SEC. ROQUE: Mahigit isang taon na po na tayo po ay naka-lockdown at nagpapasalamat po ang ating Presidente sa inyo dahil sa inyong pang-unawa at patuloy na pakikipagbayanihan.
Nakita naman po natin ang mga numero bago tayo nagkaroon ng mga bagong variants nitong COVID-19, bago po ang ika-22 ng Pebrero nakita naman po natin na bumaba tayo sa ranking kung ikukumpara sa buong daigdig pagdating po sa mga aktibong kaso, sa mga total cases, sa cases per million at saka sa death rate.
Nakakapag-test na po tayo ng mahigit 55,000 kada araw, eh nagsimula po tayo iisa po ang ating testing lab. Na-manage na rin po natin ang ating mga aktibong ng coronavirus. Napakaayos po ng ating ospital, iyong ating tinatawag na healthcare utilization rate hindi nga po lumalampas noong mga panahon na iyon ng 30% lang ang gumagamit or hanggang 40%. Mababa po gaya ng aking sinabi ang ating mga namamatay, 1.9 mas mababa po iyan kaysa sa world average na 2.2.
Ngunit dahil nga po dito sa mga bagong variants ay bigla pong sumipa at tumaas muli ang mga numero na nahawa ng COVID-19. At naging kritikal ang kapasidad ng ating mga ospital lalung-lalo na po sa Metro Manila.
Sa mga nagsasabi na kasalanan daw po ito ng IATF, eh siguro naman po iyong karanasan ng buong mundo na dumami ang mga kaso ng COVID-19 dahil nga po sa mga bagong variant at magpapatunay na talagang iyong virus po ang kalaban, hindi po gobyerno, hindi po ang IATF.
Pero dahil nga po sa napakataas na mga tao at mga kababayan nating nahahawa ngayon ng COVID-19 dahil na rin dito sa mga bagong variant, inaprubahan po ng ating Presidente ang rekomendasyon ng inyong IATF na ilagay muli sa Enhanced Community Quarantine o ECQ ang National Capital Region, Bulacan, Cavite, Laguna at Rizal or ang tinatawag nating Greater Manila Area.
Ito po ay epektibo sa Lunes, 12:01 po ng umaga, March 29 at tatagal hanggang a-kuwatro ng Abril taong kasalukuyan.
Naranasan na po nating mamuhay sa ilalim ng ECQ. Ano ba ho ang ECQ o Enhanced Community Quarantine, ito po ang pagpapatupad ng mga panandaliang hakbang na nagpapataw ng limitasyon sa galaw or movement at transportasyon ng mga tao at mahigpit na regulasyon ng operating industries. Sa madaling salita, homeliners po tayo uli, sa bahay po tayo except kung magtatrabaho tayo sa bukas na industriya, kung tayo po ay APOR at para kumuha ng mga necessities gaya po ng mga pagkain at gamot.
Tuluy-tuloy pa rin po ang paghatid ng food and essential services at may heightened presence ng uniformed personnel para ipatupad ang community quarantine protocols. Nakikiusap po muli kami, bagama’t nandiyan po muli ang mga checkpoints para nga po masigurado na tayo po ay homeliners, nanatili sa bahay unless talagang kinakailangang lumabas, pakiusap po sa mga checkpoints, huwag po nating haharangin ang mga cargoes lalung-lalo na po ang mga may dalang pagkain, dahil kapag hindi po nakapasok sa Greater Metro Manila Area iyong ating pagkain ay baka po tayo magutom.
Ipapatupad ang National Task Force, iba pang ahensiya ng gobyerno at mga lokal na pamahalaan ang pagpapatupad ng mga hakbang na may kinalaman sa prevention, detection, isolation at treatment. Makikita po natin ngayon sa ating screen ang mga hakbang na may kinalaman sa prevention, kasama po dito iyong pagpapatupad ng minimum health standards, mask, hugas, iwas; iyong pagdi-distribute po ng mga PPEs; at iyong pagri-retrofit po ng mga workplaces, establishment and public spaces to insure adequate ventilation and compliance to engineering and administrative controls developed by the DTI and DOLE.
Pagdating naman po sa detection ‘no. Mag-i-establish po tayo ng mga Dharavi-like centers at the community na maghahanap po ng mga suspect cases, iti-trace sila, iku-contact trace at ia-isolate. Magbabahay-bahay po tayo na maghahanap ng mga taong mayroon pong mga sintomas. Sisiguraduhin po natin na ang ating mga lokal na pamahalaan ay mag-i-isolate hindi lang po ng mga positibo kung hindi iyong mga suspect at mayroong mga close contact at talaga pong paiigtingin natin ang testing, contact tracing within 24 hours of detention. Kasi kapag hindi po natin tinest at hindi natin in-isolate within 24 hours, baka nga po makapaghawa pa bago sila ma-isolate. At kinakailangan nga po 95% of close contacts must be traced and isolated, quarantined within 24 hours of case notification.
Mamaya po sasabihin ko sa inyo na bukod pa sa PCR, kukuha na po tayo ng hindi bababa sa 500,000 na antigen test kits para po manatiling napakataas ng ating mga numero na nati-test. Dahil sa pamamagitan lang po testing na malalaman natin kung sino ang mayroong sakit at kung sino ang dapat i-isolate.
Kasama rin po sa mga hakbang na gagawin natin ang parallel implementation at pagpapaigting ng vaccination efforts sa high burden area. Kasama na po diyan ang Metro Manila, Laguna, Cavite, Rizal at Bulacan at kasama na rin po diyan ang Cebu City at ang Davao City.
Inatasan din ang National Task Force na mag-set ng indicators at weekly targets. Isang LGU score card na may klarong target ang isi-set para sa mga lokal na pamahalaan.
Anu-ano po ang inaasahan nating mangyayari sa ilalim ng ECQ:
· Ang mga essential at priority constructions projects pampubliko man o pribado ay papayagang mag-operate alinsunod sa ilalabas na guidelines ng DPWH.
· Bukas po ang mga pampublikong transportasyon kahit ECQ, bababa lang naman po ang kapasidad, ang final capacity po ay ilalabas ng ating Department of Transportation.
· Ang pagtitipun-tipon or gathering ng mahigit sampung katao sa labas ng kanilang mga pamamahay ay ipinagbabawal po.
· Ipinagbabawal nga po natin lahat ng mass gathering, pati po iyong pinayagan nating samba, bawal na po muli.
· Pagdating naman po sa KBL – kasal, binyag at libing – well pinapayuhan na dapat immediate household members lang po ang maaring dumalo na hindi po hihigit din sa sampung katao.
· Hindi po puwedeng lumabas ang mga nasa below 18 years old at over 65 years old, kasama ang mga buntis, may immunodeficiency, comorbidity at iba pang health risk liban na lamang kung may bibilhin na essential goods at services. Alam po ninyo itong mga populasyon na ito, sila po talaga ang tinatamaan ng matindi ng ating kalaban COVID-19.
· Mas pinaigting din po ang oras ng curfew sa Bulacan, Cavite, Laguna, Rizal at NCR. Ang ating curfew po ay mula 6:00 PM hanggang 5:00 AM.
· Ang APOR, workers, cargo vehicles and public transportation ay hindi po sakop ng curfew, magdala lang po ng ID para magpapatunay kung bakit kayo kinakailangang lumabas ng inyong mga pamamahay.
Ipinapaalala din natin na hindi kinakailangan nag travel pass. Samantala, mananatiling bukas ang ating mga malls para sa mga essential stores gaya ng groceries, pharmacies and hardware stores. Ang mga restaurant ay pinahihintulutang magbukas para sa takeout and delivery. Kahit ano na pong dine-in, maski al fresco hindi na po pupuwede.
Tingnan po natin ang mga industriya na bukas at hindi bukas sa ating infographics. Ang mga bukas po:
· Public and private hospitals, health and emergency and frontline services, manufacturers of medicines, medical supplies, devices and equipment.
· Agriculture, forestry and fishery and their workers including farmers, ARBs, fisher folks and agri-fisheries stores, importante po ito dito sa karatig probinsya ng Metro Manila.
· Delivery and courier services transporting food, medicine or other essential goods.
