SEC. ANDANAR: Magandang umaga Pilipinas. Ngayon po ay Miyerkules, Agosto a-onse 2021, ang araw kung kailan inaasahang ipamimigay ang panibagong tranche ng ECQ ayuda dito sa National Capital Region, makikibalita tayo mamaya tungkol diyan.
Ako po ang inyong lingkod, Secretary Martin Andanar. Magandang umaga, Usec. Rocky!
USEC. IGNACIO: Magandang umaga rin sa’yo, Secretary Martin. Sisilipin din natin ang lagay ng iba pang mga lugar kaugnay sa kanilang COVID-19 situation at bukod diyan ngayong flu season na, hindi lang sa COVID tayo pinag-iingat ng mga medical experts kundi maging sa trangkaso, iyan ang ating pag-uusapan maya-maya lamang; ako po si Usec. Rocky Ignacio.
SEC. ANDANAR: Simulan na natin ang talakayan sa Public Briefing #LagingHandaPH.
Sa ating unang balita: Mga atletang Pinoy na sumabak sa 2020 Tokyo Olympics makakatanggap nang dagdag na incentive mula sa pamahalaan. Muli rin namang inirekomenda ni Senador Bong Go kay Pangulong Duterte na mabigyan din ng financial assistance ang 1996 Olympic Silver Medalist na si Onyok Velasco bilang pagkilala rin sa iniuwi nitong karangalan sa ating bansa. Narito ang detalye:
[VTR]
USEC. IGNACIO: Simula ngayong araw ang pamamahagi ng ayuda sa Metro Manila para sa mga kababayan nating lubos na apektado ng Enhanced Community Quarantine. Bago po ‘yan, pinaalalahanan ang mga LGU na mahigpit na ipatupad ang health protocols sa distribution ng ayuda. Ang sitwasyon sa ilang lungsod ng Metro Manila alamin natin mula kay Kenneth Paciente. Kenneth…
[NEWS REPORT]
USEC. IGNACIO: Okay. Maraming salamat sa iyong report, Kenneth Paciente. Ingat, Kenneth.
SEC. ANDANAR: Dahil sa bilis ng naging pagkalat ng Delta variant sa National Capital Region, nailagay ng Department of Health sa mataas na alert levels ang iba’t ibang lungsod nito kabilang ang Caloocan City na ngayo’y nasa Alert Level No. 3 – ibig sabihin nasa moderate to critical risk ang lungsod base sa occupancy rate ng mga ICU at hospital beds dito.
Kaugnay niyan, makakapanayam po natin si Caloocan City Mayor Oscar Malapitan. Magandang umaga po sa inyo, Mayor Oca.
CALOOCAN CITY MAYOR MALAPITAN: Magandang umaga ho, Secretary Andanar at Usec. Rocky Ignacio. Magandang umaga po sa inyong lahat.
SEC. ANDANAR: Mayor, kumustahin muna namin ang COVID cases sa Caloocan; sa ngayon ay ilan ang bilang ng mga active cases po na minu-monitor ninyo at ilan sa mga ito ang na-detect as a Delta variant?
CALOOCAN MAYOR MALAPITAN: Sa ngayon ho, as of yesterday mayroon ho kaming 650 na COVID cases. Everyday 70 to 100 ang naidadagdag sa amin at marami rin namang gumagaling.
SEC. ANDANAR: Malaki ba ang itinaas ng bilang na iyan kumpara sa mga nakalipas na buwan?
CALOOCAN MAYOR MALAPITAN: Malaki ho, more than double. Kasi noong nakaraang buwan ho ay nag-a-average lang kami ng 30 o nakakapagtala lang kami ng 30 a day. Pero ngayong two or three days na nakaraan, umaabot na ho kami ng 100.
SEC. ANDANAR: Ano po ang ginagawa ng LGU at ng mga barangay health workers sa mga nag-positive sa Delta? Nagbukas ba muli kayo ng karagdagang isolation facilities kagaya sa nakalipas na mga surge?
CALOOCAN MAYOR MALAPITAN: Actually, hindi pa naman gaanong puno ang ospital, hindi pa. Nasa 50% siguro ang bed capacity na puwede pa naming punuan at iyong mga quarantine namin ay hindi pa gaanong puno.
