USEC. IGNACIO: Magandang umaga, Luzon, Visayas at Mindanao at sa lahat ng ating mga kababayan saanmang panig ng mundo. Ngayong unang Lunes ng Disyembre, ramdam na ang paglamig ng simoy ng hangin pero tututukan pa rin natin ang iba’t ibang maiinit na usapin sa bansa, ako po si Usec. Rocky Ignacio, simulan na natin ang Public Briefing #LagingHandaPH.

Kamakailan ay dinaluhan ni Senator Bong Go ang taunang pagtitipon ng mga medical technologists sa bansa, dito ay binigyan-diin niya ang kahalagahan ng mga medtech sa pagsugpo ng bansa sa COVID-19. Ang detalye sa report:

[VTR]

USEC. IGNACIO: Simula ngayong araw ay makikiisa na rin sa pilot run ng face-to-face classes sa bansa ang mga piling pampublikong paaralan sa Kalakhang Maynila. Nasa Payatas, Quezon City si Cleizl Pardilla para po tutukan ang muling pagbabalik ng mga estudyante sa mga paaralan. Cleizl?

[NEWS REPORT]

USEC. IGNACIO: Maraming salamat sa iyo, Cleizl Pardilla.

Kaugnay nga po niyan, makibalita tayo sa naging pangkalahatang takbo ng face-to-face classes sa Metro Manila mula kay DepEd Undersecretary Nepomuceno Malaluan. Good morning po, Usec.

DEPED USEC. MALALUAN: Good morning, Usec. Rocky, at saka sa lahat ng mga tagasubaybay ng ating programa.

USEC. IGNACIO: Opo. Usec., so far po ay kumusta ang naging re-opening ng classes ngayong umaga dito sa NCR, ano po? May balita ba kayo na may nagpositibo na guro, estudyante o non-teaching personnel bago po ang araw na ito dahilan para naman po ma-postpone ang partisipasyon ng kanilang paaralan?

DEPED USEC. MALALUAN: Well, ang ating 28 public schools na ito sa Metro Manila ay kasama doon sa mahigit isandaan at pitumpung mga karagdagang paaralan sa pilot. Kung matatandaan mo, Usec. Rocky, ay mayroon na tayong first batch mahigit isandaan, 118, na nag-umpisa na prior to this. But itong second batch natin, pinahintulutan tayo ng Office of the President na dagdagan ang numero ng pilot schools ay ngayon nag-uumpisa. Napakahalaga nitong sa NCR dahil alam naman natin na iyong character ng NCR as highly urbanized and congested areas.

So very important ito, and so far, it has been so smooth. We have officials of the Department that are on the ground at both the central office and the regions. Usec. Rocky, and up to this time ay I’ve been monitoring and we have not received any adverse report as of now, Usec.

USEC. IGNACIO: Opo. Usec., may madadagdag po ba sa 28 schools na nasa initial list na ipinalabas po ng DepEd?

DEPED USEC. MALALUAN: Of the NCR, malamang ay ito na iyong second and last batch natin doon sa pilot face-to-face dahil in a few weeks, less than or probably it’s just three weeks now, sa December 20 ay magki-Christmas break na ang ating mga bata. At pagkatapos niyan ay isa-submit ng mga participating school sa pilot iyong kanilang assessment using monitoring and evaluation tool na ibinaba natin and iyong consolidated report ay isa-submit natin sa tanggapan ng Pangulo bago magtapos ang taon.

And since so far ay maganda ang tinatakbo, ang ating ina-anticipate ay ang magiging recommendation ay ang pagpapalawak nito sa tinatawag naming “expanded phase” early next year. At kaugnay niyan ay si Secretary Briones has already directed our regional directors na maabisuhan ang lahat ng mga paaralan, pampubliko man at pampribado sa buong bansa na, maghanda gamit iyong ating safety assessment tool.

At tayo rin ay in-authorize, ang Department of Education, ng Inter-Agency Technical Working Group na mag-confer nang tinatawag nating safety seal doon sa mga paaralan sa basic education na makakapasa dito sa ating school safety assessment toll na ito, Usec. Rocky.

USEC. IGNACIO: Opo. Sir, pero paano po iyong mga private schools sa NCR? May mga nag-apply na po ba para payagan rin silang sumali sa pilot run? Nabanggit ninyo nga kanina na sinabi rin po ni Secretary Briones sa ibang paaralan na talagang maghanda na rin po?