Para naman po sa 50% operational capacity, ito po iyong mga private establishments na nagbibigay po ng essential goods and services:
· Media establishment and their total permanent staff compliment at saka iyong mga workers po accredited by the Department of Transportation.
Ito po iyong mga industriya na sakop ng skeleton force ‘no, skeleton force lang po sila:
· Iyong other medical/dental rehabilitation and optometric clinics, pharmacies or drug stores, capital markets, mga vet clinics, water supplies and sanitation services, mga bangko, money transfer services, energy and power companies, telecom companies po, airline and aircraft maintenance, manufacturing companies and suppliers, construction works, such cement and steel, the Philippine Postal Corporation, PSA and BPO, export businesses, printing presses, funeral and embalming services, humanitarian assistance personnel for all civil society organization, NGOs and UN Humanitarian Country Teams, security personnel, mga religious leaders po, real estate activities limited to leasing lang po and repair and maintenance of machinery and equipment.
Samantala po, inatasan ang Region III, Cordillera Administrative Region, Batangas City at Quezon ng Calabarzon na ipatupad ang enhanced prevent, detect, isolation, treatment and rehabilitation measures. Kasama sa mga hakbang na ipapatupad after due assessment ng mga lokal na pamahalaan ang mga nasabing ay ang pagsang-ayon sa kanilang regional IATF sa mga sumusunod:
1. Ang scope of lockdown ay maaaring ma-extend sa buong munisipyo or sa isang buong lungsod.
2. Ang interzonal mobility lalo na papunta at palabas ng high transmission areas.
3. Limitahan ang non-essential travels within the lockdowns.
4. Kailangang i-monitor, matukoy o ma-address ng regional IATF ang mga gaps sa PDIT implementation.
5. Kailangan inspeksyunin ng DOLE at DTI at workplaces ng mga establisyimento at ibigay sa IATF ang kanilang findings at action plans.
6. Pabilisin ang pagbabakuna ng priority groups.
In-adopt din ng inyong IATF ang mga sumusunod na policy directions na may kinalaman naman po sa national vaccination program.
1. Una, ima-maximize na po ang master listing at pagbabakuna ng priority group A1, iyong atin mga workers sa frontline health services kabilang ang mga hindi naka-base sa health facilities pero nagpu-provide ng COVID-19 case management from womb to tomb. Iyong pag-i-screen ng mga border or points of entry or management ng COVID-19 specimens.
2. Pangalawa, ipapatupad na po natin ang sabay na pagbabakuna ng mga priority group A1, iyong mga healthworkers natin, hanggang sa susunod na priority groups ay pinapayagan hanggang priority group A2, iyong ating mga seniors; at priority group A3, iyong mga mayroon pong comorbidities sa substitution list. So iyong sa substitution list na po natin, dapat gamitin na iyong mga A2 at A3.
3. Pangatlo, simultaneous vaccination na susunod sa priority groups kung ang mga supply mula multi party agreements ay dumating ay ia-adopt po natin in principle. Inatasan ng Department of Health ang vaccine cluster na gumawa ng operational guidelines na iendorso ng interim National Immunization Technical Advisory Group or ng NITAG.
4. Pang-apat at panghuli, ang pagpapatupad ng vaccination program ay kailangang na-coordinate sa pakikipagtulungan ng uniformed personnel, pribadong sektor at suporta ng iba’t ibang ahensiya ng national government agencies para maisagawa ang pagbabawas ng onsite processes dahil sa pagkukumpleto ng dokumentasyon at screening processes bago ang mismong araw ng pagbabakuna.
- Ang pag-designate at paggamit ng mas malaking vaccination sites kung kinakailangan habang sinusunod ang pinapayagang capacities, ang pag-obserba ng minimum public health standard tulad ng physical distancing, ang pagbibigay ng admin function sa non-healthcare workers para mabawasan ang trabaho ng healthcare workers at mismong araw ng pagbabakuna.
- Pag-maximize ng business processes para mapaigting ang vaccination program kasama na dito ang marketing, managing manpower at paggamit ng ICT solutions at pagtiyak ng tuluy-tuloy ang pagbabakuna kahit holiday.
Huwag po tayong mawawalan ng loob, tinitiyak po natin na handa ang gobyerno at tutulungan po namin kayo. Ang inyong pamahalaan nagtatrabaho at nagsusumikap na mapabuti ang kasalukuyang sitwasyon. Babangon tayo para sa isang magandang bukas. Magandang gabi po!
Mayroon po tayong ilang katanungan galing po sa ating mga kasama dito sa Malacañang Press Corps. Usec. Rocky…
USEC. IGNACIO: Yes. Good evening, Secretary Roque. Unahin ko iyong tanong po ni Jo Montemayor of Malaya: Iyong ongoing private repairs and construction po in the NCR Plus area will need to stop during the ECQ period or if they can continue?
SEC. ROQUE: Iyong mga malakihan po ‘no na pampubliko at pribado tuloy po kasi po iyong mga malakihan puwede silang magbigay ng on-site na tulugan. Naalala ninyo po ‘no na kinakailangan ‘pag ECQ hindi nagbibiyahe iyong mga manggagawa. Pero iyong mga maliliit pong construction, iyong mga sa bahay, lahat po iyan ay tigil muna ‘no dahil alam nga po natin na hindi naman po pupuwedeng manatili doon sa mga construction areas iyong mga construction workers. So iyong mga malalakihan pong pampubliko at pangpribadong proyektong construction, tuloy po sila.
USEC. IGNACIO: Okay. Tanong po ni Kris Jose ng Remate/Remate Online: Reaksiyon po sa ulat na marami na pong nagpa-panic buying ngayon matapos po na kumalat sa social media na balik ECQ ang NCR.
SEC. ROQUE: Naku mga kababayan huwag na po kayong mag-panic kasi hindi naman ito unang karanasan natin sa ECQ. Sa ECQ po bukas lahat ng supermarkets, bukas ang palengke, bukas ang convenience stores at sinisigurado po ng DA at ng DTI na sapat po ang mga bilihin sa lahat ng ating merkado. Wala pong dahilan para mag-panic buying, hindi po tayo mauubusan dahil bukas naman po ang mga merkado.
USEC. IGNACIO: Salamat, Secretary.
SEC. ROQUE: Ang susunod na magtatanong po ay si Mela Lesmoras.
MELA LESMORAS/PTV4: Good evening po, Secretary Roque. Ang una ko lang pong tanong, tanong ng marami nating kababayan, may ayuda raw po ba under this ECQ?
SEC. ROQUE: Ah, dahil naintindihan po ni Presidente na habang tayo’y naka-ECQ eh walang pupuwedeng magtrabaho, magkakaroon po tayong tulong na ipamimigay sa ating mga kababayan.
MELA LESMORAS/PTV4: Opo. Gaano po kaya ito kalaki, Secretary Roque, at saan po kaya nila ito maa-access; sa LGU po ba, DSWD?
SEC. ROQUE: Isinasapinal na po ang pagbibigay ng assistance. Mayroon naman po tayong press briefing sa Lunes. Sa Lunes po nag-commit po ang ating economic team na unang-una malalaman na kung saan kukunin iyong pagkukuhanan natin ng assistance; at pangalawa, kung magkano iyong assistance at kung ano iyong pamamaraan para ma-distribute ito. Hayaan ninyo po, sa ating press briefing sa Lunes masasagot na po natin iyan.
MELA LESMORAS/PTV4: Opo. And Secretary Roque dito po sa magiging ECQ nga sa NCR Plus bubble, ano po iyong inaasahan nating magiging sa kalusugan at sa ekonomiya?
SEC. ROQUE: Well unang-una pagdating po sa ekonomiya, eh tinyempo na po natin sa Semana Santa kasi talaga namang wala pong trabaho ng Maundy Thursday, Good Friday at saka Saturday/Sunday, extended weekend po iyan. So minimal po iyong magiging interference kumbaga doon sa ating mga trabaho. Pero pagdating po doon sa pagdami ng kaso, inaasahan po natin na magiging malaki pong epekto ‘no at mapapababa po natin ang mga kaso ng COVID-19 dahil sa ngayon po eh lampas 10,000 na nga po per day ang mga kaso ng COVID-19.
