USEC. IGNACIO: Magandang umaga, Pilipinas. Ako po si Usec. Rocky Ignacio mula sa PCOO. Mahahalagang paksa ang hatid namin sa inyo kasama po ang mga eksperto at opisyal mula sa ilang ahensiya ng pamahalaan na laging handang magbigay ng [garbled] sa mga isyu at agam-agam ng taumbayan. [Garbled] dito sa Public Briefing #LagingHandaPH.
Sa ating unang balita: Pangulong Duterte [garbled] ang rekomendasyong limitahan ang pagsuot ng face shield sa mga lugar na [garbled] sa 3Cs or iyong closed at crowded areas, maging sa mga aktibidad na close contact. Senator Bong Go suportado naman ang naging desisyon ng Pangulo. Narito ang detalye:
[VTR]
USEC. IGNACIO: Base po sa monitoring [garbled] research group, nakitaan ng pagbaba sa mga naitatalang kaso ang NCR at maging karatig-rehiyon. Bumaba na kasi ang reproduction rate sa Metro Manila, at maaaring nasa end game na rin daw tayo laban kontra Delta variant at para linawin iyan, muli po nating makakasama sa programa si Dr. Guido David mula po sa OCTA Research. Magandang umaga po, Dr. David!
DR. DAVID: Hi! Magandang umaga, Usec.
USEC. IGNACIO: Opo. Dok, sa kasalukuyan, ano po iyong pinapakita ng mga pigura ng COVID-19 cases sa Metro Manila; at ano po ang interpretasyon ng OCTA Research dito?
DR. DAVID: Yes, Usec., magandang tanong iyan. Iyong sa mga figures na nakikita natin sa bansa natin, at least sa selected regions, masasabi natin iyong reproduction number sa Metro Manila ay bumaba na less than one – it’s 0.99. Mayroon din tayong one week growth rate na -20%. Ibig sabihin, iyong average na bilang ng kaso ngayon, ngayong linggo, 4,600, mas mababa iyan ng 20% kaysa noong nakaraan na linggo na 5,800. So malaking binawas iyan, 1,200 cases ang nabawas sa daily average natin, 7-day average.
At hindi lang sa Metro Manila, sa Cavite rin, ang reproduction number .87; sa Laguna, .90% ang reproduction number less than one na rin. Sa Bulacan, 0.86 ang reproduction number. Sa Cebu City alam natin na less than one na, 0.66 ang reproduction number; at sa Davao City, nasa one na rin iyong reproduction number. So hindi lang sa Metro Manila ang nakita nating improvement pati na rin sa mga iba-ibang regions, metropolitan areas sa buong Pilipinas.
Gayon pa man, siyempre gusto natin linawin na nagsisimula pa lang iyong pagbaba ng bilang ng kaso, may kataasan pa rin ang bilang ng kaso kaya kailangan pa rin patuloy pa rin iyong pagsunod natin sa mga health protocols. At may mga regions, Usec., na … sa Region II na nagsisimula pa lang or tumataas pa lang iyong bilang ng kaso kaya kailangan patuloy pa rin iyong pag-iingat natin.
USEC. IGNACIO: Opo. Doc Guido, tanong lang po ni Mark Fetalco ng PTV: Puwede raw pong paki-reiterate kung ano po ang significance nitong reproduction number na mas mababa sa one? Can we say po na kontrolado na ang pagkalat ng COVID-19 sa NCR?
DR. DAVID: Yes, Usec., maganda iyong tanong na iyan, about sa reproduction number. Kailangan nating linawin na kapag less than one, ibig sabihin ang bawat isang tao ay hindi na—one ang nahahawaan ng bawat isang taong may dala ng virus. So parang one is to one pa rin pero slightly less than one na iyan. Ibig sabihin, bumabagal na iyong pagkakahawaan.
Pero siyempre, kailangan pa rin patuloy ang pag-iingat natin, Usec., kasi marami pa rin nasa hospitals, mataas pa rin iyong cases natin sa hospitals kaya gusto natin ma-remind iyong ating mga kababayan na mag-ingat tayo pa rin.
USEC. IGNACIO: Opo. Iyong sunod po niyang tanong, posible po bang effect ng Alert Level and granular lockdown sa NCR ito pong patuloy na pagbaba ng reproduction number ng COVID-19?
