SEC. ANDANAR: Magandang umaga Pilipinas at sa lahat ng ating mga kababayang nakatutok sa ating programa, ako po ang inyong lingkod, Secretary Martin Andanar. Good morning, Rocky.

USEC. IGNACIO: Good morning, Secretary Martin, ako naman po si Usec. Rocky Ignacio.

SEC. ANDANAR: Ngayong umaga ay atin pong himayin ang usapin tungkol sa pagbaba ng crime rate sa Pilipinas gayun din po ang pagtaas ng bilang ng mga nareresolbang kaso ng PNP sa ilalim ng administrasyong Duterte.

USEC. IGNACIO: Bukod po diyan ay patuloy rin naman po ang ating pagmu-monitor sa sitwasyon ng mga kababayan nating apektado nang pananalasa ni Bagyong Maring sa Northern Luzon at ang developments sa pagtuturok ng booster shot para po sa COVID-19 vaccines.

SEC. ANDANAR: Simulan na natin ang talakayan dito sa Public Briefing #LagingHandaPH.

Sa ikalawang taon ay muling isasara ang mga sementeryo at kolumbaryo dito sa Metro Manila sa nalalapit na Undas, inanunsiyo po ‘yan ng Metro Manila Council bilang pag-iwas na rin sa posibleng pagdagsa ng mga taong bibisita sa puntod ng kanilang mga kaanak; magsisimula po ‘yan ng October 29 at magtatagal hanggang November 2.

Sa kabilang banda naman, pinaikli ng Metro Manila mayors ang ipinatutupad na curfew hours sa rehiyon. Mula sa dating 10 P.M. to 4 A.M., simula ngayong araw, October 13, ay gagawin na iyang mula alas dose ng hatinggabi hanggang alas kuwatro po ng madaling araw.

USEC. IGNACIO: Samantala, mayroon nang Malasakit Center sa Tangub City sa Misamis Occidental. Binuksan ito kahapon sa Doña Maria Tan Memorial Hospital at mismong si Senator Christopher ‘Bong’ Go ang dumalo para pangunahan ang inagurasyon sa naturang ospital. Narito ang report:

[NEWS REPORT]

SEC. ANDANAR: Isa sa krusada ng administrasyong Duterte ang labanan ang kriminalidad sa bansa at tila tinupad ‘yan ng ating Philippine National Police dahil sa nakalipas na anim na taon naitala ang mataas na crime solution efficiency at crime clearance efficiency sa bansa. Iyan at iba pang usapin ang ating tatalakayin kasama si PNP Chief General Guillermo Eleazar. Magandang umaga po sa inyo, Chief Eleazar.

PNP CHIEF GEN. ELEAZAR: Yes. Magandang umaga sa iyo, Sec. Martin and Usec. Rocky, at lahat po sa mga nakikinig at nanunood sa inyong programa.

SEC. ANDANAR: General, napakagandang balita po itong pagtaas ng solution at clearance efficiency ng mga kasong inimbestigahan ng PNP nitong mga nagdaang taon. How did this become possible?

PNP CHIEF GEN. ELEAZAR: Well, Sec. Martin, dalawa lang ang main function ng ating pulis – ito nga ‘yung crime prevention and crime solution. At sa dalawang functions na ito for this first 5 years ay bumaba po ng 64% ang ating index crime, the barometer of peace and order. Doon naman sa pangalawang function natin na crime solution eh tumaas po ng 86% iyong dati na 26% iyong crime solution, meaning for every 4 crimes, isa ‘yung nasu-solve. Ito pong huling period natin, last 5 years, naging 49% siya so sa bawat 2 kaso, isa nasu-solve.

So kung ikukumpara mo, talagang malaking improvement siya at iyan ay dahil—una, ako ay naniniwala dahil sa patuloy na suporta ng ating pamahalaan sa ating kapulisan.

Una, pagdudoble ng suweldo; pangalawa mga kagamitan na binibigay sa atin; pangatlo, ‘yung ating kampanya against illegal drugs; pati na rin ‘yung ating pinaigting na pagpapatupad ng lahat noong mga ordinansa at mga batas para po sa ating anti-criminality efforts.

SEC. ANDANAR: Pati ba ang crime rate ay bumaba na rin, General?

PNP CHIEF GEN. ELEAZAR: Yes, tama iyon kasi kung kinumpara natin ‘yung sa crime prevention natin, kung dati eh noong unang first 5 years ay umabot ng 1.1 million itong naitala na index crime for that 5 years eh ngayon na umaabot lang siya ng 400,000. Kaya nga masasabi natin na 64% ang binaba nito at ang effect din noon, pagbaba ng crime rate.

