Sa ASEAN Leaders’ Interface kasama ang High-Level Task Force on the ASEAN Community’s post-2025 vision (HLTF-ACV), hinimok ni Pangulong Ferdinand R. Marcos Jr. ang mga lider ng ASEAN na ipagpatuloy at paigtingin ang mga hakbang na tutugon sa mga isyung geo-politikal sa rehiyon. Aniya, kailangan ipakita ng ASEAN na kaya nitong resolbahin ang mga hamon na kinakaharap para maisulong ang kapakanan ng bawat bansang kasapi nito at ipakita ang katatagan at pagkakaisa ng asosasyon.