SEC. ANDANAR: Magandang umaga po muli, Pilipinas. Kami po’y samahan ninyo sa panibagong linggo ng talakayan at balitaan tungkol sa mga pinakahuling isyu sa bansa. Ako po ang inyong lingkod, Secretary Martin Andanar. Magandang umaga, Rocky.
USEC. IGNACIO: [No audio] … pangyayari sa [garbled] ng bagyo at maging ang tugon ng pamahalaan dito. Magandang umaga po sa inyong lahat. Ako po si Usec. Rocky Ignacio.
SEC. ANDANAR: Simulan na natin, Rocky, ang talakayan dito sa Public Briefing #LagingHandaPH.
Isinusulong ngayon sa Senado ang pagtatatag ng mga super health center sa bansa upang mas mailapit sa mga kanayunan ang health services ng pamahalaan lalo na ngayong nariyan pa rin ang banta ng COVID-19. Narito po ang report:
[VTR]
USEC. IGNACIO: Simula naman ngayong araw, September 13, ay magbabalik ang libreng sakay para sa mga healthcare workers, essential workers at Authorized Persons Outside of Residence or APOR [garbled] ng service contracting program ng Department of Transportation. Ayon sa DOTr, hindi na lang po sa Metro Manila makakasakay ng libre ang mga frontliners. Sa Phase 2 ng programa, ito po ay gagawin din sa iba pang rehiyon sa bansa.
Sa ilalim ng service contracting program, linggu-linggo makakatanggap ng suweldo ang mga public transportation operator, drivers at maging ang mga konduktor bilang kapalit sa pagsasakay nila ng libre sa mga pasaherong frontliners. Ang pondo rito ay tatlong bilyong piso nakapaloob sa national budget. [Garbled] muli ng LTFRB ang mga operators at tsuper na makilahok sa programa.
SEC. ANDANAR: Dalawang milyong dose ng COVID-19 vaccine ng Sinovac Biotech mula sa China ang dumating sa bansa kaninang umaga. Sakay ng Philippine Airlines Flight PR361 mula sa Beijing, Lumapag ang mga bakuna sa Terminal II ng Ninoy Aquino International Airport sa Pasay pasado alas siyete ng umaga.
Noong nakaraang Biyernes din, September 10, ay nasa isa’t kalahating milyong Sinovac vaccines naman ang dumating sa bansa. Bahagi ang mga ito ng 25 million doses ng COVID-19 vaccines na inaasahang darating sa Pilipinas ngayong buwan ng Setyembre ayon sa National Task Force Against COVID-19.
Samantala, dalawang magkasunod na bagyo ang agad na bumungad sa pagpasok pa lang ng buwan ng Setyembre kaya naman bukod sa libu-libong pamilya na na-displace dahil sa pagsalanta ng Bagyong Jolina at Bagyong Kiko, naantala rin ang pagbabakuna sa mga lugar na naapektuhan. Kumustahin po natin ang lagay ng mga vaccination centers sa bansa at maging ang pagbabakuna sa buong kapuluan, makakapanayam po natin mula sa National Vaccination Operations Center si Dr. Kezia Rosario. Good morning po sa inyo, Doktor.
DR. KEZIA ROSARIO: Good morning, sir. Good morning sa inyong lahat.
SEC. ANDANAR: Dok, may bilang na ba tayo kung may mga vaccination centers na naapektuhan ng pagpasok ng dalawang bagyo sa Pilipinas nitong nagdaang mga araw?
DR. KEZIA ROSARIO: Yes po. In the National Vaccine Operations Center, last week ‘no we closely monitored iyong mga vaccination sites natin kung nag-o-operate ba sila or kung naapektuhan po sila ng bagyo.
And in our monitoring sa Bagyong Kiko, we have been informed that in Region V, we had 19 municipalities po na nag-stop for a certain time last September 7; and in Region VIII, we had 49 municipalities that stopped their vaccination in their localities po for the time being.
However, one day lang po or two days, around September 7 and September 8 lang po ito, and then bumalik naman agad iyong mga vaccination activities natin without any casualties po doon sa mga bakuna natin.