DR. DAVID: Yes, Usec., iyong pagbaba ng bilang ng kaso, nagsimula iyan, nakita natin, mga last week. Iyong peak so far, ang nakita nating peak natin noong September 11, iyon ang pinakamataas na bilang ng kaso – 26,000 sa buong Pilipinas; 8,000 naman sa NCR; at simula noon, nagsimula nang bumaba.
So nagsimula naman iyong pagbaba ng bilang ng kaso noong nasa MECQ pa tayo. Pero ngayon, nagsimula iyong Alert Level natin last week, September 16, nakaisang linggo na so ibig sabihin may nakikita na rin tayo na epekto ng granular lockdown. At wala pa tayong nakikitang spike ng cases sa ngayon, so ibig sabihin ay patuloy pa rin nagiging epektibo naman iyong ginagawa nating mga interventions para mapababa iyong bilang ng kaso. Sana talaga ay patuloy na ito hanggang katapusan ng taon na pababa na talaga ang bilang ng kaso.
USEC. IGNACIO: Opo. Mula pa rin po kay Mark Fetalco: Ngayon pong nakitaan na ng pagbaba sa reproduction number ang NCR, is it safe po na magluwag na sa health protocols gaya ng pagtanggal ng face shields sa outdoor places?
DR. DAVID: Well, Usec., iyong pagbaba ng reproduction number, ibig sabihin, umpisa pa lang iyan sa recovery process natin. At iyon nga, nasabi ko kanina, kailangan i-remind pa rin natin ang mga kababayan natin, marami pa rin nasa hospitals so mahirap pa rin magpa-admit sa hospitals. Pero maganda iyong balita na nagsisimula na iyong recovery process natin.
Iyong pagluluwag, nakadepende rin iyan sa level ng hospitalization. Kailangan pag-aralan natin nang mabuti kung anong level ng hospitalization sa pagdating ng katapusan ng buwan.
Iyong pag-alis naman ng face shield, sa tingin natin, outdoor naman iyong binigay na guide na kapag nasa labas tayo ay hindi na kailangan iyong face shield, tingin natin ay okay lang naman iyan. Kasi indoor naman, kailangan pa rin iyong face shield, mas kailangan natin iyong mga face shield at iyong mga face mask kapag nasa loob tayo ng mga closed spaces, iyong tinatawag nilang 3Cs.
USEC. IGNACIO: Opo. Tanong naman ni Red Mendoza ng Manila Times: Ngayon Thursday po ay expected na darami ang kaso dahil sa increased testing. Sa tingin ninyo po ba ay tuloy pa rin ang downward trend kahit na dumami ang kaso mamaya?
DR. DAVID: Yes, Usec., alam natin na kapag Tuesday at Wednesday ay mas mababa iyong bilang ng kaso dahil sa weekend effect. So mamaya, baka maaaring 20,000 iyong makita nating bilang ng kaso or 21,000. Huwag tayong maalarma kapag makakita tayo ng ganiyang numero. Hindi ko pa masasabi kung ano iyong numero makikita natin pero kung makakakita tayo ng twenty or twenty one thousand, huwag tayong maalarma kasi sa nakita ko sa datos marami tayong backlog na na-clear kahapon. Ibig sabihin, may mga ibang laboratory na one week iyong delay nila so, kapag inilabas iyong datos na iyan sabay-sabay iyan minsan. Posibleng tumaas iyong bilang ng kaso, mamaya baka [katulad ng] sinabi natin maging twenty or twenty one thousand, hindi ibig sabihin nagkakaroon na ng spike or tumataas na iyong hawaan, ang ibig sabihin lang niyan galing iyan sa backlog. At ang ini-expect natin within the next few days bababa na naman ulit iyong mga numero dahil na-address na natin itong mga backlog.
USEC. IGNACIO: Opo. Ang sunod po niyang tanong: Ini-expect ba natin in the coming weeks na bababa to four figures na lang po ang bilang ng kaso o mananatili pa rin itong five figures? At kailan din po sa tingin ninyo na bababa ang ating positivity rate?