SEC. ANDANAR: Kahapon po ay na-interview dito sa Laging Handa ang medical director ng Tala Hospital diyan sa Caloocan. Sinabi niya na ang ilan sa kanilang staff ay nagkasakit matapos mahawa mula sa mga komunidad sa labas po ng ospital. Paano ninyo po binabantayan ngayon ang movement ng mga tao sa Tala Hospital upang hindi magkaroon ng hawaan ng sakit ang mga residente sa paligid nito at maging ang nagtatrabaho roon lalo na’t COVID-19 referral institution po ito?
CALOOCAN MAYOR MALAPITAN: Naka-concentrate po kasi kami sa aming mga ospital. Mayroon kaming dalawang ospital dito run by the local government; iyong Tala naman ho ay iyong direktor na ho ang namamahala roon. At tinitingnan naman namin iyong dagsa ng mga tao, nakukontrol naman at hindi sila nagkukumpulan.
SEC. ANDANAR: Kumusta po ba ang pagpapatupad ng ECQ sa inyo, Mayor? At marami pa rin bang nahuhuling lumalabag sa health protocols?
CALOOCAN MAYOR MALAPITAN: Well, kahapon, kagabi, dalawang gabi umiikot ako, tinitingnan ko kung talagang sinusunod nila iyong curfew hours, iyong hindi paglabas. Marami naman talaga na talagang sumusunod sa mga tamang patakaran na atin pong ipinatutupad. Mayroon din ibang matitigas ang ulo, wala naman tayong magawa kung hindi pauwiin, bugawin sila.
SEC. ANDANAR: Pero ngayon po, Mayor, kayo po sa siyudad o LGU ay namamahagi po naman ng mga food packs sa bawat pamilya, tama po ba?
CALOOCAN MAYOR MALAPITAN: Oho. Mayroon ho kaming binabahaging mga food packs na galing sa pondo ng pamahalaang lungsod ng Caloocan. Nagpi-prepare po kami ng 700,000 packs, at sinimulan po naming magbigay noong Monday. So, ngayon po ay pangatlong araw na ng aming pagbibigay sa aming mga kababayan.
SEC. ANDANAR: And speaking of ayuda, Mayor, ngayong araw ay inaasahang magsisimula ang pamimigay ng 1,000 pesos per individual o maximum of 4,000 pesos per family dito po sa National Capital Region. Paano ang gagawin ninyong sistema diyan sa Caloocan para masigurong maipamahagi ito ng ligtas, maayos at pantay-pantay?
CALOOCAN MAYOR MALAPITAN: Starting kanina, nag-start na tayo ng pagbibigay ng ayuda coming from the national. Gumamit po kami ng service provider kagaya nang ginawa namin noong nakaraan, noong huling nagbigay ng ayuda. Ngayon service provider din ho ang aming ginamit. At mayroon kaming dalawampung distribution sites, nakahati sa North Caloocan at South Caloocan.
Ang target ho naming mabigyan per day ay 40,000. Ang target ho namin ay 410,000 families within ten days. Pipilitin ho naming matapos ito hanggang August 20.
SEC. ANDANAR: Okay, dito naman tayo sa pagbabakuna, Mayor. Hindi pa raw naaabot ng NCR ang target na 250,000 daily vaccination. Paano ninyo pinapabilis ang vaccination rollout sa inyong lungsod ngayong ECQ, Mayor Oca?
CALOOCAN MAYOR MALAPITAN: Tuluy-tuloy, Secretary, ang aming vaccination. Mayroon kaming pito hanggang sampung vaccination site every day. Pero nitong mga nakaraang araw ay mahigit sa quota namin ang amin pong nabibigyan ng jabs. Nakaka-17,000, eighteen thousand, nineteen thousand na kami ngayon a day.
Minsan kasi depende sa gamot, Secretary. Siyempre kapag walang gamot, limitado rin ang aming pagbabakuna. Pero kapag maraming supply, umaabot po kami ng 19 to 20,000.
SEC. ANDANAR: Okay. So far, ilan na po ba ang vaccinated individuals sa buong Caloocan City?
CALOOCAN MAYOR MALAPITAN: More or less, nasa 700,000 ang nabigyan na ng bakuna; mga kalahati rito ay naka-second dose na.
