USEC. IGNACIO: Magandang umaga, Pilipinas. Ako po si Usec. Rocky Ignacio. Ngayong araw ng Huwebes, lagay ng commercial flights ngayong may banta na naman ng Omicron variant, sitwasyon sa ilang mga bayang nakapagtala ng zero COVID case at programa ng pamahalaan para sa mga balikbayan ang ating pag-uusapan kasama ang mga panauhin na magbibigay-linaw sa mga tanong ng bayan kaya simulan na po natin ang isang oras na talakayan dito sa Public Briefing #LagingHandaPH.
Inaasahang malaking bawas sa iniindang gastusing medikal ng ilan nating kababayan ang pag-apruba ng Executive Order 155. Sa ilalim kasi ng nasabing EO, bababa ang presyo ng ilang mga gamot gaya sa sakit na diabetes, hypertension at maging sa cancer. Panoorin po natin ito:
[VTR]
USEC. IGNACIO: Ngayong naghihigpit na naman ang mga bansa dahil sa Omicron variant, paano nga ba ito nakakaapekto sa operasyon ng mga airline companies, para pag-usapan ang sitwasyon ng kanilang operasyon, makakasama po natin si Ms. Cielo Villaluna ng Philippine Airlines. Good morning. Welcome po sa Laging Handa.
PAL SPOKESPERSON VILLALUNA: Magandang umaga sa’yo, Usec. Rocky, at sa lahat ng mga tagapakinig ng inyong programang Laging Handa over PTV 4. Good morning.
USEC. IGNACIO: Good morning, Ms. Cielo. Base po sa obserbasyon ninyo, kumusta po iyong dating at pag-alis ng mga pasahero nitong mga nakaraang linggo mula po nang magpatupad ng travel ban ang Pilipinas at iba pang bansa? Marami po bang nag-cancel ng flights at hindi na lang tumuloy dahil na rin sa isyu sa protocols?
PAL SPOKESPERSON VILLALUNA: All right, Usec. Rocky, sa kasalukuyan ay wala pa pong impact itong bantang Omicron ‘no, hindi pa nakapasok sa ating bansa at wala itong naging significant effect sa mga flights na patungo ng Pilipinas at sa mga flights na palabas ng Pilipinas via Philippine Airlines. In fact, sa flights po namin parating ng Pilipinas, ang dami ng ating mga pasahero out of the 4,000 passengers arrival cap, we carry over 1,000 passengers a day. In fact, umaabot ito more than 1,200 with a passenger load factor of 75%, okay, kada lipad. Sa ating mga flights palabas ng Pilipinas, mayroon po tayong 70% on average passenger load factor; so ito ay magandang mga numero.
Pagdating sa domestic sector, makikita po natin na may travel surge sa iilang lugar, at dahil po dito, effective December 10 ay mag-i-increase po tayo ng flights between Manila and Iloilo to 14 flights a week from the current nine flights weekly; effective December 16, between Manila and Bacolod from seven flights to 14 flights weekly; magkakaroon po tayo ng flights between Manila and Basco, Batanes for December 4 flights; between Manila and Gensan, six to seven flights weekly; between Manila and Davao, and Davao and Tagbilaran—Manila and Tagbilaran, and Davao and Tagbilaran 14 flights weekly.
Naku, napakahaba, Usec. Rocky, ng ating listahan. Sa madaling salita, walang impact po itong banta ng variant na ito sapagka’t hindi po pumapasok sa Pilipinas at nariyan iyong urge na mag-reunite with their families, ika nga, iyong ating mga balikbayan, iyong ating mga… you know, compatriots na nakatira sa iba’t ibang bansa, gustung-gusto nilang umuwi ng Pilipinas; so iyon po ang ating report to the nation.
USEC. IGNACIO: Opo. Ms. Cielo, pero ilang linggo bago mag-Pasko, gaano karami iyong pasahero na inaasahan nating darating sa bansa base sa bookings na ginawa sa inyong kumpaniya?
PAL SPOKESPERSON VILLALUNA: Okay, wala pa po tayong numero. Pero kung titingnan po natin ang mga forward bookings, ang passenger load factor natin sa bawat flight, sinabi ko 70% passenger load factor on average. This may further increase to 75% or even more because wala pong significant cancellations or passengers cancelling out.
Pagdating naman sa ating mga domestic destinations, iyong mga uuwi naman from Manila patungo sa kani-kanilang probinsiya, we are expecting full load flights; maaaring umabot po ng beyond 80% ‘no. So not only that, Rocky, iyong mga nagbabakasyon ngayong Pasko, lalo na leading up to Christmas, nag-increase din po tayo ng flights papuntang Boracay. We have—to Caticlan which is a gateway to Boracay, mayroon na po tayong 33 flights a week. So iyon ang ating update, Rocky.
USEC. IGNACIO: Opo. Pero pagdating sa domestic o international flights, ramdam ninyo ba iyong tinatawag na “revenge travelers” o iyong mga tumutuloy pa rin sa biyahe kahit na may banta pa rin ng COVID? Ganito ba ang trend ngayon?