That’s the update po when it comes to Kiko, and we also have updates po when it comes doon sa Bagyong Jolina. Sir, do you want me to, ano na po, update on the Bagyong Jolina in the northern regions po?
SEC. ANDANAR: Go ahead, ma’am.
DR. KEZIA ROSARIO: Yes, sir. For [garbled] it’s with Bagyong Jolina for Regions V and VIII. And then for Bagyong Kiko for Region II, we have certain municipalities in Cagayan Valley that are affected. So we have three municipalities that stopped their vaccination, and as well as in the Batanes. We do not have any updates pa po kung ilan iyong municipalities ng Batanes. But as of now, we know that all of the vaccines were transported doon sa provincial health offices for storage for the time being. And iyong sa Itbayat na vaccines, it was also transported sa district hospital nila for the time being.
So ito po iyong updates natin when it comes to the vaccinations with the two bagyo po na dumaan sa atin po.
SEC. ANDANAR: Wala po bang nasirang bakuna dahil binaha o dahil nawalan ng kuryente ang mga pinaglalagyan na freezers?
DR. KEZIA ROSARIO: As of our information now po, wala po tayong nasirang bakuna dahil sa bagyo or na-affected iyong mga cold chain storage natin dahil sa bagyo. So, lahat ng bakuna natin during the time of the bagyo were safe po at na-store po siya properly at hindi po tayo nagkaroon ng excursion sa temperature nito. So they are still effective and puwede po pa siyang ibigay sa mga vaccinees natin.
SEC. ANDANAR: Base po sa PAGASA ay asahan na raw po natin ang posibleng pagpasok pa ng isang bagyo ngayong Setyembre. May mga paghahanda po bang ginagawa o gagawin ang NVOC para masigurong magpapatuloy ang pagbabakuna despite the weather conditions?
DR. KEZIA ROSARIO: Yes sir, marami na tayong ginawa para we can prepare or we will be able to address iyong mga bagyo at saka ma-ensure natin na safe iyong bakuna at hindi sila magkaroon ng temperature excursion during sa bagyo.
Ang unang ginawa po natin is that we usually give advisories. So nabigay na po natin iyong Advisory 69 at saka Advisory 81 which addresses po iyong mga calamities and natural disasters like iyong mga bagyo. We also have rolled out ‘no and enforced iyong pag-establish ng mga vaccine security teams not only in the National Vaccine Operations Center kung hindi po sa Regional Vaccine Operations Center natin at saka sa Local Vaccine Operations Center. Sila po ay mag-i-ensure that bago pa man dumating ang bagyo nakahanda na po lahat ng preparations para maprotektahan natin iyong cold chain at saka ma-maintain natin iyong temperature ng mga vaccines natin. Kung kailangan sila i-transport immediately, gagawin po iyon and if kung iyong mga power outages are short lang naman, dapat iyong mga generators natin ay prepared, may enough fuel to sustain hanggang kailan po matapos iyong power interruptions.
And also, na-orient na po iyong mga vaccination teams natin that once the bagyo ay matapos na po ay ma-ensure nila that they can resume the vaccination activities immediately at saka mabigay nila iyong mga bakuna immediately.
SEC. ANDANAR: Malaki ba ang naging epekto nitong pagbagyo sa target daily vaccination natin sa mga nagdaang araw, Doc?
DR. ROSARIO: Kung makita natin iyong daily vaccination accomplishment natin last week, hindi naman masyadong naapektuhan iyong vaccination activities, hindi naman bumaba masyado iyong mga vaccination performance natin because this was also compensated doon sa ibang regions natin.
However, nakikita naman natin that in some LGUs na hindi nakabigay ng serbisyo at that time we really enforce and encourage them na kung kaya nang ma-resume iyong vaccination activities agad sila po ay kailangang magbigay serbisyo agad.
SEC. ANDANAR: Pero base po sa latest report eh apat na linggo na rin po palang hindi nahi-hit ang daily vaccination target natin na 500,000 daily. Anong dahilan po nito? Saan po nagkakaroon ng problema, Doc?