SEC. ANDANAR: Sa kabila po nang magandang performance ng Philippine National Police, hindi pa rin maiiwasan ang ilang ‘ika nga’y ‘bad eggs’ sa inyong hanay. Recently nga ay itong isang pulis na namaril ng isang teenager with special needs. Noong una ay suspension lang ang ipinataw sa kaniya pero bakit po kayo nag-decide na tuluyan nang sibakin ang pulis na ito?

PNP CHIEF GEN. ELEAZAR: Yes. Sec. Martin, after the review of the DPRM pati na rin iyong ating legal officer, even though aksidente at sinasabi nga na nabaril at napatay. Pero in the first place kasi eh hindi dapat iyon mababaril kung hindi siya naaresto. Actually hindi naman kasi siya kasama doon sa sinasabi natin na nahuli sa illegal gambling. Eh ‘yung pulis eh nakawala iyong hawak niyang huli and then here comes, may dumating na isang bata at iyon ang kaniyang dinampot. So hindi siya naaktuhan na mayroong crime na ginawa.

Kaya nga from that very instance eh mali na kaagad iyong pagkaaresto sa kaniya so that iyong mga nangyari tuloy, itong aksidente na sinasabi na nabaril niya, eh iyon ay consequence na noong maling aksiyon niya sa simula pa lamang. Kaya nga after the review of our concerned office, eh iyon pong binigay natin na sanction sa kaniya or ito ngang ni-recommend sa atin na ating inaprubahan ay dismissal from the service.

SEC. ANDANAR: Ano naman pong masasabi ninyo sa separate probe na ginagawa ng NBI para desisyunan kung sasampahan ng criminal complains itong sinibak na pulis?

PNP CHIEF GEN. ELEAZAR: Nakikipagtulungan tayo sa NBI from the very start, noong magkaroon ng imbestigasyon dito at hiniling ng pamilya na NBI ang magsagawa ng imbestigasyon para sa criminal case na ipa-file eh kami po ay nagkaroon agad ng coordination. Ako mismo, tinawagan ko ang NBI Director na si Director Eric Distor para po doon sa aming sharing of information at hinihintay na lang natin ito pong kanilang result ng investigation para po sa pagsampa nang karampatang kaso against doon sa suspect na pulis.

SEC. ANDANAR: Dito naman po sa kaso ng actor na si Jake Cuenca, may developments na rin po ba sa kaso nito? At mag-a-undergo raw siya ng medical test, tama po ba?

PNP CHIEF GEN. ELEAZAR: Well, unang-una, nakapag-file na po tayo ng kaso sa piskalya – reckless imprudence resulting in damage to property, as well disobedience on agent or person in authority. At iyon nga, iniimbestigahan na rin natin iyan. Pati iyong pulis natin, iniimbestigahan din natin iyan dahil mayroon tayong basis na mayroong lapses, iyong sa pagbabaril doon sa gulong sa paghabol sa kaniya na nagresulta nga doon sa aksidente rin na mayroong tinamaan na ngayon naman ay nasa ligtas na.

Ang sa atin lang kasi, eh kasi nga ‘di ba, itong si Jake Cuenca after the incident na mayroon siyang nabangga ay pinapara siya, hindi naman siya pumara. And then after that, doon sa isang checkpoint o iyong tinatawag nating chokepoint doon na mayroong naka-unipormadong pulis na siya ay pinapara ay hindi pa rin siya pumara. Nagkataon naman ang pinanggalingan kasi nung sitwasyon na iyon, mayroong isang operation na kung saan nakakuha ng 31 kilograms of marijuana kaya siyempre itong mga pulis natin ay nandoon at mataas ang level of alert nila because of that situation.

So ito po iyong sinasabi natin na in the first place, siguro hindi na dapat nagkaroon pa ng habulan kung antimano ay pumara siya dahil mayroon naman siyang nasagi na sasakyan. At pangalawa, kung sakali sa desisyon niya hindi siya tumigil pero doon sa dragnet operation o sa checkpoint or chokepoint na kung saan mayroong nakauniporme at humaharang sa kaniya, dapat doon naman ay tumigil naman siya.

SEC. ANDANAR: Nakausap ninyo na rin po ba iyong pamilya nitong delivery driver or rider na nabaril?

PNP CHIEF GEN. ELEAZAR: Mismo ang District Director ng Eastern Police District na si Police Brig. Gen. Matthew Baccay pati na rin itong Chief of Police ng Mandaluyong City Police Office, si Col. Unos ang direktong nakipag-ugnayan doon po sa nabaril. At lahat naman po ng pangangailangan pati na rin po iyong medical assistance ay atin pong pinarating na sa kanila.

At iyon nga po, humihingi tayo ng pasensiya doon po sa nabaril, tinutulungan natin. Pero kagaya ng sinabi ko nga po ay nasa kaniya po iyon kung sakaling siya ay magreklamo sa ating kapulisan. Kaya nga nandoon ang sinasagawa nating imbestigasyon pati na rin po doon sa ating mga pulis na na-involve doon sa insidente na iyon. While they are now placed under restrictive custody noong ating Mandaluyong City Police ay ongoing naman po iyong ating imbestigasyon na sinasagawa.