DEPED USEC. MALALUAN: Yes, Usec. Rocky.

USEC. IGNACIO: Opo. So, Usec., may mga nag-apply po sa private school sa NCR para po payagan na rin silang sumali sa pilot run?

DEPED USEC. MALALUAN: Mayroon tayong na-evaluate na tatlo as far as I know na private schools na have passed our school safety assessment pero hinihintay natin iyong concurrence ng ating local chief executives or ng mayors natin sa Metro Manila dahil dito sa NCR parang school by school iyong naging concurrence ng ating LGU. So, kung matatangap natin iyong concurrence ng LGU in three schools then they could start.

We have also approved some international schools that are located in Metro Manila with concurrence of local governments na nag-umpisa, as far as I know, today also of the pilot face-to-face classes.

USEC. IGNACIO: Opo. Usec., ano po daw iyong mga naging batayan ng DepEd at DOH para payagan po itong mga eskuwelahang ito na magsagawa ng face-to-face classes? At bakit wala pong kasaling paaralan sa bayan ng Pateros, tama po ba ito?

DEPED USEC. MALALUAN: Ang naging batayan dito ay itong ating joint memorandum circular between DepEd and DOH and dito nakabalangkas iyong education standards at saka health standard at iyan ay kailangang tuparin ng mga schools para mai-nominate ng ating regional directors for inclusion in pilot face-to-face. May mga lugar na nag-opt na doon na lamang sa expansion sasama at maaaring dito sa siyudad ng Pateros ay iyon ang naging desisyon also by the local chief executive of the local government unit.

So, ang ating framework, Usec. Rocky, ay one of shared responsibility kaya hindi lamang ito undertaking ng Department of Education but because of the COVID factor, it is likewise a cooperative and collaborative undertaking with the Department of Health, and the parents na kailangan ay may permiso doon sa mga bata at kailangan ng concurrence ng ating local government units.

So, I believe that that is the reason doon sa nabanggit mo na nag-defer ng pagpapatupad, but lahat ay naghahanda for the expanded phase, Usec. Rocky.

USEC. IGNACIO: Opo. Pero kumusta naman po iyong face-to-face learning sa iba pang lugar? Nakapag-record na po ba tayo ng COVID transmission within the learners?

DEPED USEC. MALALUAN: So far, in the last weeks sa report natin ay walang actual COVID positive na naitala, we have had monitoring and referral doon. Ang iba ay at the home have exhibited flu-like symptoms at kasama iyan sa ating protocol, iyong health screening. At iyan ay ginagawa not only at home but also in school. But so far, wala tayong naitatala na actual confirmed positive case of COVID in all of our participating pilot schools at sana ay magpatuloy iyan in the coming days, Usec. Rocky.

USEC. IGNACIO: Opo. Usec., in total, ilang paaralan po ba sa buong bansa ang nagko-conduct ng face-to-face classes sa ngayon? At sa tantiya ninyo, ilang mga estudyante po ito sa kabuuan?

DEPED USEC. MALALUAN: Well, doon sa ating first batch ay 118 paaralan, of which 100 are public and 18 are private schools, and today nadagdagan iyan ng 174 schools. So, that is I believe nearly 300 schools nationwide are conducting.

Nearly 7,000 learners doon sa unang batch at dito sa subsequent batch hindi ko lang nakuha kung ilan itong next batch but I think this will be more than the first batch dahil mas marami itong number of schools na ito. Hindi ko lang nakuha iyong exact number nito sa batch 2 natin ng total na mga mag-aaral, Usec. Rocky.

USEC. IGNACIO: Opo. Usec., basahin ko lang itong tanong ni Leila Salaverria ng Inquirer: All areas in the country are now under Alert Level 2, what are the chances that more, if not all, schools will be allowed to hold face-to-face classes?

DEPED USEC. MALALUAN: Nakadepende iyan, Usec. Rocky, doon sa magiging consolidated report and recommendation natin. As I mentioned, it will just be a matter a short period of time dahil magki-Christmas break na naman iyong mga bata at ang katanungan na iyan ay kung doon sa expansion phase at nakabatay iyan doon sa ating magiging rekomendasyon sa Office of the President.