MELA LESMORAS/PTV4: Opo. And panghuling tanong na lamang po Secretary Roque. Ito po bang petsa ng ating ECQ na hanggang April 4 ay maximum na or kung hindi pa magkakaroon ng malaking pagbaba sa mga kaso ng COVID-19 ay maaari pang ma-extend?
SEC. ROQUE: Titingnan po natin. Kaya po tayo nagsara eh mayroon naman po tayong mga criteria ‘di ba po ‘no: iyong average daily attack; iyong two-week average attack rate; at saka iyong healthcare utilization rate.
Eh ngayon po sa Metro Manila at mga karatig na probinsya, talagang nasa kritikal or red warning na po iyong ating mga critical care utilization, so kinakailangan po nating bigyan naman ng kumbaga one week timeout iyong ating mga medical frontliners ‘no. At inasahan natin dahil lahat tayo ngayon ay mananatili sa ating mga tahanan, na mababawasan iyong mga kaso. Hindi po natin pupuwedeng masyadong pagurin ang ating mga medical frontliners dahil ‘pag sila’y narindi, sino po mag-aalaga sa atin?
MELA LESMORAS/PTV4: Maraming salamat po, Secretary Roque.
SEC. ROQUE: Thank you, Mela. Balik tayo kay Usec. Rocky.
USEC. IGNACIO: Secretary, tanong mula kay Einjhel Ronquillo ng DZXL: Paano bibili ng basic necessities tulad ng pagkain at gamot? Kung kailangan ba ulit ng quarantine pass at magkakaroon po ba ng limit ulit sa bibilhing mga produkto? Baka po kasi magkagulo at mag-hoard uli ang ating mga kababayan.
SEC. ROQUE: Gaya ng aking sinabi kanina po ‘no, in-assure po ako ni DTI Secretary Lopez, ni Department of Agriculture Secretary Dar, sapat-sapat po ang ating supply ng pagkain at hindi po magsasara ang supermarkets, palengke at mga convenience stores. Wala pong dahilan para mag-panic buying, baka lalo lang kayong mahawa ‘no kung kayo’y makikipagsiksikan sa mga merkado na iyan.
Uulitin ko ah: ang kalaban po natin bagong variant na mas mahigit na nakakahawa. Huwag po kayong makipagsiksikan sa kahit anong merkado. Hindi po iyan magsasara, hindi mauubusan ng paninda, iyan po ang garantiya ng ating gobyerno. So hindi na po kinakailangan ‘no.
So, ano pa iyong pangalawang tanong?
USEC. IGNACIO: May sanction po ba sa mga LGUs na naunang magpalabas ng IATF resolution iyong mga hindi po naghintay ng official announcement?
SEC. ROQUE: Well alam ninyo po, marami namang bago dito sa ating announcements ‘no. So kung iyong mga nagpalabas po eh kung tama iyong ibang punto, well and good; pero marami pong nabago din. Alam ko po na talagang napakahirap talagang to keep everything confidential although ang classification po ng meeting namin eh ‘secret’ eh nagli-leak pa rin. Pero iyan po kasi ay subject to change dahil ang IATF ay recommendatory lamang, ang final approval ay nasa Presidente at iyong mga detalye eh inaayos din po ng Technical Working Group. So marami rin pong mga puntong nabago ‘no.
USEC. IGNACIO: Opo. Iyon palang tanong niya, Secretary, ay kung kailangan ulit ng quarantine pass.
SEC. ROQUE: Well ang travel pass po hindi kinakailangan. Ang problema po kasi isang linggo lang itong ating ECQ ‘no so hindi ko po alam kung sapat ang panahon para mag-issue uli ng quarantine passes. Kung mayroon naman po kayong quarantine pass na naitago siguro dalhin ninyo na rin po ‘no pero sa ngayon po isang linggo, kung anong mayroon kayo dalhin ninyo. Kung wala naman po, magbigay na lang ng eksplanasyon na bibili lang ng pagkain o ng gamot.
USEC. IGNACIO: Salamat, Secretary.
SEC. ROQUE: Joseph Morong, please, GMA.
JOSEPH MORONG/GMA7: Sir, good afternoon. How are you doing, sir?
SEC. ROQUE: Okay naman po.
JOSEPH MORONG/GMA7: Sir ganito, you’ve outlined several steps that the government are taking. But if you can encapsulate that in probably one or three sentences, what is the strategy of the government? Ano na po ang plano natin ngayon, iyong broad strokes?
SEC. ROQUE: Well gaya ng aking sinabi po ‘no, bumalik po tayo sa ECQ dahil masyado pong mataas ang numero ng mga nagkakasakit. At habang tayo po ay nananatili sa ating mga tahanan, inaasahan natin na babagal nga po iyong mga pagkalat ng sakit and at the same time naintindihan natin na kapag hindi natin pinagtrabaho ang lahat, kinakailangan magbigay po ng tulong. So handa naman pong magbigay ng assistance o tulong ang ating gobyerno.
JOSEPH MORONG/GMA7: How soon iyon, sir?
SEC. ROQUE: Well siyempre po kasi sa lockdown mahirap mamigay ng tulong at isang linggo lang naman ito. Pero ang target po natin, hindi rin naman po matatapos ang buwan ng Abril eh makakarating iyong tulong na ibibigay ng gobyerno sa mga nangangailangan.
JOSEPH MORONG/GMA7: Sir, sino po iyong makakatanggap?
SEC. ROQUE: Well, lahat po noong mga nangangailangan ‘no kasi iyan po ang tinitingnan natin – magkano iyong halaga dahil iyong sa pagpupulong ng mga Metro Manila Mayors, mas gusto nila na mas maraming makinabang, hindi lang iyong mga SAP beneficiaries. Dahil alam naman natin na kapag nag-lockdown, nag-ECQ, eh hindi lang iyong mga 4Ps beneficiaries ang nahihirapan. So kaya nga po iyan iyong iaanunsiyo natin sa Lunes. Siguro po ang halaga ay mas maliit sa inaasahan pero ang makakatanggap ay mas marami po.
JOSEPH MORONG/GMA7: So ibig sabihin sir, kahit essential worker ka and you are going to work and you are allowed to work during the ECQ, you can receive financial aid?
SEC. ROQUE: Eh sana po iyong mga hindi lang nakapagtrabaho ang kumuha ng financial aid ‘no kasi iyan naman po iyong intensiyon natin, iyong mga hindi nakapagtrabaho.
JOSEPH MORONG/GMA7: Okay. Sir, can I ask you about the strategy of government on two aspects? First is testing, you’ve mentioned some things that you are going to do but I’m interested whether we have identified the areas where there is or there are a concentration of COVID-19 cases and what are we doing with regard to testing? How many individuals are we looking at in terms of possible na dapat nating i-test?
SEC. ROQUE: Alam mo iyong mga nakalipas na araw parang nag-release po ng 35,000 PCR tests ang ating national government sa iba’t ibang lokal na pamahalaan dito lang sa Metro Manila dahil nga po dito sa pagtaas ng numero ‘no. At alam po natin na habang tumataas ang numero, mas marami pang tests na kinakailangang gawin natin kada araw. So ngayon nga po ‘no, from one testing lab mayroon na tayong 51,000 tests per day pero para po mapababa natin iyong tinatawag na R-0, kinakailangan maging at least 100,000 iyan ‘no.
Kaya nga po nag-augment na po tayo ‘no. Mayroon po kasi namang brand ng antigen test na napakataas ng efficacy rate na inaprubahan din ng ating FDA at DOH at iyon nga po, bibili na tayo ng 500,000 ng antigen testing kits to augment our RT-PCR. Ito po’y gagamitin lalung-lalo na doon sa CODE, ito po iyong pagbabahay-bahay na naghahanap tayo ng mga may sintomas at itong mga may sintomas ay iti-test at ia-isolate. At siyempre po titingnan natin iyong mga areas na under granular lockdown din ‘no. Ito po iyong mga areas talaga kung saan magbabahay-bahay ang DOH at ang mga lokal na opisyales, naghahanap po ng mga mamamayan natin na mayroong mga sintomas para ma-test at ma-isolate.