SEC. ANDANAR: General, makibalita na rin kami sa violators na nahuhuli ng PNP under the GCQ Alert Level 4 dito sa Metro Manila. Ilan po ang nahuli at kumusta po ang bilang na ito as compared noong nasa MECQ pa tayo?

PNP CHIEF GEN. ELEAZAR: Una, Sec. Martin, nagsimula kasi tayo sa ECQ – 15 days iyan – noong August 6. At doon, sa Metro Manila, dahil 15 days iyon mas maganda siguro iyong average na lang, nag-a-average na 10,000 daily ang naa-accost nating violators during that ECQ period na 15 days. It was followed by MECQ na 26 days, nag-a-average doon na 12,600 daily. At noong pumasok na ngayon tayo for the past 27 days, nag-a-average naman ng 10,475. So hindi nagkakalayo ito ngayong mga violators na naa-accost natin.

Ito ngayon iyong naaaktuhan natin base na rin doon sa areas na napupuntahan ng ating mga pulis. Pero maraming areas na hindi pa natin napupuntahan kaya’t nakikita natin na talagang maraming nagba-violate dito po sa ating mga protocols, partikular iyong hindi pagsusuot ng face mask. Nandiyan din iyong ating pag-iikot para doon sa mga nagba-violate ng ating curfew and pati na rin itong sinasabi natin na during sa mga checkpoint iyong mga non-APOR. Pero kakaunti na lang siya dahil nga noong pumasok na tayo dito sa alert system dito sa Metro Manila ay nabawasan na ang restriction ng travel ng ating mga kababayan dahil nga itong sistemang ito ay nagtutuon na lang doon sa mga areas placed under granular lockdown na kung saan mas mahigpit na binabantayan. Samantalang sa ibang lugar naman ay nandoon din ang ating mga pulis para siguraduhin na sumusunod sila doon sa minimum public health standard.

SEC. ANDANAR: Mukhang malaki po ang posibilidad na ibaba na nga sa Alert Level 3 ang Metro Manila. Mayroon po ba kayong mga paghahandang ginagawa dito lalo’t inaasahan ang mas maraming establishments pa ang magbubukas?

PNP CHIEF GEN. ELEAZAR: Dito po sa kung sakaling magbago ang ating alert level dito po sa Metro Manila ay iyan naman po ay nakalagay naman diyan itong mga guidelines kung ano ba iyong mga probisyon na ito and, basically, talagang magluluwag siya. Kasi doon sa dating sinasabi natin na ten percent doon sa mga areas o dating sinasabi nating high-risk, magiging 30% na siya at maraming iba pa na mag-o-open na rin up to 30%.

So meaning to say, mas inaasahan natin na mas marami tayong mga kababayan na pupunta dito sa mga permitted industries na ito. At doon ngayon pupunta ang ating mga pulis in coordination doon sa mga management and owners nitong mga establishments pati na rin ang force multiplier or mga security guards para nandoon tayo para nandoon tayo para siguraduhin na susunod pa rin sila doon sa minimum public health standard at gagawin nila itong capacity na tinakda ng IATF doon sa corresponding alert level system na iyon.

SEC. ANDANAR: Magluluwag din ba ang pagbabantay ng PNP under the Alert Level 3?

PNP CHIEF GEN. ELEAZAR: Hindi po tayo magluluwag. Ang atin pong gagawin is ang magluluwag actually po ay iyong mga prohibition. Pero ang pulis natin, base doon sa mga itinatakda ng mga provisions na iyon, iyon naman po ay babantayan natin at hihigpitan iyong pagpapatupad nito.

Meaning to say, kagaya ng nabanggit nga natin, dahil marami nang allowed lumabas, ang ating babantayan ngayon ay iyong mga allowed na lumabas sa mga permitted industries na dapat sumusunod doon sa mga protocol. At babantayan din natin na susundin nila itong capacity na 30% doon sa mga establisyimento na allowed nang mag-operate.

SEC. ANDANAR: Ngayon pong malapit-lapit na rin ang Undas, General, may mga paghahanda na rin ba kayong ginagawa rito at kailan po kayo magsisimulang magbantay sa mga sementeryo?

PNP CHIEF GEN. ELEAZAR: Dahil nga naglabas na rin ng resolusyon ang Metro Manila Council na ito pong mismong Undas natin, itong October 29 until November 2 ay sarado po ang ating mga sementeryo, kolumbaryo, so meaning to say ay ito pong before that period or immediately after that, doon na pupuwedeng pumunta sa mga sementeryo ang ating mga kababayan. Kagaya po iyan last year din.

