USEC. IGNACIO: Magandang umaga po, Luzon, Visayas at Mindanao. Ngayong araw ng Martes, April 13, makakasama ninyo po kaming muli upang ihatid sa inyo ang mga maiinit na mga balita at kapaki-pakinabang na mga impormasyon tungkol pa rin po sa COVID-19. Ako po si Usec. Rocky Ignacio ng PCOO. Simulan na po natin ang isa na namang makabuluhang talakayan dito sa Public Briefing #LagingHandaPH.
Una po sa ating mga balita: Muling nag-ulat sa bayan si Pangulong Rodrigo Duterte ukol sa mga hakbang ng pamahalaan ngayong may COVID-19 pandemic, kabilang dito ang usapin sa pamamahagi ng ayuda sa mga apektado ng paghihigpit ng community quarantine at updates sa mga bakuna at ang pag-aaral sa mga posibleng lunas kontra-COVID-19. Maliban dito, diretsahan din na sinagot ng Pangulo ang kaniyang mga kritiko ukol sa kaniyang kalusugan. Narito ang ulat ni Mela Lesmoras:
[NEWS REPORT]
USEC. IGNACIO: Nanindigan ang Department of Health na hindi nasayang ang dalawang linggong pagpapatupad ng Enhanced Community Quarantine sa NCR Plus. Ayon sa Department of Health, dahil sa ipinatupad na ECQ natugunan ang mabilis na pagtaas ng COVID-19 cases at natutukan din ang pagpapabuti sa healthcare capacity. Ang report mula kay Mark Fetalco:
[NEWS REPORT]
USEC. IGNACIO: Samantala, sa patuloy na pagbabakuna kontra COVID-19 ay muli pong pinaalalahanan ni Senate Committee on Health and Demography Chairperson Christopher “Bong” Go ang mga lokal na pamahalaan na gawing episyente ang proseso sa mga vaccination centers. Narito ang detalye ng report:
[VTR]
USEC. IGNACIO: Malaki po ang maitutulong kung makakapag-home quarantine na lamang ang mga nagpositibo sa COVID-19 na may mild symptoms para tulungan ang ating mga ospital at medical frontliners sa pagka-overwhelm dulot nang mataas na hospital utilization rate. Pero ano nga ba ang mga dapat gawin at isa-isip ng mga maghu-home quarantine at ng mga kasama natin sa bahay. Makakausap po natin si Dr. Rontgene Solante tungkol diyan. Magandang umaga po, Doc.
DR. SOLANTE: Good morning, Usec.
USEC. IGNACIO: Opo. Doc, pinapayagan bang muli iyong home isolation o home care for COVID-19 patients na wala naman daw pong malalang kondisyon? Kasi ‘di ba po last time ay iniiwasan natin ito dahil sa magkakapamilya po iyong nagkakahawahan.
DR. SOLANTE: Yes. Kasi, bakit pinayagan natin iyan especially iyong mga mild cases lang but it’s mainly driven because of full na iyong mga hospitals natin ‘no. And pina-prioritize natin sa mga hospital ngayon iyon talagang kailangang i-closely monitor at saka iyon talagang nangangailangan ng hospital care kagaya ng mga moderate and more or less severe and critical. So iyong bed na supposed to be i-allocate sa mild, dapat dito na sa mga severe/critical and itong mga mild sa bahay na lang. But again with the close guidance ‘no, monitoring din sa mga health doctors.
USEC. IGNACIO: Opo. Doc, kapag sinabi mong kailangan iyong close monitoring ng mga nagka-COVID na naka-home quarantine, ano po ibig sabihin nito? Kailangan po ba ay talaga ding nakatutok iyong barangay para sa kanila? Kasi iyon po ang sinasabi nila na kadalasan kapag mild symptom pero bigla pong nagdi-deteriorate iyong kanilang sitwasyon. So ano po iyong dapat nilang gawin?
DR. SOLANTE: So unang-una, tatawagan nila iyong barangay dahil sa barangay maraming mga puwedeng matatawagan din na connection na puwedeng mag-monitor sa kanila ‘no. So importante kasi na mayroong close coordination sa barangay dahil ito iyong pinakamalapit na magbigay ng assistance in terms of the monitoring ‘no. Pangalawa mayroon din tayong mga hotlines sa mga tele-consult na available sa Department of Health kung gusto nila, tapos mayroon din sa mga private na mga homecare at mga tele-consult, isa ito sa mga paraan lang para at least matutukan kung sinuman iyong kinakailangang i-closely monitor.
Dahil sa experience natin Usec. Rocky ‘no, kadalasan sa mga may mga edad, may mga comorbidities they will start with mild symptoms, but on the 5th, 6th or 7th day some of them will go into the moderate to severe. So napakaimportante noong time na iyan dahil when you have this interval na hindi mo ma-monitor, baka naman sa bahay malagutan ng hininga iyan dahil kulang na pala ang oxygen or kapag dinala na sa hospital, late na ang pasyente.