SEC. ANDANAR: Ano po naman, Mayor, ang inyong reaksiyon sa sinabi ng DOH sa posibilidad na palawigin at mas hihigpitan pa ang ECQ dito sa Metro Manila?
CALOOCAN MAYOR MALAPITAN: Well, kung iyan ang kinakailangan, kailangan makiisa tayo, sundin natin. Pero mayroon pa naman tayong ilang days para maobserbahan kung nagbago o hindi. Pero kung kinakailangan ay nakasuporta, nakasuporta ang Lungsod ng Caloocan sa mga alituntunin o mga guidelines na ilalabas ng IATF.
SEC. ANDANAR: Maraming salamat po at mag-ingat po kayo, Caloocan City Mayor Oca Malapitan. Mabuhay po, Sir!
CALOOCAN MAYOR MALAPITAN: Maraming salamat, Secretary.
SEC. ANDANAR: Mga kababayan, iyan po muna ang talakayan na hatid ko sa inyo ngayong umaga, I’ll see you again tomorrow. Undersecretary Rocky Ignacio, please go ahead.
USEC. IGNACIO: Thank you, Secretary Martin. Ingat po.
Sa loob po ng higit isang taong pakikibaka ng ating bansa sa COVID-19 pandemic, hindi maikakailang malaki ang naging epekto nito sa ating ekonomiya kaya naman po ikinatuwa ng ilang mambabatas ang paglago ng Gross Domestic Product o GDP ng Pilipinas ng 11.8% sa ikalawang quarter ng 2021. Ang detalye sa report na ito:
[VTR]
USEC. IGNACIO: Samantala, tinutugunan na ng pamahalaan ang problemang kinakaharap ng ilang Overseas Filipino Workers na hindi kinikilala ang kanilang vaccination cards sa bansang pupuntahan. Ang kabuuang detalye mula kay Mela Lesmoras:
[NWS REPORT]
USEC. IGNACIO: Ngayong panahon ng tag-ulan, isa ring umano sa dapat nating iwasan ay ang pagkakasakit ng trangkaso o flu na dulot ng influenza virus. Pero paano nga ba malalaman kung ang sintomas na nararamdaman ay flu o COVID-19 na pala, iyan po ang aalamin natin kasama ang flu expert at Vaccines Medical Director ng GSK Philippines, Dr. Donald Ray Josue.
Good morning po.
DR. JOSUE: Magandang umaga po, Usec. Rocky Ignacio! Magandang umaga din po kay Secretary Martin Andanar at maraming salamat po sa pagiging bahagi ng inyong programa ngayong umaga.
USEC. IGNACIO: Opo. Doc, alam ninyo naman na lahat tayo kapag may lagnat kinakabahan na; so, ano po iyong main difference ng flu at ng COVID-19, Doc? Kasi kung titingnan may talagang magkakapareho po ang early symptoms nila gaya ng mawawalan ka ng panlasa dahil sa sipon; nagkakaubo ka; lagnat; sakit sa katawan, atbp.
DR. JOSUE: Totoo iyon, Usec. Rocky ano. So, in terms po doon sa sintomas noong flu, malaki po iyong pagkakahawig noong mga sintomas na nakikita sa mga taong nagkakaimpeksyon ng flu at saka COVID.
So, anu-ano po ito? Ito po ay maaaring lagnat, ubo, nahihirapang huminga, sakit ng lalamunan or pananakit ng katawan. Karaniwan po iyong sintomas kung saan nawawalan po ng pang-amoy or panlasa, iyan po ay sintomas na makikita sa COVID ‘no more than sa flu.
Pero regardless po of the symptoms na nakikita natin doon sa flu at saka sa COVID, ang mahalaga pong maintindihan ng ating mga kababayan na maaari po nating proteksiyunan ang ating sarili sa pamamaraan po ng pagpapalakas po ng ating immune system.
So, dapat po kumakain tayo ng gulay, prutas, ehersisyo, at ang rekomendasyon po ng WHO is to also have an annual vaccination po against flu para po talagang maprotektahan tayo laban sa sakit ba [choppy audio].
USEC. IGNACIO: Opo. Doc, hindi ba simpleng sakit lang iyong flu at may panganib din ba itong dala sa isang tao kahit na marami ng readily available na oral medication para dito?
