USEC. IGNACIO: Magandang umaga, Pilipinas. Matinding krisis po ang kinakaharap ng ating bansa dulot pa rin ng COVID-19, kaya naman maraming mga katanungan at hinaing ang ating mga kababayan.
BENDIJO: Ngayong umaga, ating titiyakin na ang lahat ng mga ito ay ating sasagutin at lilinawin, kasama pa rin siyempre ang mga kawani ng ating pamahalaan. At sa ngalan po ni Secretary Martin Andanar, ako po si Aljo Bendijo.
USEC. IGNACIO: At mula pa rin po sa PCOO, ako naman po si Undersecretary Rocky Ignacio, at ito ang Public Briefing #LagingHandaPH.
Upang sumagot sa mga tanong ng bayan, maya-maya lamang po ay makakausap natin live sa ating studio ang Commander ng Task Force COVID-19 Police Lieutenant General Guillermo Eleazar. Via VMIX naman po, sina DICT Management Information System Services Director Aida Yuvienco; DICT Deputy Spokesperson Attorney Adrian Echaus; Federation of Filipino Chinese Chambers of Commerce and Industry Incorporated Honorary President, Dr. Francis Chua; International Container Terminal Services Incorporated Executive Vice President Christian Gonzalez.
BENDIJO: At makakausap din natin via phone patch sina OWWA Administrator Attorney Hans Leo Cacdac; Chargé d’Affaires of the Embassy of the Republic of the Philippines in Seoul, South Korea Christian De Jesus. At mamaya makakasama rin natin sa pagbibigay ng pinakahuling ulat si Czarinah Lusuegro ng Philippine Broadcasting Service.
USEC. IGNACIO: Sa puntong ito, makakausap po natin si DICT Management Information System Services Director Aida Yuvienco, pati na rin po ang Deputy Spokesperson ng DICT, Atty. Adrian Echaus. Magandang araw po sa inyo.
ATTY. ECHAUS: Magandang umaga po Sec., Sir Aljo, Usec. Rocky at saka sa ating mga tagapakinig ngayong umaga. Maraming salamat po sa pag-imbita sa amin sa inyong programa.
USEC. IGNACIO: Opo. Sapul nang ipinatutupad ang enhanced community quarantine, mas marami po ang gumagamit ngayon ng internet, kasama na po kami diyan, as means of communication. Kumusta po ang status ng ating internet connection at network signal?
ATTY. ECHAUS: Yes po, magandang tanong po iyan. Ngayon po kasi sa sitwasyon na ito, ang access to data ngayon ay isang basic right na ngayon. So ang pagkain, tirahan, damit… ngayon dapat isama na natin ang access to data doon. So ayon sa direktiba ng ating Pangulo through the Inter-Agency Task Force at siyempre sa Kalihim ng aming Departamento na si Secretary Gregorio Honasan, kailangan nating magbigay nang sapat na access to data sa ating mga mamamayan.
Mayroon po kaming mga ginawa pong mga direktiba, sa tulong po ng National Telecommunications Commission, sinisigurado po ng DICT ang mga internet services for existing subscribers ay tuluy-tuloy at ang mga new subscribers naman ay mabigyan ng serbisyo. Ngayon po, tuloy pa rin ang trabaho ng mga telecommunication personnel natin, kasama po sila sa exempted sa ECQ, iyong mga maintenance, sales at iba pang tauhan ng mga telcos at internet service providers.
Nag-issue po ang DICT ng direktiba sa NTC upang i-monitor itong mga telcos at internet service providers upang siguraduhin nila ang continued reliable service and sufficient bandwidth allocation. Nag-issue rin naman ang NTC ng direktiba sa mga telcos at ISPs na ito na mag-submit ng business continuity plan. Idedetalye po dito ang mga plano, ang mga hakbang na dapat gawin para tuluy-tuloy ang kanilang serbisyo at matugunan ang lumalaking pangangailangan ng serbisyong ICT po.
Ngayon po, siyempre mayroon tayong mga issues na na-encounter. Nakakatanggap po ang DICT at saka NTC ng mga report tungkol po sa pagpigil ng mga tauhan ng mga telcos at internet service providers. Umapela po ang NTC sa mga checkpoint personnel, local government units at homeowners associations para payagang pumasok ang mga tauhan nitong mga telcos.
Since nandito na po tayo, we would like to take this opportunity to again, appeal to these people. Nananawagan po ang DICT na huwag pong pigilan itong mga tauhan lalo na ang mga maintenance at service personnel ng mga telcos at internet providers. Kritikal po ang ginagawa nila in ensuring availability of internet and mobile service during this pandemic, salamat po…
USEC. IGNACIO: Para naman po kay Director Yuvienco, ngayon nga po sinabi na nga po ni Attorney, gaano nga po ba talaga ang kahalagahan na magkaroon ng free Wi-Fi for all para po sa COVID-19 quarantine facilities naman po?
DIR. YUVIENCO: Magandang umaga ho, Usec Rocky and Aljo. Good morning. Iyong atin pong free Wi-Fi ay napakaimportante po para sa mga tao na walang mobile postpaid na data. Ang DICT po ay talagang naghahanda at nagbibigay ng lahat ng effort para ma-provide iyong mga free Wi-Fi facilities natin lalo na po doon sa mga quarantine facilities. We have 8 quarantine facilities na binibigyan ng Wi-Fi connection at 5 na COVID-19 testing centers.
So importante itong mga Wi-Fi connections sa mga lugar na ito dahil kailangan po natin na iyong mga tao doon ay makapag-communicate sa mga tao sa labas. Alam po naman natin na kapag nandiyan ka sa loob ng quarantine facility, you cannot really just go out. At sa mga pasyente po ay kailangan din po nila ito para makapag-communicate sila sa kanilang mga mahal sa buhay. So ang internet connection po sa mga facilities na ito ay importante para rin po sila ay makakuha ng mga data sa kani-kanilang mga respective agencies po.