Kaya nga nagbigay na tayo ng direktiba sa ating mga chiefs of police dito po sa Metro Manila na makipag-ugnayan na sa kaniya-kaniyang mga LGUs para po puwede nang magbantay o magkaroon na tayo, mag-establish na tayo ng mga police assistance desks dito malapit sa mga sementeryo dahil inaasahan natin na itong araw na ito, sa mga susunod na araw hanggang October 28 ay magpupuntahan na po sila and then after that, sa November 3 ay puwedeng pumunta uli sila doon. So kagaya ng ating inaasahan at nakita natin doon sa nakaraang taon ay magdadagsa po sila rito pero at least po ay sa mahabang panahon naman. But doon sa specific dates na limang araw, from October 29 until November 2, bawal po doon at iyon naman din ang ating babantayan doon sa mga period na iyon.

SEC. ANDANAR: General, usapang eleksiyon naman tayo. Last month po ay may mga panawagan na kayo po ay tumakbo pagka-senador. Bakit po hindi ninyo ito tinuloy kung may plano po kayo noong mga panahon na iyon, kung mayroon po?

PNP CHIEF GEN. ELEAZAR: Well, personal decision din at kasama rin ang consultation with the family. Actually sa akin naman, from the very start naman, nasabi ko naman na talagang ang sa akin po ay nandito ako bilang pulis at ngayon ay nahirang bilang hepe ng Pambansang Pulisya kaya nga talagang naka-focus po ang aking kaisipan at ang aking sarili sa paglilingkod at nang tapusin ito. Kaya po nandito ako ngayon para sa remaining one month, eksakto po, kasi ngayon is October 13 and I’ll be retiring by November 13. At sana dito sa isang buwan na ito, pagkalipas ng limang buwan ay patuloy po na magtulung-tulong ang ating mga pulis at ating mga kababayan para ipagpatuloy itong aming mga dati nang sinimulan na mga reforms para po mas maging maayos, disiplinado ang ating pulis at maging karapat-dapat sa pagtitiwala at respeto ng ating mga kababayan.

SEC. ANDANAR: Maraming salamat for joining us today, PNP Chief Guillermo Eleazar. Mabuhay po kayo, sir!

PNP CHIEF GEN. ELEAZAR: Maraming salamat, Sec. Martin, USec. Rocky, ganoon din po sa lahat ng nakinig at nanood sa ating programa.

SEC. ANDANAR: At iyan po muna ang ating pag-uusapan ngayong araw. I’ll see you again tomorrow, USec. Rocky. Please take it away.

USEC. IGNACIO: Thank you, Secretary Martin.

Samantala, base po sa report na inilabas ng DOH kahapon:

• 8,615 ang pinakahuling nadagdag sa mga nagkaroon ng COVID-19 sa bansa kaya umabot na sa 2,683,272 ang lahat ng nahawaan ng virus dito sa Pilipinas.
• Marami naman ang naitalang mga bagong gumaling sa sakit – 25,146 individuals ang tinatayang naka-recover na para sa kabuuang bilang na 2,561,248 total recoveries.
• Umakyat naman po sa 39,896 ang mga nasawi matapos itong madagdagan ng 236 kahapon.
• Dahil sa mga recoveries, bumaba sa 82,228 ang active cases sa bansa.

Samantala, bumubuti naman po ang sitwasyon ng COVID-19 dito sa Metro Manila, taliwas naman po iyan sa nararanasan ng ating mga kababayan sa ibang lugar ng sa Zamboanga City kung saan kamakailan po ay pumalo nga daw po sa 23.04% ang seven-day positivity rate sa rehiyon.

Kaugnay po niyan ay makakausap natin ang tagapagsalita ng Zamboanga City COVID-19 Task Force na si Atty. Kenneth Beldua.

Good morning po, Attorney.

ZAMBOANGA CITY COVID-19 TF SPOX BELDUA: Good morning po, ma’am! And thank you for having us in your program.

USEC. IGNACIO: Opo. Attorney, ano ngayon ang situation on the ground diyan sa Zamboanga City lalo na po sa mga ospital, overwhelmed po ba ang mga health workers natin diyan; at marami daw po ang naka-sick leave, tama po ba ito?

ZAMBOANGA CITY COVID-19 TF SPOX BELDUA: As of now, ma’am, we have recorded a total number of 17,882 confirmed cases and out of these, mayroon po tayong 2,551 active cases and tama po kayo ang sinabi ninyo kanina na mayroon tayong seven-day positivity rate at 23%.

With respect to our hospitals, our bed occupancy now is at 86% which is deemed to be a critical level and the Zamboanga City Medical Center which is the center for our COVID referrals here in the region has already reached its maximum capacity po.

USEC. IGNACIO: Opo. Attorney, dito sa mga active cases na naitala karamihan daw po ng tinamaan ay nasa severe o critical na?