But as I mentioned, sana ay hindi magbago itong pag-trend ng ating pagmo-monitor. It’s been very positive and we are anticipating a recommendation towards expansion. But the actual number of how many, assuming na mag-expand tayo will still be dependent on the schools being able to meet the criteria for school safety assessment and readiness, and that they are located in areas that are categorized as Alert Levels 1 and 2 next year, I mean, early next year, Usec. Rocky.

USEC. IGNACIO: Opo. Iyong sunod pong tanong ni Leila Salaverria: How will the threat of the variant affect any plan to increase the number of schools holding face-to-face classes?

DEPED USEC. MALALUAN: Usec. Rocky, that’s a public health matter. We are in constant touch with our DOH counterpart sa ating technical working group. So far, ngayon ay wala pang additional na abiso. Our existing protocols are sufficient based on existing situation.

Kung magkakaroon ng pagbabago diyan, we anticipate that that will figure in the alert level system or the change in the health and safety standards, pero sa ngayon wala pa. Sa pagkakaalam natin, ang nagkaroon ng pagbabago ay doon sa travel restrictions right now ay sa international travel. But in the local health and safety protocols at saka doon sa alert levels ay wala pa namang abiso sa amin ng pagbabago. But we do not discount that possibility, but we will rely quite heavily on the assessment of our counterparts in the Department of Health, USec. Rocky.

USEC. IGNACIO: Opo. USec., maraming salamat po sa inyong panahon. Always keep safe, USec. Nepomuceno Malaluan mula sa DepEd.

DEPED USEC. MALALUAN: Thank you very much, USec.  Rocky. Magandang araw sa iyo.

USEC. IGNACIO: Samantala, silipin naman natin ang pinakahuling tala ng COVID-19 cases sa buong kapuluan. Sa report ng Department of Health kahapon, pumalo sa 2,834,775 ang kabuuang bilang ng mga nahawaan ng COVID-19 sa bansa matapos itong madagdagan ng 603 new cases. Higit isanlibong individual naman ang mga bagong gumaling mula sa sakit dahilan para maging 2,771,536 na ang ating total recoveries; 156 naman po ang dagdag na nasawi kaya umabot na sa 49,386 ang total deaths sa bansa. Sa kasalukuyan, 13,853 na mga individual naman ang nagpapagaling pa o katumbas ng 0.5% ng total cases.

Samantala, kamakailan po ay napabalita ang ginawang pagtibag ng ilang residente ng Muntinlupa City sa mga pader na itinayo ng Bureau of Corrections sa paligid ng New Bilibid Prison Compound. Ang insidenteng iyan ay umabot pa sa pagkakadeklara kay BuCor Director General Gerald Bantag bilang persona non grata sa siyudad. Alamin po natin ang pinag-ugatan niyan mula sa tagapagsalita ng BuCor na si Assistant Secretary Gabriel Chaclag. Magandang umaga po, Asec.

BOC ASEC. CHACLAG: Magandang umaga, USec. Rocky. At magandang umaga po sa inyong mga tagasubaybay.

USEC. IGNACIO: Opo. ASec., ano po ba iyong purpose ng BuCor doon sa road block at bakit kailangan pang tayuan ng pader iyong paligid po ng compound ng New Bilibid Prison?

BOC ASEC. CHACLAG: Siguro, USec. Rocky, ang sagot niyan ay uumpisahan ko sa ating mandate na kailangan pong i-secure ang prison camp ayon sa batas. Ito po ay naumpisahan natin, USec. Rocky, sa pagpapasara ng gate doon sa isang access road papunta sa isang subdibisyon din na kabila ng kampo, at iyan ay nangyari mga ilang months lang ang nakakaraan. At sunud-sunod po iyong ating paghihigpit, at may mga roads po tayo na isinara sa kahuli-hulihan po ay itong access road papunta po ng Katarungan.

Kung bakit po natin isinara ito ay kailangan po talaga, USec. Rocky, dahil isipin po ninyo, prison camp ito, madalas may nakikita kaming mga unidentified persons na pagala-gala doon sa reservation at kung ano po ang implication nito, once na nakahuli kami ng mga ganoon, maghihigpit kami sa mga kampo at bibilangin namin ulit isa-isa ang mga preso na nasa aming kampo because we assume na iyon ay tumakas or escape prisoner. So, iyon po palagi ang naging problema.