BENDIJO: Atty. Adrian, magandang umaga muli. Ang DICT ay mayroong partnership program with Philippine National Police upang maiwasan ang pagpapakalat ng mga pekeng balita, itong mga fake news. Attorney, ano po itong Task Force COVID Kontra Peke?
ATTY. ECHAUS: Good morning po. Magandang tanong po iyan. Ang Task Force COVID Kontra Peke po ay isang grupo na ang layunin po ay pigilan ang pagkalat ng fake news. So binubuo ito ng iba’t ibang ahensiya ng gobyerno kasama na dito ang DICT, nandito rin ang DTI, PNP, NBI, DOJ, PCOO at iba pang mga ahensiya. So sa DICT po, mayroon po tayong Cyber Security Bureau at nandito rin po iyong Computer Emergency Response Team. Nagbibigay po sila ng technical assistance on information sharing and analysis sa mga law enforcement agencies.
Klaruhin ko lang po, itong task force po na ito – PNP and NBI ang namumuno dito, so mga law enforcement. Ang technical assistance lang po ang binibigay ng DICT dito.
BENDIJO: Okay. So anu-ano pong mga tulong o serbisyo na inyong ibinibigay sa gitna ng pandemic, sa gitna ng krisis sa paglaban natin dito sa COVID-19, Attorney?
ATTY. ECHAUS: Yes po. Sa ngayon po, tuluy-tuloy pa rin ang serbisyo ng departamento ngayon. So sa ngayon po ang DICT po ay nagbibigay ng iba’t ibang technical assistance sa mga ahensiya sa pag-develop ng mga ICT tools and systems upang i-strengthen ang government’s effort sa battle nitong COVID-19 crisis. Noong nagsimula po itong COVID-19, tumulong din kami sa mga iba’t ibang ahensiya sa pag-setup nila ng mga work-from-home. Nagbigay kami ng mga collaboration tools, in-increase namin iyong mga cloud spacing saka nagbigay din kami ng mga teleconferencing equipment para po mas mapadali po itong mga work-from-home.
ATTY. ECHAUS: Tapos ito po, mayroon din kaming ni-launch nitong April 6 po na rapid pass system. So, itong rapid pass po ay na-conceptualize po ng IATF. Itong initiative po, kasama dito ang DICT, ang DOST, iyong Joint Task Force COVID Shield at saka iyong Dell Connect Philippines. So, itong rapid pass system po is an order to speed up inspections ng frontliners sa designated control points to reduce unnecessary physical contact during this community quarantine.
Marami pa pong ibang mga proyekto na ginagawa rin ang departamento ngayon para makatulong sa krisis natin ngayon. Ang isa pa is, ayon po sa direktiba ng ating Pangulo through the Inter-Agency Task Force, siyempre sa aming kalihim din na si Secretary Honasan, kailangan din na unhampered ang flow of goods natin ngayon. So, under sa DICT, sakop din ng DICT ang mga private express and messengerial delivery service operators, PEMEDES operators – ito po ang mga couriers at sa mga delivery services. Sinisigurado po ng DICT na tuluy-tuloy ang pag-deliver ng pagkain, tubig, gamot at basic goods and necessities sa mga pamilya na sumasailalim sa home quarantine.
Nag-isyu din ng direktiba ang DICT sa mga PEMEDES operators, na ito ay magkaroon ng mandatory safeguards sa kanilang mga workers, including proper identification, due care in handling deliveries and ensuring hygienic practices sa field. Ngayon po mananawagan ulit ang DICT, since nandito na rin kami, nananawagan din ang DICT sa mga PEMEDES operators na ito na makipag-partner sa iba’t ibang commercial establishments na nagbibigay ng basic goods and necessities.
Kung mas madaming establishment ang masakop ng mga operators na ito, mababawasan ang mga paglabas ng bahay at maiiwasan ang exposure ng COVID-19. Marami pa pong ibang proyekto ang DICT ngayon, a lot are still under process. So, once we release more information, we will just disseminate it sa public po.
BENDIJO: Okay. Maraming salamat po sa inyong Director Yuvienco at Atty. Echaus, mula sa Department of Information and Communications Technology.
Samantala, live po mula dito sa studio, makakausap natin ang commander ng Task Force COVID-19, Police Lieutenant General Guillermo Eleazar. General, magandang araw po.
GEN. ELEAZAR: Magandang araw sa iyo, Aljo, at ganoon din kay Usec. Rocky at sa lahat po ng nakikinig at nanunuod sa ating programa.
BENDIJO: General Eleazar, anu-ano po ang rules of engagement ng PNP sa kabila ng mahigpit na pagpapatupad nitong Enhanced community Quarantine dito sa Luzon?
GEN. ELEAZAR: Well, sa atin po kasi, ang ating mga pulis ngayon ay usually sila po ay nasa ating mga checkpoints and through those checkpoints sinasala po natin. Gusto nating siguraduhin na only those persons authorized to be out of their residence ang nandoon lang. Kaya po kapag dumating po sila doon, una tinitingnan natin, tinatanong natin kung sila ba ay authorized o hindi. At kung sila naman ay authorized, to see to it that social distancing is being observed and after that pati na rin o iyong health protocol natin, tsine-check natin iyong kanilang temperature doon po sa hindi papasa doon eh hindi po natin doon palalampasin. So basically iyon po ang ginagawa sa lahat ng mga quarantine control points natin.
But nag dagdag po tayo ng additional na mga tropa through the direction of our Chief PNP, Police General Archie Gamboa, na ito pong Highway Patrol Group natin ay naka-deploy na po sa iba’t ibang main thoroughfares dito po sa Metro Manila para siguraduhin na iyong mga private vehicles in particular, eh hindi po nagsasakay ng mga unauthorized persons.
Dinagdagan pa po iyon ng police visibility, pati na rin po iyong ating Special Action Force ay ngayon po ay mayroon silang at least ten teams sa iba’t ibang lugar na prone to violation of social distancing, particular iyong mga public market, para mag-augment sa ating mga local police at magbigay ng message sa ating mga kababayan na kasama ang AFP at iba pang law enforcement agencies natin.
