Nagtipon kahapon sa Pasay City ang mga kalihim at opisyal ng national government agencies (NGAs) ng bansa para ipagpatuloy ang talakayan tungkol sa ikalawang State of the Nation Address (SONA) ni Pangulong Ferdinand R. Marcos Jr. Pinag-usapan sa Post-SONA Discussions ang mga proyekto ng mga kagawaran sa mga larangan, gaya ng pagpapalago ng ekonomiya, infrastructure development, connectivity, at food security, at kung paano masusuportahan ng bawat isa ang mga inisyatibo ng iba pang mga ahensya.