PAL SPOKESPERSON VILLALUNA: Iyong revenge travel na sinasabi mo, Rocky, para ito sa mga leisure destinations sa ating bansa kagaya ng sinabi ko, iyong gateway to Boracay which is Caticlan, mayroon na po tayong 33 flights a week. Tapos nakikita po natin, nag-i-increase din iyong ating flights between Manila and Panglao. So from—mayroon tayong 14 flights between Manila and Tagbilaran, and Davao to Tagbilaran, so papunta iyan sa Panglao, sa mga resorts because it is a leisure destination; and from Cebu, nag-increase din po tayo to eight flights weekly; to Davao, 28 flights weekly.
So iyan ang revenge travel, hindi lamang sa mga domestic destinations pero para rin sa mga returning residents ng iba’t ibang probinsiya na hindi natuloy ang mga biyahe at naantala dahil sa alert levels. Pero ngayon na bumababa na iyong alert level, nararamdaman po natin iyong revenge travel from both sectors – the leisure travelers and the returning residents.
USEC. IGNACIO: Okay. Ms. Cielo, may tanong mula kay … sa mga kaibigan natin sa media. Tanong mula kay Jopel Pelenio ng DWIZ: May mga insidente pa rin po ba sa mga paliparan na iyong mga pasahero ay naiwan ng eroplano o kanilang flights dahil lamang sa kabagalan ng ilang LGU na mag-isyu S-PaSS?
PAL SPOKESPERSON VILLALUNA: Naku, masakit mang aminin, yes, nangyari iyan. Kaya iyong mga required S-PaSS which unfortunately, ang processing ay 24 hours before the flight, may mga instances, Usec. Rocky, na 30 minutes before take off doon pa lang lalabas iyong S-PaSS. Kaya ang ginagawa ng frontliners ng Philippine Airlines, tumutulong po sila sa pag-follow up sa LGU. Nari-release naman iyong S-PaSS, so ang ginagawa po natin, we accommodate the passenger on the next available flights on the same day; so iyon po iyong nangyayari.
But this is a work in progress ‘no. We are hoping doon sa mga LGUs that they are improving their system para ma-expedite iyong release at hindi magkaroon ng nerbiyos at agam-agam sa panig ng mga pasahero.
USEC. IGNACIO: Opo. Sunod na tanong ni Jopel Pelenio: May mga parusa po bang maaaring ipataw sa mga LGU gaya ng Dumaguete City sa Negros Oriental na dahil daw po sa bagal ng kanilang mga staff na mag-isyu ng S-PaSS kaya naiwanan ng kanilang flight ang ilang PAL passengers na iyong iba sa mga pasahero ay pawang senior citizen pa raw po?
PAL SPOKESPERSON VILLALUNA: All right, siguro administratively, iyong hurisdiksyon hinggil diyan ay nasa DILG at nasa regional IATF. Alam po nila iyong problema and to our understanding, gumagawa sila ng paraan para hindi mangyari iyong ganitong mga inconvenience sa mga pasahero.
USEC. IGNACIO: Opo. Magbibigay po ba ng refund ang PAL sa mga naiwang pasaherong ito or maaari po ba na gawing for free ang kanilang pagpapa-reschedule daw ng flight?
PAL SPOX VILLALUNA: Okay. Itong mga pangyayaring ito, ang tawag dito force majeure, meaning to say, hindi siya nakasama sa flight hindi dahil kasalanan ng pasahero. Kapag force majeure, binibigyan po iyan ng mga privileges. Halimbawa, kung mag-rebook, libre po iyong rebooking because hindi naman kasalanan ng pasahero. So, iyon po, may mga options na maaaring ibigay sa ating mga pasahero – rebooking, refund o rerouting.
USEC. IGNACIO: Opo. Pero masasabi ninyo po bang hindi na ganoon kalaki iyong posibleng epekto nga ng Omicron variant sakaling ma-detect naman daw ito sa bansa sa magiging operasyon ninyo dahil nga po marami ang bakunado at nakakapag-adjust na rin ang mga pasahero at mga airlines?
PAL SPOX VILLALUNA: Alam mo, masasabi po natin may readiness na ang ating bansa. Iyong IATF in coordination with the aviation stakeholders, they are working together para gumawa ng mga hakbang, gumawa ng mga revision sa mga protocols kung kinakailangan, kung may pumasok na variant then there will be an additional adjustment. Naniniwala po tayo na iyong existing protocols in terms of quarantine, testing and arrival procedures ay bastante (enough) and are strong enough to ward-off the variant. So, kami naman po, we cascade to all our passengers na kinakailangan po ito.
