. CASTRO: Si Representative Zaldy Co?
EVELYN QUIROZ/PILIPINO MIRROR: Opo.
PCO USEC. CASTRO: Sa ating pagkakaalam, wala po sa ngayon. Tatanungin natin ang Pangulo kung may alam siya. Pero sa ngayon, wala po tayong nalalaman na anumang impormasyon patungkol diyan.
EVELYN QUIROZ/PILIPINO MIRROR: Kung sakali po ba ay willing ang Pangulo na parang mag-reach out naman po kay dating Speaker Martin Romualdez na siya po ang speaker noong panahon niya na pabalikin na po sa bansa para magkaroon po ng linaw ang mga imbestigasyong ito?
PCO USEC. CASTRO: Sa ating pagkakaalam, mayroon na pong binigay na order si Speaker Dy, House Speaker Dy, na siya’y kailangan nang bumalik in ten days. So, nandoon na po iyong utos; hindi na po kinakailangan na ang Pangulo ang mag-utos dito. Si Congressman Zaldy Co naman ay under po kay House Speaker.
EVELYN QUIROZ/PILIPINO MIRROR: At kung hindi po siya tumalima sa ten days, sa tingin ninyo po ba, ano po, may criminal liability po ba ito? Anong liability po ni Congressman Zaldy Co?
PCO USEC. CASTRO: Well, criminal liability, sa hindi niya pagbalik, wala naman po tayong nakikitang maaaring criminal liability. Pero baka maaari niya pong sapitin ang nangyari kay Congressman Teves, kung iyon po ang magiging aksiyon ng House of Representatives.
MICHELLE GUILLANG/ALL TV: Good afternoon po, Usec. Naipahayag po ng Pangulo na kaisa niya ang mga Pilipinong nagprotesta laban sa katiwalian at korapsyon kahapon. Sa tingin po ng Palasyo, ano po kaya iyong dahilan bakit may grupo pa rin na ginustong … may intention na sunugin ang Malacañang?
PCO USEC. CASTRO: Mayroong gustong kumuha ng power, iyon lang, at gustong sirain ang magandang nagagawa ng Pangulo at sirain ang Pangulo sa mata ng ibang tao.
Okay, salamat.
Full government mobilization sa mga lugar na apektado ng bagyo, ipinag-utos ni Pangulong Marcos Jr. Sa kabila ng ingay, tahimik na nagtatrabaho si Pangulong Ferdinand R. Marcos Jr. upang masiguro ang kaligtasan ng mga residenteng naapektuhan ng Super Typhoon Nando.
Ipinag-utos ni Pangulong Marcos Jr. sa Office of Civil Defense (OCD) na i-mobilize ang lahat ng national government agencies upang tulungan ang mga local government units na paghandaan ang Super Typhoon Nando.
Sa ulat ng OCD, naka-full alert at handang rumisponde ang local at national government officials sa banta ng sama ng panahon. Nakahanda rin ang pamahalaan sa pagtugon sa epekto ng bagyo kabilang na ang posibleng storm surge at matinding pagbaha sa Hilagang Luzon.
Pinapayuhan ang publiko na manatiling alerto, sumunod sa opisyal na abiso at makipagtulungan para sa kaligtasan ng lahat.
[VTR]
PCO USEC. CASTRO: At dito na po nagtatapos ang ating press briefing. Magandang araw para sa Bagong Pilipinas. ##