Gusto natin na the remaining one week or so, ito pong past 37 days na ating pinagdaanan, sakripisyo at paghihirap ay hindi po mababalewala sa tulong at kooperasyon ng ating mga kababayan.
BENDIJO: Okay, speaking of rules of engagement, kumusta po ang ongoing investigation na isinasagawa ng PNP sa pagkakapatay ng isang dating sundalo, ng mga pulis dito sa Quezon City na diumano ay may post traumatic stress disorder ang dating sundalo?
GEN. ELEAZAR: Ang atin pong PNP ay nakikiramay sa pamilya po ng nasawing dating sundalo. Siguradong siya po ay nakapaglingkod sa ating bayan at nalaman natin at nalaman na mayroon pang mental problems. At ito po ay iniimbestigahan. Nagbigay ng direktiba ang ating Chief PNP that there must be no stone left unturned sa investigation na ito, both the criminal investigation and the detection unit of the QCPD, as well as, internal service of the same district are conducting investigation. At nagbigay pa ng direktiba ang ating Chief PNP na pati na rin po CIDG ay mag-imbestiga dito.
Well, nagkalat po iyong mga video at nakita natin at maaaring hati ang ating impression o ating masasabi sa pangyayaring iyon. Gusto ko pong sabihin na ang ating PNP po ay lahat iyan nagdaan sa training and because of that sila po ay magiging responsible and accountable sa anumang dapat nilang gawin. So, iyon pong ginawa niya ay masasabi na through his self-defense instinct ang mga pangyayaring iyon, pero iyon po ay atin pang iimbestigahan. Gusto nating iparating sa ating mga kababayan na it’s very easy to criticize the police sa action na gagawin niya, pero kami po ang accountable and responsible sa aming ginagawa. Sa mga sitwasyon na talagang nandiyan iyang panganib eh dalawang bagay lang po iyan, ang buhay mo o buhay ng iba kung kinakailangan. Pero as much as possible talagang pinapakita natin ang maximum tolerance. Nakita naman natin iyong mga bagay na ating iimbestigahan doon, kung nasunod ba itong mga protocol or ating police operational procedure, this will be subjected to proper investigation at malalaman po natin lahat as soon as possible.
USEC. IGNACIO: General, dahil sinasabi nga po na kritikal na itong mga susunod na araw na ito para po labanan ang COVID-19. Paano po naman ninyo masisiguro na may sapat at intensive police visibility po ang Metro Manila at ang ilang bahagi sa Luzon para hindi na rin daw nauulit kung anuman iyong nangyari kahapon.
GEN. ELEAZAR: Iyon pong sitwasyon namang iyon ay makita natin na hindi naman iyon ang pangkaraniwan at sinasabi nga natin na mayroon tayong imbestigasyon na ginagawa. Nag-maximize po tayo ng ating deployment sa utos ng pamunuan ng PNP, pati na rin po ng AFP at nakita rin naman po natin iyong resulta ngayon. At ipagpapatuloy po natin iyan sa mga susunod na araw. Alam po ninyo, for the past 37 days nakita natin ang patuloy na pagbaba ng krimen at gusto ko pong i-ulat na ito pong ating datos for 37 days ay bumaba po ang ating krimen o iyong tinatawag nating mga 8-focused crimes or itong barometer ng ating peace and order sa Luzon ng 66%, sa Visayas naman po ay 56%, 51% sa Mindanao and sa buong bansa natin ay 60%.
Gusto po nating ituluy-tuloy iyan at gusto natin na lahat ng sakripisyo na ating ginagawa ay hindi po mapupunta sa wala. So, patuloy po iyong ating operation lalo po iyong mga pasaway, ito pong mga hindi tumutupad doon sa ating basic quarantine na laws at nasabi nga ng ating Chief PNP, sa ngayon po wala nang babala, aarestuhin na. Of course, ito po ay minors na nakikita natin, hindi naman po naman puwede natin po iyan ikulong.
But just the same for others, mga adults paulit-ulit, naglaan po tayo ng paglalagyan nila para ipakita sa lahat, the presence of the police, ito pong ginagawa namin kung ito ay nakakatakot sa mga pasaway, so be it, matakot po kayo. Pero sa ating mga kababayan na sumusunod at gustong mangyari ang kagustuhan ng ating Pangulo, ito po ay magsisilbi sa inyong protection at assurance na gagawin po namin ang lahat para po magtagumpay tayo sa ating programang ito.
USEC. IGNACIO: General, kaugnay naman po ng kasalukuyang ipinatutupad ni Mayor Isko Moreno sa Sampaloc district na 48-hour hard lockdown, paano po tutulong ang PNP dito?
GEN. ELEAZAR: Well, may proper coordination naman po ang Lungsod ng Maynila sa lahat ng concerned agencies and this is within the authority of the local chief executive at iyan naman po ay hindi kahabaan, two days lamang. Bigyan ng pagkakataon na itong mga kababayan natin ay makakuha ng sapat na mga kailangan nila for that two days at iyong mga essential personnel na sinasabi natin ay exempted pa rin naman po diyan like iyong mga health workers, mga pulis at iba pa na sa tingin natin ay dapat tuluy-tuloy ang kanilang ginagawa upang makatulong, hindi lamang sa Manila, but pati na rin po sa ibang lugar dito po sa ating bansa.
ASEC. IGNACIO: General, mayroong post sa Facebook, isang community leader sa Cainta tungkol umano sa pekeng quarantine pass. Authorized po ba ito sa mga checkpoint, itong mga ganitong aksiyon na kung sakaling peke nga po ang Q-pass at may mga ilan pa raw po na mas malala umanong pangyayari sa pagitan ng mga sibilyan at checkpoint security, dapat na po ba tayong maalarma dito o kailangan po na validate na po ba ito ng PNP, iyong mga ganitong mga report, General?