DR. JOSUE: Iyon po ang isa sa mga misconception, Usec. Rocky, ‘no tungkol sa flu, ang akala po ng marami iyong simpleng trangkaso po ay ito po ay simpleng sakit lamang.
Ang nais po nating ibahagi ay ang flu po ay maaari din po siyang magdulot ng mga komplikasyon ‘no. Ang komplikasyon po na maaaring magmula sa flu ay pneumonia or iyong impeksiyon po sa baga at maaari din pong magdulot ito na ma-admit tayo sa ospital o hindi kaya sa malalang kaso, maaaring makamatay.
Ngayon po, Usec., mayroon actually na grupo na high-risk na tinatawag na magkaroon ng komplikasyon dahil sa flu. So, sinu-sino po itong mga ito:
- Unang-una po, ito iyong mga bata, so, anim na buwan hanggang limang taong gulang;
- Pangalawa po, iyong mga buntis;
- Pangatlo po iyong mga elderly;
- Pang-apat po ay iyong mga taong mayroong tinatawag na comorbid illness. Ito po iyong mayroong diabetes, high blood, sakit sa puso or maaaring may sakit sa bato, iyong mga nagda-dialysis or hindi kaya may cancer.
- And apart from that po, siyempre po iyong mga healthcare workers natin high-risk din po silang mahawaan ng flu dahil sila iyong tumitingin sa mga pasyente.
So, ngayon po, mahalagang maproteksiyunan natin itong mga grupong ito dahil alam po natin – iyon nga po – mas mataas iyong risk nilang magkaroon ng komplikasyon.
Again po, ang nais din nating i-emphasize din ang kahalagahan po ng pagbabakuna at pagpi-prevent ng flu particularly dito po sa high-risk na mga individuals na ito.
At alam naman po natin, Usec. Rocky, ‘di ba sa Pilipinas po iyong arrangement or set-up noong family natin, extended family tayo, magkakasama iyong mga bata, mga lolo at lola, so, iyong risk po talaga ng hawaan ay nandoon. And having said that po, alam natin na iyong bakuna sa ngayon particularly for COVID wala pa tayong talagang bakuna para sa mga bata pero for flu po, available po iyong bakuna lalung-lalo na po sa mga bata na kasama natin sa bahay.
USEC. IGNACIO: Opo. Doc, aside from sa sinabi ninyong iyan, sinu-sino iyong puwedeng magpabakuna laban sa flu virus at tuwing kailan advisable magpabakuna against flu? Mai-advice po ba, Doc, na kapag ang isang fully vaccinated na ng COVID-19 ay dapat bang magpaturok pa rin ng anti-flu at ilang buwan po dapat iyong pagitan after na fully vaccinated ka?
DR. JOSUE: Napakagandang tanong iyan, Usec. Rocky, dahil napaka-timely po lalung-lalo na ngayong panahong ito na nagru-rollout na tayo ng COVID vaccination.
Sa katanungan po ninyo kung sino ho ang maaaring makatanggap ng flu vaccination, lahat po tayo maaaring tumanggap ng flu vaccination. Actually po, lahat tayo ay at risk na tamaan nung trangkaso na tinatawag.
Ngayon po, in terms of the recommendation, ang recommendation po ay dapat annually tayo nagpapabakuna ang kadahilanan po nito ay dahil ang bakuna po na nakukuha natin mula a flu ay nagwi-wane po iyong immunity niya ‘no sa isang [choppy audio].
Bukod pa po doon, mayroon pong tinatawag na nagsi-circulate na virus ‘no na naa-identify taun-taon. So, mahalaga po na mayroong match doon sa naibakuna sa atin laban doon sa nagsi-circulate na flu virus sa taong iyon.
So, iyong pangalawang tanong ninyo po, kung tuwing kailan kailangan magpabakuna laban sa flu, dapat po taun-taon tayo nagpapabakuna.
And lastly po, iyong tanong ninyo kung kailangan pa po bang magpabakuna kung nabakunahan na ng COVID, definitely po.
Tatandaan po natin na magkaibang virus po iyong COVID at saka iyong flu. Sa aspeto po ng public health, ang ayaw po nating mangyari ay magkaroon din po noong tinatawag na flu outbreak. Ang mga eksperto tinatawag po ito na twindemic, ibig sabihin, apart from having a COVID pandemic, may potential na magkaroon tayo ng flu outbreak.