DR. ROSARIO: Sa tingin namin medyo iba-iba kasi iyong vaccine delivery din natin on a weekly basis. May times na sobrang taas, so, iyon iyong mga times din na pumapalo tayo ng 700,000 daily and if nagdi-decrease iyong supplies natin, ito din iyong makikita natin on our daily performance na bumababa rin.
We are also looking at iyong mga second doses to ensure na while ito ay naka-reserve, as you can see medyo marami din iyong naka-reserve sa atin ngayon for second doses ay dapat itong maibigay agad on a timely manner at ma-ensure na hindi po tayo magkakaroon ng missed doses.
Hindi naman masyadong mababa iyong mga accomplishments natin, especially last week. Actually, for the last week I think during the weekdays, four days out of the five weekdays ay nakapalo naman tayo ng 500,000.
We expect now with the more vaccines that will arrive this week, ang ini-expect natin that at least seven million vaccines will arrive this week, then puwede tayong pumalo nang mas mataas na performance if we can have additional supplies of vaccines po.
SEC. ANDANAR: All right. Speaking of additional supplies of vaccines, mayroon bang kakulangan ng supply? At ang ibang bakuna pa dito sa Pilipinas ay nadidisgrasya naman kagaya ng mga nangyari po sa sunog kamakailan sa Ilocos Sur. May balita ba kayo kung ano ang sanhi ng sunog at kung ilang vials po ng COVID-19 vaccines ang naapektuhan doon?
DR. ROSARIO: Yes, Sir. Yes, totoo po iyon na nagkaroon po tayo ng aksidente sa Ilocos Sur. Ang initial report na ibinigay sa atin is that this was caused by a wiring problem sa municipal health office. So, nangyari po ito, iyong sunog doon sa second floor which doon din iyong supply room ng municipal health office. Hindi lang po iyong bakuna natin iyong affected, iyong COVID-19 vaccines natin, kasama po doon na affected ay iyong mga routine immunization vaccines natin. So, sa COVID-19 vaccines po, twelve (12) vials ng AstraZeneca for first doses ang affected at saka iyong six (6) vials po ng second dose nila. And then for Sinovac po, 33 vials po iyong naapektuhan doon po sa sunog.
So, what we are currently doing, ang ating CHD or Centers for Health Development ay magbibigay po ng vaccine ref doon so that they can still operate. So, sila iyong mag-augment for the time being para maka-ensure tayo na mayroong cold chain equipments tayo doon. And then for the vaccines, the CHD will replenish iyong Sinovac nila, so that they can also give na po iyong mga bakuna nila, so, para hindi din mahinto iyong mga operations on the vaccinations. On the AstraZeneca po, ito po ay tinitingnan ng National Vaccine Operations Center kasi iyong CHD natin wala na silang AstraZeneca. So, we are looking po kung puwede pa nating ma-replace iyong kailangan nilang bakuna. Kung hindi po, ang ini-ensure po natin is mabigyan iyong second doses po sa nangangailangan na vaccine recipients.
SEC. ANDANAR: Puntahan po natin si Usec. Rocky Ignacio para sa tanong naman ng mga kasamahan natin sa media.
USEC. IGNACIO: Good morning po, Doc. Mula po kay Vic Tahod ng DZAR 1026 Sonshine Radio: Any update po sa bakunahan ng mga LGU para daw po sa mga menor de edad? Mayroon na pong LGU ang nag-umpisa na po ngayon sa vaccine registration for younger individuals.
DR. ROSARIO: On the operations side po, kami po ay naghihintay ng directive mula sa mga Department of Health policy team natin at saka sa all experts group kung kailan na po tayo ay mag-a-administer ng vaccination doon sa mga younger age groups po. Until now po hindi po kami makasabi kung kailan ito mag-uumpisa. Ito po ay sasabihin ng all experts group natin based on the science na sa tingin nila ay puwede na pong ibigay sa mga kabataan.
However, on the other hand, yes po, na-recognize namin na may mga LGUs na po na nagpo-post sa social media na currently nagri-register sila. So, we have been communicating with them po as well, na this is just a registration so that once DOH will give the policy guidelines handa na sila. So, this is not actually pa the actual rollout, ito po rin iyong ina-articulate nila at ito din po iyong ia-articulate namin.