GENERAL ELEAZAR: Hindi po puwedeng punitin itong mga ID na ito kahit iyan ay peke. At nagbigay po tayo ng dissemination or instructions sa ating commanders on the ground, hindi dapat punitin iyan. Kung talagang peke iyan, gamiting ebidensiya; faylan [file] ng kaso appropriately kung sinuman iyong gumagamit ng pekeng iyan. So iyan po ay patuloy nating dini-disseminate sa ating mga kasamahan.
Gusto ko pong liwanagin na sa atin pong mga quarantine control points, ang rapid pass at ang IATF ID cards ay authorized. Pero kung wala po sila nito, itong mga APOR na tinatawag nating authorized persons outside residence, dahil hindi pa kumpleto ang pagbibigay noon – except for the media in NCR na dapat mayroong PCOO issued IATF card – ay io-honor pa rin po kahit iyong basic ID pa lang.
Gusto ko pong iparating iyong atin pong rapid pass system, napakaganda po ng adhikain nito. And even beyond April 30, this will be the new norm, ito po ang ating gagamitin. Ngayon po, sa buong Metro Manila, the 180 QCPs (Quarantine Control Points)starting today or tomorrow ay lahat na po iyan ay magkakaroon ng mga scanner, iyong mga magbabantay na pulis. At mag-a-allot din po tayo ng special lane na puwedeng i-avail ng cargo vehicle pati na rin po iyong non-cargo vehicle with rapid pass holder at mayroon ding sakay na mga health workers natin.
Uulitin ko po, iyon pong special lane natin, ang puwede lang dumaan doon ay mga cargo vehicle kasi hindi naman nila kailangan, ng sakay noon, ng pass. Dahil if it is cargo vehicle, ang laman niya na hanggang tatlo ay authorized; hindi haharangin ng QCP. Puwedeng sumabay ang mga non-cargo vehicle na mayroong rapid pass pero paparahin pa rin at itsi-check, i-scan ang kanilang rapid pass card at pati na rin po iyong ating mga health workers na nakasakay sa mga authorized na mga sasakyan.
Inuulit ko po, we encourage lahat po ng APOR na mag-apply na po ng rapid pass. I-tsek ninyo po iyon sa online dahil eventually ito na po ang gagamitin natin, ma-extend o hindi, magkaroon ng modified na quarantine, this will be the new norm na atin pong ipa-iiral as given by DICT and DOST sa kanila pong mga pahayag sa mga nakaraang araw.
BENDIJO: Okay, General, may kalituhan lang sa lahat ng mga media practitioners at mga empleyado ng mga media organizations ngayon. Again, puwede naman silang gumamit ng kanilang mga issued na mga ID, ng kanilang mga istasyon. May kalituhan, bakit hindi daw kinikilala ito ng mga sundalo or Armed Forces of the Philippines na mga checkpoints lalo na dito sa Luzon, General Eleazar?
GENERAL ELEAZAR: Opo, nakarating po din sa ating kaalaman iyan. At gusto ko pong ulitin, na ang IATF card should be honored. Actually, sa lahat po ng mga sectors natin dito, wala pa pong sektor na nakakumpleto ng pag-isyu nito kaya nga sinasabi natin na kung wala kayo nung IATF card, puwede kayo na basic ID, except for media sa NCR. Kasi as per our Sec. Andanar, eh sa NCR po, dapat dito ay may IATF card ang media; pero sa labas, puwede pa rin ang basic ID.
Ngayon po gusto naming malaman dahil nga sa mga report na ito na iyong specific lugar na checkpoint, anong oras, anong araw, maaari pong iparating lang sa kinauukulan o sa amin ito pong mga sinasabi nating mga complaints para mai-specify natin po kung saan nagkaroon ng problema. Otherwise kung very generalize, napakahirap. Araw-araw, we are reminding our personnel in the checkpoints para sa mga important dissemination. At in fairness to them naman, talaga pong nasaksihan naman ng mga representative ng iba’t ibang departamento ang kanilang agarang pag-aksiyon – so gusto namin pong specific para po mas maganda ang aksiyon na kailangan natin.
BENDIJO: Okay. Maraming salamat po, P/Lt.Gen. Eleazar, good morning!
GENERAL ELEAZAR: Maraming salamat po, magandang umaga po.
USEC. IGNACIO: Sa puntong ito, makakausap naman natin si DILG Undersecretary Jonathan Malaya, magandang araw po, Usec. May mga ilang reports po ukol sa reklamo sa mga barangay officials na umano ay nahuhuli sa sabungan. Ano po ang aksiyon na ginagawa ng DILG dito?
USEC. MALAYA: Yes, Usec. Rocky. Can you hear me?
USEC. IGNACIO: Yes, naririnig ko kayo. Uulitin ko po iyong tanong ko sa inyo kanina. Naririnig ninyo na ako, Usec? May mga report daw po kasing mga reklamo sa mga barangay officials na nahuhuli sa sabungan, ano po ang aksiyon na ginagawa dito ng DILG?
USEC. MALAYA: Opo, Usec., nagpalabas na po ng show cause order si Secretary Eduardo Año laban sa 29 na mga barangay chairman sa buong Metro Manila, at mayroon na po tayong inihahandang mga show cause orders pa para naman sa mga probinsiya.
Binuo po ni Secretary Año ang isang special team na mag-iimbestiga sa mga barangay sa pamununo po iyan ni Usec. Martin Diño. At ito pong mga barangay na ito, itong 29 barangay chairman ng Metro Manila ay binigyan ni Secretary Año ng 48 hours para sumagot doon sa show cause order na inisyu ng DILG laban sa kanila. Kung wala pong katanggap-tanggap na paliwanag or maayos na paliwanag ay kami po ay magsasampa ng kaso sa Office of the Ombudsman laban sa kanila. At mayroon din pong corresponding na endorsement iyan sa National Bureau of Investigation.
USEC. IGNACIO: Opo. Usec., kasi napabalita rin na isang opisyal ng barangay na kinuyog matapos maghigpit sa pagpapatupad ng ECQ – paano ito tinutugunan ng DILG? At ano daw po ang ini-expect ng publiko pagkatapos ng APRil 30 na ECQ?