JOSEPH MORONG/GMA7: With regards, Sir, to contact tracing, because kung mayroon po tayo na, halimbawa kahapon 9,800 and today 9,500, I’ve talked to Professor Guido David, sabi ko ilan iyong kailangang i-trace. If we are going by the ratio ng 1:10, iyong 9.5 na cases you would have to trace at least probably 95,000 contacts. Can we do that?
SEC. ROQUE: Ay, hindi naman po imposible iyan lalung-lalo na na ginagamit natin iyong StaySafe.ph. At saka kanina nga po, nagsalita rin si Tracing Czar Mayor Magalong at sinabi nga po niya na bagama’t ang ideal ratio is 1:37 kapag ganito karami ang numero, pupuwede naman pong mas mahaba ‘no. So kung sampu nga po at kung 9,000, tama po 95,000. Mayroon naman po tayong mga 15,000 na contact tracers at mayroon pa pong mga mag-o-augment na manpower para po sa contact tracing at iti-train nga po ito ni Mayor Magalong.
JOSEPH MORONG/GMA7: Sir, sorry, kaunti na lang. Mga rapid fire questions, iyong mga aspect ng implementation ng ECQ ‘no. Sir, iyong mga motor puwede during the ECQ?
SEC. ROQUE: Wala po tayong pampublikong transportasyon pero kung pupuwede ba hong DOTr na ang sumagot niyan, kasi hindi ko maalala kung ano iyong naging rule natin noong last time ‘no. Pero last time ang alam ko mga bisikleta ang in-allow po natin.
JOSEPH MORONG/GMA7: Sir, ito po ba ay wala nang labasan or iyong mga essential workers ang papayagan? Meaning iyon pong sinabi ninyo dati na definition na all those who are working now will still be working o iba iyan Sir, medyo nag-scale down na tayo. Sino na iyong puwede nating payagang lumabas under ECQ?
SEC. ROQUE: Sa totoo lang po, malaking porsiyento ng ekonomiya ang sinarado natin. Essential industries lang po ang nananatiling bukas, pero karamihan po ng industriya sarado talaga para lahat po tayo manatili sa ating mga tahanan at mapigil ang pagkalat ng COVID-19.
JOSEPH MORONG/GMA7: Sir, iyong food deliveries, will they be available?
SEC. ROQUE: Tuluy-tuloy po ang food deliveries. Sinabi ko na po iyan, tuluy-tuloy po ang food deliveries.
JOSEPH MORONG/GMA7: Stock market, sir?
SEC. ROQUE: Iyong capital markets, may skeleton force po sila. Okay? Thank you very much, Joseph.
JOSEPH MORONG/GMA7: Okay. Sige Sir, thank you for your time sir.
SEC. ROQUE: Ang effectivity po natin ha, 12:01 in the morning of Monday. Monday okay, hindi po bukas para naman magkaroon ng panahon na maghanda.
Okay? So, sinong sunod na magtatanong? Back to Usec. Rocky, please.
USEC. IGNACIO: Opo. Tanong po ni Kris Jose ng Remate: Ano po iyong mangyayari daw sa once a day religious gathering o hanggang 10% din iyong capacity sa mga simbahan mula April 1 hanggang 4 bilang bahagi ng pagdiriwang ng Mahal na Araw?
SEC. ROQUE: Wala na po. Wala na pong religious gatherings. Full stop!
USEC. IGNACIO: Question from Celerina Monte/Manila Shimbun: During the ECQ, ano daw po ang expectation o estimate na maibababa ang cases ng COVID-19 like how many percent?
SEC. ROQUE: Mayroon pong projection pero hindi ko lang nadala iyong slide kasi ang mga pagpupulong po namin ay secret, so hindi ko kinukunan iyong slide. Pero sa Lunes po iimbitahin po natin si Dr. Althea ‘no, siya po iyong taga-Epidemiology Division ng DOH at siya po iyong may mga datos na ginagamit din ng ibang tao sa labas ng gobyerno. So, sa Lunes po, iimbitahin natin siya at ang isa pa pong doktor tungkol po doon sa bagong variant.
USEC. IGNACIO: Will there be more deployment of police and military troops to enforce the restrictions during ECQ?
SEC. ROQUE: Sure na sure po iyan.
USEC. IGNACIO: Iyong ikaapat po niyang tanong ay nasagot ninyo na, about doon sa ayuda. Thank you, Secretary.
SEC. ROQUE: Susunod na magtatanong ay si Trish Terada ng CNN.
TRICIAH TERADA/CNN PHILIPPINES: Hi. Good evening, Spox. How are you, Spox?
SEC. ROQUE: Okay naman po. First day back in Malacañang.
TRICIAH TERADA/CNN PHILIPPINES: Sir, first question. I’m not sure if we just didn’t quite get it when your presscon started. But what convinced the IATF to implement ECQ and with this ECQ, Sir, ano iyong percentage of target natin? And at the same time, why just now? Why did we just think of implementing ECQ now?
SEC. ROQUE: We are always data-driven. Ang criteria nga po natin for escalation primarily is health care utilization rate at lumalabas po na ang ating health care utilization rate ay umabot po sa kritikal in Metro Manila and in the nearby four provinces bagama’t on a national level eh hindi pa po masama. Pero tingnan ninyo po ito, sa National Capital Region ang ICU beds natin 73% utilized, ang ating isolation beds 67% utilized, ang ward beds 58% utilized, ang ventilators 53% utilized.
So kaya po tayo nagsara is to make sure na ang kaso ay mapabagal nang hindi ma-overwhelm ang ating mga ospital, ang ating mga medical frontliners at inaasahan po natin na gumagawa pa rin po tayo ng mga karagdagang mga ICU bed capacities, kagaya noong 110-bed capacity for moderate and serious cases diyan po sa Quezon Institute at iyong mga additional ICU beds natin sa Lung Center, sa NKTI at sa East Avenue Medical Center, so that we will not overwhelm our hospitals and it also gives us an opportunity to build even more.
Iyong lahat po ng ating mga mega-TTMFs na naisara dahil nasira ng bagyo, kailangan po natin ng panahon na ayusin para iyong mga hindi naman po mga mild at seryosong kaso, iyong mga mild lang at saka mga asymptomatic eh doon na po pumunta sa TTMFs. At kanina po sinabi ni Sec. Villar ilan doon sa nira-rush na nilang repair ay iyong Ninoy Aquino Stadium iyong at saka iyong Rizal Memorial Stadium.
Iyon po ang dahilan, pero always data driven po tayo. In the last meeting that we had, ang briefing po eh hindi pa naman po umaabot sa critical ang ating healthcare utilization rate. And I guess I can also confirm that the numbers, the daily average rates and the two-week average rates have exceeded 200%, so halos lahat po ng lugar sa Metro Manila ay either nasa red zone na or nasa critical level. Kaya nga po it justifies iyong higher quarantine classification.
TRICIAH TERADA/CNN PHILIPPINES: And Sir, based on data and science, is one week enough or is this still not final?
SEC. ROQUE: One week will of course help. Pero huwag mong kalimutan na we already have restrictions in place for the past week. So itong ECQ natin is for the second week of a two-week period kung saan tayo po ay nag-impose na ng tighter restrictions. Malalaman lang po natin ang resulta sa ginawa natin itong two weeks na ito sa susunod na two weeks matapos po ang Easter Sunday.
TRICIAH TERADA/CNN PHILIPPINES: Sir, ito pong goal natin of intensified testing and isolation, how did the IATF discuss this? Is this realistic considering, Sir, na ngayon parang nahihirapan na rin iyong mga contact tracers natin? For example lang Sir, in one house, one person tests positive, lahat ng close contacts niya ‘di kailangan i-isolate. Aren’t we running short of isolation facilities? Because I’ve been reading Sir, reports, for example some LGUs like Makati saying na puno na iyong isolation facilities nila within the LGUs and nahihirapan din po sila to access isolation facilities within the national level.
SEC. ROQUE: Totoo po iyan. Pero kaya nga po kinakailangan nating magsara sandali to enable the DPWH to build even more TTMFs. Ang balita po ay si Secretary Briones already agreed na gagamitin na naman po iyong ilang mga eskuwelahan natin para maging TTMFs facilities. So ang solusyon po talaga habang dumadami ang kaso, damihan pa rin ang ating critical care beds, ang ating mga wards at mga TTMFs facilities.