Idagdag ko diyan, mga criminal activities na nangyayari at iyong pagtatapon ng contrabands within the different camps of New Bilibid Prison.  So humantong po ito sa kailangan talagang magkaroon ng control gate sa mga access roads na ito at hindi na po natin payagan ang mga hindi authorized na dumadaan dito sa loob ng prison camp. Just like any military camp or police camp or any government security facility, dapat po hindi po nakakadaan ang sinu-sino man na hindi authorized. Iyon po iyong underlying at reason po natin kung bakit po natin kailangan na magkaroon ng control gate sa mga access roads na ito, USec. Rocky.

USEC. IGNACIO: Opo. Pero, Asec., totoo po ba na ang BuCor umano ang nasa likod noong paghalukay o paggamit po ng backhoe sa kalsada matapos po umanong sirain nga ng ilang residente iyong isang pader na ginawa ninyo?

BOC ASEC. CHACLAG: Tama po, iyon Usec. Rocky, sa amin po iyong backhoe kasi we have to fortify our compounds kasi nga po noong naglagay po tayo ng pader, dapat po sa iyon ay control gate talaga at nilagay muna natin iyong pader para wala nang dadaan habang itinatayo natin ang gate. Pero ang nangyari ay nagkaroon po ng malaking pagpupulong doon at naging bayolente po. So, ano po ang kailangan nating gawin, hindi naman natin kailangan tumabi na lang at wala tayong aksiyon.

So ang ginawa po natin ay pinaigting pa natin at pinakita natin that we have the political will to enforce our mandate, and that is what happened. Iyong hukay naman pong iyon ay foundation po ng gate, at iyon po ang ginagawa natin ngayon. In fact po, Usec. Rocky, ngayon ay ginagawa pa ngayon iyon at iyong pedestrian at iyong mga dating … iyong mga authorized na dumadaan ay nakakadaan na sila ngayon sa mga pedestrian traffic. Iyong vehicular traffic na lang po ang hindi pa nakakadaan habang hindi pa natatapos iyong gate na iyon.

USEC. IGNACIO: ASec., bakit po sa palagay ninyo ay hindi na kailangang makipag-coordinate ang BuCor sa LGU bago po ginawa ang hakbang na ito?

BOC ASEC. CHACLAG: Marami po tayong coordination, USec. Rocky. Mula pa noon ay pinahiwatig na natin sa kanila, sa barangay, sa mga ilang leaders ng Katarungan Village at saka iyong mga nearby villages na paiigtingin natin ang security. We will fortify the security posture of the Bilibid Prison, noon pa iyon. So, hindi naman po siguro tama na sabihin natin na walang coordination. In fact, noong araw na iyon ay nakipag-usap pa tayo sa barangay at Katarungan Village Homeowner’s Association; at parang hindi po sila naniwala noon, wala po silang aksiyon. Pero noong nakikita na nila, sapagkat nakita natin na wala ng dumaan dahil gabi na ay isinarado na natin at inumpisahan iyong construction, doon lang sila naniniwala na very firm pala ang ating stand. So, nakikipag-coordinate po tayo sa kanila, USec. Rocky.

USEC. IGNACIO: Opo. Asec., may tanong lang po si Vic Tahod ng DZAR Sonshine Radio tungkol dito sa isyu ano po: Ano po ang masasabi ninyo sa persona non grata ng Muntinlupa kay Director General Bantag? At paano po ninyo riresolbahin sa maayos o sa diplomatikong paraan ang isyu with the Muntinlupa LGU?

BOC ASEC. CHACLAG: Ma’am, sa ngayon po ay we are communicating with LGU. May mga sulat na rin po tayong naipadala sa kanila, at tayo po ay open sa negotiation sa kanila. At nakakalungkot naman talaga na sa kabila ng paggagawa ng ating mahal na Director ng kanyang mandate ay i-declare siya na persona non grata sa LGU Municipal Council. At actually, wala po tayong nari-receive na official sa kanila; naririnig lang natin at nakita natin sa social media.

Pero magpaganoon pa man, iginagalang po natin ang kanilang stands, siguro ginagawa din nila ang kanilang sa tingin nila ay trabaho nila. Pero sa akin naman ay ginagawa din natin ang ating mandate. At hindi natin tinatalikuran iyong ating mga kababayan, iyong welfare nila, tumutulong din po tayo sa kanila. At ang isa pa ngang suggestion namin ay marami namang access road doon na puwedeng gawin at puwedeng gamitin ng LGU upang mabigyan tuloy ng talagang permanent na solusyon at access road ang mga nakatira doon, USec.