Napakahalaga po ng mga measures na ginagawa from the foreign point of origin bago lumipad ng Pilipinas. Ito iyong negative RT-PCR test results whether you are vaccinated or not. Ang mahalaga dapat RT-PCR tested ka that you took three days before the flight bago ka tumungo ng Maynila regardless of your vaccination status. Kung wala kang RT-PCR test, hindi ka makakasakay ng flight.
So, iyon po, self-regulation iyong ating mga pasahero. It’s not enough na nariyan po iyong mga revisions at announcement ng IATF, ng mga airline companies. Dapat po talagang i-monitor, alamin ng mga pasahero bago sila lumipad kung anu-ano ang mga pangangailangan para hindi po maantala ang kanilang mga lipad.
USEC. IGNACIO: Oo. Ms. Cielo, kasi kaugnay niyan may tanong si Evelyn Quiroz ng Pilipino Mirror: Airline officials have said that the risk of catching COVID-19 inside the aircraft was extremely low. Is there any study to support this contention?
PAL SPOX VILLALUNA: Pre-pandemic, Usec. Rocky, ang mga airlines with modern aircraft, mayroon na pong in-install na tinatawag na high-efficiency particulate air filters, ito po iyong HEPA filters.
This is tested by the experts na ito ay capable of disinfecting cabin air of bacteria and viruses including the COVID-19 virus with 99.9% efficacy. So, itong HEPA filtration system ay naka-install sa aming mga eroplano.
And on top of that, iyong mga cabin crew po namin naka-PPEs and of course mayroon tayong disinfection of aircraft services procedures before and after every flight.
USEC. IGNACIO: Okay. Pagdating po daw sa workforce ninyo, may mga na-lay-off po ba kayong employees noon pero na-rehire para tumulong sa operations ninyo?
PAL SPOX VILLALUNA: So far, ang mga naiwan na mga empleyado ay bastante sa demands ng aming operational requirements, Usec. Rocky. Kung darating ang panahon na kinakailangan ng additional manpower, we will cross the bridge when we get there.
Just a case in point ‘no, mayroon po tayong 1,700 plus cabin crew frontliners. Hindi po sila lahat utilized for duty because of still limited flights, so mga 1,30o po ang rostered for line duty. So, itong rostering of cabin crew, we hope to increase the number as the flights increase two times.
So, we will make an announcement. For now, ang ginagawa po namin iyong mga cabin crew, we are increasing their flight assignments para maging 1,350 ang rostered crew for line duty. So, mayroon pa pong balanse between the 1,700 and the 1,350. Either they are on the ‘L’ – maternity leave, paternity leave, leave without pay, so, maraming dahilan. So, hindi pa namin kailangan mag-rehire as of the moment.
USEC. IGNACIO: Okay. Ms. Cielo, sa ngayon kumpara doon sa pre-pandemic situation, kumusta na iyong flight operations ng PAL? Kayo po ba ay nasa critical stage pa rin o masasabi nating nakakahinga-hinga na mula sa epekto ng lockdowns?
PAL SPOX VILLALUNA: Well, mayroon ng signs of recovery. Kung titingnan po natin pre-pandemic, ang Philippine Airlines nag-o-operate po tayo ng 300 flights daily. Kapag sinabi nating 300 flights daily on average, ito po iyong dami ng flight leg papalabas sa aming mga hubs at papasok ng aming mga hubs both international and domestic flights kada araw.
Ngayon, Usec. Rocky, we are operating 120 flights on average daily. So, kung ihahalintulad iyong mga numero, 40% po ito ng pre-pandemic level. So, we are hoping and praying that the situation will remain the same and even improve through time. Iyon po ang aming aspiration.
USEC. IGNACIO: Okay. Kami po ay nagpapasalamat sa inyong panahon at siyempre sa pagbibigay impormasyon, Ms. Cielo Villaluna, ang tagapagsalita ng Philippine Airlines. Salamat.
PAL SPOX VILLALUNA: Maraming salamat! Maraming salamat sa inyo. Good morning!
USEC. IGNACIO: Samantala, ipinagdiriwang po ng probinsiya ng Batangas ang kanilang ika-440th founding anniversary kahapon sa ginanap na Dangal Batangas Awards. Kabilang ang adopted son ng CALABARZON na si Senator Bong Go sa mga kinilala para sa naging kontribusyon nito sa probinsiya. Narito ang report:
[NEWS REPORT]
USEC. IGNACIO: Pababa po nang pababa ang bilang ng mga naitatalang kaso ng COVID-19 kada araw. Kasabay po niyan, ilang mga bayan na rin ang nakakapagtala ng zero COVID cases kabilang na po ang ilang lugar sa Pampanga. Para kumustahin ang bumubuting sitwasyon doon, makakausap po natin si Dr. Zenon Ponce ng Pampanga Provincial Health Office. Magandang umaga po, Doc!
PAMPANGA PHO DR. PONCE: Magandang umaga rin po! Magandang umaga po buong Pilipinas. Mabuhay po tayong lahat!
