President Ferdinand R. Marcos Jr. directed the Department of Tourism (DOT) to assess non-operating tourism zones under the Tourism Infrastructure and Enterprise Zone Authority (TIEZA) to boost the Philippine tourism industry.

Pinangunahan nina Presidential Communications Office Secretary Cheloy Velicaria-Garafil at Usec. Cherbett Karen Maralit ang panunumpa ng mga bagong halal na opisyal ng SETAP o Samahan ng mga Empleyado sa Tanggapang Pampahayagan ngayong araw, 27 Abril 2023. Itinatag ang SETAP noong 1989 bilang pangunahing samahan ng mga empleyado ng PCO.

Inihayag ni Pangulong Ferdinand R. Marcos Jr. na buo at tuloy-tuloy na ang implementasyon ng North-South Commuter Railway (NSCR) system matapos isapinal ang Contract Packages S-02 at S-03B, ngayong araw ika-27 ng Abril. Ito ang hudyat ng ikatlong yugto ng implementasyon ng South Commuter Railway Project (SCRP) na may haba na 14 kilometro. Ito ay dadaan sa Metro Manila at bahagi na magkokonekta sa northern at southern leg ng NSCR system. Ipinangako naman ng Pangulo na pakikinabangan ito ng halos 800,000 na pasahero kapag nakumpleto na ang 147.26 kilometro na NSCR system bukod sa libo-libong trabaho na magagawa nito para sa sambayanang Pilipino.

Nasaksihan ni Pangulong Ferdinand R. Marcos Jr. ang ginanap na Combined Joint Littoral Live Fire Exercise ng Philippines-United States of America (USA) armed forces sa San Antonio, Zambales nitong Miyerkules. Ang pagsasanay ay nilahukan ng 1,400 na mga sundalo na nagpapakita nang matatag na relasyon ng Pilipinas at Amerika. Ito din ay naglalayong pagtibayin ang kakayanan ng militar ng dalawang bansa para sa anumang hamon ng seguridad sa rehiyon. Ang Balikatan Exercise ay nagsimula noong Abril 11 at magtatapos sa darating na Abril 28, 2023.

Nanguna si Pangulong Ferdinand R. Marcos Jr. sa pagpupulong kasama ang mga kinatawan ng pribadong sektor upang talakayin ang mga update sa Kapatid Angat Lahat for Agricultural Program (KALAP) kahapon, ika-25 ng Abril 2023. Sa pagpupulong, inilahad ni PBBM ang kanyang kagustuhang magbigay ng mas maayos na paraan upang matugunan ang mga mahahalagang isyu sa aspeto ng ekonomiya, sosyal, at pangkapaligiran sa sektor ng agrikultura. Binigyang-diin din niya ang kahalagahan ng Public-Private Partnership sa pagkamit ng sustainable development at pagbabago sa sektor ng agrikultura. Nagbigay naman ang pribadong sektor ng iba't ibang rekomendasyon upang mapabuti ang sektor ng agrikultura sa bansa. Kasama sa mga rekomendasyon ang pagpapabuti ng programa sa pautang at pagpapautang sa mga magsasaka, tamang implementasyon ng mga batas sa Agri-Agra, teknikal na pagsasanay para sa mga magsasaka, at pagkakaroon ng mas maraming post-harvest facilities sa bansa.

Ipinresenta kay Pangulong Ferdinand R. Marcos Jr. ang credentials ni His Excellency Santiago Javier Chavez Pareja, Non-Resident Ambassador ng Republic of Ecuador ngayong Martes.

Humarap sa media ngayong araw si Department of Information and Communications Technology - DICT Secretary Ivan John Uy at Department of Migrant Workers Secretary Susan "Toots" Ople sa press briefing na inorganisa ng Presidential Communications Office hinggil sa pagpapalawig ng deadline ng sim card registration at repatriation program ng pamahalaan sa mga OFW na naipit sa gulo sa Sudan.

Inaprubahan ni Pangulong Ferdinand R. Marcos Jr. ang pagkakaroon ng 90-day extension period para sa SIM registration pagkatapos ng deadline sa Abril 26, 2023.Inaasahan ng Department of Information and Communications Technology (DICT) na aabot sa 15-18 milyon na Pilipino ang magpaparehistro pa sa loob ng nasabing extension period. Sa pinakahuling ulat, higit sa 82 milyong SIM o 49.31% ng kabuuang aktibong SIM noong Disyembre 2022 ang nakapagrehistro na.

Some 107 million Filipinos will be cheering the Philippines’ 840-strong delegation as it competes in the 32nd Southeast Asian (SEA) Games in Cambodia, President Ferdinand R. Marcos Jr. said Monday, emphasizing the country has high hopes for the Filipino athletes in the regional sporting event.