Ang pakiusap lang po natin kung kayo po ay mild or asymptomatic, huwag na po kayong pumunta ng hospital para malimitahan natin iyong mga pupunta sa hospital, iyong mga kasong moderate at severe.
TRICIAH TERADA/CNN PHILS: Sir, last two questions. Iyong flights po, paano po iyon maapektuhan with this ECQ; or international flights still allowed?
SEC. ROQUE: Hahayaan na po natin muna gumawa ng guidelines ang DOTr.
TRICIAH TERADA/CNN PHILS: Sir, regarding “ayuda”, I understand the economic managers will join your Monday briefing. But just an overview, sir, will businesses be included in the ayuda?
SEC. ROQUE: Well, ‘assistance’ po ang tinatawag natin ngayon diyan. There will be assistance given, but it will be given to individuals na hindi po nakapagtrabaho during this one week ECQ.
TRICIAH TERADA/CNN PHILS: All right, Spox. Thank you very much.
SEC. ROQUE: Maraming salamat, Trish. Punta tayo kay Usec. Rocky, please.
USEC. IGNACIO: Opo. Mula kay Tuesday Niu ng DZBB: Iyon daw pong training ng mga seaman kung tuloy pa rin po ba?
SEC. ROQUE: Ang alam ko po ngayon ay lahat po ay panandalian tigil muna po, kasi ang ating intensyon, wala po munang mass gathering po. So kung pupuwede po, tigil muna iyan ‘no. Bagama’t tingnan po natin kung mayroong mga apela na isusumite sa IATF. Pero ito’y isang linggo naman po, sa panahon ng Semana Santa na wala talagang trabaho pagdating po ng Huwebes at ng Biyernes.
USEC. IGNACIO: Tanong mula kay Henry Uri ng DZRH: Ano po ang gagawin ng gobyerno sa mga pasyenteng hindi tinatanggap sa mga hospital dahil sa full capacity na sila?
SEC. ROQUE: Tumawag po kayo sa One Hospital Command Center ‘no, at ito po iyong responsibilidad talaga ng One Hospital Command Center. Ang alam ko po kung talagang punung-puno na po sa Metro Manila ay niri-refer po natin sila sa mga ospital sa karatig na mga probinsiya ng Metro Manila. Pero huwag po kayong mag-alala, beginning April 1 ay mayroon na nga po tayong additional 110 bed capacity for moderate and severe cases diyan po sa Quezon Institute.
USEC. IGNACIO: Tanong niya kung—nasagot ninyo na po iyong tanong niya about IATF expired ID kung io-honor pa rin. Tanong po ni Nimfa Ravelo ng DZBB: Wala bang warning ang mga malls or groceries? Dagsa ngayon ang mga tao. Hindi ba dapat kinu-control ang pinapapasok nila?
SEC. ROQUE: Ay, talaga naman pong mayroon tayong mga guidelines pagdating sa social distancing. Kinakailangan po sundin ng mga mall operators, supermarket iyong mga guidelines on social distancing and the wearing of masks and face shields.
USEC. IGNACIO: Opo. Iyong tanong ni Aileen Taliping ng Abante Tonite ay nasagot ninyo na, Secretary, about sa ayuda na ibibigay ng DSWD. Balik po muna sa inyo.
SEC. ROQUE: Si Melo Acuña, please.
MELO ACUÑA/ASIA PACIFIC DAILY: Good evening, Secretary. I hope you’re doing well. I just have several important points, Mr. Secretary. World Bank in its report released this morning in Manila said that only China and Vietnam ang magkakaroon ng V-shaped recovery. And that World Bank said any economic activity or recovery will hinge on the way governments control the virus. So kung ganito po ang problema natin, kahit isang linggo na mayroon tayong GCQ, would it mean that economic recovery would take a much longer time for the Philippines?
SEC. ROQUE: Hindi naman po siguro kasi nga po tyinempo na natin itong ating ECQ kasabay ng Semana Santa na traditionally, hindi naman talaga tayo nagtatrabaho. Maski iyong mga negosyong bukas po ng Monday, Tuesday, Wednesday, alam nating nagli-leave diyan kasi ito iyong traditional na nagbabakasyon ang mga Pilipino ‘no. So sa tingin ko po, bagama’t it will have an effect, it will have a minimal effect po sa ating ekonomiya.
At nakita ninyo naman po ‘no, lahat po ay ginagawa natin para buksan ang ekonomiya dahil alam natin na ang kasagutan sa kagutuman ay pagkakaroon ng trabaho. At alam ninyo po, bago dumating itong new variant, si Presidente naman ay naniniwala na ang mga Pilipino ay pinag-iingatan ang kanilang mga buhay para po sila ay makapaghanapbuhay. So huwag po kayong magkaroon ng any doubts, the President appreciates po iyong kooperasyon na pinapakita ng ating mga kababayan lalung-lalo na iyong pag-iingat nila sa kanilang mga buhay para makapaghanapbuhay.
MELO ACUÑA/ASIA PACIFIC DAILY: Secretary, kausap ko po ang isang barangay chairman ng Pasay at nabanggit niya sa akin na mas makabubuti kung iyong development fund na nakalaan para sa barangay ay mai-download na sa kanila upang matulungan iyong kanilang mga ka-barangay na walang pagkukunan lalo pa at mayroong mga granular lockdowns at hindi nakalalabas ang mga tao; pati raw po pagkain ay nasasagot nila. Baka raw po pupuwede ito.
SEC. ROQUE: Hindi naman siya mabibigo. Pero hayaan po natin na maisapinal itong isyu ng ayuda, ang inaantay ko lang po ay hanggang Lunes.
MELO ACUÑA/ASIA PACIFIC DAILY: Mabuti po kung ganoon. Mayroon pa po bang sapat na salapi ang DSWD para i-download sa local government units at matugunan ang pangangailangan ng mga bayan at lungsod?
SEC. ROQUE: Hindi lang naman po sa DSWD manggagaling iyang assistance na iyan ‘no. Ang pangako po ni Secretary Wendel Avisado kanina ay ngayong araw na ito ay masasapinal kung saan natin kukunin iyong ibibigay nating assistance sa ating mga kababayan. I’m sure he has submitted his recommendations to the President by now.
MELO ACUÑA/ASIA PACIFIC DAILY: Pahabol lamang po: Umiiyak din iyong mga taxi drivers dahil hindi raw sila makatugon sa boundary eh may ganito pang problema. Puwede raw po kayang ipangutang na muna iyong ibibigay na ayuda ng pamahalaan sa kanila?
SEC. ROQUE: Ay, hindi ko po alam kung mayroong magpapautang sa kanila ‘no. Pero kasama naman po ang mga taxi drivers sa inaasahan nating makakakuha ng… hindi po ayuda, ang tawag ay “assistance”, assistance po.
MELO ACUÑA/ASIA PACIFIC DAILY: Opo. Maraming salamat po, Secretary. Thank you. Happy weekend.
SEC. ROQUE: Salamat, Melo. Happy weekend. Back to Usec Rocky, please.
USEC. IGNACIO: Opo. Tanong ni Kyle Atienza ng BusinessWorld: Can’t we handle longer lockdowns? What does the seven-day lockdown say about our economy?
SEC. ROQUE: Well, kasi nga po nagkaroon na tayo ng additional restrictions na tumagal na nang isang linggo. So kukumpletuhin lang po natin ang isang linggong ECQ. So iyon po iyong rationale behind the seven days.
USEC. IGNACIO: Opo. From Bernard Ver ng RMN News: Paano daw po iyong pagkontrol sa mga simbahan eh iyong iba ayaw daw pong makinig sa gobyerno?
SEC. ROQUE: Eh dati po iyon, bago tayo mag-ECQ. Iba na po ngayon. Dati kasi ang pinu-prohibit lang natin ay iyong pagbibiyahe sa labas ng bubble areas. Ngayon po, lahat ng tao ay dapat manatili sa kanilang mga tahanan.
USEC. IGNACIO: Opo. Clarification daw po, iyon daw po bang PWD same as A2 with seniors or A3 with comorbidities with vaccine line up?