ZAMBOANGA CITY COVID-19 TF SPOX BELDUA: Most of the cases, they remain to be at the… asymptomatic. Iyong ating mga asymptomatic cases pero iyon nga lang po marami din pong mga severe cases ‘no especially sa mga older age groups.

Right now po, ang ating breakdown of our cases: We have the mild cases at 38%; the moderate cases at 3.5%; iyong severe po natin is 5.3; and the critical is at 1%; asymptomatic remains at an all-time high of 52%.

But the problem po, ma’am, ‘no is because of the total number of active cases that we have right now, definitely iyong severe cases at 5.3 is still consist a high number of patients po considering that limited lang naman po iyong mga [garbled] dito sa Zamboanga City and we also cater to patients coming from outside of our city, from the entire region, that is why we really feel the effects of the increase number of severe cases.

Right now po, ma’am, we really have a shortage of our oxygen which is a concern that was brought forth by the City Mayor, Mayor Beng Climaco, to the government. We also have a lack of supply in ICU and COVID-19 beds in the hospitals and we’re trying to address these issues by several measures that we will be undertaking in the coming days po.

USEC. IGNACIO: Opo. Sinabi ninyo po mukhang nagkukulang po ang supply na ng oxygen. Mayroon na po bang tumugon dito sa panawagan ninyo?

ZAMBOANGA CITY COVID-19 TF SPOX BELDUA: Yes po, ma’am. Last week, the Mayor facilitated the transport of these raw materials of oxygen coming from Cebu and we have also coordinated with other suppliers. And in the coming days we’re expecting na this will be addressed po, ma’am.

So it’s really the problem of oxygen kasi po iyong reason bakit po niri-refuse ng ibang  mga hospitals iyong entry ng mga COVID-19 patents is because wala na po talagang supply ng oxygen.

USEC. IGNACIO: Pero, Attorney, masasabi mo sa mga susunod na araw ay hindi ninyo na magiging problema itong oxygen dahil matutugunan na po ito?

ZAMBOANGA CITY COVID-19 TF SPOX BELDUA: Yes, ma’am. The City Government is now looking into suppliers that can give us the needed supply of oxygen and aside from that, ma’am, ‘no the problem really is the congestion of our hospitals.

Because of that, the City Government is going to convert some of the isolation facilities to become a step-down and step-up facilities where our patients instead of bringing them to the hospitals, those exhibiting mild to moderate symptoms for as long as hindi naman critical, we can put them in our step-up facilities where there will be a semi-hospital setting kasali na po iyong provision of oxygen.

So, our Mayor met with Mayor Benjie Magalong, our Contact Tracing Czar, and some measures were taken to address the issue on the lack of oxygen. We’re now making the necessary coordination po and we’re very thankful for the support of our national government in addressing our problems here in Zamboanga City.

USEC. IGNACIO: Opo. Attorney, dito sa COVID-19 report ninyo noong October 11 ay mayroon po kayong naitala na 34 na re-infection. Araw-araw po ba kayong may naitatalang ganito na re-infection, Attorney?

ZAMBOANGA CITY COVID-19 TF SPOX BELDUA: Hindi naman po, ma’am ’no. If you will note the numbers, its minimal compared to the total number of active cases. So, hindi naman everyday but the fact that there are re-infections is quite alarming and [garbled] and that it could be because of the Delta variant that is why we’re having this surge of cases considering that in the past when there was no Delta variant yet in our City, our cases were not that high.

Right now, we’re averaging 150 cases a day, registering an average of also around 10-12 deaths a day. So, the cases here in Zamboanga is quite alarming and so that is why we continue to appeal to our residents to really observe the minimum health protocols and to avoid social gatherings kasi alam naman po natin diyan natin talaga makukuha iyong infection kapag madami pong mga tao.

USEC. IGNACIO: Opo. Attorney, ano po ang quarantine classification ng Zamboanga City at ano po ang naging tugon ninyo dito sa panawagan ng health care workers na mas mataas na quarantine sa Zamboanga City?

ZAMBOANGA CITY COVID-19 TF SPOX BELDUA: Tama po kayo, ma’am, ano. Mayroong hiling ang ating mga health care workers, pinapangunahan ng ating Zamboanga City Medical Society, kasama din po iyong ating Private Hospitals Association of the Philippines, and iyong Philippine College of Physicians here in our city na humiling po sila kung puwede po na maitaas po iyong ating quarantine classification.

Right now po, as based on the information relayed to us by Secretary Galvez, our request for the Modified Enhanced Community Quarantine is being considered by the National Inter-Agency Task Force. Kasi po sa ngayon, ma’am, nasa GCQ ho tayo and kailangan ho natin na mas maghigpit po.

Iyon nga lang po, the challenge really is for the local government to also assist the sectors who will be affected by more strict quarantine classification sapagkat alam naman po natin na kapag tayo ay mag-MECQ marami pong tao ang maaapektuhan sa kanilang hanapbuhay.

