USEC. IGNACIO: Magandang umaga Pilipinas. Aming ihahatid sa inyo ang mga talakayang siksik sa impormasyon na dapat ninyong malaman sa laban natin kontra COVID-19, ako po si Usec. Rocky Ignacio at ito ang Public Briefing #LagingHandaPH.
Para po mapanatili ang downward trend ng COVID-19 cases, Senator Bong Go umapela sa publiko ng mga umiiral na sundin ang mga patakaran para tuluyan na tayong makabangon mula sa pandemya. Narito ang report:
[NEWS REPORT]
USEC. IGNACIO: Patuloy po ang isinasagawang pag-aaral ng DOST para sa mga posibleng paggagamot sa COVID-19. Puspusan na rin po ang paghahanda ng ahensiya para sa WHO Solidarity trial, para makibalita sa mga usaping ‘yan, muli po nating makakasama si DOST Undersecretary Rowena Guevarra. Good morning po, Usec.
DOST USEC. GUEVARRA: Good morning, Usec.
USEC. IGNACIO: Usec., ito pong mga isinasagawang pag-aaral ng DOST sa mga locally sourced na sangkap para sa paggamot sa COVID-19 ay sinasabi ninyo nga pong maganda ang ipinapakitang resulta. Pero, bakit po hanggang sa ngayon ay hindi pa tayo makapaglabas po ng conclusive na resulta ng ating clinical trials para po mapalawak natin ang paggamit nito at hindi po tayo nahihirapan sa supply ng gamot sa mga ospital?
DOST USEC. GUEVARRA: Usec. Rocky, kasi ang requirement ng DOH ay kailangan mailagay ng FDA doon sa mga label na ito ay para sa COVID-19. Para magawa iyon may isa pa tayong kailangang gawin na study na kung saan iyong live virus mismo ang paggagamitan natin nitong VCO at saka Lagundi at saka nitong Tawa-Tawa. Sa kasalukuyan wala tayong Biosafety Level 3 facility na puwedeng mag[garbled] ng live virus kaya gagawin pa natin ito sa ibang bansa.
Pero ito kasing virgin coconut oil, approved naman ‘to ng FDA as functional food; iyong Lagundi naman approved naman ‘yan as herbal medicine at iyong Tawa-Tawa ay approved naman ‘yan as herbal supplement.
So iyong ating mga clinical studies na sinagawa gayung hindi pa niya ma-establish iyong diretso sa anti-viral properties, na-establish na niya iyong ano ‘yung mga nagagawa nitong tatlong it sa mga sintomas ng COVID-19.
USEC. IGNACIO: Opo. So, Usec., sa ngayon po ba ay ano ‘yung ipinakitang efficacy ng virgin coconut oil, ng Lagundi at Tawa-Tawa para po gamutin ang mga taong may COVID-19?
DOST USEC. GUEVARRA: Usec. Rocky, ang nakita dito sa virgin coconut oil noong naggawa sila ng in-vitro study, nakita nila na for mild cases iyong VCO compounds nadi-decrease niya iyong amount ng virus by 60 to 90%.
Doon naman sa community trials natin sa Sta. Rosa, naipakita na para doon sa mga asymptomatic at saka mild cases na nasa quarantine facilities, pinapakita na ‘pag hinalo ‘yung VCO sa kanilang pagkain, iyong mga sintomas ay nari-reduce at posibleng ma-prevent pa iyong progression to severe symptoms.
Tinatapos pa nila iyong kanilang mga studies sa Valenzuela at saka sa Muntinlupa pero ‘yung comprehensive data noong study, na-publish na sa journal of functional foods. Doon sa Valenzuela at Muntinlupa, ang inaaral nila ‘yung mga asymptomatic RT-PCR confirmed COVID-19 at saka ‘yung mga positive RT-PCR patients with mild to moderate symptoms.
Doon naman sa Lagundi, nakita natin natapos na ‘yung study noong August. Base sa study, may significant difference sa anosmia spore iyong loss of smell sa Lagundi versus sa placebo saka iyong total symptoms for favoring Lagundi. So na-conclude ng ating project team na iyong Lagundi safe na gamitin for symptomatic treatment of mild COVID-19 cases, for those without comorbidities.
Iyon namang Tawa-Tawa, base sa feedback ng 172 random COVID-19 positive respondents na binigyan ng Tawa-Tawa food supplement – ito ‘yung mga mild to moderate COVID-19 – nakita nila na iyong mga sintomas nitong respondents nagdi-disappear between day 3 to day 5. Kaya masasabi natin na itong tatlong sinasabi natin na locally available na food supplement at saka locally available na herbal medicine at herbal supplement ay makaka-provide ng symptomatic relief sa COVID-19.
USEC. IGNACIO: Opo. Usec., [garbled] ba na may mga bansa na umano’y nagkakainteres na sa pag-aaral na ginagawa ninyo sa mga halamang-gamot natin pangontra sa COVID-19; at kung mayroon po, ano ‘yung maaaring magandang idulot nito sa Pilipinas?
DOST USEC. GUEVARRA: Alam mo dahil mga herbal medicine ito, nagdi-depend pa rin ito doon sa mga itinanim ng mga farmers. So kung makakapag-export tayo nitong mga produktong ito ay tataas ang kita ng ating mga farmers na nagtatanim ng Tawa-Tawa, Lagundi at saka siyempre coconut. Ang ini-emphasize lang namin, kailangan iyong tama pong variety nitong Lagundi at Tawa-Tawa ang gagamitin natin.
USEC. IGNACIO: Opo. Pero, Usec., [garbled] na may mga ibang bansa talaga nagkakainteres na sa ginagawa ninyong pag-aaral sa mga halamang-gamot na ito?