USEC. IGNACIO: Opo. So napakahalaga po talaga ng gampanin o role ng ating mga barangay para po dito. So doon daw po sa mga puwedeng mag-home quarantine, anu-ano po iyong mga dapat tandaan at i-monitor ng isang COVID positive sa ganitong setup? Dapat po ba talagang nakabukod iyong kanilang kubyertos, plato at iba pang gamit ng nagpositibo?
DR. SOLANTE: Oh yes, tama ‘no. So maliban doon, dapat i-isolate sila doon sa mga ibang kasama sa bahay na mga walang sintomas at the same time babantayan din nila iyong sarili nila in terms of paano iyong paghinga nila, paano iyong katawan nila – kung pagod na pagod or kayang-kaya pa ba ‘no. Pangalawa iyong temperature nila ‘no, kung may lagnat ‘no. In some patients kailangan pa rin kumain nang maigi ‘no, fluid therapy and at the same time kung mayroon kayong pang-monitor sa oxygen sa bahay, at least lang makikita ninyo kung ano iyong content ng oxygen ninyo sa katawan ninyo para at least may idea kayo na kung halimbawa bababa na iyong oxygen then you really have to call the barangay para mayroong arrangement kung kailangan bang maglagay ng oxygen sa bahay o kailangan dalhin na sa hospital.
USEC. IGNACIO: Pero ano naman daw po ang mga dapat gawin ng mga kasama sa bahay para naman daw po suportahan iyong pangangailangan ng pasyente?
DR. SOLANTE: Oo. So importante iyong mayroong maghatid ng regular na pagkain ‘no, iyong mga kinakailangan ng pasyente. Pero habang nandoon pa iyon sa bahay, they have to observe also the minimum health protocol ‘no – maghugas ng kamay, magsuot ng face mask or face shield. At dapat hindi natin kalimutan na to coordinate also sa barangay na iyong mga kasama niya sa bahay kailagnan din ipa-test because we have a lot of these cases na may isang positive tapos iyong mga kasamahan positive din pero walang mga sintomas, para rin mamu-monitor sila lahat.
USEC. IGNACIO: Opo. Pero Doc, nagkakaproblema na rin daw po sa supply ng oxygen tank dahil may mga mild symptomatic patients na bumibili rin nito bilang pangsiguro o pagtiyak kung biglang kakailanganin ano po. Ito po ba ay advisable po para sa mga naka-home quarantine?
SOLANTE: Hindi lahat ng mga naka-home quarantine kailangan ng oxygen. So talagang dini-discourage natin iyan na mag-ready ka ng oxygen sa bahay. Kasi unang-una talagang maghu-hoard ng mga oxygen iyan, eh ang problema diyan kung kailangan mo ng oxygen, iyong mga ibang tao na wala ka nang makuha, medyo mahirap iyan. Kaya nga ang sabi natin dapat mayroong close monitoring and advice sa mga doktor para at kung ma-monitor man iyan o kung kailangan ng oxygen, doon pa lang tayo mag-advice na kukuha ng oxygen support.
Marami tayong mga ganoon na hindi naman kailangan ng oxygen pero nakatambak lang iyong oxygen sa bahay para lang panigurado na kung anong mangyayari, mayroong oxygen ‘no. Pero tandaan natin magkakaubusan din iyan ng oxygen including the tank, mas lalong magkakaproblema tayo, especially doon sa kung sino iyong totoong nangangailangan ng oxygen.
USEC. IGNACIO: Opo. Doc, may development na po ba dito sa imbestigasyon ng Department of Health tungkol sa isa daw pong nabakunahan na may comorbidity mula sa Caloocan na na-stroke daw matapos pong mabakunahan ng Sinovac? Posible po bang kasama itong stroke sa mga tinatawag nating adverse effect na puwedeng idulot kapag ikaw po ay nagpabakuna?
DR. SOLANTE: Okay ‘no. So klaruhin natin iyan kasi, baka naman akalaing natin na kapag nabakunahan ka, mag-i-stroke ka ‘no. Kaya nga importante na ang messaging dito is that any event after the vaccination na makumpleto mo iyon, talagang minu-monitor iyan. Tapos kung mayroon kang ganitong klaseng adverse event na stroke, unang-una diyan imbestigahan kung mayroon bang kaugnay sa bakuna.
Malamang hindi iyan kaugnay doon sa bakuna, siguro may mga comorbidity na itong pasyente na ito, tapos hindi siguro maganda ang control niya sa blood pressure. So malamang iyong pagbabakuna niya, hindi iyan dahil doon kaya nag-stroke siya, so iba iyon. Pero kasama pa rin iyan sa reporting kasi lahat ng mga nangyayari after the vaccination, dapat i-report pa rin para mapag-aralan sa National Adverse Event Following Immunization kung itong mga nangyayaring adverse event might directly kaugnay doon sa bakuna.