DR. DAVID: Well, Usec. bumbaba na iyong positivity rate natin sa Metro Manila pero sa buong bansa hindi pa masyadong bumababa kasi may mga regions nga na sabi natin na nagkakaroon pa rin ng pagtaas ng bilang ng kaso, [tulad] dito sa Region II, mayroon din sa Region V. So, iyong positivity rate bumababa. Iyong bilang ng kaso hindi ko pa masasabi ngayon sa projections natin sa buong bansa kasi iba-iba iyong trends natin. Pero sa Metro Manila ang inaasahan natin baka by the end of the month nasa 4,000 na lang tayo, sana 4,000 na lang iyong daily average natin. By October, baka nasa two to three thousand na lang iyong daily average natin. So, iyon ang mga inaasahan natin, Usec.
USEC. IGNACIO: Opo. Totoo ho bang patapos na ang laban natin sa Delta variant base sa inyong datos? Pero bakit sinasabi po daw ng DOH na maaaring hindi pa natin nalalampasan iyong peak ng mga cases sa Metro Manila at mangyayari lang ito by October? So, Doc, paano natin ire-reconcile iyong magkaiba ninyong pananaw ng DOH?
DR. DAVID: Usec., pareho naman iyong tinitingnan naming datos, iba lang siguro iyong appreciation namin of data at iyong mga metrics na ginagamit namin hindi pareho. Ibig sabihin, sa palagay ko lang, hindi ko masasabi kung ano iyong tinitingnan nila, pero ang palagay ko gusto nilang makita na mas matagal iyong baba ng bilang ng kaso bago nila masabi or sabihin/ideklara na may downward trend na. Kasi sa ngayon, mga isang linggo pa lang ang nakikita natin na pagbaba ng bilang ng kaso. Kumbaga, mas cautious or mas conservative iyong perspective nila.
Regarding sa ano, I know na [quote] iyong about sa endgame ng Delta variant, hindi naman nangangahulugan na tapos na, na endgame na itong sa Delta variant. Ibig sabihin lang, nagsisimula na iyong recovery natin against the Delta variant. Mataas pa rin ang bilang ng kaso, marami pa rin ang nasa hospitals. Ito ang umpisa ng recovery, gusto natin tuluy-tuloy na ito. Ang nakita natin sa mga ibang bansa na nakaranas ng Delta variant surge tulad ng India, ng Indonesia, after ng nakaranas sila ng surge ng Delta variant, hindi na uli sila nagkaroon ng resurgence o ng spike. Ibig sabihin, noong nakontrol na nila iyong Delta variant, iyon na iyong endgame ng Delta variant sa mga bansa na ito. Ganiyan rin iyong inaasahan nating makita sa Pilipinas based doon sa nakita natin sa mga ibang Asian countries.
USEC. IGNACIO: Opo. Doc Guido, would you say na maaari itong ipatupad on a nationwide level, ito po ng Alert System? May projection po ba kayo sa OCTA kung sakaling ito na nga po iyong gagawing patakaran sa buong bansa at ano ang epekto nito sa pag-suppress ng transmission ng sakit?
DR. DAVID: Well, nasabi ko kanina, Usec., na wala pa naman tayong nakikitang spikes dito, in a way, parang pilot testing natin itong granular lockdown pero nakita naman natin sa ibang bansa may mga ginamit din silang granular lockdown at even sa Pilipinas rin, effective naman ito. So, maaari sigurong subukan na natin sa mga ibang rehiyon after nitong second week ng pilot testing. Siyempre, gusto natin siguro maghintay po muna, tingnan pa rin natin iyong datos para talagang masasabi natin na talagang patuloy iyong pagiging epektibo nitong ating Alert Level System.
USEC. IGNACIO: Opo. Doc, habol ko lang iyong tanong ni JP Soriano ng GMA News: May epekto ba sa pagbaba [ng bilang ng kaso ang pagbabakuna] sa NCR population? May data po ba to support this?
DR. DAVID: Well, may data tayo, Usec., na talagang dumadami na ang bakunado sa atin at mayroon na talagang epekto sa pagpababa ng bilang ng kaso. Ganoon rin naman ang nakita natin sa mga ibang bansa, nadagdagan nila iyong bakuna nila, sa Indonesia for example, noong nadagdagan iyong pagbabakuna, nakontrol din nila iyong bilang ng kaso. So, alam natin na may epekto talaga iyan, ngayon natin nakikita iyong epekto ng mga bakunado natin.
USEC. IGNACIO: Opo. Ang second question niya: Ano daw po ang recommendation ng OCTA sa IATF, remain Alert Level 4? Until when and can we recommend na magbukas na ang mga spa?