So, ito pong desisyon na tumaas po iyong ang ating quarantine classification, it’s a decision that was not taken lightly by the local inter-agency task force knowing that there will be a lot of people po who will be displaced also. So, we are now [garbled] for the decision of the national government insofar as the quarantine classification of Zamboanga City.

USEC. IGNACIO: Opo. Attorney, bukod po sa surge noong nakaraang taon, this year naman po makikita sa trend ng COVID cases diyan iyong sinasabing pagtaas ng kaso between June at ngayon nga din pong October na patuloy pa rin po iyong pagtaas. So, binanggit ninyo nga po, ang isa sa nakikita ninyong dahilan itong Delta variant pero ano po ang nagiging pagkilos ng inyong pamahalaan diyan para po mapigilan itong epekto pa rin ng Delta variant?

ATTY. BELDUA: Alam po ninyo, Ma’am ‘no, in so far as the Delta variant is concerned, studies have shown that it’s much more contagious than the other variants. Ngayon po kasi na-sustain na po iyong community transmission. So, kung sasabihin, if the question is how do we prevent the transmission, it’s really more on the enforcement, the local police together with our partners from the other members of the security sector.

We are really doing our best to limit the movement of the people outside of their residences. But we also have to understand that this pandemic has been going on for almost two years and there are so many restrictions imposed upon the people and siguro po napagod na iyong mga tao. Pero it is not an excuse for us to be lax in our enforcement. There are many aspect po, Ma’am ‘no that we are looking into.

Siyempre  itong ating movement of  the residents outside the city, ngayon po strictly being implemented na po iyong ating quarantine pass, sapagkat noong bumaba po iyong mga cases ay we lifted po iyong ating use of quarantine pass with respect to letter A and letter B.  Iyong letter A iyong puwede lang pong lumabas sa Monday, Wednesday and Friday, iyong letter B naman po puwede silang lumabas Tuesday, Thursday, Saturday.

Mayroon naman po tayong aspeto ng social gatherings, Ma’am. Alam naman po ninyo dito sa Zamboanga, marami rin pong mga ginagawang social gatherings, it’s also a challenge considering that these social gatherings are being held in air conditioned setting. So with respect to that, Ma’am, it’s really the enforcement that we really have to improve on.

And iyong ibang issues naman po, Ma’am ‘no, with respect to our isolation facilities, we are addressing this as I have mentioned earlier, we have the Pasobolong DOH facility, it’s near the Mindanao Central Sanitarium, which is a general hospital.  We are going to convert it into a step-up facility, wherein we will be transferring those exhibiting moderate symptoms who need oxygen. Doon na po natin sila ilalagay.

Iyong ating isa pa pong facility at Pasonanca Convention Center will be converted also into a step-up facility. And iyong ating mga mild symptoms naman po, Ma’am, na puwede naman nilang, mag-a-isolate na lang po, we are preparing some 900 beds in our schools from the Department of Education that will be converted into isolation facilities.

And we are happy to inform you also, Ma’am, that the City government recently is about to turnover this Mega Isolation Facility, iyan pong nakikita ninyo sa pictures, Ma’am, which has a capacity of 320 beds. So, it will really address our problem on isolation, because right now, there are many who are doing home isolation because of the lack of facilities. So with the completion of the Mega Isolation Facility hopefully, we can address the situation that we are in right now.

USEC. IGNACIO: Opo. Attorney, nitong nakaraan po ay marami ring mga nahuhuling namimeke ng RT-PCR test result diyan sa Zamboanga City, at mostly po nanggaling ang mga ito sa ibang lugar? So, ano po ang ginagawa ninyong aksiyon para po higpitan pa rin iyong pagbabantay sa ganitong klase ng pamimeke?

ATTY. BELDUA: Tama po kayo, Ma’am. There have been several apprehensions already and the actions taken, mayroon po tayong isinampang kaso sa korte at they were already sentenced with the appropriate penalties. So the other actions taken of course, we are very strict in manning our borders. Personnel sa mga border checkpoints po natin, ang instruction  ko po is to really verify this  RT-PCR test results and  once it is verified, that it is false, it is fake  then binibigyan po sila ng citation ticket and they  are recorded and they are also asked to go back to their place of origin at  their own expense.

USEC. IGNACIO: Opo. Attorney, pero sa ngayon po kumusta naman iyong bakunahan diyan? Ilang porsiyento na po ng target population ang nabakunahan na?

ATTY. BELDUA: Sa ating first dose po, mayroon po tayong 202,582 individuals or this is 29% of the target population. Iyong complete vaccinated individuals naman po ay nasa 146,749 or 21% of the target population.  Ma’am, I just would like to add also, nakikita natin ang dahilan kung bakit nga patuloy na tumataas iyong mga kaso ng COVID ay dahil nga sa medyo mabagal na pag-usad ng ating vaccination, sapagkat kulang pa rin po iyong supply ng vaccine na napadala dito sa ating lungsod.