DOST USEC. GUEVARRA: Oo, Usec. Rocky, kasi ang dami naming natatanggap na inquiry kasi gusto nilang magkumpara kung ano ‘yung equivalent doon sa kanilang bansa dito sa ating mga halaman. So we had to exchange scientific names and sila din naman nagbibigay sila sa atin ng mga scientific names na pinu-pursue nila at inaaral din ng ating mga researchers.
USEC. IGNACIO: Opo. Ito naman pong sa Ivermectin ano po, nasaang bahagi na po tayo ng clinical trials at ano na po ang track ng nasabing pag-aaral? Suriin iyong efficacy ng mga existing na Ivermectin products sa merkado o bumuo po ng sarili nating formula ‘ika nga ng Ivermectin?
DOST USEC. GUEVARRA: Dito sa Ivermectin, nag-participate ang Philippines sa international Ivermectin clinical trial na pinangungunahan ng University of Liverpool – 75 na countries ang nagpa-participate. Ang tawag dito ay double blind placebo controlled, randomized controlled trial to assess efficacy, safety and effect on viral clearance of Ivermectin sa asymptomatic saka non-severe COVID-19 patients sa mga isolation facilities; ang nagsasagawa nito ay si Dr. Aileen Wang ng UP-Manila at 1,464 ang ating study participants.
Una po, iyong ating UP College of Pharmacy ay nagpu-formulate po nitong Ivermectin na gagamitin para dito sa study. ‘Ika nga formulated and compounded by UP-Manila. Ang rason po kasi, dahil nga placebo versus Ivermectin ito, kailangan pareho iyong hitsura noong capsule noong Ivermectin at saka iyong placebo. So, kaya po ginagawa po ito dito sa College of Pharmacy.
Ngayon po, on-going ang ating pre-clinical trial activities. Nag-identify na po tayo ng study site – sa Ateneo quarantine facility, La Salle quarantine facility, UP-Diliman quarantine facility at saka sa Makati Science High School quarantine facility. Posible rin pong mag-recruit tayo sa Region II at Region XI kapag kinulang. Ang ating patient recruitment ay mag-uumpisa ngayong Nobyembre at ang release ng preliminary results ay sa end po ng December 2021.
USEC. IGNACIO: Opo. Usec, Mapunta naman tayo dito sa progreso o progress kaugnay naman sa WHO solidarity trial dito sa bansa ano po. Nakumpleto po ba natin iyong target na 15,000 participants?
DOST USEC. GUEVARRA: Usec. Rocky, ibang klase itong gagawin natin sa WHO. Ito iyong sinasabi nila na magso-soft trial muna tayo. Hindi puwede, kasi kailangan lahat kaagad itong 15,000 dahil apat na bakuna iyong susubukan natin. So, depende kung ano iyong progress ng bawat isa doon sa bakuna, malalaman natin kung ilan iyong ating ire-recruit sa susunod na bakuna.
Pero iyong paumpisa, habang naghihintay tayo noong WHO Global launching, nag-recruit na tayo sa tatlong facilities. Sa NCR sites – sa PGH, Lung Center of the Philippines at saka sa Makati Medical Center. Dito sa tatlong ito, sinusubukan po nating praktisin kung papaano iyong flow ng ating pagbabakuna kasi napaka-importante po iyon kamukha noong ginagawa ng team nila Undersecretary Myrna Cabotaje, na nag-practice muna sila bago iyong tunay na umpisa.
Sa kasalukuyan hinihintay namin ang hudyat ng WHO Headquarters para talagang mag-umpisa na tayo. Pero ready na po ang ating mga trial teams at na-identify na po nila ang mga trial sites.
USEC. IGNACIO: Opo. Usec., bukod dito sa solidarity trial, kumustahin ko na rin po iyong iba pang inaprubahan clinical trial ng FDA. Tapos na po ba iyong mga initiated by pharmaceutical companies at kumusta na po ang mga ito?
DOST USEC. GUEVARRA: Ang puwede lang namin sabihin ay kung tapos na, kasi sila lang po ang puwedeng mag-reveal ng resulta dahil private sector po ito ano. Iyon pong mga stages nitong mga inaprubahan ng FDA na mag-clinical trial dito, may dalawa na pong nakatapos tapos po mayroon pang on going na 6.
Mayroon pong mga nag-a-apply naman po at lahat po naman sila sa mga pagri-report po nila ay wala naman po silang na-encounter na problema at tuluy-tuloy po ang kanilang pagsasagawa ng clinical trial dito sa iba’t-ibang klase ng mga bakuna kontra COVID-19.
USEC. IGNACIO: Opo. Usec., pinag-uusapan na rin sa WHO itong 3rd shots na mga bakuna at soon, ang alam natin maaaring maging booster shots na rin po ito. Kung sakali na nga pong formal ng mag-anunsiyo ang WHO o maging ang NTF sa pagbabakuna ng booster shot, tingin ninyo po aabot ang pag-aaral na ginagawa ninyo tungkol naman dito sa pagmi-mix and match ng COVID-19 vaccines?
DOST USEC. GUEVARRA: Yes, Usec., Rocky. Itong ating mix and match study team, nag-iisip na sila ng mag pilot station na malamang sa Marikina, sa Muntinlupa at saka sa Davao. Naka-identify na tayo ng vaccination sites. At saka nag-dry run na actually sila sa Marikina noong October 18 at nagpi-prepare ng dry run din itong October 25 to 29 doon sa Muntinlupa at saka sa Davao sites.
So dito sa mix and match, malalaman natin na puwede ba iyong first 2 shots mo ay itong klase ng bakuna tapos iyong pangatlo mo ay ibang klase ng bakuna. Kasi gusto nating malaman kung iyong effectivity ng bakuna at saka iyong safety noong bakuna, iyong pangatlo ay magiging acceptable sa atin.
