MERCADO: Kumusta iyong naging hearing ninyo kahapon sa Senado?

ASEC. BANAAG: Maayos naman po. I hope naipabatid namin kung ano iyong mga apat na puntos na gusto po ng PCOO under Secretary Andanar po na maipabatid sa committee hearing na iyon po kahapon.

MERCADO: So ano ba iyong apat na iyon kung mamarapatin?

ASEC. BANAAG: Una po, ang sabi po natin under ng PCOO po is we have enough laws. Okay na po, marami na po tayong mga batas; ang pag-implement na lang po.

MERCADO: Sapat na batas tungkol sa impormasyon at tungkol sa media, ganoon ba iyon?

ASEC. BANAAG: Opo. Sa libel at sa cybercrime act po, sapat na po iyon. Kumbaga, i-implement lang po ng mga nag-i-enforce ng mga batas natin. At kung may mga … ang akala po nila ay dehado sila, mag-complain po sila para tingnan natin kung nai-enforce po itong mga batas na ito.

Ang pangalawa po, sabi po natin, since option po iyan ng ating lehislatura, kung puwede po i-define nila kung ano ang ibig nilang sabihin sa fake na news, kung mayroon po nito. Para alam natin kung ano ang pinag-uusapan natin at papaano natin pagtutulungan sa gobyerno ang tungkol sa bagay na ito.

Pangatlo po, ang recommendations po natin na ito ay all government, all sectors concerned po ay magtulungan para po dito kasi hindi po kakayanin ng PCOO. Ito po ay mas mainam po kapag magtutulungan ang DepEd, kasi po sa mga bata; ang CHEd po at iba pang sangay ng ating pamahalaan. At, of course, ang private sector para mas paigtingin iyong kampaniya para sa mas responsableng pagsi-share ng impormasyon at ng mga bagay na nababasa ng mga kabataan at lahat po ng mga kababayan po natin, lalung-lalo na po sa outskirts, sa mga probinsiya, ano po iyong mga dapat nilang paniwalaan.

Ang pang-apat po is, ito na po iyong mga ginagawa namin, natin sa PCOO at iyong mga line agencies po natin: iyong PCO Net – iyong Provincial Communications Officers Network po, lumilibot po tayo sa lahat ng probinsiya para po maki-bridge, makipag-network sa ating mga information officers ng local government units, ng mga coops, ng mga water districts, ng mga electric cooperative, information officers ng mga national government agencies na nasa mga probinsiya po para po makipagtulungan tayo at maipamahagi po natin iyong mga impormasyon, mga programa ng ating pamahalaan diretso po sa kanila.

And, of course, in line with this po, we have the National Information Convention from February 19, 20 and 21. Dito po ay tatalakayin po natin iyong responsableng pag-share ng information on top of other things po na puwede nating i-share at ituro at ipamahagi sa mga information officers natin nationwide po. Sa Davao City po iyan, sir.

MERCADO: Okay. Anong reaksiyon ninyo doon sa sinasabi ni Senator Pacquiao na dapat ay lisensyahan iyong mga bloggers? Tapos nagbigay siya ng example, iyong talagang wala sa ano… hindi katotohan, talagang napakalayo at saka libelous nga iyong… noong kampaniya. Nagpaumanhin naman ang the other person concerned.

So ano ang comment ng PCOO dito sa panukala na lisensyahan ang mga blogger?

ASEC. BANAAG: Well, like po ng nasabi namin, sir, we stand with our four na positions. Una, we have enough laws. And if they think—

MERCADO: Do you object itong licensing na ito?

ASEC. BANAAG:  That is their prerogative, sir. That is their prerogative since they’re the legislative body. But then, kami po, if it would not infringe doon sa mga freedom sa ating Konstitusyon, then that would be okay. But if it would infringe, I don’t think it would be something that we would agree on.

MERCADO: Mayroong mga binabanggit naman, sinasabi ng ibang mga senador katulad ni Senator Poe na mayroong maaaring maging conflict of interest na nagba-blog, may personal blog tapos nasa gobyerno. Ano ang comment mo roon? Dapat bang hindi mag-blog ang mga taong nasa gobyerno o iyan ba ay pareho rin ba ng ano … minsan, mayroon tayong mga nasa gobyerno na na mayroon ding mga columns sa mga diyaryo at mayroong mga radio and television programs?

ASEC. BANAAG: Tama po. Sir, I don’t think i-limit din natin iyong mga kasamahan natin sa gobyerno na gustong mag-blog. But it would be something that would be responsible, mas responsableng pagbigay ng opinyon especially kapag it would malign other people. ‘Pag it would be libelous already, that would be something different.

But then to have a blog to put your opinions on social media, I don’t think there is something wrong with that.

MERCADO: So ikalawa, mayroong mga nagsasabi rin naman, iyong katulad ni Ellen Tordesillas ng Vera Files, sinasabi niya na si Presidente ang number one source ng fake news. Ano ang sagot ng PCOO diyan?

ASEC. BANAAG: Yes.Nasabi po ni Secretary Martin Andanar kahapon, sir, na if they have something, if they have evidence, if they have something that they can prove na may mga ganoon, they might as well come and talk with us so that we can thresh it out and we can clear it out kung ano iyong mga bagay-bagay na iyon.

And in fairness to the President, since kung ang sinasabi po ni Ma’am Ellen Tordesillas, because noong first hearing po ay sinasabi na po iyan ni Ma’am Ellen Tordesillas. Nagngingitngit nga siya noong first hearing, maalala ko. Tapos inulit po niya yesterday iyong mga sinasabi niya na, ‘No, the President is ganyan.’

Well, that is her opinion po. But then, if they have evidence to that effect, then they might as well come to the office. The PCOO is very open. We are very transparent. They can come to us and then we can talk about it.

MERCADO: Ano ang reaksiyon ninyo doon sa sinasabi ni Senadora Poe naman na is it time… would it be time to shut down blog naman ni Assistant Secretary Mocha Uson?

ASEC. BANAAG: That is the Senator’s opinion po, sir. But then, time and again, nasabi naman po ni Asec. Mocha na she will be more circumspect with her blogging, with whatever that she put on her personal blog.

And by the way, sir, if I may go back doon sa sinasabi ni Ma’am Ellen Tordesillas tungkol sa Presidente. At a very onset, they’ve been so critical about… lahat ng bigkas ng ating Pangulo. And of course, that is not fair. Because looking at the bigger picture, mas maraming magaganda na balita. In fact, we don’t even have to put any stake because there’s so much good news, maraming nangyayaring maganda. So there’s no point for government or this administration to be putting out something that’s false because there’s so much good news na nakikita naman. Kumbaga, it’s res ipsa loquitur, it’s everything that… whatever the government is doing, whatever the President is doing can speak for itself.

MERCADO: And sa totoo lang, iyong approval rating niya ay mataas pa rin. Namamayagpag pa rin.

ASEC. BANAAG: Yes, sir. Exactly, sir. That’s very inconsistent ‘di po ba na, you know, the President is like this and like that, sabi po ni Ma’am Ellen Tordesillas. But then, a lot of Filipinos believe in the President. So how would you reconcile that?

MERCADO: Okay. Thank you very much. Maraming salamat, Assistant Secretary Marie Banaag ng PCOO.

ASEC. BANAAG: Maraming salamat po.

###

SOURCE: PCOO – NIB (News and Information Bureau)