Mayroon po tayong biniling bakuna, ang ating pamahalaang lokal, sapagkat ito ay kailangan natin, ngunit hinihintay pa po natin iyong delivery po ng next batch. Ngunit tayo ay nagpapasalamat po sa coordination po ng ating butihing  Alkalde, Mayor Beng Climaco with our National Inter-Agency Task Force Chief  Implementer, Secretary Galvez, kasama po si  Mayor Magalong,  pati  na rin po iyong tulong ni Senator Bong  Go. They have already pledged po that they will deliver to Zamboanga vaccines po, para mapagpatuloy natin iyong pagbakuna sa ating mga kababayan dito sa Zamboanga.

USEC. IGNACIO: Opo. Kami po ay nagpapasalamat sa inyong panahon at impormasyon, Atty. Kenneth Beldua, ang tagapagsalita ng Zamboanga City COVID-19 Task Force. Salamat po, Attorney.

ATTY. BELDUA: Maraming salamat po.

USEC. IGNACIO: Samantala, suportado naman ni Senator Bong Go ang pagbibigay ng incentive sa mga bakunado na kontra-COVID-19. Ito po ay para mahikayat ang marami pang Pilipino na magpabakuna na rin. Narito po ang detalye:

[NEWS REPORT]

USEC. IGNACIO: Isa po ang lalawigan ng Cagayan sa mga probinsiyang sinalanta ng bagyong Maring nitong nagdaang araw. Bagama’t palayo na sa Philippine Area of Responsibility ang bagyo ngayong Miyerkules ang pinsalang dulot naman nito ang kakaharapin ng ating mga kababayan sa susunod na mga araw.

Makibalita tayo sa kasalukuyang sitwasyon ng Cagayan mula mismo sa pinuno ng Cagayan PDRRMO na si Col. Darwin Sacramed. Magandang umaga po, Colonel.

COL. SACRAMED: USec. Rocky, good morning po.

USEC. IGNACIO: Opo. Colonel, kumusta na po iyong sitwasyon ngayon diyan sa buong Cagayan province? Hanggang ngayon po ba ay may mga lugar pa ring lubog sa baha?

COL. SACRAMED: Sa ngayon po Ma’am Rocky, medyo gumanda na po iyong panahon dito, mayroong 2 barangay na lang po dito sa bayan ng Lasam na reportedly ay may konting baha doon. So far, sa ngayon ay medyo gumanda na iyong sitwasyon namin at sa ngayon po ay nag-start na po tayo mag-conduct ng rapid damages and needs assessment.

Nagpadala po kami ng tao ngayon sa mga affected nating bayan upang sa ganoon ay makita kung ano po iyong epekto ng Bagyong Maring at kung ano po iyong pangangailangan ng ating mga kababayan po dito.

USEC. IGNACIO: Opo. Colonel, kumusta na po iyong nasa 200 katao na inilikas noong kasagsagan ng bagyo; sila po ba ay nasa evacuation center pa rin o nakauwi na po?

COL. SACRAMED: Sa ngayon halos lahat po ay nakauwi na, mayroon na lang pong 3 pamilya ngayon dito sa bayan ng Camalaniugan.

USEC. IGNACIO: Opo. Colonel, kayo po ay may naitalang 2 casualty sa inyong lalawigan, hindi na po sana madagdagan Colonel, ano po ang update?

COL. SACRAMED: Sa ngayon po ma’am, opo iyon nga po may 2 po tayong casualty at bina-validate lang po namin iyong isa dito po sa bayan ng Piat kung ito po ba ay related po dito sa epekto po ng bagyo nating si Maring; but sa ngayon po ay wala na po tayong ibang reported na casualty or missing po na ating mga kababayan dito po sa probinsiya ng Cagayan.

USEC. IGNACIO: Opo. Sabi ninyo nga po karamihan na halos na nasa evacuation center nakabalik na sa kanilang bahay. Pero iyon pong supply ng kuryente kumusta po? May ilang bahagi na po ba sa lalawigan ang nagbalik na ang supply o daloy ng kuryente?

COL. SACRAMED: Yes, ma’am Rocky, halos lahat na po ng kuryente natin dito po sa probinsiya ng Cagayan ay bumalik na. Mayroon na lang po tayong 7 bayan—may mga pailan-ilan barangay po na hindi pa natin naibabalik.

USEC. IGNACIO: Opo. Colonel, kumusta po pala itong vaccination center at maging storage facility sa mga bakuna; wala naman po bang bakunang naapektuhan dahil sa pagbaha at nawalan pa rin po ng kuryente?