So, we are working with the local government units para maisagawa ito at saka nagwu-work din kami with the Department of Health kasi sa kanila manggagaling iyong mga vaccine doses para sa dito sa clinical trial. And ina-assure namin kayo na tamang-tama ang dating nitong results ng mix and match dahil sa aming estima siguro next year, first quarter pa naman tayo mag-iisip ng booster or 3rd shots.
USEC. IGNACIO: Opo. Usec., basahin ko lang po iyong tanong ng ilang kasamahan natin sa media. May tanong po sa inyo si Red Mendoza ng Manila Times: Ano na raw po iyong update sa mga possible partnerships natin sa vaccine manufacturing dito sa ating bansa? May ilan na po ba daw ang nag-signify nang interest na mag-build ng mga pagawaan by this year or sa susunod na taon?
DOST USEC. GUEVARRA: Naku, maganda iyang tanong mo Red. Pinangunahan ng Department of Trade and Industry, si Usec. Perry Rodolfo at saka si Director Dichosa. Ngayon dalawa iyong kausap natin, iyong lokal pharmaceutical companies na siyang magpu-produce nitong mga vaccines nakausap na natin iyan. Mayroon tayong pito (7) na naghihintay ng final word diyan. Iyong kabila naman ay iyong tinatawag nating vaccine originator.
Tandaan ninyo po hindi po tayo marunong mag-develop ng vaccine sa ating bansa. Kaya kailangan po natin magkaroon ng foreign partner na siyang panggagalingan po noong bakuna na ima-manufacture natin dito. Sa tinataya po ng mga usapang nakikita ko between DTI at saka itong mga company ay lumalawig na po ang usapan nila at lumilinaw na kung sino dito sa mga vaccine originators ang willing pong magdala dito noong bulk antigen na ipa-partner natin doon sa local manufacturer na siyang magpi-fill and finish muna.
USEC. IGNACIO: Opo. Okay, kami po ay nagpapasalamat sa inyong pagbibigay impormasyon at siyempre sa inyong panahon, DOST Undersecretary Rowena Guevarra. Usec., salamat po.
DOST USEC. GUEVARRA: Salamat po.
USEC. IGNACIO: Samantala, tiniyak naman po ng tanggapan ni Sen. Go at mga ahensiya ng pamahalaan ang tulong at suporta para sa mga kababayan nating nasunugan at displaced workers sa Bataan. Kasabay ng pamamahagi ng ayuda ang paghikayat ng Senador sa mga residente na magpabakuna.
[NEWS REPORT]
USEC. IGNACIO: Kabilang po ang Siquijor Province sa mga isinailalim na rin sa bagong polisiya na alert level system. Kumustahin po natin ang implementasyon nito sa kanilang probinsya at maging ang ginagawa nilang paglaban sa COVID-19, kasama po natin si Governor Zaldy Villa. Good morning po, Governor.
SIQUIJOR GOV. VILLA: Yes. Good morning, Usec. Rocky Ignacio. Good morning.
USEC. IGNACIO: Opo. Governor, kumusta po ang implementasyon ninyo sa Alert Level 3 nitong mga nakaraang araw at paano po tinanggap ng ating mga kababayan diyan?
SIQUIJOR GOV. VILLA: Actually iyong update on COVID cases namin, sa ngayon napababa namin ang mga kaso ng COVID-19 sa probinsya – mula sa mahigit 2,000 active cases, 544 na lang ang active cases sa Siquijor. Natutuwa kami na patuloy na bumababa ang mga kaso sa aming probinsya dahil na rin ang mga measure na aming ini-implement sa dedikasyon ng aming mga frontliners at kooperasyon din ng mga Siquijornons.
Maganda ring balita na maraming naitalang recoveries sa aming probinsya. Sa ngayon we have 1,969 na naka-recover mula sa COVID-19 virus sa Siquijor. Siyempre ho kahit na bumaba ang kaso ng COVID-19, hindi kami nagiging complacent, mas determinado siguruhin na mabigyan nang karagdagang proteksiyon ang aming mga residente sa isla.
In Siquijor, we are determined to establish our new normal conditions wherein our constituents will remain healthy and protected from the virus. Iyon lang, Usec.
USEC. IGNACIO: Opo. Governor, ang alam po natin ay kayo’y may alert system o nasa Alert System 3 na iyong ipinatutupad diyan, Governor, sa inyong lalawigan; so, kumusta po ‘yung pagpapatupad ninyo nito, Governor? Ito po ba’y maayos naman o papaano po tinanggap ng ating mga kababayan; naintindihan po ba nila itong Alert Level 3 na dapat mga gagawin, Governor?
SIQUIJOR GOV. VILLA: Yes naintindihan nila, Usec. In fact, we implemented the granular lockdown sa ibang mga barangays, iyong mayroong symptomatic.
USEC. IGNACIO: Opo. Governor, naglabas po kayo ng order na ilagay sa Alert Level 3 with Heightened Restriction ang inyong probinsya. Hindi naman daw po ba ito naging confusing para sa mga residente at maiba doon sa guidelines ng IATF na nakabase po sa alert level system, Governor?
SIQUIJOR GOV. VILLA: Hindi naman nila na-kuwan iyong Level 3 kasi ini-explain naman namin bawat towns dito sa Siquijor kasi palagi kaming nagmi-meeting sa IATF so ini-explain sa mga frontliners natin.
USEC. IGNACIO: Opo. Governor, kayo po naman ba ay [garbled] inyong probinsya dito [garbled] ng mga granular lockdowns? May sapat po ba kayong pondo para po sa mga pangangailangan ng ating mga residente katulad po ng food packs?
SIQUIJOR GOV. VILLA: Yeah. Actually we are happy that our province is liquid province – mayroon kaming pondo para sa mga food packs, mayroon kaming pondo para sa mga medisina.