USEC. IGNACIO: Opo. Iba pa pong tanong ni Vic Tahod: Kailan po kaya mauumpisahan itong booster shots para daw po sa ating mga health workers?
DR. ROSARIO: Ma’am, can you repeat po the question? Medyo naputol lang po siya.
USEC. IGNACIO: Opo. Kailan daw po kaya mauumpisahan itong booster shot para daw po sa mga health workers?
DR. ROSARIO: Ah okay po. In the same way po, at the National Vaccine Operation Center, naghihintay po tayo ng recommendation ng all experts group kasama na po iyong NITAG natin dito on the vaccination on the health workers.
Alam namin soon may ipalalabas silang policy po. So, once that will be released and that will be available to the public po and the National Vaccine Operation Center as an operation arm po ng ating pagbabakuna ay magro-rollout din ng operational guidelines para ma-ensure na ito po ay ma-rollout nang tama.
So, as of now po, naghihintay pa rin kami po ng guidelines.
USEC. IGNACIO: Thank you po, Dr. Rosario.
SEC. ANDANAR: Maraming salamat po sa inyong panahon, Dr. Kezia Rosario mula sa National Vaccination Operation Center. Mabuhay po kayo, ma’am! Stay safe.
DR. ROSARIO:Thank you po sa lahat. Maraming salamat. In behalf of Usec. Cabotaje, maraming salamat sa inyong lahat.
SEC. ANDANAR: At iyan po muna ang talakayang pagsasamahan natin ngayong umaga. I’ll see you again tomorrow. Usec. Rocky, please take it away.
USEC. IGNACIO: Okay. Thank you po, Secretary Martin.
Samantala, sa pinakahuling tala po ng Department of Health, muling pumalo sa lampas 20,000 ang mga naitalang bagong kaso ng COVID-19 sa bansa kahapon. 21,411 new cases po iyan kaya naman sa kasalukuyan ay pumalo na sa 2,227,367 ang lahat ng mga nahawaan ng sakit.
Sa kabilang banda po ay lumampas na rin sa dalawang milyon ang mga gumaling mula sa COVID-19. Nadagdagan iyan ng 25,049 kahapon, kaya naman nasa 90.3% na ang total cases o katumbas ng 2,010,271 ang total recoveries. 168 naman po ang mga bagong nasawi para sa kabuuang 35,145 deaths. 8.2% ang kabuuang bilang ng COVID-19 cases ang nanatiling aktibo o nasa 181,951 na katao.
Inanunsiyo naman po ngayong umaga ng Department of Health at ng Philippine Genome Center ang karagdagang 640 Delta cases sa bansa, kung saan 584 ang mga local cases, 52 ang Returning Overseas Filipinos at may apat pa na kasalukuyang biniberipika. Karamihan po dito ay nasa Metro Manila, sumunod po sa Cagayan Valley at sa CALABARZON. Sa kabuuan, may 2,008 Delta cases sa Pilipinas.
Nakakabahala po ang patuloy na pagdami ng mga kaso ng COVID-19 na naitatala araw-araw dito sa Pilipinas. Pero nito pong nagdaang linggong [garbled] iyan ang nagpahirap sa ating mga kababayan, kung hindi po maging ang pananalasa ng Bagyong Jolina at Bagyong Kiko sa ibang bahagi ng bansa. Kaya naman po kumustahin natin ang pagtugon na ginagawa ng pamahalaan sa mga apektadong indibidwal, makakausap po natin si DSWD Spokesperson, Assistant Secretary Glenda Relova. Good morning po, ASec.
DSWD ASEC. RELOVA: Good morning po, Usec. Rocky and Sec. Martin at sa ating mga tagapanood at tagapakinig po.
USEC. IGNACIO: Opo. Asec, kumusta po itong relief operation ng DSWD sa mga naapektuhan ng Bagyong Jolina and Kiko? In total, ilan po ba itong na-displace na pamilya dahil po sa mga pagbagyo?