DR. DAVID: Well, siguro, Usec., iyong Department of Health kasi ang gumagawa ng mga Alert Level at saka iyong ITAF based sa mga criteria na tinitingnan nila sa healthcare utilization at saka sa ADAR, iyon ang sa pagkakaintindi natin. So, siguro depende na lang din sa magiging mga numero na makikita natin sa indicators pagdating ng katapusan ng buwan kung anong irerekomenda nilang alert level.
USEC. IGNACIO: Opo. Iyong third question po niya? Sa halip daw po na face shield, mas okay iyong eye goggles?
DR. DAVID: Well, hindi ako makakapagkomento diyan, Usec., kasi nasa area iyan ng mga infectious disease specialists natin. Hindi ko pa nabasa iyong mga pag-aaral tungkol sa face shield at goggles. Sa akin naman, sinusunod ko lang kung ano iyong sinasabi nila dahil we take it at face value na kapag ito iyong mas effective. Okay din naman na magsuot ng face shield sa akin. Medyo cool nga iyong face shield eh.
USEC. IGNACIO: Okay. Maraming salamat sa inyong panahon at impormasyon, Dr. Guido David, mula po sa OCTA Research. Ingat po kayo.
DR. DAVID: Maraming salamat, Usec. Magandang umaga.
USEC. IGNACIO: Samantala, narito naman po ang pinakahuling datos ng COVID-19 cases sa bansa base po sa report ng Department of Health as of September 22, 2021.
Umakyat na po sa 2,417,419 ang total number of confirmed cases ng Pilipinas matapos itong madagdagan ng 15,592 cases kahapon. 154 naman po ang mga nadagdag na nasawi kaya umabot na sa 37,228 ang total COVID-19 deaths.
Ang mga kababayan naman nating gumaling sa sakit [ay umakyat na] po sa 2,217,611 matapos itong madagdagan ng 24,059 new recoveries. Ang active cases naman sa kasalukuyan ay nasa 162,580; 6.7% po iyan ng kabuuang bilang ng mga tinamaan ng virus sa bansa.
Sa kaniyang talumpati para sa 76th United Nations General Assembly kahapon, iba’t-ibang mahahalagang issue po ang tinalakay ni Pangulong Rodrigo Duterte. Isa sa kaniyang mga nabanggit ay ang usapin sa war on drugs, bakuna, at pag-abolish sa kafala system. Para himayin ang ilan sa naging punto ng Pangulo, makakasama po natin si Undersecretary Robert Borje, ang Chief of Presidential Protocol and Presidential Assistant on Foreign Affairs.
Good morning, Usec.!
PAFA USEC. BORJE: Magandang umga po, Usec. Rocky. Magandang umaga po sa ating lahat.
USEC. IGNACIO: Usec., una po, paano napili ang mga isyung tatalakayin ng Pangulo sa kaniyang UN General Assembly speech?
PAFA USEC. BORJE: The process goes through the entire inter-agency process, ang pagpili kung anong importante. There’s a team for the United Nations General Assembly. This time around, it was supposed to be on building resilience through hope; to recover from COVID-19; rebuild sustainably; respond to the needs of the planet; respect the rights of people; and revitalize the United Nations.
So, iyon ang tema ng Presidency ng UNGA. Lahat po ng ahensiya ng pamahalaan ay nagbigay ng kanilang mga punto at DFA po ang kumalap nito. Pagdating naman po sa Office of the President, siyempre tiningnan natin kung ano ang mahalaga para kay Pangulong Duterte.
Para kay Pangulong Duterte, importante na malaman ng buong mundo kung ano ang mahalaga para sa Pilipino at ano ang mahalaga para sa developing nation na dapat pakinggan at aksiyunan ng buong mundo through the United Nations.
Kung kaya’t unang-una dito para kay Pangulong Duterte, ang universal access to vaccines; pangalawa na dito ang climate change kung saan ang Pilipinas at iba pang mga developing countries ay talaga naman naapektuhan; pangatlo dito ang rights ng ating migrant workers dahil maraming Pilipino at iba pang mga nasyonalidad ang naaapektuhan nitong tinatawag na kafala system; pagkatapos kasama na rin dito siyempre ang reforms sa United Nations lalung-lalo na sa Security Council dahil nga sa tingin ng Pangulo, kailangan na talaga ng reporma sa United Nations upang matugunan ang iba’t ibang mga problemang kinakaharap ng ating mundo.