USEC. IGNACIO: Opo. Kumusta po ‘yung sitwasyon, Governor, ng mga ospital diyan lalo na po ‘yung occupancy rate ninyo diyan kasama na rin po ‘yung oxygen supply? Although sinabi ninyo po na bumababa naman ‘yung kaso na ng COVID-19.
SIQUIJOR GOV. VILLA: Sa ngayon ang mga COVID-related cases ay isinasailalim sa isolation sa aming mga isolation facilities o kaya naman ina-admit sa New Siquijor Provincial Hospital kasi may bago kaming tinayo na bagong ospital courtesy of our—iyong mahal nating Presidente Duterte. So nagagamit na namin – lahat ng mga asymptomatic patient ay nasa mga isolation facilities ng kanilang mga LGU samantalang ang mga symptomatic cases ay agarang inasikaso ng provincial government sa aming bagong ospital. In fact I could only say maraming, maraming salamat especially to Senator Bong Go na binigyan kami ng funds for the isolation building, nagagamit na namin po.
So marami ring mga naging challenges ang aming lokal na pamahalaan sa probinsya noong nagkaroon ng surge ng mga kaso. Pero sa tulong ng aming mga medical at iba pang essential frontliners at ng national government agencies, nalampasan namin ang mga pagsubok na ‘yan. Isa sa mga [garbled] sa amin administrasyon ay ang paghihiwalay talaga ng mga COVID patient. Mapalad kami dahil mayroon kaming bagong ospital [garbled] lahat ng COVID cases ay nandoon naka-admit. Kapag non-COVID, nananatili sila sa aming lumang ospital at sa iba pang health facilities sa [garbled] bayan sa probinsya.
Nakatulong ito nang malaki upang mabawasan ang in-hospital transmission din ng COVID-19 virus. Sa ngayon ang aming ospital sa [garbled] ay mayroon na lamang 65 na pasyente – malaking improvement ito dahil umabot din kami sa mahigit 140 na pasyente. Masasabi natin na naging epektibo ang mga measure na ating in-implement upang ma-curb ang pagtaas ng mga kaso ng COVID-19. Kaya ngayon 21% na lamang ang occupancy sa New Siquijor Provincial Hospital.
Siyempre hindi tayo titigil hanggang magiging zero ang COVID patient sa ospital at kahit ang mga kaso sa probinsya. Naging challenge din namin ang pag-procure ng oxygen para sa mga severe cases dahilan rin sa pagtaas ng mga kaso sa mga kalapit-probinsya ng Siquijor. May mga supplier ng oxygen na nagdideklara ng force majeure kahit na ready naman ang pondo namin para makabili ng mga oxygen tanks and refill dahil na rin sa dami ng pangangailangan ng oxygen sa Visayas.
Noong nagsimula kaming mahirapan sa oxygen supply, agaran kaming bumili ng mga oxygen concentrators para hindi na maging dependent sa oxygen plants ang aming ospital. Sa ngayon nakapag-procure na kami ng 23 oxygen concentrators, dadagdagan pa namin because mayroong solicitation binigay – I’m very proud also the Siquijorian in California is also helping us and give us funds for the oxygen concentrators. Tini-turnover nila last week iyong pera for the additional of oxygen concentrators.
Nagpapasalamat rin kami sa Department of Health dahil pumayag sila sa aming request na mag-deploy sila ng karagdagang nurses at medical personnel para sa Siquijor. Dumating na ang 10 dagdag na mga nurses mula sa DOH Region VII at bukod dito nakipag-ugnayan din kami sa Vicente Sotto Hospital. Dahil dito magpapadala ang VSMMC, Vicente Sotto Hospital ng 15 Medical Doctors, 10 Respiratory Therapist, 3 Medical Technologist, 3 Radiologic Technologist, 2 Institutional workers at 1 nursing attendant.
USEC. IGNACIO: Opo. Governor, sa ngayon punta naman po tayo sa bakunahan. So, ilan na po iyong nabakunahan sa inyong probinsiya at mayroon po bang mangilan-ngilan diyan na naiwan or hindi pa rin po nagpapabakuna na mga nasa priority list, Governor?
SIQUIJOR GOV. VILLA: Sa ating record ngayon iyong estimated eligible population natin na to be vaccinated is 70,859. Total for first dose is 25,423 or a 35.9% equivalent, for the second dose we have already 38,063 person na nabakunahan with 63.7% equivalent iyong kuwan natin. Iyon ang update ng vaccination program natin.
USEC. IGNACIO: Opo, opo. Mukhang maayos naman po, Governor, iyong vaccination rollout sa inyong lalawigan. Kami po ay nagpapasalamat, Governor, sa inyong pagbibigay impormasyon at sa inyong panahon. Siquijor Governor Zaldy Villa, ingat po kayo Governor. Salamat po.
SIQUIJOR GOV. VILLA: Thank you so much, thank you so much po.
USEC. IGNACIO: Samantala, narito naman po ang pinakahuling datos ng COVID-19 cases sa bansa. As of 4:00 PM kahapon, October 22, 2021, nakapagtala po ang Department of Health ng 5,823 na mga bagong nagpositibo sa sakit. Bahagyang tumaas po iyan kumpara sa nakalipas na araw. Sa kasalukuyan 2,745,889 ang total number of confirmed cases sa Pilipinas. 283 rin ang naitalang pumanaw kahapon kaya umabot na sa 41,520 ang total COVID-19 deaths sa bansa.
4,748 naman po ang nadagdag sa mga gumaling para sa kabuuang 2,637,531. Ang active cases naman po natin ay 66,838 o katumbas ng 2.4% ng kabuuang bilang ng mga tinamaan ng virus sa bansa. Para po magbigay linaw sa mga usapin kaugnay sa COVID-19 response ng pamahalaan, muli po nating makakasama si Department of Health Under Secretary Maria Rosario Vergeire. Usec. Magandang umaga po.