USEC. MALAYA: Yes, Usec., nakakalungkot nga iyong balitang iyan ‘no. Iyong ating mga barangay tanod ay pagod na pagod na, hirap na hirap na sa katayuan nila dahil sila nga iyong nagpapatupad ng ating enhanced community quarantine. Ngunit mayroon pa tayong report na natanggap na binato pa at sinaktan iyong ating mga barangay tanod.
So bilang mga frontliners po ay nakikiusap po kami sa publiko na suportahan din natin ang ating mga barangay officials at siguraduhin natin iyong kanilang kapakanan. And kami po ay nakipag-ugnayan na rin sa Philippine National Police. Kanina po guest lang natin si General Eleazar at binigyan na po natin…nakiusap po kami at nagbigay ng direktiba si Secretary Edaurdo Año sa Philippine National Police na bantayan o kaya naman ay suportahan ang ating mga barangay officials/protektahan sila sa mga ganitong klaseng insidente.
USEC. IGNACIO: Kaugnay naman po doon sa kasalukuyang ipinatutupad ni Mayor Isko Moreno sa Sampaloc district – ito po iyong hard lockdown, 48-hour – paano po ang implementation nito? At ini-encourage ninyo po ba iyong other LGUs na sundin ito o gayahin ito lalo na iyong mga lugar na matataas po talaga iyong kaso ng COVID-19?
USEC. MALAYA: Si Mayor Isko po bilang siya naman ang chairman ng IATF City of Manila, siya po ay may kaukulang authority mula sa ating IATF national na kung saan ay puwede po siyang mag-implement ng mga polisiya na applicable sa kaniyang lugar.
In this case, napagdesisyunan niya po, in cooperation with the Department of Health, na kailangan magkaroon ng total lockdown sa distrito ng Sampaloc sa Maynila. So mayroon pong kaukulang authority na nagmumula sa IATF national dahil nga po mataas na iyong numero ng ating mga COVID cases sa Sampaloc. Kaya po iyong mga ganiyang hakbangin po, so long as they are consulted closely with the DOH and the DILG, ay pinapayagan naman po ng ating IATF.
BENDIJO: Ang pamamahagi ng Social Amelioration Program, may ilan pa rin daw pong mga areas, Usec., na hindi nakatatanggap nito, papaano po ba natin ito minu-monitor?
USEC. MALAYA: Opo, nakikipagtulungan na po kami, Aljo, sa DSWD tungkol dito sa programang ito. At kanina nga po ay may meeting ang DILG, DSWD at ang NCIP para po maplantsa itong mga implementation issues natin.
Ngunit kahapon po ay naglabas naman ng pahayag ang DSWD na napakarami nang nakatanggap ng kanilang Social Amelioration Program, ngunit mayroon pa ring mga lugar na nahuhuli. Naka-monitor po ang DILG diyan, at sa tingin ko po ay maglalabas ng direktiba din si Secretary Año para sa mga LGUs para bilis-bilisan nila iyong kanilang aksiyon doon sa mga lugar na hindi pa rin nakukumpleto iyong distribution ng Social Amelioration Program.
BENDIJO: Ano po ang naging aksiyon naman ng DILG, Usec., sa mga LGU na ayaw pa ring magpapapasok ng pork and meat related products sa kanilang boundary? For instance, ang Cebu at Leyte, may ten percent over supplied na ang pork sa Mindanao dahil hindi makapasok ang supply sa Visayas?
USEC. MALAYA: Okay. Kapag ganito po, Aljo, itong sitwasyon na ito ay maliwanag po ang direktiba ng IATF diyan na kailangan po unhampered. Unhampered ang movement ng cargo from one province to the other. Kasi nga po kahit tayo ay naka-ECQ ay kailangang gumalaw iyong ating food supply dahil importante po iyan para sa food security ng ating bansa. So, kung mayroon pong mga ganitong reports, Aljo, now that naipalaam ninyo po sa amin ay makikipag-ugnayan na po kami sa ating mga LGUs sa Leyte and Samar para hindi po maantala ang galaw ng ating mga cargo partikular ang mga food products and pork products na sinasabi ay naaantala sa mga checkpoints.
MR. BENDIJO: Maraming salamat, DILG Usec. Malaya.
USEC. ROCKY: Ngayon naman po ay makakausap natin ang honorary president ng Federation of Filipino-Chinese Chambers of Commerce and Industry Incorporated na si Dr. Francis Chua. Magandang araw po.
DR. CHUA: Good morning, Usec.. Kumusta po?
USEC. ROCKY: Mabuti naman po. Kumusta na po iyong kasalukuyang sitwasyon ng mga Filipino-Chinese businesses po sa kabila po ng pinagdaraanang krisis dahil sa COVID-19? At ano po iyong mga tulong na ibibigay ng samahan ninyo para po sa mga business owners?
DR. CHUA: Ma’am, so far, we have suffered some casualty. All these things that we have been doing [choppy audio] activity of the different Chinese community, different associations and I think as of the moment we have already imported from China close to 200 million of medicine, the testing kit and the PPE.
Right now, at hand we have about 100,000 testing kits, 80,000 quick (rapid) tests, 20,000 is traditional one – the PCR, and we have about 50,000 units of PPEs, millions of mask, and all these are free which is donated to different hospitals, different members of the Chinese community and also to Filipinos who believes that they will need support from us.
We understand, that such as PCCI, we also help. A lot of donations going on but the major effort is to see to it that we would be in partnership with the government to see to it that whatever the government do not have enough, we will try to patch up and do the best what we can.
MR. BENDIJO: Dr. Chua, magandang araw po sa inyo. Kasalukuyan po ay nakapag-raise na po ng around 267 million ang inyong organisasyon para sa paglaban sa COVID-19. Sino-sino po ang magiging beneficiaries nito, Dr. Chua?
DR. CHUA: Sir, wala po kaming pinipili. Lahat ho ng hospital will be given. Lahat, kung humihingi ng tulong ito po ay bibigyan natin. So, if you need – any needs – you can always write to either Federation of Filipino-Chinese Chambers of Commerce or to any Chinese association for that matter. And on top of it, if you like also to ask help from PCCI, we could also try to do something about it.