USEC. IGNACIO: Opo. Usec., sa talumpati po ng Pangulo, nagpahayag po ang Pangulo ng pagkadismaya kaugnay sa hoarding, ‘di umano’y hoarding ng mayayamang bansa sa bakuna. bakit po nagkaroon nang strong callout ang Pangulo tungkol dito? Hindi po ba siya nangangamba baka po maapektuhan ang donasyong bakuna na ibinibigay din ng mga first world countries sa atin?
PAFA USEC. BORJE: Magandang tanong ‘yan. Actually last year pa lang malakas na ang posisyon ng Pilipinas na kailangan may universal access. And base sa datos na nakalap ng ating mga ahensiya, talagang hirap ang developing world na ma-access ang mga bakuna. Kung kaya’t sa pangalawang pagkakataon, naisip ng Pangulo na nararapat lamang na ipaalam sa mundo na hindi pa rin naa-achieve ang tinatawag na vaccine equity. Kung hindi ho kasi—the President put up a very brave position because sinabi mo nga, ang bakuna ay nanggagaling din sa developing world kung saan may kakayanan para mag-produce ng mga bakuna.
Ngunit hindi naman ho ibig sabihin na dahil pinunan mo—nagpuna ka sa sitwasyon na ito ay you’re already doing away with the partnerships that you have. This is what we say a candid and an honest look at where we are right now. Kasi kung hindi naman sasabihin ng Pangulo na walang problema, it would look like walang problema – pero talagang may problema. Sabi nga ng Pangulo may drought ng bakuna lalung-lalo na sa developing world. Sa ibang bansa pinag-uusapan na nila ang booster shots samantalang sa developing world half doses ang iniisip nila para matugunan ang pangangailangan.
Alam naman ng ating mga partners also and alam naman po ng lahat na ang proseso naman sa UNGA debate, it’s a question of influencing other people and other nations. And by calling out as you said it, the deficiencies and the inadequacies in the cooperation that we have, it hopefully and it is turning out that more countries will make vaccines available to middle income countries and more importantly help the least developing countries to get the vaccines that they need.
USEC. IGNACIO: Yes, opo. Natalakay rin, Usec., ng Pangulo itong arbitral award sa usapin ng South China Sea, minsan niyang binanggit din po sa UN General Assembly. Dito sa latest niyang pahayag, sinabi niya na walang maaaring magmaliit sa importansiya ng arbitral award. Ito po ba ay pagkilala at pagsulong muli ng administrasyon [garbled] sa laman ng desisyon noong 2016?
PAFA USEC. BORJE: The position here that the President has always been consistent since day 1 on what—on the importance of the arbitral decision as well as the UNCLOS in helping settle disputes peacefully. Pangalawang pagkakataon na nga ito ni Pangulo na magsabi sa United Nations dahil ang peace and stability in the South China Sea is important not just for the countries that are involved but also sa buong mundo dahil nga po ito ay daanan ng ating mga trade and commerce. Kung hindi po—kung nananatiling flashpoint ang South China Sea, maaapektuhan ang world economy.
So he’s been very consistent when in his engagement with ASEAN, with other relevant leaders with other international meetings sinasabi ho ni Pangulo iyon sa kaniyang mga kausap. Siyempre po hindi naman ginagawang publiko ito pero alam po natin na it is talks with the leaders and doing these important meetings including the chairmanship of the ASEAN, klaro ang posisyon ni Presidente at ng Pilipinas kung ano ang kahalagahan ng arbitral ruling at saka ng UNCLOS, 1982 UNCLOS. Ito po ay sinabi na ng Pangulo when he spoke with President Xi Jinping, when he spoke with other world leaders kung ano ang posisyon ng Pilipinas dito.
So makakaasa po kayo that the President and this administration and the government will continue to defend the Philippines’ interest in this regard.
USEC. IGNACIO: Opo. Usec. Borje, may tanong lang po sa inyo si Sam Medenilla ng Business Mirror. Ito po ‘yung tanong niya: May commitment na po kaya ang Kingdom of Saudi Arabia kung kailan maaalis itong kafala system for Filipino household service workers at kung magkakaroon po kaya nang new bilateral agreement ang Pilipinas and Saudi for this?