DOH USEC. VERGEIRE: Good morning po Usec. Rocky, magandang umaga po sa inyong lahat.
USEC. IGNACIO: Opo. Usec., kahapon po nakausap natin si Governor Velasco ng Marinduque at panawagan nga po ng mga Gobernador ay iurong daw po sa Nobyembre ang implementasyon ng alert level system sa labas ng NCR. Ano po ang tugon ng Department of Health dito?
DOH USEC. VERGEIRE: Yes Usec. Rocky, actually this was a decision of the Inter-agency task Force at sa pagkakaalam ko, nag-umpisa na po tayo doon sa sinet (set) na napagkasunduan ng IATF. So, kausap po natin ang DILG with their feedbacks, nag-umpisa na ho iyong mga areas natin at ngayon po ay nagku-collect na sila ng data regarding the implementation.
USEC. IGNACIO: Opo. Usec., may panibagong [variant] na naging dahilan ng pagtaas ng kaso sa ilang mga bansa tulad ng United Kingdom, ito po ay dahil sa Delta sub-variant. Ano po ang pinagkaiba nito sa Delta variant at gaano kalaking banta po ito sa kalusugan?
DOH USEC. VERGEIRE: Yes Usec. Rocky, actually ito po ay sublineage ng Delta variant no. So, ibig sabihin kasama pa rin sa pamilya ng Delta variant. Ngayon po, ang sinasabi ng mga eksperto, patuloy na pinag-aaralan ang epekto nito sa transmission at saka siyempre doon sa vaccine efficacy. Hanggang sa ngayon wala pa hong completed evidence and it is not classified yet as a variant of concern or variant of interest.
So, patuloy po tayong magmu-monitor. Sa ngayon po, wala pa ho tayong nadi-detect na ganitong sublineage ng Delta variant dito sa ating bansa although may nakikita na ho tayong mga sublineages ng Delta variant pero wala pa ho itong specific na sinasabi na nangyayari ngayon sa UK at sa iba pang mga bansa.
So, pag-aaralan pa hong mas maigi. Ang tanging atin pong abiso sa ating mga kababayan hindi kailangan mag-panic. Patuloy lang ipatupad ang minimum public health standard dahil kahit anong mayroong variant naman, epektibo pa rin po itong mga ginagawa nating mga paraan dito sa ating bansa.
USEC. IGNACIO: Opo. Usec., may kaugnayan po diyan ang tanong ni Red Mendoza ng Manila Times at ni Michael Delizo ng ABS CBN News: Hindi po ba daw mag-i-impose ng red travel alert ang Pilipinas sa United Kingdom para hindi daw po mapasukan ang Pilipinas ng sublineage na ito?
DOH USEC. VERGEIRE: Pinag-aaralan po natin iyan, Usec. Rocky, ano. Actually, ang assessment naman natin for countries para ma-tag siya kung red, yellow or green siya, every week naman po iyan assessment din. So, sa ngayon kasama po iyan sa pinag-aaralan natin pati na rin iyong ibang bansang tumataas ang mga kaso ngayon.
So, magri-report po tayo sa IATF regarding this at pag-uusapan kung kailangan natin ng stricter control ng border natin for these countries. So, kailangan nating pag-aralang maigi, kasi hindi pa nga po variant of concern ito, ito po ay pinag-aaralan pa rin. But of course in anticipation, kasama na po iyan sa mga recommendations natin kung saka-sakali,
USEC. IGNACIO: Opo. Kasama rin po ba, Usec., doon sa ginagawang pag-aaral kung magiging epektibo pa rin iyong mga bakuna at gaano rin po ito ka-resistant sa bakuna kahit daw po dito sa RT-PCR test, Usec?
DOH USEC. VERGEIRE: Yes Usec. Rocky, kasama naman po lagi iyan sa mga pinag-aaralan at nag-hihintay din tayo ng mga pag-aaral na ginagawa dito sa mga bansang ito, mga international experts para makapagbigay sila ng tama na picture nitong sublineage na ito, if it really affects transmission or di kaya iyong vaccine efficacy.
Mayroon pong mga ibang lumabas this week na sinasabi that it is 10% more transmissible, pero hindi ho kumpleto ang ebidensiya. Kaya kailangan po mag-antabay lang tayo sa further na pag-aaral, ituloy pa rin natin ang pagpuprotekta sa ating sarili.
USEC. IGNACIO: Opo. Sunod pong tanong ni Red Mendoza. Sinabi po ng OCTA sa kanilang latest survey na 61% ang may confidence po sa pagbabakuna pero mababa lang ang gustong magpabakuna sa Visayas at Mindanao at economic class ‘E’. Ano daw po ang gagawing hakbang ng Department of Health dito para mapalawak pa lalo ang kumpiyansa ng tao sa bakuna?
DOH USEC. VERGEIRE: Iyan naman po ay pinagtatrabahuhan natin since the start at nakita naman po natin talaga na napakalaki ng naging difference from the previous na ang baba talaga ng kumpiyansa ng mga tao sa bakuna. Ngayon nakikita natin ay talagang ang demand ay mataas na, Usec. Rocky.
Now for the specific areas, hindi naman po kabuuan ng Visayas at Mindanao ang talagang mababa ang kumpiyansa. May mga ilang lugar lang po talaga na makikita natin na talagang ang confidence no ay mababa pa rin. Kaya po, talagang tinututukan na ng ating mag vaccine cluster ito, nag-e-expand po tayo ng ating mga vaccination sites at talagang pinupuntahan para mahikayat.
Actually, yesterday, we had a meeting with a specific local government para po mas ma-en courage natin sila na bilisan ang kanilang pagbabakuna sa kanilang lugar.