MR. BENDIJO: Sa paanong paraan po—
DR. CHUA: Kayo po sir, sa mga media, if you need any of these testing kits or PPEs, let us know and we are more than happy to bring some to your office.
MR. BENDIJO: Magandang balita po iyan. Maraming salamat po, Dr. Chua. Sa anong paraan pa ninyo sinusuportahan ang pamahalaan sa ating laban kontra COVID-19?
DR. CHUA: So far, we have put up public quarantine area; we have worked it out with our Chinese ambassador to bring in the Chinese doctors to assist and to liaison with the local doctors, and even if they are back in China now, they are always online for consultation. And should there for additional support, either equipment, medicine or any other things, we are all on standby to assist. Rest assured that this is a joint effort of the entire Chinese community, the associations, and the Chinese embassy.
MR. BENDIJO: Okay. Maraming salamat po, Dr. Francis Chua.
DR. CHUA: Thank you po, sir. Salamat po.
USEC. ROCKY: Ngayon naman po upang alamin ang sitwasyon sa Manila Port, makakausap po natin si International Container Terminal Services Incorporated Executive Vice President Christian Gonzalez. Magandang araw po.
EVP GONZALEZ: Magandang umaga. Magandang umaga sa inyong lahat.
USEC. ROCKY: Paano ang ginagawa ninyo pong pag-manage upang maiwasan po o maresolba iyong congested situation po sa Port of Manila? Nagkakaroon na rin po daw ba ng normal utilization level sa MICT? Ano po ba ito?
EVP GONZALEZ: Unang-una, wala na tayong congestion issue dito. In fact, sa ngayon walang naka-atraka na barko, walang naghihintay na barko, so magandang balita iyon.
Nag-umpisa itong isyu ng congestion noong, siguro mga two weeks after na-implement iyong ECQ, nakita namin na talagang nag-i-increase ang utilization dito sa MICT. So first and foremost ang ginawa namin, nag-produce kami ng ‘communication plan’ para maliwanag sa lahat ang problema. Pangalawa, nakiusap kami sa PPA na mag-form ng informal committee with PPA, BOC, kami, at saka ang DTI. DTI really helped us a lot to communicate this and to organize an action plan.
Noong na-organize na itong action plan na ito, again with the help lalo na of BOC and DTI, nag-almost door-to-door kami sa mga importer to again explain the problem in detail and to ensure naiintindihan nila na kailangan talagang ilabas iyong kargamento kasi kung hindi nila ilalabas iyong kargamento, mapupuno ang terminal to the point na hindi na kami makakakilos.
Now, since then, what was very important is that we stuck to our plan, we continue to communicate and because of this plan and because of the support ng mga government agencies and most importantly ng mga importers, bumaba na sa normal levels iyong utilization dito. In fact, it’s been this way now for almost a week to the point na wala nang naghihintay na barko for quite some time at like I said, mabilis ang pasok at labas ng barko.
It’s very important to note na sa lahat ng pumasok na kargamento from the time that the ECQ started, 92% na ang lumalabas dito sa MICT. So, very small iyong mga naiiwan dito at iyong mga naiiwan dito are left here now, primarily by choice kasi very efficient na ang proseso ng BOC. In fact, nag-implement sila ng mga bagong procedures allowing some documents to follow after number of days which have also allowed people to process and clear much faster than before.
So, maganda na ang sitwasyon ngayon and we see this as something that will continue regardless of whether the ECQ is lifted on April 30 or not.
USEC. ROCKY: Sinabi ninyo nga po nakita ninyo iyong mga unang problema diyan sa MICT. Pero sa kasalukuyan po, ano po iyong nakikita ninyo na dapat ninyo pang tugunan na problema sa inyong mga daily operations naman po para talagang magsigurado na tuloy-tuloy po talaga iyong maayos na operasyon na rin kaugnay pa rin sa mga paghahanda para sa ating pagkilos laban sa COVID-19?
EXEC. VICE PRESIDENT GONZALEZ: Magandang tanong iyon ‘no. Iyong pinakaimportante ngayon lalo na nag-i-spread pa rin iyong disease dito is mag-ensure na iyong mga tao namin, iyong mga pumapasok ay hindi nag-i-spread ng COVID-19 dito sa loob ng MICT. So nag-implement na kami ng rapid testing para sa mga empleyado namin in two different sets ‘no, iyong mga regular na nagtatrabaho dito sa loob at iyong mga ibang nagwo-work-from-home, na in the event na ma-lift iyong ECQ ay babalik din dito sa MICT.
Importanteng-importante itong mass testing and we are very committed to ensure that this is continuous until mawala itong COVID-19 dito sa bansa natin, whether that takes one year or two years so be it, committed kami sa employee testing at sa full employee testing. Of course following the protocols ng DOH, at the same time para iyong puerto natin nandito sa Tondo, very heavily affected iyong mga residente dito. We’re continuing to coordinate with City Hall, lalo na si Mayor Isko, and with a number of local government officials to ensure na kung kailangan ng tulong, nandito iyong ICTSI at kung kailangan ng suporta nandito din iyong ICTSI whether empleyado namin o whether residente lang dito, susuportahan namin.
BENDIJO: Okay. Ano po ang maitutulong sir ng ICTSI at ganoon din ng pamahalaan sa mga negosyante na ngayon ay humihingi ng kaluwagan sa ating mga pantalan sa panahong ito?
EXEC. VICE PRESIDENT GONZALEZ: Well, eh iyong magandang balita nga is maluwag na maluwag. As I said 92% ng pumasok dito from the week before the ECQ until now ay lumalabas na. Ang ginagawa din namin para masuportahan iyong mga nahihirapan din, halimbawa entrepreneur din iyong misis ko, may mga container din siya dito, naghahanap kami ng paraan para ilipat itong mga container, kung kailangan nila mailipat itong mga containers sa mga ibang lugar, iyong mas malapit sa kanilang mga factories and warehouses para kapag na-lift na iyong ECQ mas madaling kunin, mas mababa din ang magagastos nila.