USEC. IGNACIO: Opo. Doc, balita po namin talagang gumaganda ang sitwasyon sa ilang bayan diyan sa Pampanga. As we speak po, ilan na po iyong nananatiling active cases at ilang bayan na rin po iyong itinuturing nating talagang zero COVID case na?
PAMPANGA PHO DR. PONCE: Halos lahat po ng bayan. Kakaunti na lang po ang nagkakaroon ng positive mula po noong December 3. Noong December 3 po, isang tao lang sa City of San Fernando; December 5, wala pong nagkaroon ng positive, zero lahat po ng bayan pati po mga cities dito sa Pampanga; December 6, isa na lang po sa may Guagua; December 7, isang ang po sa San Luis; December 8, kahapon po, dalawa lang po – isa sa Arayat at saka sa Mexico.
Halos ito pong nagpa-positive kung minsan nagtatrabaho po sa ibang lugar po – sa Maynila po pero mga mild lang naman po sila, hindi naman po kailangan ma-hospitalize – on quarantine lang po. Kaya po iyong mga ospital po natin ngayon dito sa Pampanga including sa mga government po pati iyong mga private hospital halos wala na po silang COVID patient.
USEC. IGNACIO: Opo. Pero ibig sabihin po ba nito maluwag na talaga iyong mga ospital sa probinsiya or tumutulong o nagki-cater rin po kayo ng mga pasyente mula po doon sa mga karatig lalawigan?
DR. PONCE: Wala na pong pumupunta mula—hindi po katulad ng dati noong nagkaroon tayo ng surge, may mga ibang pasyente po galing ng ibang probinsiya, galing po ng Metro Manila – pero sa ngayon po, wala nang pumupunta dito po. Halos zero na rin po, lahat po ng private hospital… [unclear] po, ‘ayun pakonti-konti na lang po. Lahat ng district hospital wala na pong mina-manage na COVID po ngayon. Hindi katulad din po dati pati lahat ng district hospital ay naatasan na mag-manage po ng moderate COVID patient po noong nagkaroon po ng surge.
USEC. IGNACIO: Opo. Pero, Doc, ito iyong mahalagang tanong: Paano ninyo po balak panatilihin at talagang i-zero COVID case ang buong Pampanga? Paano po naghihigpit ang LGU lalo’t baka naman po maging complacent ang ilan nating mga kababayan at makalimot po sa protocols?
DR. PONCE: Ah iyon nga po, palagi namin pong paalala iyong pupunta sa vaccination sites, iyong mga hindi pa po nabakunahan. Pero at least mga 85% na po ang nakatanggap ng first dose, ang fully vaccinated po nasa 65% na po kaya malapit na po tayo sa herd immunity and ngayon po almost every day po vaccination day dito – Monday to Friday po. Nagha-house-to-house na rin po iyong ibang barangay, nagma-mopping na po sila kung sino unvaccinated, kung puwede na po silang mabakunahan, binabakunahan na po – ninu-notify na po sila.
Tapos siyempre po palagi pong paalala sa ating mga kababayan dito sa Pampanga, hindi lang po dito sa Pampanga iyong pag-practice of culture pa rin po ng minimum health protocols kahit na fully vaccinated po sila. Kaya tulad nga po iyong mga malls at saka iyong mga restaurant po, ang advice po ay at least 50% ang puwedeng capacity sa kanila at saka kahit po—iyon nga po, kailangan itsi-check iyong puwedeng papasok lang po sa kanila – kung fully vaccinated na po – lalo na iyong mga bata ‘pag hindi po fully vaccinated, kailangan po talaga i-observe nila iyong minimum health protocols.
Gayun din po, lagi naming ina-advice sa lahat po ng mga kababayan namin sa Pampanga, magpabakuna po at kung may konting nararamdaman po, magpa-checkup po kaagad sa pinakamalapit na pong mga hospital po, pagamutan po.
USEC. IGNACIO: Opo. Nabanggit ninyo nga po ay 64% na po iyong bakunado diyan sa buong Pampanga. Pero, kumusta naman po iyong naging vaccination drive ninyo last week at kailan ninyo po target maabot ng LGU iyon pong target natin na COVID—na lahat po ay bakunado?
DR. PONCE: Sa palagay ko po bago po matapos ang buwan na ito, itong taon na 2021 ma-achieve na namin po ang herd immunity dito – more than 70% na po ng population. By next year po siguro almost 100% na po fully vaccinated na po kasi po nagha-house-to-house na po ngayon, nagma-mop na po kung sino iyong mga unvaccinated at puwede na pong mabakunahan po.
USEC. IGNACIO: Opo. May ilang mga lugar nga po ang nakapagtala ng vaccine wastage, diyan po sa Pampanga may naitala po ba kayong nasirang bakuna at ano po ang paraan ninyo para matiyak na secured po ang mga bakuna diyan?