PAFA USEC. BORJE: Magandang tanong ‘yan and we would like to thank the Saudi Arabia government for being a partner of the Philippines in addressing this important issue. This is the new global civil rights movement and actually noong tayo’y pinadala ng Pangulo bilang special envoy sa Kingdom of Saudi Arabia, nagkaroon tayo ng pagkakataon na kausapin ang kanilang Minister of Labor. And while there are no timelines yet, ang alam ko po ay nagkakaroon na ng plano upang mas paigtingin pa ang cooperation in how it is going to be done. There are plans already of a visit from—or meetings towards identifying these cooperation areas.
So mas paiigtingin ang pag-uusap ng Pilipinas at ng KSA kung ano pang dapat gawin. Sa ngayon nga po hindi pa kasama ang household workers natin sa category ng reform, labor reform initiative ng Kingdom of Saudi Arabia pero kasama po ito sa kanilang prayoridad. Iyon po ang kanilang assurance at reassurance sa atin noong nakausap po natin sila a few months back. At asahan po ninyo na through the Department of Labor and through the Department of Foreign Affairs, gagawin po ang lahat upang maayos at mabigyan nang karampatang atensiyon ang reporma lalo na sa perspektiba ng labor sending country at hindi lang sa labor receiving country.
Pero nakita ho natin sa ating experience sa Bahrain na kung saan ang daming reporma na na nangyayari. Inaasahan natin na ang pakikipagtrabaho natin sa Kingdom of Saudi Arabia at dahil na rin sa pagkakaibigan ni Pangulong Duterte sa Mahal na Hari ay magbubunga nang magandang reporma para sa ating mga OFWs sa KSA.
USEC. IGNACIO: Opo. Usec., iyong second question po niya: Ilang Middle East countries na po ang nag-commit na mag-alis ng kafala system?
PAFA USEC. BORJE: It’s a snowballing movement. We’re working very closely with Bahrain, the Oman, the Kingdom of Saudi Arabia and we’ve actually even spoken with the Gulf Cooperation Council on this issue. The commitment, we would like say—we’d like to say na let’s let the commitment speak for itself through the actions and the reforms that are happening. And truth to tell, reforms are happening in the Middle East but of course you want reform to happen at the much faster phase and at the greater space para mabenepisyuhan hindi lamang ang mga Pilipino na migrant workers but lahat ng migrant workers na nasa Middle East.
USEC. IGNACIO: Opo. Usec., sa kabila naman po ng naging pahayag noon ng Pangulo kaugnay sa UN Human Rights Council pati sa ICC dahil sa issue ng kampanya kontra iligal na droga ng administrasyon, nabanggit niya sa UN General Assembly na na-finalize na raw po with the United Nations ang Joint Program on Human Rights. Ano po ang nilalaman ng programang ito at ano ang ibig ipahiwatig ng Pangulo sa pagsali sa programang ito?
PAFA USEC. BORJE: It’s a capacity-building program and also a review of the processes. I would like to give the Department of Justice the opportunity to explain the details of the agreement. But patungkol po dito, ang sinasabi naman ho ng Pangulo kasi is you know, the Philippines is a thriving democracy and as a democracy, we have institutional systems that are in place – the Executive, the Legislative and the Judiciary. Pagkatapos ‘pag may problema naman po, mayroon naman po tayong sistema para ma-address ang mga ito.
Ang para sa Pangulo, sinabi niya sa kaniyang talumpati na mayroong responsibilidad at mandato ang gobyerno ng Pilipinas para protektahan ang kaniyang mga citizens at dahil dito, ginagawa niya ang nararapat not just on the issue of illegal drugs but on criminal elements including terrorism and all those that go against the law. Responsibilidad ng pamahalaan na i-prevent ang ganitong mga aktibidad at papaano ginagawa ito – always within the bounds of law. Ang sabi ng Pangulo, the full force of our laws.
Ngayon sinabi niya kung mayroon man na—who went beyond it, they will be made accountable through our own laws because we are a sovereign country. We are a working democracy and we will made accountable to our own people through our own processes. And this is a respected ‘no, this is respected throughout the world, this position of the President. Dahil ikaw nga ay sovereign nation, kung kaya’t dapat ang solusyon ay manggagaling din sa iyo, because you are a working democracy.