DSWD ASEC. RELOVA: USec. Rocky, patuloy ang pakikipag-coordinate po ng ating pong Central Office at Field Offices sa atin pong mga local government units. So, ayon po sa huling ulat po ng ating DROMIC [Disaster Response Operations Monitoring and Information Center] mayroon po tayong 68,988 na pamilya o 268,817 katao ang naapektuhan ng Bagyong Jolina sa 1,228 na barangays mula sa rehiyon po ng NCR, Region III, CALABARZON, MIMAROPA, Region V, Region VI at Region VIII.
Samantala naman po, mayroon naman pong 2,906 pamilya or 11,006 na indibidwal ang kasalukuyang nasa 189 evacuation centers sa mga rehiyon po na atin pong nabanggit. Mayroon naman pong 4,556 na pamilya or 18,941 na katao ang pansamantalang naninirahan sa kanilang mga kamag-anak, ito din po ay bunsod ng typhoon na Jolina.
Para naman sa ating ulat sa Bagyong Kiko, As of September 12, 6:00PM, mayroon po tayong 1,847 na pamilya or 5,990 na indibidwal na naapektuhan ng bagyong ito sa 111 barangay sa Regions I, II at CAR. Karagdagan dito may 36 na pamilya o 108 na katao ang nasa tatlong evacuation centers sa Region III po.
So, ito po iyong ating mga datos na nakuha as of 6:00 PM last night.
USEC. IGNACIO: Pero, Asec, ano po ng assistance ang naipamahagi na natin sa kanila ngayon?
DSWD ASEC. RELOVA: Base naman po sa mga assistance na naipamigay po natin, so ang DSWD po nakapag-provide na ng halagang 564,840.20 sa mga probinsya po ito ng Batangas, Laguna at Masbate. Ang mga lokal na pamahalaan din po, dahil alam naman po natin, when it comes to disaster, ang first responder po natin ay ang LGU, tapos hihingi po sila ng augmentation sa atin sa DSWD.
Dito po sa Bagyong Jolina, nakapamahagi naman po ang mga LGU dito sa mga probinsiyang nabanggit natin na worth 915,649 worth of assistance sa kanilang mga nasasakupan.
Para naman po dito sa Bagyong Kiko, ang DSWD RFO, Regional Office number 2 ay nagpadala ng higit na 733 na food packs nilang augmentation support sa Bagao, Cagayan at nakipag-coordinate na rin po ang nasabing Field Office sa National Resource and Logistic Management Bureau, dito po sa ating sa Central Office para po makapagpadala ng additional na 5,000 food packs sa probinsya ng Batanes at ito po ay i-air lift sa tulong po ng ating Philippine Air Force at office of Civil Defense.
USEC. IGNACIO: Asec., hindi po ba nagkaproblema o nagkulang sa mga evacuation centers lalo‘t ang iba po sa mga ito ay ginagawang isolation center ng ilang LGU?
DSWD ASEC. RELOVA: USec., sa mga natatanggap po namin na reports coming from Field Offices, hindi naman po nagkulang ng ating mga evacuation center.
At prior po kasi sa pagdating ng ating bagyo, nakapag-release na po si DSWD ng operational guidelines kung paano po natin imi-maintain. Alam naman po natin na kahit may bagyo, hindi po natin dapat isawalang-bahala ang kasalukuyang pandemya. So kinakailangan nandoon po iyong mga Barangay Peace and Order, nandoon din po ang mga BHERTs, kinakailangan naka-maintain din po ang ating contact tracing, kinakailangan din po may provision tayo mga water facilities, wash hands facilities, mga latrines po natin, ganoon din po iyong mga provision po ng ating women and children spaces po.
So, lahat po ng ito ini-ensure ng ating mga field offices by coordinating po sa ating mga local government units.
USEC. IGNACIO: ASec, sa ngayon ba ay nakabalik na po sa kani-kanilang mga bahay itong mga nagsilikas na pamilya?
DSWD ASEC. RELOVA: Yes, USec. Ayon sa datos namin, malaki po iyong unang statistics ng nasa evacuation center. Nagbawas na po tayo specifically dito po sa mga areas na tinamaan po ni Jolina; iyong iba po ay nakabalik na po sa kanilang mga tahanan.