USEC. IGNACIO: Opo. ASec, itutuloy pa rin po ba ng BuCor iyong pagtatayo ng control gate sa NBP Reservation? At sinu-sino po iyong pagbabawalan ng BuCor na makapasok sa compound?

BOC ASEC. CHACLAG: Yes, ma’am, tuluy-tuloy po. Sa ngayon ay ginagawa na nga po iyong control gate at tapos na iyong foundation, poste naman po ang ilalagay ngayon. At very reasonable ang ating policy doon – iyong mga DOJ family, mga government service workers, mga emergency service workers at iyong mga students and teachers and school officials ay bibigyan po natin ng permit to use the access road.

So, ganoon po ang guidance ng ating Director General, at nakikita naman po natin iyong humanitarian aspect din at kaya nga po kapag emergency vehicles ay talaga pong makakadaan doon. Katatapos lang ng aming Monday morning conference ngayon, Usec. Rocky, at iyon po ang isang napag-usapan. Talaga pong gagawin din natin in a humane way ang ating pag-enforce ng ating mandate to secure the prison camp.

USEC. IGNACIO: Opo. Maiba lang po ako ‘no, Asec., tungkol naman po sa pagkamatay ng dating pulis na si Jonel Nuezca sa loob ng Bilibid. Nalinaw na po ba sa autopsy kung ano po talaga iyong ikinamatay niya? At ano po iyong masasabi ninyo sa mga naghihinala na diumano ay may foul play sa pagkamatay niya?

BUCOR ASEC. CHACLAG: Ma’am, iyon pong result ng autopsy ni PDL Jonel Nuezca ay wala pa sa atin; nasa NBI medico-legal team pa. At we expect na sana this week ay mai-submit na po natin para mabuo po natin iyong full investigation report.

Pero doon po sa nagtatanong kung may foul play po ito ay sa initial investigation po natin, pagtatanong sa kaniyang mga kasamahan ay talaga naman pong natural cause ang itinuturo ng kaniyang pagkamatay dahil wala naman pong nakitang kaaway, wala pong suspicious na incidents before he was brought to the hospital. At iyong initial po na medical examination, iyong physical examination ng mga attending doctors, wala po silang nakita na signs of violence [garbled]. At doon naman po naman sa mga statements ng kaniyang kasamahan, mga kaibigan niya mismo itong mga nagsasabi, lahat po sila iisa lang ang sinasabi. Hindi naman po siguro masasabi natin na sila ay talagang nag-usap-usap para iisa lang ang statement dahil malalaman at malalaman po natin iyon.

So doon po ang ating pinapaniwalaan na nag-succumb siya po sa cardiac arrest. At sana po paglabas ng autopsy ay makikita natin in order to put a closure to this incident.

USEC. IGNACIO: Opo. ASec., pasadahan ko lang itong tanong naman ni Llanesca Panti ng GMA News: Naibigay na po ba ang year-end bonus, Performance-Based Bonus at hazard pay ng BuCor personnel for year 2019, 2020 at 2021? At kung hindi pa, kailan daw po ito maibibigay?

BUCOR ASEC. CHACLAG: Ma’am, iyong 2019 at 2020 ay naibigay na po natin iyon. At iyong 2021 po, sabi ng ating accounting office ay matatanggap na rin po nila at ginagawan na po ng paraan, ginagawa na ang process, iyon lamang po ay medyo delay. Katulad ng mga ibang bonus at hazard pay, nagkaroon po ng kaunting delay pero talaga naman pong hindi naman matagal na umaabot ng dalawang buwan o anim na buwan. Hindi po ganoon ang delay, very minimal lang po, isang buwan at [garbled] pinakamatagal na nakita namin kasi nag-investigate po kami rito, ma’am, noong lumabas itong issue. At iyon po ang lumabas, na naibibigay naman po on time at kung nadi-delay, hindi naman masyadong delayed na delayed.

USEC. IGNACIO: Opo. ASec., makibalita na rin po kami sa naging pakikiisa ng BuCor dito sa Bayanihan, Bakunahan nitong nagdaang linggo, ano po. Ilan pong PDLs in total ang nabakunahan sa mga BuCor facilities? At ilang porsiyento po ang target sana na mabakunahan?