So nais po nating iwasan iyon at ang paraan po para maiwasan natin iyon ay kailangan pong protektado tayo through vaccination. And by doing so, makakatulong po tayo na i-conserve iyong mega medical resources natin na kailangang-kailangan para tugunan iyong response natin sa COVID pandemic.
USEC. IGNACIO: Opo. Pero Doc, somehow, makakatulong ba itong flu vaccines para kahit papaano makaiwas tayo sa COVID-19 infection?
DR. JOSUE: Napakagandang tanong, Usec. Rocky. Interestingly po, noong isang buwan or ngayong buwan, mayroon pong lumabas na pag-aaral kung saan tiningnan po nila kung mayroon bang benepisyo laban sa COVID ang pagpapabakuna ng flu. So, doon sa isang pag-aaral na ginawa po sa Estados Unidos, ineksamin po nila and ni-review iyong medical records noong mga pasyente na positibo sa COVID. At doon sa pag-aaral na iyon po, nakita nila na iyong mga pasyente na previously vaccinated with flu ay mas mababa ang nararanasan na matinding infection o iyong tinatawag nating sepsis at saka mas mababa din iyong mga number of patients na COVID positive patient who consulted iyong emergency department and even iyong ICU admission.
So iyong pag-aaral po na ito, tinitingnan niya na potentially, maaaring mayroong maganda o positibong epekto ang pagpapabakuna [ng flu vaccine]. Siyempre po ongoing pa po iyong mga pag-aaral tungkol dito to really have that conclusion na may protection na nakukuha from flu vaccination versus COVID. Pero what is sure po and what is definite, is that if you get flu vaccinated, you are protected against the flu virus specifically. Katulad po ng nabanggit ko earlier, sa public health po na aspeto, ito po ay makakatulong na pigilan na magkaroon tayo ng flu rate na tinatawag. At having said that po, mahalaga po na konsultahin natin iyong mga doktor natin at magtanong po kung paano natin puproteksiyunan ang ating mga sarili laban po sa flu o trangkaso.
USEC. IGNACIO: Opo. Ngayong flu season, Doc, ano po ang maipapayo ninyo sa ating mga kababayan para maiwasan ang pagkakasakit ng parehong COVID-19 at ng flu?
DR. JOSUE: Definitely, Usec. Rocky ‘no. Unang-una let’s continue po iyong minimum or iyong standard health protection na ginagawa natin. Tandaan po natin magsuot po tayo ng face shield, face mask. Make sure po na maintain iyong distansiya natin sa isa’t isa, avoid po natin iyong gathering. In terms po of strengthening iyong immune system natin, kumain po tayo ng gulay, prutas, mag-ehersiyo po tayo at make sure po na malakas iyong katawan natin. And additionally po and very important po is to also be vaccinated po against flu.
So, very important po to consult your doctor and have that discussion po on how you can prevent flu or trangkaso by getting vaccinated. And, i-highlight ko lang po ulit iyong mga high risk na mga indibidwal na kailangan po nating proteksiyunan o bigyan ng pansin, ito po iyong mga pedia na patient, iyong anim na buwan hanggang limang taong gulang, iyong mga buntis, iyong mga elderly po natin at iyong mga pasyente na may comorbidity, may high blood o may sakit sa puso. Iyon po ang nais nating ipaalala sa ating mga kababayan
USEC. IGNACIO: Okay. Kami po ay nagpapasalamat sa inyong panahon, Dr. Donald Ray Josue at mag-iingat po kayo. Salamat po sa impormasyon.
DR. JOSUE: Maraming salamat po, Usec., at ingat din po kayo.
USEC. IGNACIO: Salamat po.
Bilang bahagi ng pagdaragdag ng bed capacity para sa COVID-19 cases, ini-turn over ng Department of Public Works and Highways sa Department of Health ang isang modular hospital sa Lung Center of the Philippines. Ito ay may 108 bed capacity at kayang mag-accommodate ng severe cases. Ang ulat mula kay Louisa Erispe. Louisa?
[NEWS REPORT]
USEC. IGNACIO: Maraming salamat sa iyong report, Louisa Erispe. Mag-ingat!