USEC. IGNACIO: Opo. Tanong naman po ni Michael Delizo: May presscon po ngayong araw ang Private Hospital Workers Alliance of the Philippines kaugnay ng hindi pa rin naibibigay na meal accommodation, transportation at life insurance benefits sa ilalim daw po ng Bayanihan 2; ano po ang tugon ng Department of Health dito?
DOH USEC. VERGEIRE: Patuloy po tayong nakikipag-ugnayan sa kanila, sa mga facilities, USec. Rocky. And based from the recent reports, nakita natin na marami pa rin po na incomplete po ang submission sa mga dokumento, that’s number one.
Number two; we are highly reliant sa submission po ng kanilang mga dokumento at saka submission ng listahan ng pangalan ng kanilang mga facilities.
As of today, mayroon na po tayong na-release na P6 billion para po sa active hazard duty pay at saka special risk allowance for about 700,000 plus na mga health care workers natin. For life insurance, we were able to release already to 32,000 individuals at doon naman po sa special risk allowance nga, may mga batch na nga po tayo ngayon, noong nag-umpisa tayo ng 300 plus lang iyong binigyan natin, nadagdagan na po ng almost 80,000 iyong listahan at nakapag-release na po tayo as of late ng almost 1 billion pesos for this.
And for the sickness and death compensation, mayroon na po tayong nabigyan ng 25,000 and more na healthcare workers worth 613 million; patuloy po tayong nakikipag-ugnayan. Kumpletuhin lang po ang mga dokumento para po tayo ay makapagbigay na noong sinasabing mga benefits na ito.
USEC. IGNACIO: Opo. Panghuli pong tanong ni Michael Delizo ng ABS-CBN News: Pinapayagan na po ang Halloween Party at ang Christmas Party? Ano rin po ang direktiba sa mga gathering na inuorganisa ng mga kandidato?
DOH USEC. VERGEIRE: Actually, unang-una, USec. Rocky kailangan nating maipaalala sa ating mga kababayan kung anuman po iyong mga binuksan na natin na sector, kung anuman po iyong puwede na nating gawin ngayon, lahat po iyan will be reliant tayo doon sa behavior natin. [Garbled] parties, Halloween events and all, pero kailangan lagi nating iisipin may mga restrictions pa rin tayo.
Katulad po noong 3Cs na tinatawag natin, kapag kulob ang lugar, kapag maraming tao, kapag may mapu-promote ang close contact, tayo ay umiwas sa mga ganitong pagkakataon para hindi po tayo magkasakit.
Paalala naman po sa ating mga local governments, alam po natin at naiintindihan natin na nagkakampanya na tayo, so sana tayo na po ang magkaroon ng responsibilidad na magkaroon ng mga ganitong safety protocols during our campaign period.
USEC. IGNACIO: Opo. USec., paumanhin ano po, nag-choppy po kayo ng kaunti kanina. Ang ibig sabihin, hindi pa rin pupuwede ang Halloween party at Christmas party?
DOH USEC. VERGEIRE: Kapag mass gathering, USec. Rocky, hindi pa rin po natin pinapayagan. Pero kung iyong mga sinasabi na within the bubble of the family, maari naman pong gawin, kailangan lang talaga iyong safety protocols ay ipatupad. Iyong 3Cs natin, i-recognize natin iyan na iyan po iyong mga pinakamagbibigay ng impeksiyon sa pamilya.
So kung saka-sakaling gagawin talaga, gawin po natin sa labas ng ating mga tahanan, magkaroon sa outside na lang ng kung mayroong pagtitipon na ganito, siguraduhin din na iyong safety protocol na wearing of mask, physical distance, maisagawa pa rin natin sa ating mga kabahayan at kung mayroong may sintomas, huwag na muna po tayong um-attend ng mga ganitong parties.
USEC. IGNACIO: Opo. Mula naman po kay Job Manahan ng ABS-CBN News Online: DILG said, it is possible for Metro Manila to be placed under Alert Level 2 with the decline in cases. What does our recent projection show po, is this possible next month?
DOH USEC. VERGEIRE: Kapag tiningnan po natin iyong projections ng FASSSTER, nakikita po natin patuloy na bababa ang mga kaso, pero mayroon po tayong mga ginagamit na assumptions when we do our projections, katulad po noong detection to isolation, iyan po ay napakalaking bagay. So, kapag tiningnan po natin ang detection to isolation ngayon, ito po ay nasa 4 days po; kapag tumaas po iyan, magkakaroon po tayo ng pagtaas din ng kaso.
So, sana ma-maintain po natin lahat so that we can be able to be deescalate to Alert Level 2 come November. Kapag tiningnan po natin ang average number of cases natin dito sa Metro Manila ngayon, nasa 967 na po iyong 7 day moving average. Ibig sabihin napakalaki na po ng pagbaba ng mga kaso.
Ang atin pong mga ospital ay medyo na-decongest na. Mayroon na lang pong mga ilang ospital ngayon na mayroon pang pagkapuno lalung-lalo na sa ICU nila, pero kapag tiningnan natin, generally bumaba na po ang utilization natin sa mga ospital. So, hopefully by November, we can be able to deescalate and open up our economy.
USEC. IGNACIO: Opo. DOH and US aid developed a mental health app considered the first in the Philippines. Will this be free? What are the features that the public should expect and when will this be made available?
DOH USEC. VERGEIRE: Yes, USec. Rocky, ito po iyong Lusog-Isip app na atin pong nai-launch. Ito po ay gagawin para ang mga kababayan may natatawagan sila, nakakausap. Ito po ay nai-launch na natin. So, it will start very soon.
Ito po ay iba doon sa hotline na tinatawag natin na emergency para po sa mental health na hotlines. Because here, in this Lusog-Isip, they can be able to get information about how you take care of your mental health, makakakita rin po sila ng mga expert opinion and information na ibigay para ma-guide po natin ang ating mga kababayan on how we can take care of our mental health.