BUCOR ASEC. CHACLAG: Ma’am, dito naman po sa vaccination drive natin, nagpapasalamat tayo sa national government na isinama po ang mga PDL under the supervision of the Bureau of Corrections. So nagbigay po actually ang vaccination center natin ng 30,000 doses para doon sa 15,000 na hindi pa nababakunahan. At ito po ay na-course through nila sa LGU na kung saan sumasakop sa mga prison camps natin.

Sa ngayon po, 77% na po na bakunado ang ating mga PDL. Mas mataas pa nga ang rate ng vaccination nila kaysa sa aming mga personnel. At marami pong mga prison camps naman na 98%, 97% po sila vaccinated katulad ng CIW sa Leyte, sa Iwahig at dito sa medium security compound and minimum security compound ng Bilibid Prison. Ang problema lang po natin ay dito sa maximum security compound dahil talaga pong marami naman ang mga PDL natin dito at it takes time to vaccinate all of them.

Pero tuluy-tuloy po ang ating vaccination program, Usec. Rocky. Nandiyan na po iyong vaccine, ibinigay po sa atin ng national government.

USEC. IGNACIO: Opo. ASec., since sabi ninyo nga marami ang nababakunahan na, ano po, papayagan ninyo po ba ulit ang harapang dalaw sa mga preso lalo po ngayong magpa-Pasko?

BUCOR ASEC. CHACLAG: Sa ngayon po, sa guidance siguro ng IATF, doon tayo mag-base ng ating informed decision. Kung ano po ang sasabihin nila dahil may umuusbong na bago na namang variant ay tatalima po tayo.

Noong bago pa iyong news about this new [COVID variant, umaasa] tayo na payagan sana ang face-to-face visits. Pero sa ngayon, we will wait and see muna dahil alam ninyo po, Usec. Rocky, zero cases tayo ngayon dito sa New Bilibid Prison and BuCor-wide. Wala pong PDL na may COVID-19 case ngayon. Ang mayroon lang ay dalawang personnel na naman ang positive pero hindi naman po sila serious; moderate ang kanilang symptoms. At hopefully ay gumaling ulit sila kasi iyong dalawa last week ay gumaling na po, pero mayroon na namang pong dalawang case ngayon at iyon lamang po ang ating minu-monitor. Sa mga PDL po, wala po silang mga COVID-19 cases ngayon sa mga prison camps ng Bureau of Corrections.

USEC. IGNACIO: Okay. Kami po ay nagpapasalamat sa inyong panahon, ASec. Nakausap po natin si Assistance Secretary Gabriel Chaclag, ang tagapagsalita ng Bureau of Corrections.

BUCOR ASEC. CHACLAG: Walang anuman po, Ma’am Rocky, at mabuhay po kayo. Mabuhay po ang Pilipinas.

USEC. IGNACIO: Samantala, libu-libong mga residente naman sa Davao City na mula sa LGBT community ang personal na hinatiran ng ayuda ni Senator Bong Go. Narito po ang report:

[NEWS REPORT]

USEC. IGNACIO: Layunin po ng GSIS na matulungan hindi lamang po mga miyembro nito kung hindi maging ang mga kaanak o direct dependents ng GSIS members kaya isa pang programa ang inilatag ng ahensiya para sa kanila, iyan po ay sa pamamagitan ng GSIS Computer Loan.

Alamin natin kung ano iyan mula kay Ginoong Igmidio “Junjie” Ponay Jr. mula po sa GSIS Dumaguete. Good morning po sa inyo!

GSIS DUMAGUETE BRANCH MANAGER PONAY: Good morning po, USec. Rocky at sa lahat ng viewers ng PTV 4 at isang maginhawang araw sa lahat ng GSIS members and pensioners.

USEC. IGNACIO: Naku, napakaganda ng pagbati po ninyo! Pero paki-explain lang po, ano daw po iyong GSIS Computer Loan para dito sa mga gusto na talagang mag-apply agad?

GSIS DUMAGUETE BRANCH MANAGER PONAY: Tama po. Ang Computer Loan ay inilunsad ng GSIS para makatulong sa lahat ng naka-work from home- na GSIS pensioners pati natin ang nasa remote learning sa kanilang mga anak.