Samantala, sinuspinde muna ng IATF ang ipinatutupad na mas maikling quarantine period para sa fully vaccinated individuals na close contacts ng COVID-19 patients. Iyan ang inanunsiyo ni Presidential and IATF Spokesperson Secretary Harry Roque ngayong araw bilang bahagi pa rin ng mga hakbang ng gobyerno para ibayo pang mapigilan ang pagkalat ng COVID-19 variants sa bansa.
Noong Hulyo, una na kasing pinaikli sa pitong araw ang quarantine period para sa full vaccinated close contacts, basta’t hindi sila magkaroon ng anumang sintomas ng sakit. Pero dahil sa suspension, balik muna ulit ito sa 14 na araw o dalawang linggo. Sakali namang magkaroon sila ng anumang sintomas, kinakailangang magpa-test agad at dumaan sa isolation protocols.
Samantala, base sa report ng Department of Health kahapon, muling nakapagtala ng 8,560 ng mga karagdagang kaso ng COVID-19 sa bansa. Kaya sa kabuuan ay pumalo na ito sa 1,676,156. Sa bilang na iyan, 93.5% ang mga gumaling matapos makapagtala ng 7,964 new recoveries. Habang 1.74% naman ang mga nasawi dahil sa dagdag na 92 deaths. Sa kasalukuyan ay nasa 4.7% naman ang total cases ang nananatiling aktibo o katumbas ng 79,060.
Worst COVID surge kung ituring na ng grupong OCTA Research ang kasalukuyang sitwasyon sa Cebu City dahil kasi sa patuloy na pagtaas ng kaso ng hawahan sa siyudad. Punuan na rin ang mga ospital dito kaya ang ibang pasyente bago pa man ma-admit ay binabawian na ng buhay, kaugnay niyan ay makakausap po natin si Department of Health VII Chief Pathologist at Spokesperson ng Visayas Vaccination Operations Center, Dr. Mary Jean Loreche. Good morning po, Doc.
DR. LORECHE: Good morning, Usec. Rocky; magandang araw po sa ating lahat.
USEC. IGNACIO: Opo. Doc, totoo ba na ikinukonsidera ninyo nang may community transmission ang Delta variant diyan sa Cebu City; totoo po ba ito, Doc?
DR. LORECHE: Base kasi, Usec. Rocky, sa ating datos ‘no na iyong mga nag-positive sa ating Delta variant are actually people who has no history of travel neither do they had histories of contacts with a confirmed positive Delta variant persons who is an OFW or an ROF. Kaya base po diyan, masasabi po natin na lahat po iyong nilabas ng Philippine Genomic Center na mga Delta variant cases natin dito ay we would say na local transmission po ito or community.
USEC. IGNACIO: Opo. Pero bukod po sa Delta variant, ano pa po iyong nakikita ninyong dahilan noong grabeng pagtaas ng hawahan diyan sa Cebu?
DR. LORECHE: Basically, Rocky ‘no, kasi considering na nga na 11 months tayo mahigit na naging MGCQ, ang mga tao kasi para bang nagkaroon na ng COVID fatigue and then very open ang ating mga borders so nawala po masyado iyong pagiging istrikto nila sa kani-kanilang mga sarili upang sundan iyong ating tinatawag na mga public health standards.
Pangalawa po, mapapansin din natin na itong mga may bakuna na ‘no lalung-lalo na iyong medyo mga kabataan pa, nakalimutan nila na to be completely vaccinated is not a… you know, a license for them not to be, you know, being in a mass gatherings; papasok sa mga videokes or mga bars ‘no at having a good time – ‘yan nakalimutan nila iyan, isa din siguro sa puwede nating tingnan.
Pangatlo din po ay iyong aming lack of border controls talaga, para bang bukas na bukas tayo, kahit sino puwede lang naman pumasok except ang Cebu City na nagri-require talaga ng test protocol ‘no.
Pang-apat po, makikita din natin, Usec. Rocky, na medyo may delay din naman tayo doon sa pag-adjust noong ating mga measures ‘no para sana matugunan natin iyong pag-akyat ng ating mga kaso. And of course kaya tayo nagkaproblema sa ating critical care utilization dahil din po sa kakulangan ng ating mga healthcare workers.