SEC. ROQUE: Ang alam ko po, A3. Kasi ako nga po, nagtanong ako sa aking mayor ‘no, iyong aming ID sa siyudad namin ay walang nakalistang comorbidity. Eh dahil pababakunahan ang may comorbidities, ang tanong ko, paano po kami magrirehistro? Ang sagot po sa akin ng aking mayor, and thank you to Mayor Joy Belmonte, kinakailangan kumuha daw ako ng PW—persons with disability card at doon na ilagay ang lahat ng mga impormasyon. So persons with disabilities can fall under A3. Pero hindi po lahat ng disabilities can be considered as comorbidities. Mayroon po tayong listahan na ginawa ang DOH.
USEC. IGNACIO: From Karen Villanda ng PTV: Hindi ba mawawala ang provincial buses; at sino lang po ang makakalabas ng Metro Manila?
SEC. ROQUE: Siyempre po, posible na mawala po iyan sa ngayon dahil nga po nililimitahan natin ang pagbibiyahe. Pero antayin po natin ang final guidelines sa Lunes din na ipalalabas po ng ating DOTr.
USEC. IGNACIO: Opo. May mga pagtatanong lang din from Joee Guilas ng PTV: Will members of the media be exempted from movement restrictions in pursuit of their professions? And for private workers in the affected sectors such as tourism sector, will there be work from Monday to Wednesday?
SEC. ROQUE: Well, doon po sa media, well, wala po silang restriction. Bagama’t lahat ng media companies po 50% work capacity. Iyan lang po ay nangyayari na kasi dito nga sa ating Malacañang Press Corps ay wala naman pong physically present; lahat tayo ay online.
Pagdating naman po doon sa mga industries, iyong mga industries po talaga natin nabawasan kung sino ang pupuwedeng mag-operate – ito po ay mga essential, ito po ay ang mga export-oriented industries, ito po iyong mga BPOs. At karamihan ng industriya ay isasara po natin para nga po mapigilan ang pagkakalat ng COVID-19.
USEC. IGNACIO: Okay, thank you. Back to you muna, Secretary.
SEC. ROQUE: Okay. Si Pia Gutierrez of ABS-CBN, please.
PIA GUTIERREZ/ABS-CBN: Hi, sir! Good evening. Sir, you said before, iyong expectation natin for the NCR Plus bubble is to reduce cases by 25%. But by implementing ECQ, do we hope to achieve more than that?
SEC. ROQUE: Alam mo diniskas [discussed] po iyan kanina, kaso bawal ngang kumuha ng picture kasi nga secret. So hindi ko nakuhaan ng picture ‘no. Idi-discuss po iyan ni Dr. Althea on Monday because we will invite her. Pero I think the expectation is mas malaki pa po sa 25% because this is ECQ.
PIA GUTIERREZ/ABS-CBN: Okay, sir. And how do you respond to criticism, sir, na itong ECQ is just delaying the surge and because we are addressing iyong new and more infectious variant, sinasabi nila na that after we relaxed protocols, baka bumalik ulit iyong pagtaas ng cases?
SEC. ROQUE: Well, may posibilidad po iyan ‘no. Kaya nga patuloy nating binabalanse at patuloy po tayo doon sa ating ninanais na i-promote iyong total health ng lahat ‘no, nang hindi naman masakripisyo iyong karapatang mabuhay, karapatan na hindi magutom doon sa pagnanais natin na mabawasan ang kaso ng COVID-19. Pero naniniwala po ako na ang Pilipino po, sa nakalipas na taon eh nakipagtulungan naman at patuloy na magtutulungan po tayo dito ‘no. Kung kinakailangan siguro na magkaroon ng voluntary stay at home, I’m sure gagawin po iyan ng ating mga kababayan dahil sila mismo, according to the survey 94% natatakot mahawa ng COVID-19. Kaya alam ko na gagawin nila ang mga hakbang na kinakailangang gawin para maiwasan na sila po ay mahawa.
PIA GUTIERREZ/ABS-CBN: I think, Sir, we’ve been doing that for the last [one] year already eh. Do you think mayroong pagbabago pa pagdating sa mindset ng mga Pilipino now that we’ve been under quarantine restrictions for more than a year?
SEC. ROQUE: Well, kasi nakita natin na until pumasok iyong bagong variant eh nagtagumpay naman tayo eh. So siguro it’s a matter of understanding this new variant at saka responding better to it ‘no. Saka there is also comfort in the fact na ang buong mundo po ay nadale na naman nitong mga bagong variants na naging dahilan kung bakit napakarami ring bansa ang nagri-resort din sa total closure ngayon or lockdown.
PIA GUTIERREZ/ABS-CBN: Sir doon lang sa simultaneous vaccination of priority groups ‘no. So it’s A1, medical frontliners; A2, seniors and A3 individuals with comorbidities. Will this only be for Sinovac vaccines or kasama na iyong AstraZeneca? Do you think this will impact iyong allocation po natin sa COVAX Facility?
SEC. ROQUE: Kasama po ang AstraZeneca, dahil inaasahan naman po natin na halos isang milyon na AstraZeneca ay darating na soon. Kung hindi po katapusan ng Marso then early April. Pero iyon nga po, so lahat po ng makukuha nating bakuna iyan po ang gagamitin natin sa A1, A2, A3 subject of course to the EUA issued to Sinovac.
PIA GUTIERREZ/ABS-CBN: Okay. So sir ibig sabihin, this will not endanger iyong allocation natin sa COVAX Facility since it is within the priorities?
SEC. ROQUE: Yes, tama po kayo. Hindi po tayo nagpa-jump ng line, sinusunod pa rin po natin iyong mga order of priorities.
PIA GUTIERREZ/ABS-CBN: Last na lang Sir. Iyong sinabi ninyo before na dapat unhampered iyong movement sa mga areas within the NCR Plus bubble. Puwede din po ba daw iyon under the ECQ?
SEC. ROQUE: Tapos na po iyon. Ang rule po ngayon walang labasan unless essential ang paglabas. So movement is now definitely hampered. It is not absolute dahil pupuwedeng lumabas kung necessity, kung allowed na employment at kung APOR. But movement is generally limited.
PIA GUTIERREZ/ABS-CBN: Sir, last na lang. How soon iyong pagsisimula noong simultaneous vaccination, Sir?
SEC. ROQUE: Ay, simula na po iyan bukas dahil patuloy naman po ang ating pagbabakuna kahit tayo po ay under ECQ.
PIA GUTIERREZ/ABS-CBN: All right. Salamat po.
SEC. ROQUE: Thank you very much, Pia. Punta tayo uli kay Usec. Rocky.
USEC. IGNACIO: Secretary, tanong ni Hannah Sancho ng SMNI: You mentioned earlier na magbabahay-bahay ang mga contact tracers. Ano po ang strategy natin, Sir, with more than 11,000 cases daily? Do we need more contact tracers now during ECQ?
SEC. ROQUE: Hindi lang po contact tracers iyon – iyong mga personnel ng DOH, iyong ating mga barangay healthworkers. Identified naman po natin kung nasaan iyong mga clusters so hindi naman po iyan lahat ng barangay. Pero iyong mga matataas po ang mga kaso, iyong may mga clustering of cases, diyan po tayo magbabahay-bahay at maghahanap ng mga taong may sintomas para po ma-test at ma-isolate.
USEC. IGNACIO: Tanong po ni Tuesday Niu ng DZBB: Kung naka-ECQ, tuloy ba ang vaccination? Ibig pong sabihin lalabas din ang mga tao.
SEC. ROQUE: Tuloy pa rin po pero bibigyan naman po sila ng notice para pumunta at talaga pong susubukan natin na hindi magkumpulan ang tao.
USEC. IGNACIO: Tanong mula kay Tina Mendez ng Philippine Star: May intervention po ba ang gobyerno sa procurement ng medicines used for treating symptoms of COVID-19 after some doctors sounded the alarm about lack of supply due to surge of cases?
SEC. ROQUE: Nagpa-order na po tayo diyan ‘no at iyong mga bagong gamot nga po na walang rehistro at under compassionate use eh talagang kanina po sa meeting ay inaprubahan na, na dahil mayroon namang compassionate use eh government will facilitate the entry of these medicines.