USEC. IGNACIO: Opo. Pero ano po iyong maximum amount na puwede pong ma-avail dito daw po sa GSIS Computer Loan?

GSIS DUMAGUETE BRANCH MANAGER PONAY: Ang GSIS Computer Loan ay may halagang P30,000 payable in three years. Sa UMID o e-card account ng member-borrower iki-credit ang loan proceeds; ang amortization nito kada buwan ay 983.33 lamang.

USEC. IGNACIO: Opo. So, talagang medyo magaan-gaan sa bulsa ng ating miyembro at kaanak ano po. Pero magkano po iyong interest rate ng GSIS Computer Loan?

GSIS DUMAGUETE BRANCH MANAGER PONAY: Well, ang interest rate ng GSIS Computer Loan ay 6% per annum lamang.

USEC. IGNACIO: Opo. At sino daw po iyong puwedeng mag-avail ng GSIS Computer Loan?

GSIS DUMAGUETE BRANCH MANAGER PONAY: Qualified and active permanent members na mayroong at least three months of premiums; hindi naka-leave of absence without pay (LWOP); walang pending administrative o criminal case; walang arrears under the GSIS Financial Assistance Loan (GFAL); walang past due GSIS loan except housing loan; at ang net home pay ay not lower than P5,000 as stated under the General Appropriations Act matapos kaltasin ang lahat ng monthly obligations.

USEC. IGNACIO: Opo. At paano po makakapag-apply ng GSIS Computer Loan?

GSIS DUMAGUETE BRANCH MANAGER PONAY: Maaaring mag-apply sa over the counter; through drop boxes in GSIS offices nationwide; puwede sa online using eGSISMO; puwede ring sa email to the handling branch; puwede through the GW@PS Kiosk; at puwede ring using GSIS Touch which is a mobile application and available very soon.

USEC. IGNACIO: Opo. At kung may katanungan po, nais na karagdagang impormasyon, ano daw po iyong puwede nilang gawin?

GSIS DUMAGUETE BRANCH MANAGER PONAY: Ito ay maaaring bisitahin ang www.gsis.gov.ph o GSIS Facebook page; mag-email sa [email protected]; o tumawag sa 8847-4747 for Metro Manila o 1-800-88474747 para sa Globe at TM subscribers at 1-800-10847474t para sa Smart, Sun at Talk N’ Text subscribers.

USEC. IGNACIO: Okay. Kami po ay nagpapasalamat sa inyong impormasyon. Nakausap po natin si Ginoong Igmidio Ponay Jr. mula po sa GSIS Dumaguete. Salamat po, sir!

GSIS DUMAGUETE BRANCH MANAGER PONAY: Salamat, USec. Rocky. At magandang ginhawa sa inyong lahat.

USEC. IGNACIO: Salamat po. Samantala, dumako na tayo sa mga balitang nakalap ng Philippine Broadcasting, ihahatid iyan ni John Mogol mula a PBS-Radyo Pilipinas.

[NEWS REPORT]

USEC. IGNACIO: Maraming salamat sa iyo, John Mogol ng PBS-Radyo Pilipinas.

Samantala, alamin naman natin ang sitwasyon sa Hilagang Luzon may report si Debbie Gasingan ng PTV-Cordillera.

[NEWS REPORT]

USEC. IGNACIO: Samantala, good news para sa mga residente ng Davao City. Naitayo na kasi sa lungsod ang kauna-unahang 24/7 COVID-19 Cluster Clinic. Ang buong detalye sa report ni Hannah Salcedo.

[NEWS REPORT]

USEC. IGNACIO: Maraming salamat po sa ating mga partner agency para sa kanilang suporta sa ating programa at maging ang Kapisanan ng mga Brodkaster ng Pilipinas (KBP).

At diyan na po nagtatapos ang ating programa sa araw na ito. Palagi po naming paalala na ang mask, hugas at iwas at siyempre po, bakuna para po hindi maunsiyami ang masaya nating holiday season lalo na at 19 days pa lamang Pasko na.

Ako po ang inyong lingkod, Usec. Rocky Ignacio. Hanggang bukas po muli dito sa Public Briefing #LagingHanda PH.

 

###

—

SOURCE: PCOO-NIB (News and Information Bureau-Data Processing Center)