USEC. IGNACIO: Opo. Doc base po sa tala ninyo, ilan sa mga fully vaccinated at partially vaccinated individuals ang tinamaan pa rin ng COVID-19 at kumusta po ang mga kondisyon nila?
DR. LORECHE: So far kasi, Usec. Rocky ‘no, ongoing kasi iyong on the grounds natin pag-collate ng data kung ilan talaga dito sa kanila ang may bakuna o kaya anong klaseng bakuna or ilang doses ng bakuna mayroon sila.
But let me just share with you one data that we have from one of our highly urbanized cities in a given period of time ‘no. Nitong bandang early part ng August, nakita po natin na out of 28 deaths na nakita sa hospital ‘no, isa lang po dito ang fully vaccinated – all 27 walang bakuna po.
At iyan din naman po ang naririnig natin na sinasabi ng ating mga other specialists ‘no lalung-lalo na ang ating mga kasamahan sa Infectious na iyong karamihan ng kanilang mga naa-admit, karamihan talaga ay walang bakuna. Kaya tayo po dito sa DDOC, isa po sa ating tinatawag iyan, pinananawagan na kailangan magpabakuna tayo upang mayroon tayong second layer of protection.
Kasi alam naman po natin, Usec. Rocky ano, dalawa po namang bagay ang puwede nating gamitin para dito sa pandemya na ito – iyong ating public health standards at pangalawa po iyong ating bakuna.
USEC. IGNACIO: Opo. Doc, ilan po iyong kaso ng Delta variant sa inyong lugar at kumusta po sila at papaano po ninyo sila tinutugunan; iba po ba iyong proseso nang pagbabantay o pagmu-monitor sa kanila?
DR. LORECHE: Maraming salamat sa katanungan na ‘yan, Usec. Rocky ‘no. Doon sa unang batch na pinadala natin na samples na kinover—na kinolekta natin sa ating komunidad ‘no – July 4 hanggang 10 po, 123 samples po iyon. So noong bandang huli ng July ‘no, mga sometime in July 28 at saka August 4 nakatanggap ho tayo ng result galing po sa ating mga kasamahan diyan po sa Manila na mayroon po tayo iyong unang lumabas na resulta ay 32 po na positive for Delta variant tapos noong mga ilang araw na nakalipas, may naidagdag na apat – so 36 po iyong Delta variant from the first samples na nakuha natin.
Pero po iyan po ay considered as recovered at karamihan naman sa kanila asymptomatic kasi nag-contact tracing tayo ‘di po ba. At saka mapapansin po natin iyong protocol na tinatanong ninyo po ay ang atin namang protocol pare-pareho naman po – we always treat everybody who is positive for coronavirus or SARS-CoV-2 as a variant of concern. Kaya iyong ating contact tracing ay nagku-commence by the time lumabas po iyong ating result na nagsasabi na sila po ay Delta variant or whatever variant it is, tapos na po iyong kanilang kuwarantinas, iyong atin pong contact tracing ay natatapos na din naman po.
USEC. IGNACIO: Opo. Doc, base po kasi nga sa mga reports na lumalabas ngayon nau-overwhelm naman itong mga medical institution partikular sa Cebu City dahil sa panibagong pagtaas ng kaso. Paano po nakakayanan ito ng vaccination sa Central Visayas para hindi po lumala ang sitwasyon?
DR. LORECHE: Tayo po ay nagpapasalamat, Usec. Rocky ‘no, sa atin pong mga officers natin sa national government kasi kasama po ang ating Cebu for the prioritization of the vaccines. Kasama po tayo sa binibigyan nila talaga and we are very grateful ‘no to the Vaccine Czar, si Sec. Galvez at saka si Sec. Vince na palagi nating kasama sa ating daily huddle ‘no. At tayo po ay natutuwa naman, nagagalak na mayroon naman tayong equitable fair share in the vaccines that [garbled] the national government.
So heto po sinusunod natin lahat po ng guidelines ‘no lalo na iyong mga nilalabas ng NVOC sa atin as to subgroup classifications na ibibigay natin for the particular vaccines. So tuluy-tuloy po iyong pag-iengganyo natin sa mga kababayan natin, hindi po tayo tumitigil kahit na MECQ tayo ngayon, tuluy-tuloy po ang pagbabakuna natin.