USEC. IGNACIO: Follow up po ni Tina Mendez: Paano po ia-address ang kakulangan din ng doctors and healthcare workers na magbantay sa mga additional hospital/COVID-19 beds?
SEC. ROQUE: Alam ninyo God is good po kasi nagkakaroon naman po tayo ng augmentation pagdating sa manpower. At nag-report po kanina si Usec. Vega, ang ating Treatment Czar at pinakita niya kung saang mga hospital tayo nag-u-augment at hindi naman po tayo nawawalan ng manpower lalung-lalo na po pagdating sa mga nurses ‘no. At mga doktor din po dahil marami naman pong mga doktor din sa mga pribadong hospital na nagbu-volunteer at naa-assign po sa mga pampublikong mga hospital. So I think God is good that we are, kumbaga, exporters of medical professionals ‘no. So sapat naman po iyan, ang sinisiguro lang natin ay we can entice them to work at naglaan naman po tayo ng pondo at hindi naman po ito volunteer, babayaran po sila.
USEC. IGNACIO: From Tuesday Niu ng DZBB: Clarification, sa presentation ninyo allowed to operate ang road rail, maritime and aviation sector for public transportation. Ibig sabihin po ba nito para ito ay masakyan ng essential workers at not for all?
SEC. ROQUE: Tama po iyan, magkakaroon po ng drastic reduction pero hintayin po natin ang mga protocols at guidelines na i-issue ng DOTr sa Lunes.
USEC. IGNACIO: Tanong ni Paolo Barcelon ng CNN Philippines: How about restaurant take out services, will it be 24 hours pa rin po ba or susunod sa curfew? Same din po ba with food deliveries such as Grab and Food Panda?
SEC. ROQUE: I supposed po na dahil magsasarado ang mga malls, iyong mga nasa malls sarado po sila ‘no, hindi sila pupuwedeng magbukas during the curfew period, so mukhang mas maaga po iyong mga nasa malls ‘no. At iyong iba naman po if they can operate 24 hours basta purely take out po. Pero limitado rin po magiging orders niyan because we are discouraging people from going out. Pero let me clarify that point po ‘no, iyong tanong na kung 24 hours pa rin ang delivery of food ‘no and take outs ‘no. Oo, basta ang aking tingin ngayon, basta hindi po nasa malls ‘no pero let me clarify that on Monday.
USEC. IGNACIO: From AR Vargas: Paano iyong mga online class daw po this Monday to Wednesday?
SEC. ROQUE: Tuloy naman po ang online classes dahil hindi naman lalabas ng bahay iyan. Kayo ha, cutting class online ha. Hindi naman po, tuloy po.
USEC. IGNACIO: From Kylie Atienza of Business World: How much will the strict lockdown affect the economy? Why have targeted lockdowns failed?
SEC. ROQUE: Hindi naman po nagpi-fail. Kaya lang eh nais natin talagang to take drastic measures dahil drastic po ang pagtaas ng mga kaso because of these new variants. Drastic threat warrants a drastic response.
USEC. IGNACIO: From Jo Montemayor: Will people still be allowed to go out to exercise?
SEC. ROQUE: Well dati na pong rule iyan ‘no, pupuwedeng mag-exercise pero for exercise purposes lang po.
USEC. IGNACIO: From Marichu Villanueva ng Philippine Star: What are the anti-COVID medicines okayed under compassionate use? Does it include Ivermectin?
SEC. ROQUE: Hindi po kasama ang Ivermectin sa ngayon. Ang alam ko po diyan iyong mga Remdesivir, iyong isang steroid na napatunayan na epektibo na anti-inflammatory, iyong anti-maga sa mga veins ng lungs ‘no. Hindi ko lang maalala kung ano iyong pangalan na iyon pero iyon po ‘yung pinag-usapan nila kanina ‘no, iyong shortage para doon sa steroid na iyon at saka iyong Remdesivir. Napakahaba ng pangalan ano, Dexamethasone.
USEC. IGNACIO: Tanong po ni Melo Acuña: Paano daw po ang government employees, kung i-skeletal din?
SEC. ROQUE: Skeletal din po, nasa slide ko po iyan. Skeletal din po ang mga government offices. Although ngayon talagang skeletal naman dahil under the bubble 30% ang ating gobyerno ‘no; at iyong mga Lehislatura nga nag-lockdown ‘no, pati ang ating Hudikatura ‘no, emergency cases lang ang pinapayagan sa ating mga hukuman.
USEC. IGNACIO: Pahabol po na tanong ni Henry Uri ng DZRH: Marami pong mga drayber ng pampublikong sasakyan ang umaapela na isama sila sa prioritization ng pagbabakuna dahil matatawag din silang frontliner. Ano po ang reaksiyon ng Palasyo hinggil dito?
SEC. ROQUE: Ang alam ko po kasama sila sa A4; A4 po sila, mga economic frontliners, kasama po ang mga drivers as economic frontliners.
USEC. IGNACIO: May pahabol pong tanong ni Einjhel Ronquillo: Birthday po ni Pangulong Duterte tomorrow. Saan po siya magsi-celebrate; tuloy po ba ang pagsalubong niya sa one million procured Sinovac vaccine?
SEC. ROQUE: Happy birthday, Mayor. Sa Davao po siya ‘no. Although kung tatanungin ninyo siya, sasabihin niya, ‘Hindi, January ang aking birthday.’ Pero anyway, happy birthday, Mayor!
Sasalubong po rin siya sa Sinovac, at humingi na po kami ng exemption sa National Task Force kasi nga po doon sa rule na bawal ang mass gathering. Nag-apply na po ako personally for exemption ‘no. So we are processing the papers for the exemption para doon sa pagsalubong sa one million Sinovac on Monday.
USEC. IGNACIO: Opo. Secretary, ako po’y humihingi ng paumanhin kay Maricel Halili, kasama po natin si Maricel Halili ng TV 5.
SEC. ROQUE: Go ahead, Maricel, please.
MARICEL HALILI/TV5: Hi, sir! Magandang gabi po. Sir, clarification lang po doon sa question kanina on lockdown. Kasi siyempre, after the decision na magkaroon tayo ng stricter community quarantine, of course nagkakaroon ng connotation na maybe the travel bubble is not that effective or at least kulang siya. So, sir, what went wrong?
SEC. ROQUE: Ang sinasabi po natin, we are always data-driven. So noong nag-exceed po ng 200% iyong ating average daily attack rate at saka iyong two-week average attack rate at naging critical po iyong ilan at karamihang mga lugar sa Metro Manila pagdating sa healthcare utilization rate, kinailangan po talagang mag-escalate ng ating quarantine classification dahil kung hindi po, mau-overwhelm po ang ating mga ospital.
MARICEL HALILI/TV5: Sir, clarification lang po doon sa substitution list kasi sinabi nga po na kasama na iyong A2 and A3. Does it mean na kapag magsa-substitute, uubusin muna iyong listahan ng mga healthcare workers; kapag naubos, isusunod senior citizen; kapag naubos, at saka iyong A3, with comorbidities, ganoon po ba iyon?
SEC. ROQUE: Hindi naman po ‘no. We encourage all hospitals, at later on ang ating mga local government units – dahil ang LGUs na po ang magbabakuna sa mga seniors at comorbidities – na magkaroon talaga ng substitution list. So basta manggagaling po iyan sa A1, A2 at A3. Hangga’t maaari, sundin po natin iyong priority ‘no; pero kung hindi talaga maiiwasan, basta manggaling po sa A1, A2, A3.
MARICEL HALILI/TV5: Okay. And, sir, with this new decision how will this affect the activity of the President because I understand he is planning to attend the arrival of the vaccine on Monday. Will this still push through?
SEC. ROQUE: The arrival ceremony is, I think, still a go subject to the procurement of an exemption order from the National Task Force.
MARICEL HALILI/TV5: So pupunta pa rin po si Presidente doon, sir?
SEC. ROQUE: Pupunta po. Magsi-celebrate lang po siya ng birthday niya sa Davao, babalik po siya sa Maynila dahil ang Presidente naman po, kung naalala ninyo, maski iyong napakatagal na ECQ natin ay nasa Maynila siya at talagang hindi niya iniwan ang Maynila.