DR. PONCE: Wala naman po. Wala po kaming naitala dito, nakitang vaccine wastage po – pagkaalam po namin malapit nang ma-expire po. Iyong una po, tinutulungan po namin papaano maubos po kaagad bago ma-expire po iyong mga bakuna po. Palagi po kaming mga QSL po, Quick Substitution List po, kahit dalawang doses lang po, maghahanap kami ng puwedeng mabakunahan po na eligible na po.
USEC. IGNACIO: Opo. Eh pagdating naman po sa booster shots, paano po ang sistema sa mga vaccination hubs para po maiwasan iyong magkalituhan ano po? Sapat din po ba ‘yung inyong workforce o manpower para ma-accommodate lalo na iyong mga nagwu-walk-in?
DR. PONCE: Ay, opo. Marami naman po kaming volunteers tulad po noong mga school of nursing po, mga iba-ibang society po – Pampanga Medical Society, Pampanga Pediatric Society po. Marami naman pong nagbu-volunteer at tumutulong po sa amin, iyong mga PNP po, mga vaccinators po nila tumutulong din po. At saka marami pong kinuhang ano iyong mga LGU po, mga vaccinator; ganoon din po ang DOH, maraming pinadala pong encoder, vaccination team po. May mga retired nurses po, nagbu-volunteer din po sila.
USEC. IGNACIO: Opo. Doc, magkakaroon po ulit ng another round ng vaccination drive next week, paano ninyo na po ito pinaghahandaan?
DR. PONCE: Ngayong kasalukuyan nga po nagmi-meeting po ang Provincial Government of Pampanga para paghandaan po iyong second or part 2 po ng National Vaccination Day. Ngayon po gagawin po namin sa Robinsons Starmill po uli ang aming nais na vaccination day, mega vaccination site po ng Pampanga at magkakaroon din kami ng drive-thru sa likuran po ng Robinsons Starmill dito sa Pampanga po. Ngayon kasalukuyan nga po, we are doing a meeting po para sa plano po naming vaccination po.
USEC. IGNACIO: Opo. Doc, kung patuloy na bababa iyong cases sa probinsiya, kinu-consider ninyo po ba na i-request na ibaba na sa Alert Level 1 ang Pampanga?
DR. PONCE: Iku-coordinate po namin siyempre sa IATF po ng Pampanga, siyempre sa ano po namin ng governor, iyong ibang members po ng IATF sa ibang mga LGU po with the coordination/cooperation po ng mga mayor, idi-discuss po natin iyan.
USEC. IGNACIO: Opo. Kami po ay nagpapasalamat sa inyong oras, Dr. Zenon Ponce. Mabuhay po kayo, Doc!
DR. PONCE: Maraming salamat po uli sa inyo. Mabuhay po tayong lahat! Stay safe and God bless po tayong lahat. Sana po tuluy-tuloy na po ang pagkawala o pagputol po ng transmission ng COVID-19 na po para makabalik na po iyong dating sigla ng ekonomiya ng buong bansa po.
USEC. IGNACIO: Maraming salamat po, Doc. Ponce.
Samantala, narito naman po ang pinakahuling datos ng COVID-19 cases sa Pilipinas. Base sa report ng DOH as of December 8, 2021:
Nadagdagan po ng 370 na mga bagong kaso ng COVID kaya umabot na ito sa kabuuang bilang na 2,835,593.
171 naman po ang mga naitalang pumanaw sa sakit kaya umakyat na sa 49,761 ang total death tally.
Samantala 2,773,322 ang lahat ng mga gumaling sa virus matapos po itong madagdagan ng 861 new recoveries.
Patuloy din po ang pagbaba ng active cases natin na ngayon po ay nasa 12,510 na lamang – 0.4% na lamang po iyan sa kabuuang bilang.
At para po sa mga uuwing OFWs, kayo po ba ay nangangamba dahil walang sapat na ipon sa pag-uwi ng bansa? Huwag po kayong mag-alala dahil may alok na programa ang OWWA na maaari ninyong mapakinabangan, iyan po ang ating aalamin kasama si Attorney Hans Leo Cacdac, ang ating OWWA Administrator. Good morning po, Attorney.
OWWA ADMINISTRATOR CACDAC: Good morning, Usec. At sa inyong mga tagapakinig/tagapanood, magandang umaga rin po.
USEC. IGNACIO: Opo. Bigyan ninyo kami ng magandang balita ninyo po kasi ngayon pong buwan ng Disyembre, atin pong binibigyang-pugay ang makabuluhang kontribyusyon ng ating mga kababayang OFWs; mayroon po ba tayong mga aktibidad na nilaan para sa taunang pagdiriwang na ito?
OWWA ADMINISTRATOR CACDAC: Oo. Siyempre unang-una iyong nationwide na pagdaraos natin ng OFW Family Day. In fact nanggaling lang ako sa first section ng NCR-OWWA o OWWA-NCR Family Day. So I just came from their Family Day celebration, unfortunately ito ay video conferencing facility pa rin kasi medyo kinabahan tayo sa banta ng Omicron. Usually ito iyong ano eh, malaking gathering ito sa mga malalaking venues within Metro Manila but we’re relegated to video conferencing, usually mayroong mga games and katuwaan and pa-raffle. So ngayon it will be done through video conferencing facility. So, one is iyon pagdaraos ng Family Day. Mamaya nandiyan naman ako sa OWWA [unclear] celebration through video conferencing also.