So, this is part of our overall mental health program kung saan binibigyan po natin ng importansiya na lalung-lalo na sa panahon ngayon, physical health, hindi lang po iyan, wala po tayong physical health kung wala po tayong mental health.
USEC. IGNACIO: Opo. USec., kumusta naman daw po ang assessment ng DOH sa mas pinalawig na bakunahan sa mga kabataan. May mga naitala po bang adverse effects kahapon?
DOH USEC. VERGEIRE: Yes, USec. Rocky ‘no. So ito pong sa mga kabataan na atin pong naisagawa, mayroon na po tayong 8,639 children who were already vaccinated. Ito po iyong mga kabataan na may comorbidities.
So kahapon may ni-report po tayong apat na mga kabataan na nagkaroon ng reaksiyon. Iyong isa po anxiety related, pagkatapos po ng ilang minuto, we were able manage. Iyong tatlo naman po were allergies doon po sa bakuna; so sila po ay inobserbahan at sila po ay minanage. Sa ngayon po, siyempre isa-subject po natin iyan sa mga further assessment, magbibigay tayo ng information in the coming days.
USEC. IGNACIO: Opo. USec. may naging pahayag po si dating Health Secretary ay ngayon po ay Congresswoman Janet Garin kung bakit sa mga ospital pinili ng DOH na ipabakuna ang mga bata. Ini-expose diumano ninyo sila lalo sa virus? Ano po ang masasabi ninyo dito?
DOH USEC. VERGEIRE: Well, unang-una, hindi naman po natin gagawin iyon ‘no. The government will not expose our children to any harm. Lagi po iyan iyong safety po ay primary concern natin specifically para sa ating mga kabataan.
Kaya po tayo pumili po tayo noong tinatawag na safe spaces even in hospitals para sa mga kabataang ito. Atin pong in-inspect lahat po itong vaccination sites ng mga ospital na naisama natin bago po natin sila pinayagan na magbabakuna na for the children.
So, we are insuring and we are guarantying, mga parents po ng mga kabataan na ito na safe po iyong mga lugar na pinagsasagawaan natin nitong pagbabakuna sa ating mga kabataan.
USEC. IGNACIO: Opo. Tanong naman po ni Angel Movido ng ABS-CBN: Feasible po ba ang 1.5 million vaccination a day sa mga ages 12 to 17 years old samantalang bumagal po ang rate of vaccination?
DOH USEC. VERGEIRE: Well, kapag tiningnan po natin, may mga targets tayong gustong makamit para pagdating po ng Disyembre we will be able to at least cover 70% of our population. So kapag tiningnan po natin mayroon po tayong 500,000 na target per day ngayong Oktubre. By November ang atin pong projection at ang ating target is 800,000 per day. And pagdating ng December, we are targeting about 600,000 jabs per day. Kahapon po nakapagtala tayo ng more than 700,000 jabs per day. So sa tingin po namin, mukhang kaya nating gawin lahat ito para bumilis ang bakunahan, mas madami po ang maprotektahan dito sa ating bansa.
USEC. IGNACIO: Follow up question po niya: Paano po exactly maa-achieve ang ating target for minors, given that there are also workers/adults na hindi po pinayagang magtrabah0 dahil unvaccinated pa?
DOH USEC. VERGEIRE: Well, I think these are two separate things ‘no, Usec. Rocky. So iyon pong para sa minors, ang target po natin mabakunahan po muna natin iyong mga batang may mga sakit. That’s one. We are already discussing our efforts, iyong expansion po nitong ating pilot na sinasagawa. Dahil sa ngayon po, NCR pa lang at saka sa mga local governments dito sa NCR. So, kapag nakita po natin na mukha namang talagang maayos ang nagiging pagpapatupad natin, i-expand na po natin. I think parents have recognized the value of the vaccines. Kaya kapag tiningnan natin, ang taas na po ng nababakunahan natin dito sa mga batang may comorbidities. So we are looking at that already, how we are going to expand in the coming weeks. Iyon po ang gagawin natin.
USEC. IGNACIO: Tanong naman po ni Madz Recio ng GMA News: Pfizer says, its vaccine is 90.7% effective against symptomatic COVID-19 children ages 5 to 11. Ano po ang magiging epekto nito sa vaccine rollout ng mga minors? Possible na po bang bakunahan na rin ang mga batang edad 5 hanggang 11 year old sa bansa?
DOH USEC. VERGEIRE: Kailangan pa rin po nating hintayin muna iyong Emergency Use Authority kung saka-sakaling mag-a-apply sila for that specific sector of children. Ngayon po kasi ang EUA natin is for 12 to 17 years old pa lang ng mga kabataan. So, underway po ang mga pag-aaral ukol sa mga batang binabakunahan less than 12 years old, ito nga pong katulad sa Pfizer. Sa ibang mga manufacturers naman, they are looking at 3 to 11 years old, pinag-aaralan din po iyan. So, hintayin po natin, kapag nagkaroon po ng EUA iyan, pag-uusapan na po iyan ng ating mga eksperto.
USEC. IGNACIO: Opo. Sunod pong tanong ni Madz Recio: Ano po daw iyong update sa 400,000 Moderna vaccines mula sa pribadong sector na magi-expire sa November? Gagamitin na rin po ba ito sa mga minor?