MARICEL HALILI/TV5: Okay. Meaning, sir, dito rin siya magho-Holy Week talaga?
SEC. ROQUE: Babalik po talaga siya dito ‘no para doon sa arrival.
MARICEL HALILI/TV5: Last point na lang po, sir, iyong kanina po na sinasabi ninyo na more quarantine pass. Pero kapag lalabas iyong mga pupunta sa grocery, explanation is enough kapag po nasita ng pulis? Wala na po silang kailangan na ipakitang ID or anything?
SEC. ROQUE: Well, ang problema kasi natin po, kung wala na iyong mga quarantine passes at medyo matagal na iyong paggamit ng quarantine passes, for the one week period parang imposible namang mag-isyu ng mga bagong quarantine pass. Ang sabi ko nga po, kung mayroon pang quarantine pass, gamitin. Pero kung nawawala iyong quarantine pass, eh explanation na lang po ‘no talagang necessity ang labas ng bahay.
Pero I’m sure, marami pa ring mga lokal na pamahalaan that will attempt to distribute this quarantine passes. Pero kasi napakalimitado po at saka holiday naman talaga iyong Thursday and Friday.
MARICEL HALILI/TV5: Ay, sorry, sir, pahabol lang po. Bawal, sir, ang mass gathering pero tuloy iyong ceremony on Monday for the arrival of vaccines?
SEC. ROQUE: Subject nga po to an exemption to be procured from the National Task Force. Humihingi po kami ng exemption.
MARICEL HALILI/TV5: Ah, okay. Clear, sir. Salamat po, Secretary. Usec. Rocky, thank you.
SEC. ROQUE: Salamat po. Usec. Rocky, please.
USEC. IGNACIO: Pasensiya na, Maricel. Yes, Secretary, tanong po ni Argyll ng Manila Bulletin: Delivery po ba covered ng curfew?
SEC. ROQUE: Ang tingin ko po, hindi covered ang delivery but I will also check ‘no. Kasi nga po ang idea natin, importante ang delivery habang nananatili sa mga tahanan ang ating mga kababayan.
USEC. IGNACIO: Opo. Ganiyan din po ang tanong ni Red Mendoza ng Manila Times, iyong mga online shopping delivery kung allowed daw po sa ECQ.
SEC. ROQUE: Food po ‘no and other essentials.
USEC. IGNACIO: May tanong pa rin po: Iyong daw pong mga hotels, tuloy pa rin po ba raw ang operations; at pati raw po ba iyong lotto?
SEC. ROQUE: Ang aking pananaw po ‘no—but let’s hear also on Monday from the Department of Tourism, ang alam ko po iyong mga hotels na duly accredited by the Department of Tourism ay pupuwede pong magbukas kasi karamihan po diyan sa mga iyan ay ginagamit nating mga isolation facilities. But let me clarify iyong mga staycation. I think staycations will not be allowed ‘no, but I will have to verify and we will ask DOT on Monday.
USEC. IGNACIO: Opo. Iyong lotto daw po?
SEC. ROQUE: Hindi ko pa rin po alam kung ano ang mangyayari sa lotto ‘no. But—baka kasi—sarado po kasi iyong mga outlets niyan eh kasi hindi naman necessary iyan ‘no. Titingnan po natin kung magri-request din ang PCSO.
USEC. IGNACIO: Tanong po ni Marichu Villanueva ng Philippine Star: Please clarify daw po, house to house search for close contacts. How far and wide amid human rights questions?
SEC. ROQUE: Unang-una, hindi po siya house to house for close contacts. It is house to house para doon sa mga may sintomas po. At iyong may mga sintomas, iti-test po natin; at kung positibo po sila, well, actually, iyong kapag sintomas lang, dapat ground na iyon for isolation. Pero susubukan po natin silang i-test at i-isolate kung magpositibo. Wala naman pong violation of human rights diyan, because this is part and parcel of an ongoing quarantine.
USEC. IGNACIO: Opo. May pahabol po si Joseph, nagri-request sana siya ng bonus round, pero iyong tanong po niya: Iyong businesses dapat mandated to provide shuttle services.
SEC. ROQUE: Yes po.
USEC. IGNACIO: Also salon, pet stores, open.
SEC. ROQUE: Yes, yes. Ganoon din po ang rule.
USEC. IGNACIO: How about iyon daw pong mga scheduled flights?
SEC. ROQUE: Yes, ganoon din po ang rule ‘no. Since babawasan ang transportation, kinakailangang magbigay po ng shuttle iyong mga industriya na papayagan nating mag-operate.
USEC. IGNACIO: Iyon daw po bang NCR Plus bubble, wala na? Papaano po ang mechanics noon?
SEC. ROQUE: Superseded na po kasi full limitation on travel na tayo. Lahat tayo ay manatili sa ating mga tahanan, except for essentials. Superseded in that sense.
USEC. IGNACIO: Opo, pahabol po ni Argyll ng Manila Bulletin: Papaano raw po iyong Grab car, kung papayagan daw po?
SEC. ROQUE: Ang alam ko po, that will be subject also to drastic reduction if not outright prohibition. Pero I don’t want to speak for DOTr for now. Pero kung maaalala ninyo po noong panahon ng ECQ, hindi rin po sila allowed. Kasi ang idea nga po, kung ia-allow mo ang public transportation eh lalabas sa mga tahanan iyong ating mga kababayan.
But on Monday po will be an exhaustive statement from the Department of Transportation.
USEC. IGNACIO: Paano raw po iyong mga admin employees sa mga schools? Puwede silang pumasok hanggang Wednesday?
SEC. ROQUE: Hindi po essential ang mga schools eh. So hindi po sila kasama pati doon sa skeleton force ‘no. Ang enumeration na binigay po natin is exhaustive. Kung hindi po kayo kasama sa enumeration, you are not allowed to open.
USEC. IGNACIO: May pahabol pong tanong si Pia Gutierrez: Ano po ang magiging epekto ng ECQ sa mga provincial buses entering Metro Manila?
SEC. ROQUE: Chances are po, iyan ay pagbabawalan din for the time being. Pero let’s wait for DOTr.
USEC. IGNACIO: Opo. Tanong po ni Jinky Baticados ng IBC 13: Iyong mga bangko po raw, sarado po ba raw?
SEC. ROQUE: Hindi, bukas. Ayan, kasama po sa exception na with skeleton workforce ang mga bangko kasi nga po indispensable iyan.
USEC. IGNACIO: Opo. Papaano naman daw po, may hazard pay po ba raw kapag ECQ?
SEC. ROQUE: Idi-discuss ko po iyan sa DOLE. Pero ang alam ko po—dalawa kasi iyan eh, hazard pay for government and hazard pay for the private sector. So we will check po with the DOLE because I cannot remember kung ano ang naging rule natin. Ang alam ko nagkaroon ng hazard pay for government in ECQ; nawala po siya during MECQ at saka sa GCQ.
USEC. IGNACIO: Okay. Maraming salamat po, Secretary Roque. Iyon po iyong mga nakuha nating tanong.
SEC. ROQUE: Okay. Maraming salamat po sa lahat ng ating kasama sa Malacañang Press Corps. Maraming salamat sa iyo, Usec. Rocky. At maraming salamat sa lahat ng ating mga kababayan na nakinig po sa ating announcement ngayon.
Alam ninyo po talagang napakahirap ng buhay dito sa pandemya, at naiintindihan po natin iyan. Pero hindi naman po tayo nag-iisa. Hindi lang naman po Pilipinas ang may ganitong pahirap kumbaga. Nagkataon po na itong ating ECQ ay panahon ng Semana Santa, sana po gamitin din natin itong pagkakataon na ito magdasal, magmuni-muni at pag-isipan kung ano talaga ang ating relasyon sa ating Maykapal.
Ang tanong po ng marami: Bakit kaya pinayagan ng Panginoon itong pandemyang ito? Gamitin po natin itong ECQ at itong Semana Santa para bumalik tayo sa ating pananampalataya at tanggapin that ‘Thine will be done’; mahal tayo ng Panginoon at may dahilan po itong lahat na ito.
Magandang gabi po sa inyong lahat.
##
—