USEC. IGNACIO: Opo. Usec, kami po ay nagpapasalamat sa inyong panahon at pagbibigay-linaw. Undersecretary Robert Borje, Chief of Presidential Protocol and Presidential Assistant on foreign Affairs, salamat po.
PAFA USEC. BORJE: Maraming salamat po.
USEC. IGNACIO: Tiniyak ng pamahalaan ang [kahalagahan ng sapat na] suporta para sa mga Filipino seafarers na umaalis ng bansa. Iyan po ay sa ilalim ng serbisyong ibinabahagi ng National Maritime Polytechnic. Iyan naman po ang ating pag-uusapan kasama po si Executive Director Joel Maglunsod mula po sa NMP. Magandang umaga po.
EXEC. DIR. MAGLUNSOD: Magandang umaga po sa inyo, Undersecretary Ignacio at sa lahat ng nakikinig sa ating programang Laging Handa PH.
USEC. IGNACIO: Sir, isa po ang National Maritime Polytechnic or NMP sa mga attached agencies ng DOLE? Puwede po bang pakibahagi sa ating publiko ang mandato ng inyong ahensiya at sinu-sino din po ba iyong maaring makapag-avail ng inyong programa at serbisyo?
EXEC. DIR. MAGLUNSOD: Thank you, Ma’am. Ang National Maritime Polytechnic’s mandate is to develop and conduct maritime training, assessment and research to Filipino Seafarers and the maritime allied workforce which measure up to international standards and respond to the need of our maritime industry, delivered through modern technology and by competent personnel imbued with integrity and commitment.
Ang National Maritime Polytechnic po ay na-establish noong May 1, 1978 by virtue of Presidential Decree number 1369 and we are the only government-owned maritime training institutions and research center mandated to offer upgrading and specialized courses for seafarers and conduct maritime researches of the latest trend in the maritime industry. Ang mga serbisyo po ng National Maritime Polytechnic ay bukas sa lahat ng mga nais maging marino or mag-shipboard profession at sa mga nais magturo o maging assessor sa mga maritime higher education institutions.
USEC. IGNACIO: Opo. Bilang government training at research center sa bansa, ano po ang mga hakbang naman na ginagawa ng NMP para po masiguro na patuloy na makakasabay po sa pandaigdigang pamantayan itong ating mga Filipino Seafarers, lalo na tayo po ay nasa pandemya?
EXEC. DIR. MAGLUNSOD: Thank you, Ma’am. Para sa lahat, information ng kalahatan, ang NMP ay nagsagawa ng iba’t ibang mga programa para masiguro na ligtas ang mga trainee nito kahit nagti-training sa National Maritime Polytechnic.
Ilan sa mga ito ay ang mga ginagawa natin sa NMP. Unang-una po iyong conversion ng ilang courses ng NMP on online and blended learning. Dati kasi, Ma’am, ang ano natin dito, iyong mode natin dito ay parang ano lang, siyempre physical, nandito iyong mga trainees natin, pero dahil pandemic, gumagawa tayo ng mga hakbang upang magkaroon din o magtuluy-tuloy pa rin iyong mga training natin. This is our way of keeping our seafarers active and productive kahit sila ay nasa kani-kanilang bahay, in quarantine facilities and even onboard ships.
Ilan sa mga ito ay ang ino-offer natin na libre na mga courses, unang-una po dito iyong STD, HIV/AIDS Prevention in the Maritime Sector, iyong sinasabi nating SHAPIMS) Prevention of Alcohol and Drug Abuse in the Maritime Sector (PADAMS) and Gender Sensitivity Training for Seafarers.
Now, nang dahil po sa travel restrictions ang National Maritime Polytechnic po ay nakipag-collaborate po tayo sa mga Maritime Higher Education Institution and Organizations upang makapag-conduct ng mga professional development courses sa kani-kanilang mga lugar. But at the same time, patuloy pa rin po ang pagbibigay ng face-to-face training natin sa mga seafarers natin lalo na sa mga courses na may practical exercises but strictly following the health and safety protocols tulad ng pagsusuot ng face mask, iyong face shield, iyong social distancing at hand sanitizing. And the maximum number of trainees natin dito per class hanggang labing dalawa (12) lang. Pinaka-maximum na iyong 16 kung malaki-laki iyong lugar. Kasi dati kasi ang ano natin dito every training mayroon tayong 24 na mga trainees. Pero ngayon, dahil sa mga protocols ng MARINA, minimize natin iyong number upang masiguro natin iyong mga sinasabi nating social distancing.