USEC. IGNACIO: Opo. Kunin ko na rin po, Doc, iyong reaksiyon ninyo dito ano po kasi po nakakabahala po itong paghahanda ng mass burial site ng Cebu City dahil sa dami nang nasasawi. Ito po ba ay advisable at masasabing ligtas para sa mga residenteng malapit sa mapaglilibingan po?
DR. LORECHE: Sa ngayon po I think ang ating Acting Vice Mayor ‘no, ang ating Acting Mayor, si Mayor Mike Rama has already been conducting dialogues with all the stakeholders regarding the preparations for this at siguro ay mas maganda na sa kanila po manggagaling iyong statement on whether ready na ba ‘yan or hindi, saan ba ang location nito. Kasi definitely po ang Department of Health I’m sure under RD Bernadas will be making sure also na kung may mapili naman po ay it will be within—it should follow the guidelines of our sanitation code. So definitely pag-iingatan po natin iyan because we would not even want to consider that as an option whereby it may further spread any form of diseases.
USEC. IGNACIO: Opo. Para naman po sa ating mga tanong mula sa media, Doc. Mula po kay Miguel Aguana ng GMA News: Kumusta daw po iyong 31 na bata at mga staff na nagpositibo sa COVID sa isang homecare facility sa Lapu-Lapu City at ano po bang klaseng homecare facility ito?
DR. LORECHE: Iyan po ay undergoing investigation. Naghihintay po tayo ng report galing sa ating team on the ground and siguro before the day would end, we would get already into the real situation of this na sinasabi nga na may outbreak doon sa isang homecare facility.
USEC. IGNACIO: Opo. Tanong naman po mula kay Mark Fetalco ng PTV: Kung mairirekomenda po ang extension ng MECQ sa Cebu City, Lapu-Lapu and Mandaue after August 15?
DR. LORECHE: We need to be able to assess first the parameters bago tayo magsabi na mayroon tayong recommendation for the extensions of the current community status or luluwagan natin.So, that will be subject to discussion with all the leaders including the analysis of our data on the ground on the parameters that are required.
Kagaya ng ating critical care utilization rate, titingnan po natin iyan, iyong kapasidad ng ating mga healthcare workers para alagaan iyong ating mga pasyente at iyong ating mga temporary treatment monitoring facilities at hotel quarantine facilities. Iyan po pag-aaralan natin lahat iyan bago po tayo magsabi kung mayroon man tayong recommendation on the matter.
USEC. IGNACIO: Opo. Kami po ay nagpapasalamat sa inyong panahon, mag-iingat din po kayo diyan, DOH Region VII Chief Pathologist Dr. Mary Jane Loreche.
DR. LORECHE: Maraming salamat po, Usec. Rocky. Magandang araw po sa ating lahat.
USEC. IGNACIO: Samantala, puntahan natin ang mga balitang nakalap ng ating mga kasamahan sa Philippine Broadcasting Service, ihahatid iyan ni John Mogol ng PBS-Radyo Pilipinas.
[NEWS REPORT]
USEC. IGNACIO: Maraming salamat sa iyo John Mogol ng PBS-Radyo Pilipinas.
Muli namang nag-ikot para mamahagi ng tulong ang outreach team ni Sen. Bong Go, kasama ang mga representante ng ilang ahensiya ng pamahalaan para mamahagi ng tulong sa Isabela. Higit 1,000 residente mula sa iba’t-ibang bayan sa probinsiya ang naging benepisyaryo ng aid distribution. Panoorin po natin ito:
[VTR]
USEC. IGNACIO: Alamin naman natin ang latest report sa Region XI, may ulat si Jay Lagang.
[NEWS REPORT]
USEC. IGNACIO: Maraming salamat sa iyo, Jay Lagang.
Maraming salamat po sa ating partner agency sa kanilang suporta kasama na rin po ang Kapisanan ng mga Brodkaster ng Pilipinas (KBP).
Dito na po nagtatapos ang ating programa sa araw na ito. Sa ngalan po ni Sec. Martin Andanar, ako pong muli ang inyong lingkod, Usec. Rocky Ignacio, mula sa PCOO at ito ang Public Briefing #LagingHanda PH.
###
—
SOURCE: PCOO-NIB (News and Information Bureau-Data Processing Center)