DOH USEC. VERGEIRE: Nagkaroon kami ng alok. We tried to help the private sector, because we recognized the fact na magi-expire na nga itong mga bakunang kanilang binili. So, kami po ay nag-alok na puwede naman iyong loaning agreement na tinatawag. Gusto nilang ibigay muna at ipahiram sa national government itong kanilang mga bakuna para magamit muna ng national at papalitan na lang natin iyan kapag puwede na nilang gamitin. Halimbawa nagkaroon na tayo ng polisiya or protocol about children being vaccinated. So ito po lahat ay pinag-uusapan, we are trying to have these discussions and we have our meeting with our all-experts by early part of next week, para pag-usapan din iyong expansion po sa mga kabataan. Titingnan po natin lahat kapag natapos po nating makausap ang ating mga eksperto.
USEC. IGNACIO: Opo. Mula pa rin kay Madz Recio: Kasama po sa Comelec simulation ang pagtsi-check ng possible scenarios po sa araw ng eleksiyon. Ilang minute po ba dapat tumagal ang proseso ng pagboto mula sa health screening hanggang sa makapasok sa voting precinct ang botante?
DOH USEC. VERGEIRE: Well, kapag tiningnan po natin and based on the characteristics ng virus, ang sinasabi nga iyong virus ay iyong magkakaroon ka ng close contact na definition kapag ikaw ay na-expose sa isang tao ng 15 minutes or less. Noong dumating po iyong Delta variant, nawala na po iyong 15 minutos na iyan, dahil napaka-transmissible, highly transmissible ang Delta variant. Kaya ang atin pong rekomendasyon, kapag ganito, soonest time possible, pinakamabilis na proseso dapat, hindi dapat nagku-congregate, dapat mabilis po ang proseso, maayos, so that hindi po magka-crowd ang mga tao, kapag nangyari ito.
USEC. IGNACIO: Opo. Usec., may pahabol lang po si Vanz Fernandez. Ang tanong po niya sa inyo: What [condition], number of cases and reproduction rate could justify and you agreeing in lowering the NCR alert level in the followings weeks or month?
DOH USEC. VERGEIRE: Well, we do not use the reproduction rate, it’s just a supplemental parameter for us, para lang makumpirma natin na talagang bumaba ang mga kaso. What we really use would be the case trend and also, iyong ating hospital utilization. So, kapag tiningnan po natin ngayon ang National Capital Region, we have a negative two-week growth rate. Nakita na po natin ito, negative 52% na po siya and then our average daily attack rate is already at 9.87 compared to three to four weeks ago, nasa 20 po ang ADAR natin. Ngayon po moderate risk classification tayo sa kaso, at kapag tiningnan naman natin ang health systems capacity natin, low risk na po tayo – 39% for the bed utilization and we have 48% for ICU. So looking at this figures, kapag tiningnan po natin at magtuluy-tuloy po ang pagbaba ng kaso at ng mga tao sa ospital, we are seeing that the possibility of being deescalated to level 2 is very high.
USEC. IGNACIO: Opo, follow up question niya: So ano daw po iyong gagawin ninyo para ma-achieve ang mga ito, para daw po mapababa pa iyong alert level?
DOH USEC. VERGEIRE: Kailangan nating ipagpatuloy kung anuman iyong magandang nagawa na natin, especially sa NCR. Tulad ng nabanggit natin, ang National Capital Region local governments were able to shorten the time that they are able to detect cases and isolate cases. Napakaimportante po kasi niyan, Usec. Rocky para makontrol natin ang transmission sa komunidad na once you are able to detect a case naa-isolate po kaagad. Noong ginawa po iyong pilot implementation sa NCR, lalo na sa granular lockdowns, napaikli po ng local government to just 2 days ang detection to isolation. So napakalaking bagay po noon para maibaba po natin ang mga kaso o mga new cases dito sa ating lugar. So, ipagpatuloy lang po and of course people should be cautious always and should follow the safety protocols na sinasabi ng gobyerno, para tuluy-tuloy na po ang pagbaba ng kaso.
USEC. IGNACIO: Kami po ay nagpapasalamat sa inyong panahon at impormasyon at siyempre sa walang sawang pagpapaunlak sa aming imbitasyon, Department of Health Undersecretary Maria Rosario Vergeire. Salamat po, Usec.
DOH USEC. VERGEIRE: Maraming salamat po.
USEC. IGNACIO: Samantala, kung kayo po ay bakunado na, aba ay hindi lang proteksiyon mula sa virus ang puwede ninyong makuha dito. Puwede rin kayong manalo ng cash prize. Kung paano panoorin po natin ito.
[VTR]
USEC. IGNACIO: Lubos naman po ang pasasalamat ng mga residente sa isang bayan ng Tarlac matapos na mabiyayaan ng ayuda mula sa team ni Senator Go. Ang mga ahensiya ng pamahalaan naghatid din ng tulong para sa mga kababayan nating micro entrepreneurs at indigent families. Narito po ang report.
[NEWS REPORT]
USEC. IGNACIO: Para naman po sa pinakahuling pangyayari sa iba pang mga lalawigan sa bansa, puntahan natin si Aaron Bayato ng PBS-Radyo Pilipinas.
[NEWS REPORT]
USEC. IGNACIO: Maraming salamat, Aaron Bayato.
Para po mas mapa bilis ang pag-abot ng Region XI sa target population protection, patuloy ang pagpapalawak ng vaccination program sa Davao City, kagaya na lamang ng Bakuna Nights. Kaugnay diyan, may report ang ating kasamang si Clodet Loreto:
[NEWS REPORT]
USEC. IGNACIO: At iyan po ang mga balitang aming nakalap ngayong araw.
Ang Public Briefing ay hatid sa inyo ng iba’t ibang sangay ng PCOO sa pakikipagtulungan ng Department of Health at kaisa ng Kapisanan ng mga Brodkaster ng Pilipinas (KBP).
Mga kababayan, 63 days na lamang po at Pasko na.
Ako po si USec. Rocky Ignacio, magkita-kita po ulit tayo sa Lunes dito lamang sa Public Briefing #LagingHandaPH.
###
—
News and Information Bureau-Data Processing Center