But at the same time, importante din sa sabihin na kailangan pa rin nating i-institute iyong mga penalties at iyong mga regulasyon dito whether PPA, port operator or other government agencies para ma-ensure na maluwag palagi ang puerto. Importanteng-importante ito, at kasama din diyan iyong constant communication; kapag makikita namin na tumataas uli iyong utilization, talagang tinitingnan naming isa-isa kung sino ang may-ari ng mga naiiwan dito, kinakausap namin sila, gumagawa kami ng paraan, together with them, to find a way para mailabas siya nang mabilis. Or again as I stated earlier, maghanap ng ibang paraan para hindi rin sila ma-overwhelm ng problema.
BENDIJO: Okay. Mr. Gonzalez sa panahon ng pandemic na ito, hindi lang sa Pilipinas kundi sa buong mundo, ano po ang maaabiso ninyo upang maipagpapatuloy pa ang pandaigdigang kalakalan ng Pilipinas lalo na sa mga importer at mga exporter?
EXEC. VICE PRESIDENT GONZALEZ: Sorry, hindi ko narinig iyong tanong.
BENDIJO: All right. Ngayong may pandemic hindi lang sa Pilipinas, Mr. Gonzalez, sa buong mundo problema po ito ngayon, itong health crisis. Anong maaabiso ninyo upang tuluy-tuloy ang pandaigdigang kalakalan ng Pilipinas, lalo na sa mga exporter at mga importer natin?
EXEC. VICE PRESIDENT GONZALEZ: Well, kailangan talaga nilang maintindihan iyong mga limitasyon ng mga ibang bansa. Kaninang umaga nabasa ko iyong sitwasyon sa America ngayon, iyong kanilang meat production ay bumagsak. So magkakaroon talaga ng shortage sa US. So kung nag-i-import tayo ng critical meat items, food items from the US, it’s about time na maghanap na rin tayo ng mga ibang option, whether that’s from China or Southeast Asia or any other markets. Kailangan natin baguhin iyong ating supply chain, mawala iyong reliance din natin sa mga ibang pinupuntahan natin dati.
So, ang rekomendasyon ko talaga is rethink iyong mga sources natin kasi kagaya nga ng sinabi mo, lahat tayo nahihirapan dito, buong mundo. So hindi lang tayo ang naghahanap ng mga solusyon, hindi lang tayo ang may kailangan ng mga critical essential items ‘no. We are competing with the rest of the world, so we need to act on that and we need to stop relying on our traditional ways and think of better ways to do things.
BENDIJO: Okay. Maraming salamat, ICTSI Executive Vice President Gonzalez.
EXEC. VICE PRESIDENT GONZALEZ: Maraming salamat din. Thank you.
USEC. IGNACIO: Samantala, upang alamin ang kasalukuyang lagay ng mga kababayan nating Pilipino sa South Korea, nasa linya po ng telepono si Chargé d’Affaires of the Embassy of the Republic of the Philippines in Seoul, South Korea – Christian De Jesus, magandang araw po.
CHARGÉ D’AFFAIRES DE JESUS: Magandang araw po sa inyo, kumusta po kayo?
USEC. IGNACIO: Opo. kumusta na po kayo, ang kasalukuyang sitwasyon ninyo diyan sa South Korea, paano ninyo po hinaharap, especially iyong ating Filipino community diyan, iyong bantang dala po ng COVID-19?
CHARGÉ D’AFFAIRES DE JESUS: Opo. Una po, gusto ko pong ibalita na nitong mga nakaraang araw sa loob ng isang linggo, malaki po ang improvement ng pagbaba ng number of confirmed cases of COVID-19. Katunayan nga po, kahapon ay walo nang naitala na bagong case. Ibig sabihin po nito, patuloy na nag-i-improve ang sitwasyon sa Korea. Dahil po nag-i-improve ang sitwasyon sa Korea, ito po ay magandang balita para sa mga kababayan natin dito sa Korea.
Iyon naman pong mga naapektuhan, alam naman natin simula noong January/February napakataas po ng cases dito sa Korea Usec., kaya ngayon po mayroong mga nangangailangan ng tulong. At sa pamamagitan po ng [unclear] approach ng embassy, ang DFA po at ang DOLE at ang OWWA ay pinapatupad po ang proyekto po na DOLE AKAP kung saan nabibigyan po ng financial assistance ang mga na-displace, permanente man o temporary lang, na mga kababayan nating nagtatrabaho.
Iyon naman pong mga undocumented, kahit po noong Pebrero pa lang nag-a-anunsiyo na po ang Pasuguan ng Pilipinas sa Korea na makipag-ugnayan sa embassy ang mga undocumented diretso man po sa amin or through the Filipino community leaders para po mabigyan din namin sila ng tulong. Mga simpleng tulong lang po kagaya ng pagbigay ng mask, sanitizer, vitamin C at mga grocery items po.
So, sa pangkabuuan po, nag-improve nang malaki ang sitwasyon sa Korea at patuloy po ang gobyerno ng Korea na nagbibigay paalala sa lahat, hindi lamang sa nga Koreano kundi pati sa mga banyaga, kasama na ang mga Pilipino, na patuloy maging maingat, patuloy na mag-observe ng social distancing at iyong tinatawag na everyday life quarantine para po tuluyan nang masugpo ang paglaganap ng COVID-19.
USEC. IGNACIO: Opo. Sir, paano po ang ginawa ng South Korea, iyong kanilang strategy para po mag-improve iyong sinasabi ninyo ngang sitwasyon diyan para labanan ang COVID-19. Ang alam ko rin po, mayroon pong tatlong COVID-19 positive na Pilipino po sa South Korea and kumusta na po iyong lagay nila ngayon?