Pangalawa, iyong ating OFW Salubong sa airport. This will happen on the third—until New Year na po iyan kasi ang concept niyan ay ‘OFW Salubong’ sa airport at ‘OFW Salubong sa Bagong Taon,’ ‘yan… iyan ang idea niyan. So there will be goodies and cash prizes, cash gift in store for our returning OFWs in the 2-3 week span na sila’y nanunumbalik and then of course patuloy iyong ating pagbibigay ng mga—Iyong repatriation effort kahapon ay nagkaroon lang kami ng meeting with one of the major airlines at iyon nga, iyong repatriation effort natin – there will at least be 5 repatriation flights from Saudi Arabia alone. We talked about Saudi yesterday and we always emphasize the point ayon sa utos ni Secretary Bello na hangga’t maaari makauwi before December 25 iyong mga kababayan nating stranded sa ibang lugar.
So this is a good news, especially para sa mga Saudi OFWs. Kaya at least 5 Saudi repatriation flights, mass repatriation, government sponsored flights ‘no, ayon din sa utos ng ating mahal na Pangulo, that will be conducted or undertaken this month of December alone. Then, nandiyan pa rin iyong mga bayanihan flights, iyong commercial flights natin for returning OFWs. Of course tuloy iyong food transport, hotel quarantine services, it’s 820,000 at the beginning of today at patuloy iyong ating, iyong ipinag-utos ng ating mahal na Pangulo na gawin ang lahat para maging smooth and safe ang return ng OFWs natin.
Lastly, patuloy pa rin ang ating mga OWWA benefit, hindi po nagtatapos sa food transport, paghatid sa kanila sa kanilang home LGUs, nandidiyan na iyong ating livelihood, scholarship, and medical assistance to be provided. So, nakahanay po lahat iyan sa kani-kanilang ngayong month ng December.
USEC. IGNACIO: Opo. Attorney Hans, sa usapin nga po ng repatriation, gaano na po karaming OFWs itong naapektuhan ang kabuhayan dahil sa pandemya ang atin pong napauwi sa kani-kanilang home regions at gaano rin po karami iyong inaasahan natin na magbabalik bansa lalo’t papalapit na po iyong Kapaskuhan?
OWWA ADMINISTRATOR CACDAC: Yes, it is around 820,000 already at the beginning of today, approaching the 900,000 – 1 million mark ‘no. Hopefully, by the 3rd – 4th quarter ay aabot na doon. And for this Christmas umaasa tayo, Usec., ng 80 to 100,000 on December alone – 80 to 100,000. So, nakaabang tayo and of course nandidiyan na rin iyong mga nakaabang na quarantine protocols dahil sa banta ng Omicron na ipinasa lamang ng IATF.
USEC. IGNACIO: Opo. Iyan nga po pagdating naman sa quarantine protocols. Ano na ba iyong umiiral daw po na mga panuntunan para sa mga papauwing OFWs? Mayroon na rin po ba kayong datos kung gaano karaming OFWs ang stranded ngayon mula sa iba’t ibang destination countries dahil sa muling paghihigpit po ng kani-kanilang borders para po mapigilan ang pagpasok ng Omicron variant?
OWWA ADMINISTRATOR CACDAC: Well, ang datos na nasa sa akin ngayon, in line with what are reported kanina sa Saudi ‘no. So, mayroong tinatayang mga 2 to 3,000 na OFWs sa Saudi na kailangan pa rin ng tulong, matagal na silang stranded doon. So, iyon nga nagsasaayos na mga 5 repatriation flights along those lines. So, mga 2 to 3,000 ang inaasahan natin na tutulungan nating makauwi from Saudi. On average siguro sa ibang bansa, halimbawa iyong bansang UAE ay mga 1 to 2,000 mas kaunti kaysa sa Saudi. So, hindi naman sila ganoon karami, Usec, in terms iyong mismong nangangailangan ng direktang tulong na makauwi, libre pamasahe pauwi.
But, mas marami pa rin iyong basta’t payagan lamang na makalipad iyong eroplano nila, they’re willing to pay for plane ticket lalo na iyong magbabakasyon lamang na mga OFWs, mayroon na silang trabaho sa abroad. So, mas marami ngayon iyong ganoong klase. Fortunately rin kasi ibig sabihin na patuloy na rin iyong trabaho ng mga OFWs natin abroad at nagbabakasyon na lamang dito at doon i-spend pauwi sa ating mahal na bayan.