USEC. IGNACIO: Asec., mapunta lang tayo sa usapin ng granular lockdown ano po. May tanong po sa inyo tungkol diyan si Rosalie Coz ng UNTV: Ano daw po iyong mechanism na gagawin ng DSWD para ayudahan po ang LGU sa pagpapatupad ng intensified granular lockdowns sa ipatutupad na alert level system po sa National Capital Region?
DSWD ASEC. RELOVA: Ang DSWD po bilang head po ng ating Social Amelioration, small working group po ng IATF ay nag draft na po kami ng guidelines para po in the event po na lumabas iyong Omnibus guidelines dito po sa ating new quarantine classification, nakapag-provide po ang DSWD ng kaukulang assistance sa ating mga LGU.
So ang scheme po natin ngayon is for areas na opisyal na may deklarasyon na under granular lockdown, mamahagi ng family food pack sa mga apektadong pamilya sa loob ng 14 days na quarantine period. So sa bagong guidelines po kasi obligatory na ang isang area na ilalagay sa granular lockdown must be on quarantine for 14 days; however po, ito po ay co- participation or co-sharing po ng ating local government unit as well as the national government.
So, for the first 7 days po, ang atin pong mga local government units ang magbibigay po ng ayuda ng food packs. Iyon pong day 8 to 14 po si DSWD po ang magbibigay ng food packs. So iyong 7 days na iyon, commensurately, magbibigay po si DSWD ng tatlong family packs per family. And in the event po na magkaroon po ng extension ng lockdowns, still the national government through the DSWD will still provide for the food packs po sa atin pong mga kababayan.
USEC. IGNACIO: Opo. Sunod pa rin pong tanong: Saan po kukunin ng DSWD iyong pondo para sa dalawang linggong granular lockdowns ng mga lugar at may sapat pa po ba kayong relief o pondo sa pag-ayuda sa mga residente na maapektuhan daw po ng intensified local lockdowns?
DSWD ASEC. RELOVA: Sa ngayon po, ang fund source po ng DSWD para po sa pamamahagi ng food packs ay ang atin pong tinatawag na QRF. So ito po ay under po sa ating Disaster Risk Management Group. So ang atin pong QRF, once na nadi-deplete po ito, nag-o-augment po tayo or humihingi po tayo ng kaukulang augmentation sa DBM.
So sa ngayon po, naka-draft na po kami ng bagong augmentation request kasi nga po ‘di ba, dumating po itong dalawang bagyo. So noong una, when we were still crafting the guidelines, may sapat po tayong prepositioned na goods. Sa buong bansa po, mayroon po si DSWD na around 1.28 billion. However, with the two typhoons po, so kinakailangan po talaga natin na mag-preposition at mag-request na kasi iyong logistics po natin, kinakailangan mai-repack po natin ito at mai-deliver po natin kaagad-agad sa ating mga benepisyaryo.
USEC. IGNACIO: Opo. Pero, Asec., sa palagay ninyo ay posible rin kayang may financial assistance rin na maibibigay sa mga apektadong residente?
DSWD ASEC. RELOVA: Ito po kasing bago nating quarantine classification, it also entails a new scheme po sa ating pagtulong or hindi po ito iyong katulad ng dati natin na Social Amelioration Program. So ito po ay tinatawag nating Special Assistance to Granular Lockdown.
However, ang departamento pa rin po ay bukas pa rin sa mga ibang pangangailangan ng ating mga kababayan. Madami po tayong programa na pupuwede pong ma-avail ng atin pong mga constituents, ng atin pong mga kababayan, lalung-lalo na po itong ating Assistance to Individual in Crisis Situation.
So patuloy po kaming nakaantabay sa mga magiging request po ng bawat LGU, ng ating mga kababayan, kung ano po ang kanilang mga pangangailangan. Ang Assistance to Individual in Crisis Situation is a needs-based assessment po na kina-conduct ng ating mga social worker. And commensurately, mayroon po tayo doong mga menu of services na pupuwede po nilang ma-avail at mayroon po siyang katapat or kaukulang range po ng assistance na pupuwedeng ibigay ni DSWD.
However, wala po tayong blanket na tinatawag nating Social Amelioration Program or iyong grants na kaukulan po dito po sa ating bagong scheme ng community quarantine classification.