CHARGÉ D’AFFAIRES DE JESUS: Opo. Unahin po natin iyong nakumpirmadong positibo sa COVID-19. Una po ay apat iyon, pero ang isa ay discharged na, so tatlo na lang po ang kababayan natin na kumpirmadong positibo sa COVID-19. Sila po ngayon ay pinangangalagaan sa Korean hospital ng mga Korean medical authorities at nakikipag-ugnayan po ang embassy sa kanila at mino-monitor po natin ang kanilang kalagayan at ito po ay inire-report natin sa Department of Foreign Affairs.
DE JESUS: Doon naman po sa tanong, sa obserbasyon po ng Pasuguan ng Pilipinas, simula noong Enero at Pebrero, March hanggang April ang Korean government po ay naging masigasing sa testing. Simula noong simula po ay mayroon silang aggressive or tinatawag nilang rollback testing, so maramihang tao ang tine-test, kapag maraming tao ang nate-test, natutukan, natuturo kung saan iyong mga clusters at iyon po ay binibigyan ng lunas ng medical authority ng Korea.
Noong simula po ang karamihan ng kaso ay nagmula doon sa isang sekta ng relihiyon na mayroong mahigit 200 miyembro. So doon nagsimula iyong malaganap na pagte-test at sa pagdaan ng panahon, nakita po natin na ang pag-test ng maraming tao ay nakatulong malaki para po sa pagkontrol ng paglaganap at ngayon nalalapit na po, hopefully pagpuksa sa COVID-19.
USEC. IGNACIO: Okay, pero kumusta naman po iyong lagay ng ating mga Overseas Filipino Workers lalo doon po sa kasalukuyang nawalan ng trabaho, paano po ninyo tinutulungan ng embassy sila ngayon?
DE JESUS: Generally speaking, iyon pong mga Filipino workers po ay hindi sila kasing-apektado sa mga nagtatrabaho sa malalaking kumpanya. Karamihan po ng mga Filipino workers ay nasa manufacturing sector, kasama po sila sa supply chain, kaya hindi po ito gaanong apektado. Kung may apektado man, nabawasan po ang kanilang overtime or ang kanilang work hours.
Ang pinakanaapektuhan po na mga kababayan ay iyong mga musicians o mga talent, dahil iyan po iyong mga nagtatrabaho sa hotel, sa mga bars at club. Dahil po sa COVID-19, natural nga po hindi makapag-perform ang mga musicians at talents. Lahat po iyan ay in-announce natin sa ating website ng embassy at sa social media na makipag-ugnayan po para po sa iyong nabanggit ko kanina na DOLE AKAP para mabigyan po ng financial assistance na 200 dollars.
Ngayon po, sa pangkasalukuyan, mayroon na pong 113 na nabigyan ng financial assistance at mayroon pa pong mga nakabinbin na applicants at ito po ay sinusuri ngayong araw para mabigyan din po sila ng assistance; at dagdag pa po diyan nabanggit ko din po kanina ang pagbigay ng mga grocery or care packages. Nakapagbigay na po ang embassy, ang DFA at DOLE at OWWA ng mahigit 200 na mga grocery, care packages sa ating mga kababayan na humingi ng tulong na kahit papano ay mabigyan sila ng tulong sa kanilang pangangailangan ng pagkain at mask at sanitizer.
USEC. IGNACIO: Aside from that, ano pa po iyong inilalapit—may inilapit po ba silang tulong o hinihinging tulong sa pamahalaan po na maipagkaloob po sa Filipino community diyan?
DE JESUS: Noong simula po, noong kasagsagan noong February, nagtanong na rin po kami sa mga Pilipino, wala naman pong nagsabi na gusto nilang magpa-repatriate o umuwi sa ating bayan. Ang pagkaunawa namin diyan, dahil sila ay nakakatanggap ng tulong din sa Korean government at patuloy ang kanilang mga trabaho. So sa ngayon po ang hinihinging tulong ng mga naapektuhan ng COVID-19 ay iyon ngang paghingi ng mga financial assistance at paghingi ng mga care packages.
USEC. IGNACIO: Maraming salamat po Charge d’Affaires Christian De Jesus.
DE JESUS: Maraming salamat po, Ma’am.
(NEWS REPORTING)
BENDIJO: Narito po ang update sa bilang ng mga kaso ng COVID-19 sa buong bansa. Base sa tala ng Department of Health as of 4PM, April 22, 2020, umabot na po sa 6,710 ang dami ng kasong naitalagang nag-positibo sa COVID-19. Siyam ang nadagdag sa bilang ng mga nasawi na may kabuang bilang na 446; habang patuloy naman po ang pagtaas ng bilang ng mga naka-recover sa COVID-19 na umabot na sa 693.
Mga kababayan, isang makabuluhang diskusyon at mahalagang impormasyon na naman ang ating nakalap ngayong umaga. Kaya naman kami po ay nagpapasalamat sa ating mga nakausap sa kanilang oras na inilaan sa ating programa. Asahan po ninyong patuloy naming ihahatid ang mga importanteng impormasyon na kailangan nating malaman lahat.
Ang public briefing ay hatid sa inyo ng iba’t ibang ng Presidential Communications Operations Office sa pakikipagtulungan ng Department of Health at kaisa ang Kapisanan ng mga Brodkaster ng Pilipinas (KBP).
USEC. IGNACIO: Samantala, Aljo nais po nating pasalamatan din ang Filipino Sign Language Access Team. At ngayong panahon po ng krisis mas lalong dapat nating ipadama ang tunay na pagmamahal sa bayan at sa kapwa Pilipino. Magkaisa, sumunod, maging maalam at mapagmatyag. At tandaan sa ating pagtutulungan at pagkakaisa malalagpasan natin ang lahat ng ito, together we heal as one.
BENDIJO: Muli, sa ngalan po ni Secretary Martin Andanar ako po ang inyong lingkod, Aljo Bendijo.
USEC. IGNACIO: At mula pa rin po sa Presidential Communications Operations Office, ako po si Undersecretary Rocky Ignacio. Magkita-kita po ulit tayo bukas dito lang sa Public Briefing #Laging Handa Ph.
###
SOURCE: PCOO-NIB (News and Information Bureau-Data Processing Center)