USEC. IGNACIO: Opo. Mapunta naman tayo sa inyong mga programa para sa ating mga OFWs. Attorney Hans, kumusta po iyong implementasyon ng mga ito at gaano na daw po karami ang ating natulungan mula po sa higit 800,000 na bilang ng ating na-repatriate na mga OFWs at ano din mga hakbang ang ginagawa po ng inyong ahensiya para ito ay mabilis pong maibigay o ma-avail ng ating mga kababayang OFWs?
OWWA ADMINISTRATOR CACDAC: Aba’y, nakausap ko iyong mga fellow government official noong isang araw at iyon nga kinukuwenta namin iyong tulong na naibigay sa mga OFWs on the OWWA side ay ganito ang breakdown ano, sasabihin ko iyong sumatotal mamaya.
Mga, doon sa programa ng DOLE-AKAP ni Secretary Bello, mga 540,000 ang natulungan doon and iyong mga nabigyan ng P10,000 each ‘no, mayroon lang tayong hinihintay na pondo sa Congress, at sa aming lubos na pagkatuwa ay effective January 1 dahil sa pagpasok ng 2022 budget magpapatuloy na naman ang ating distribution ng DOLE-AKAP. Kaya, tuwang-tuwa kami sa direktiba ni Secretary Bello kamakailan lamang, noong isang linggo nagpulong kami sa DOLE on that 540,000 and then mayroon tayo, USec., iyong mga scholars.
Napakagandang balita sa mga collegiate level scholar ng OWWA at sa pamamagitan din ng programa ng DOLE at CHED at before the pandemic 10,000 ang bagong collegiate level scholars natin per year. But with this pandemic, iyong 2020, 2021 kusa talagang binigyang-diin ni Pangulong Duterte, Secretary Bello at ng OWWA Board of Trustees, natulungan ang mga anak ng mga OFWs.
Dumoble! Dumoble noong 2020 naging 20,000 ang new collegiate level scholars natin na anak ng OFW at nang 2021, pumalo ng 50,000. So, 5 times higher than the annual average pre-COVID era itong mga bagong collegiate level scholars natin – higit kumulang mga halos 100,000. Eighty thousand (80,000) new scholars tayo dito sa pandemya.
Tapos mayroon tayong mga 60,000 na nabigyan ng pangkabuhayan kasi hindi naman lahat ay bagay sa pangkabuhayan o interesado. So, we have 60,000 iyong livelihood scholars and then mayroon mga, ito pa, on top of it all mayroon tayong mga calamity assistance kasi hindi lang naman COVID ang assistance na dumaan sa atin. Mahigit 200,000 Usec., ang nabigyan natin ng tulong dahil iba’t ibang calamities tulad ng pagputok ng Taal, iyong mga bagyo na dumaan sa atin noong katapusan ng taon, may mga bagyo rin tayo this year.
So, mayroon tayong mga natutulungan na mga around 200,000 and then mayroon din tayong mga 15,000 na nabigyan ng COVID benefits kung idadagdag pa diyan, Usec., iyong 800,000 na inulat ko kanina ay aabot ng mga 2.2 to 2.3 million ang total of OFWs na natulungan natin mula noong nagsimula ang pandemic.
USEC. IGNACIO: Opo. Admin, medyo maiiba lang po ako ng tanong may padala pong tanong ang ating mga kasamahan sa media ano po. Tanong ni Evelyn Quiroz ng Pilipino Mirror: Can you updates us on the current status daw po of the investigation, if any, on OWWA Deputy Administrator Faustino Zabares III regarding the purchase of sanitary napkins and hygiene kits from a construction and trading company with a non-existing address and purchasing snack in a city different from OWWA location.
OWWA ADMINISTRATOR CACDAC: Okay. Nai-klaro na po natin iyan just a day after the COA posted the reports. There were two news media outfit that actually located on so called non-existing trading and supply firm. Itong trading supply firm na ito na nag-supply ng hygiene kit worth 900,000 pesos, P960,000 to be exact ay small and medium enterprise ‘no, at tinugunan na natin ito sa COA, nag-file na kami ng formal appeal last October kung saan ipinaliwanag natin na hindi naman tayo pinagbabawal na mag-avail ng small and medium enterprise para mag-supply ng hygiene kit.
In fact, mayroon pa nga tayong patakaran sa batas na kailangan nating tangkilikin o i-patronize itong mga small and medium enterprise na nahanap ng no less than 2 media outfit. In fact, they were widely covered sa kanilang news report, iyong 2 news media outfit na nagsabing hindi nila mahanap a day before ay nahanap din nila a day after at napagtanungan naman nila sa barangay at doon nila nalaman kung saan talaga naruroon.
So, existing po ito, itong firm na ito and of course naiulat na rin natin at kinasamaang-palad na yumao na si Deputy Administrator Zabares. He passed away due to COVID around September, first week of September. So, sa OWWA family and the Zabares family are still in grief. But the short answer to the question is nag-file na rin po tayo ng COA appeal at hinihintay na lang natin.