USEC. IGNACIO: Okay. Kami po ay nagpapasalamat sa inyong oras at sa inyong impormasyon. Mag-iingat po kayo, Assistant Secretary Glenda Relova, ang tagapagsalita po ng DSWD.
DSWD ASEC. RELOVA: Maraming salamat po, Usec. Rocky at mabuhay po kayo!
USEC. IGNACIO: Samantala, sa tuluy-tuloy na pagdating nang mas marami pang bakuna sa bansa, tuluy-tuloy rin ang panawagan ni Senator Bong Go sa ating mga kababayan na magpabakuna na. Kasabay po iyan sa isinagawang aid distribution sa libu-libong benepisyaryo mula sa Negros Occidental. Narito po ang detalye:
[VTR]
USEC. IGNACIO: Tuwing Setyembre po ay ginugunita ang Social Security Month bilang selebrasyon sa founding anniversary ng Social Security System o SSS. At ngayon pong 64th Anniversary ng ahensiya, ilang programa po ang handog nila para sa mga miyembrong patuloy na naapektuhan ng pandemya. Kaugnay niyan ay makakausap po natin ang president at CEO ng SSS, si Ms. Aurora Ignacio. Magandang umaga po, Ma’am.
SSS PRES/CEO IGNACIO: Magandang umaga, Rocky.
USEC. IGNACIO: Opo. Ma’am, ano po itong mga bagong programa ng SSS para sa mga member-borrowers ninyo na hindi nakakabayad dahil sa nagaganap na pandemya?
SSS PRES/CEO IGNACIO: Actually po, Usec. Rocky, maglu-launch pa po kami ng mga programa. Inaayos lang po namin ang mga guidelines namin at unti-unti naming pinapa-approve. And bago po matapos ang buwan, kailangan po naming ibalita sa inyo ‘no, hinihintay lang naming ma-polish lahat ang guidelines and criteria.
We will try to come up with different condonation and restructuring program para po sa ating mga miyembro na may utang pa sa SSS, kasama na rin po doon ang kontribusyon. Hindi lang po namin ngayon pa masabi dahil kailangan pa hong aprubahan ito ng ating komisyon.
USEC. IGNACIO: Opo. Pero gaano po karaming member-borrowers ang estimated ninyo na hindi nakakabayad dahil sa pandemic?
SSS PRES/CEO IGNACIO: Marami-rami rin po sila, Usec. Rocky. Siguro po ini-estimate ho namin na supposedly makukolekta is close to, siguro kahit na 680 million ang baka makolekta namin ‘no. Iyon po ang estimate namin. Kung gaano kahaba po namin gagawin ang programa ay dini-determine pa po ngayon kaya hindi po namin masabi kung magkano ang projection namin.
Pero mayroon na ho kaming isang naaprubahan na ilulunsad na po namin, ito po iyong extension ng contribution payment. Ito pong nakaraang June, iyong quarter po natin, i-extend po namin ang payment hanggang sa katapusan ng Setyembre, at ibang lugar po na under ECQ outside of NCR. So magkakaroon po iyan ng announcement, maglalabas po kami ng circular, Usec. Rocky.
USEC. IGNACIO: Opo. Pero hindi po ba naapektuhan ang kabuuang pondo ng SSS at mga benepisyong ibinibigay ninyo sa inyong mga miyembro?
SSS PRES/CEO IGNACIO: Actually, naapektuhan po kami dahil nabawasan po siyempre ang nagbabayad sa SSS dahil sa unemployment. Recently po, nakapagtala na kami ng unemployment insurance benefit na binigay namin from the month of January to June this year.
Ang laki po ng porsiyento na itinaas ng aming unemployment insurance benefit. Nito lang pong July 2020 hanggang June 2, 2021, nagkaroon po kami ng 240,000 na nakatanggap po na 1.75 million. Ito lang po iyong para doon sa mga formal sector na dumadaan through reimbursement ng kanilang mga sickness benefit. Doon po sa ating sickness benefit, from January 2o21 to July 2021 lang po ay nagbayad tayo ng 2.21 billion na sickness benefit
Sa unemployment naman po, nagtala po tayo ng 820 million ng January to July lang. Kumpara po noong nakaraang taon na ang laki po ng liit, kasi nandoon lang po tayo sa mga 370 million last year.