COL. SACRAMED: Sa ngayon po ma’am okay naman po iyong ating mga vaccines dahil po mayroon naman kaming standby generator po dito po sa probinsiya ng Cagayan and dito po naman sa mga iba’t ibang bayan ay wala naman pong napapabalita po na nagka-problema po o aberya po dito po sa pagmi-maintain po ng ating mga vaccines po.

USEC. IGNACIO: Opo. Ngayon po ba ay may—estimate lang po ng damage na iniwan nitong si bagyo Colonel. Kasi nitong Bagyong Maring diyan; mayroon po ba kayong estimate na ng damaged?

COL. SACRAMED: Opo. May initial na po tayong assessment po doon sa damage po. Ang estimate natin sa atin pong agrikultura ay umabot po ito ng P34 milyon; sa livestock po is almost P1.2 milyon po ang damage sa livestock natin. Dito po sa ating infrastructure ay umabot din po ito ng P11 milyon. So, ngayon po ang total po nating estimate po ng damage po ng epekto ni Bagyong Maring ay umabot po ng P46 milyon, USec. Rocky.

USEC. IGNACIO: Opo. Colonel pasensiya na hindi ko po naririnig iyong sinasabi ninyo kanina lang. Pero nito pong nakaraang buwan lang po manalasa si Bagyong Kiko diyan sa Cagayan, umabot po sa P54 milyon ang iniwang pinsala nito at matapos nga po ng isang buwan ito naman si Bagyong Maring naman. So paano nito maapektuhan ang kabuhayan po diyan lalo na nga po ng ating mga magsasaka?

COL. SACRAMED: Iyon na nga po ma’am, expected na namin po ito kada panahon po ng tag-bagyo dito po sa probinsiya ng Cagayan ay sunod-sunod po iyong atin pong pinsala sa ating mga kababayan. With that, yearly po we are estimating around the millions of pesos po ang nawawala pong income natin dito sa probinsiya ng Cagayan but sa pamumuno po ng atin pong Governor, si Governor Manuel Mamba, ay nakahanda naman po tayo.

Tuloy-tuloy po iyong mga ibinibigay nating tulong sa ating mga kababayan, regular po tayong nagbibigay ng P500,000 kada taon po sa lahat po ng Barangay po dito po sa probinsiya ng Cagayan at umaabot din po ng P3milyon sa kada bayan po. Iba pa po dito iyong mga naka-budget po natin sa disaster at mayroon naman po tayong quick response fund po na ginagamit po.

At sa ngayon po mayroon pa po tayong humigit kumulang na P30 milyon po na naka-standby po para po sa ating quick response fund kung kailangan po ito sa atin pong panahon, dito po sa panahon po ng mga disasters at panahon po ng pandemya.

USEC. IGNACIO: Opo. Colonel, may koordinasyon na po ba kayo sa mga ahensiyang posibleng tumulong para po sa rehabilitation ng mga napinsalang gusali at kabuhayan diyan?

COL. SACRAMED: Sa ngayon po ang Provincial Disaster Risk Reduction and Management Council ay tuloy-tuloy pong nag-ko-coordinate sa bawat isa at ngayon po ay ginagawa natin po iyong rapid damage needs assessment and up to that po ay magmi-meeting po uli ang council and we will communicate po lahat po iyong ating findings sa atin pong obserbasyon at ang ating pong report upang sa ganoon po ay maiabot din po natin ito lalung-lalo na po sa national government po.

USEC. IGNACIO: Opo. Kami po ay nagpapasalamat sa inyong panahon at impormasyon Colonel Darwin Sacramed, ang pinuno ng Cagayan PDRRMO. Salamat po Colonel!

COL. SACRAMED: Salamat po ma’am, salamat po.

USEC. IGNACIO: Samantala, puntahan natin ang mga pinakahuling balita mula sa iba’t ibang lalawigan sa bansa ihahatid iyan ni John Mogol, mula sa PBS Radyo Pilipinas. Good morning John.

[NEWS REPORT]

USEC. IGNACIO: Mga papayagang pumasok sa mga sementeryo sa Cebu City sa mismong araw ng Undas, tanging mga fully vaccinated lang. Ang detalye, iri-report ni John Aroa:

[NEWS REPORT]

USEC. IGNACIO: Samantala, gaganapin naman sa kauna-unahang pagkakataon ang Plantito-Plantita Festival sa Ifugao Province. Ang detalye niyan, ihahatid ni Alah Sungduan:

[NEWS REPORT]

USEC. IGNACIO: Maraming salamat po sa ating partner agencies para po sa kanilang suporta sa ating programa at maging ang Kapisanan ng mga Brodkaster ng Pilipinas (KBP).

At dito na po nagtatapos ang ating programa. Mga kababayan, 73 days na lamang po at Pasko na.

Hanggang bukas pong muli, ako po si Usec. Rocky Ignacio at ito ang Public Briefing #LagingHandaPH.

 

###

 

—

SOURCE: PCOO-NIB (News and Information Bureau-Data Processing Center)