We are willing to sit down with the COA, open account book. Naisumite na natin, makapal iyong sinumite natin mga dokumento sa COA para suriin nila at we are also open to any other conference. Sinabi rin po natin iyan sa appeal natin na kung gusto nilang ipatawag kami, wiling na willing po kami sagutin lahat ng kanilang mga tanong pati doon sa pricing na sang-ayon, mas mababa pa sa suggested retail price iyong mga purchasing natin at iyong in the case of isang item na kinuwestiyon ng COA, iyong thermal scanners ay sang-ayon din po sa DOH price range iyong ating binili.
So, rest assured we are clarifying the matter through a formal appeal filed. We are just simply humbly awaiting COA action on the matter.
USEC. IGNACIO: Attorney Hans, may pahabol lang si Leila Salaverria ng Inquirer: By OWWA’s assessment, mas kakaunti ba o dadami ba ang uuwi ngayong December? Nakaapekto ba ang quarantine requirements and Omicron threat, ilan po ba ang umuwi sa December bago po mag-pandemic?
OWWA ADMINISTRATOR CACDAC: Well, ang tantiya namin ay hindi ganoon kalaki ang kaibahan noong pre-pandemic sa uuwi ngayong Pasko. Kasi nga sabi ko ay hindi na rin unusual na may umuuwi na magbabakasyon lamang. Kasi nag-resume na ang economic life abroad.
Pinalad akong isinama ni Sec. Bello sa isang komperensiya sa Dubai a month ago at namalas namin ni Sec. Bello na talagang nakita namin doon na talagang normal na halos ang buhay sa Dubai. Really the host country has made a tremendous effort in bringing back their economies to life. And so, that also means na iyong trabaho ng OFWs natin ay restored na rin sa pangkalahatan. Kaya’t ang puntong ito ay sinasabi ko, kasi ang ibig sabihin lang nito ay hindi na natin nakikita katulad noong 2020 na bumagsak talaga iyong numero noong umuwi.
Ngayon nakikita na natin more or less halos kahalintulad na ng levels natin… iyong 80 to 100,000 na iyan ay halos pa rin tulad ng levels ng pre-COVID pandemic.
USEC. IGNACIO: Opo. Atty. Hans kami po ay nagpapasalamat sa inyong panahon, Atty. Hans Leo Cacdac, OWWA Administrator. Stay safe po.
OWWA ADMINISTRATOR CACDAC: Salamat po, USec. Ipagdasal po natin ang isa’t isa.
USEC. IGNACIO: Ngayong araw ay pormal ng magtatapos ang unang round ng Bayanihan Bakunahan National Vaccination Drive ng pamahalaan, nasa Mandaluyong City si Mark Fetalco para sa saksihan ang seremonyang ito. Mark, may final numbers na bang inilabas ang DOH sa mga nabakunahan diyan?
[NEWS REPORT]
USEC. IGNACIO: Maraming salamat sa iyong report Mark Fetalco.
Kaniya-kaniyang paraan po ang ilan nating mga kababayan na apektado ang hanapbuhay mairaos lamang ang gastusin sa araw-araw. Patuloy din naman ang pagpapaabot ng suporta ng pamahalaan para sa kanilang mabilis na pagbangon. Narito ang report:
[NEWS REPORT]
USEC. IGNACIO: Para sa pinakahuling pangyayari sa iba pang mga lalawigan sa bansa. Puntahan natin si Merry Ann Bastasa ng PBs Radyo Pilipinas.
[NEWS REPORT]
USEC. IGNACIO: Maraming salamat sa iyo, Merry Ann Basta.
Upang makatulong sa mga kababayang hindi nakakabayad ng kanilang obligasyon dahil sa epekto ng pandemya, patuloy ang paghikayat ng Pag-Ibig Fund sa mga miyembro na samantalahin ang restructuring program ng ahensiya. Ang detalye mula kay Eddie Carta ng PTV-Cordillera.
[NEWS REPORT]
USEC. IGNACIO: Okay. Maraming salamat sa iyo, Phoebe Kate Valdez.
Ramdam na rin po ang pagganda ng sitwasyon sa Davao City. Umabot na kasi sa mahigit isang milyong residente nito ang nabigyan ng bakuna. Bumababa na rin sa isang porsiyento ang naitatalang positivity rate sa lungsod. Ang detalye hatid ni Hannah Salcedo ng PTV-Davao.
[NEWS REPORT]
USEC. IGNACIO: Maraming salamat sa iyo, Hannah Salcedo.
At iyan po ang mga balita at talakayang tampok namin ngayong araw. Ang Public Briefing ay hatid sa inyo ng iba’t ibang sangay ng PCOO sa pakikipagtulungan ng Department of Health at kaisa ng Kapisanan ng mga Brodkaster ng Pilipinas o KBP.
Mga kababayan labing-anim na tulog na lang Pasko na!
Ako po si Usec. Rocky Ignacio, magkita-kita po ulit tayo bukas dito lamang sa Public Briefing #LagingHandaPH.
##
—
News and Information Bureau-Data Processing Center