USEC. IGNACIO: Ma’am, kumusta naman po iyong iba pang benefits na handog ng SSS para sa mga miyembro nito gaya po ng COVID-19 calamity loan assistance program? May posibilidad po bang ma-extend ito?
SSS PRES AND CEO IGNACIO: Puwede po tayong mag-grant doon sa mga hindi pa nakapag-apply nitong nakaraang taon, nitong September last year ano. Na nag-open po tayo ng calamity loan doon during the time na dineclare, pero mayroon lang pong period na puwede silang mag-apply. And hindi na nila kailangan aplayan kung hindi pa sila nakakabayad.
Iyon po iyong sa calamity loan. Dahil na-extend po bang calamity loan natin hanggang September 20, 2022. So iyong mga hindi pa nakaka-avail niyan, puwede po silang mag-apply.
USEC. IGNACIO: Ma’am, ngayong Social Security Month, anu-ano pong mga programa pa po ang handog ng SSS para sa mga member-beneficiaries ninyo?
SSS PRES AND CEO IGNACIO: Ngayong buwan na ito magkakaroon pa kami ng mga programa sa aming anibersaryo, mayroon pa ho kaming tinatawag na mga virtual programs para sa mga grandparents, mayroon din po tayong ni-launch recently na portal para po sa mga members.
Kasi po kadalasan, nag-i-e-mail po sila o kaya tumatawag sa amin para magtanong tungkol sa mga information regarding their membership o kaya iyon pong tanong nila tungkol sa kung paano mag-avail ng benefits or anong klaseng benefits ang puwede nilang makuha or loans ano. Recently lang po, noong last week lang, ni-launch po namin iyong uSSSap tayo portal. Dito po ay makikita ng mga miyembro natin ang kanilang information na gustong makuha. Tatlong grupo po ang puwedeng puntahan sa portal, ito po iyong knowledge based, mayroon din po itong mga frequently asked questions, puwede din po silang mag-lodge ng concern nila or inquiry at doon po mabibigyan sila ng mga tiket para masubaybayan nila iyong kanilang tanong. hanggang sa ito po ay maresolba or masagot ang kanilang mga tanong.
Isa pa po nagpo-provide po ito ng mga video how to apply and how to avail of the loans or the benefits ano. So maganda po itong uSSSap Tayo portal. Sana po ay makapunta sila dito sa uSSSap Tayo portal at puwede po nilang matanong lahat ng gusto nilang malaman.
USEC. IGNACIO: Opo. Maraming salamat po sa inyong panahon at siyempre sa inyong impormasyon, SSS President and CEO Aurora Ignacio. Ma’am, congratulations po sa 64th anniversary ng inyong tanggapan.
SSS PRES AND CEO IGNACIO: Maraming salamat, USec. Rocky. Thank you.
USEC. IGNACIO: Samantala, puntahan natin ang mga balitang nakalap ng Philippine Broadcasting Service. Ihahatid po iyan ni John Mogol mula sa PBS-Radyo Pilipinas:
[NEWS REPORT]
USEC. IGNACIO: Maraming salamat sa iyo, John Mogol. Mula naman po sa Cordillera, magbabalita si Debbie Gasingan:
[NEWS REPORT]
USEC. IGNACIO: Maraming salamat sa iyo. Debbie Gasingan. Dumako naman tayo sa Davao, magbabalita si Hannah Salcedo:
[NEWS REPORT]
USEC. IGNACIO: Maraming salamat, Hanna Salcedo ng PTV Davao.
Maraming salamat din po sa ating partner agencies para sa kanilang suporta sa ating programa at maging ang Kapisanan ng mga Brodkaster ng Pilipinas o KBP.
At dito na po nagtatapos ang ating programa sa araw na ito. Maraming salamat po sa inyong pagtutok. Sa ngalan po ni Secretary Martin Andanar, ako po si USec. Rocky Ignacio. Magkita-kita tayong muli bukas dito lamang sa Public Briefing #LagingHandaPH.
###
—
SOURCE: PCOO-NIB (News and Information Bureau-Data Processing Center)