USEC. IGNACIO: Pero, Director ano pong mga training courses ang isinasagawa o ino-offer ninyo online? At sinu-sino lang po iyong puwede – sinabi ninyo mayroon po kayong isinasagawang limited face to face training – pero sino na lang po itong puwedeng mag face-to-face?
EXEC. DIR. MAGLUNSOD: Actually, ngayon, Ma’am, mayroon tayong 47 training courses. Iyong out of 47, mayroong 23 dito iyong sinasabi nating STCWK o Standard of Training Certification and Watch Keeping for seafarers, mandatory talaga ito kasi ni-require ito ng MARINA. And then mayroon tayong 24 na sinasabi nating mga non-mandatory pero still kailangan pa rin ito ng ating mga seafarers.
So, dito, sa 24 dito na sinasabing non-mandatory, ang isa dito na ano, iyong sinasabi natin na professional development courses. Ito iyong mga trainings na iyong mga marino natin na nag-a-aspire for instructors or assessors, so ito iyong isa sa mga requirements. Mayroong tatlong courses dito, iyong sinasabi nating professional development courses, iyong 609, 312 at saka 610.
Now ito, dahil sa pandemic ang ginagawa natin dito, nakipag-partner tayo ng other Maritime Training Institution. Halimbawa sa Davao ‘no, nagkaroon tayo ng MOA signing ng Davao Merchant Marine Academy ng Davao Agro-Industrial Foundation College. Sa Cebu, mina-maximize din natin iyong iyong Apostle of the Sea ‘no. And then iyong sa Batangas ngayon ongoing iyong Laguna Philippines University [sic] and lately nagpatulong din sa atin iyong Zamboanga Peninsula Polytechnic State University. Ito iyong mga ginagawa natin, Ma’am para iyong mga ano natin, iyong mga seafarers hindi palaging magpunta sa Eastern Visayas. Kasi sa mga trainings natin na ito na 47 courses natin ang kine-cater lang natin iyong mag face-to-face tayo na pupunta dito sa Tacloban itong mga seafarers natin na nandito land-based sa Eastern Visayas or Region VIII. So para maiwasan natin iyong anong mga transmission o mahawaan iyong mga seafarers natin.
USEC. IGNACIO: Opo. Director, paano at saan po maaaring magtanong o sumangguni ang ating mga seafarers na nagnanais pong mag-avail ng mga isinasagawa ninyong training at ino-offer na maritime related courses at online din po ang registration at enrollment para sa mga ito?
EXEC. DIR. MAGLUNSOD: Yes po, Ma’am. Unang-una po, Ma’am, mayroon tayong mga website, iyong isa sa mga website natin, iyong nmp.gov,ph at iyong Facebook page natin iyong NMP Training Center kung saan ninyo makikita ang latest news and updates ng National Maritime Polytechnic. Para sa mga gusto namang maka-enroll sa NMP Manila office puwede po kayong direktang tumawag sa 0927-304-65-88 o 0998-367-2528.
So ang ano natin, Ma’am, iyong mode natin ng ano, puwedeng mag-ano tayo, puwede namang ma-enroll though online at saka iyong mag-rehistro. Iyong number natin dito, NMP online registration system, register.nmp.gov.ph. So ito iyong mga ano natin, Ma’am. And then accessible naman tayo sa lahat ng mga online sa media.
USEC. IGNACIO: Director, kami po ay nagpapasalamat sa inyong panahon at impormasyon, Executive Director Joel Maglunsod mula po sa National Maritime Polytechnic ng DOLE. Mabuhay po kayo, Director.
EXEC. DIR. MAGLUNSOD: Thank you, Ma’am. Salamat.
USEC. IGNACIO: At iyan po ang mga talakayang tampok namin ngayong araw.
Mga kababayan 93 days na lamang at Pasko na. Patuloy po tayong sumunod sa mga ipinatutupad na health protocols para sa ligtas at masayang pagdiriwang ng Kapaskuhan.
Ako po si Usec. Rocky Ignacio. Magkita-kita po ulit tayo bukas dito lamang sa Public Briefing #LagingHandaPH.
###
—
SOURCE: PCOO-NIB (News and Information Bureau-Data Processing Center)