USEC. IGNACIO: Opo. Doc, puntahan lang natin iyong tanong ng ilang kasama natin sa media para sa inyo ano po. May tanong mula kay Red Mendoza ng Manila Times. Ito po ang tanong niya: Ayon po sa report, isang Chinese official ng kanilang Center for Disease Control and Prevention na nagsabi na mababa lang ang efficacy ng mga Chinese na bakuna at maaari silang mag-develop ng booster shot na mRNA para lang tumaas iyong efficacy nito. Ano po iyong inyong assurance na ang mga bakuna na tulad ng Sinovac po ay mananatiling epektibo pa rin laban sa COVID-19?
DR. SOLANTE: Okay. Iyong mga sentimyento na iyan ‘no, ibang sentimyento iyan dahil China iyan ‘no. Sa atin dito ngayon unang-una ang iisipin natin, approved siya ng FDA, approved ng Vaccine Expert Panel na iyong 50% na efficacy is still very relevant, especially in our setting na wala tayong bakuna or kaunti pa iyong bakuna and we have this surge ‘no. That protection is already significant na hopefully lahat tayo mabakunahan. Iyong isyu ng efficacy, hindi natin tatalakayin iyan sa ganitong punto dahil kaunti nga iyong bakuna natin.
Ang China nagsabi sila ng ganoon na mga sentimyento dahil ang dami na nilang nabakunahan; at saka pangalawa, talagang mayroon silang resources to get these vaccines. Pero sa atin, enough na we have the Sinovac, kung ito man iyong bakuna na so far available, then we have to focus on people na madami tayong mas mabakunahan para makikita natin iyong total na effect or benefit ng bakuna rather than just looking at the 50% or 60%.
Kasi tandaan natin Usec. Rocky ‘no, maski 50% pa iyan pumapasa pa rin iyan sa WHO threshold na efficacy; tandaan din natin na mayroon ding isang bagay diyan na ang Sinovac, iyong base sa data nila 83% to 100% effective in the prevention of severe COVID. So iyon ang mas medyo mabigat na benepisyo na makukuha natin sa bakuna.
USEC. IGNACIO: May karagdagang tanong pa rin mula kay Red Mendoza: Mas marami po daw pasyente na mas bata ang tinatamaan ngayon ng COVID-19 at mas marami din sa kanila ang namamatay na mas maaga kahit na suspected at probable lang at mild o moderate ang sintomas. Ito po ba daw ang sinasabing epekto ng mga variants sa ating bansa?
DR. SOLANTE: Sa ngayon wala pa tayong nakikitang kaugnayan ng variant regarding doon sa severity ng mga kaso sa mga bata ano.
Ganito iyan ano, when you have COVID whether you are young or old, you have the potential to develop severe, kasi virus iyan ‘no. So ang nakikita lang natin noong buwan na mas maraming namatay, naging severe sa mga old, elderly; pero that doesn’t exempt the younger population. In fact, dito sa mga hospitals na inaalagaan natin, marami talaga ring mas bata, less than 50 years old, even 40 and 30 years old na severe.
So ang message ko diyan, ang virus walang pinipili, bata man o matanda, you can develop severe, you can develop critical as long as, number one, kung late ka na nagpapakonsulta; pangalawa or iyong mga ibang bagay pa rin na iyong may comorbidities maski bata ka pa.
USEC. IGNACIO: Kami po ay nagpapasalamat sa inyong panahon, Dr. Rontgene Solante ng Vaccine Expert Panel ng Department of Health. Mabuhay po kayo, Doc.
DR. SOLANTE: Thank you at maraming salamat and stay safe.
USEC. IGNACIO: Salamat po. Samantala, umakyat na po sa 876,225 ang mga kumpirmadong kaso ng COVID-19 sa bansa kung saan 11,378 ang bagong naitala base po sa inilabas na datos ng Department of Health kahapon. 267 naman po ang mga nadagdag na gumaling at 204 ang nasawi. Sa kasalukuyang 703,625 na po ang total recoveries at 15,149 naman po ang total death tally. Ang active cases naman po ay 157,451 ito po ay 18% ng kabuuang bilang; 97% po rito ay mild cases, 1.7% ang asymptomatic, .5% ang kritikal, .6% ang severe, samantalang .32% naman po ang moderate cases.
Manatili po muna tayo sa ating mga tahanan para po mapigilan ang pagkalat ng COVID-19 at kung kinakailangan talaga lumabas ng bahay, siguruhin po natin na nasusunod naman iyong itinakdang basic health protocols.
Ang Kagawaran po ng Edukasyon ang isa sa mga pinakanaapektuhan ng magsimula ang pandemya ngayong isang taon na ang nakakaraan ay tuluyan na rin po itong nakakapag-adjust sa mga makabagong education system. Kahit may hamon, handa pa rin silang tumulong sa laban ng bayan sa COVID-19 gaya na lang po ng paghahanda ng mga paaralan para maging temporary isolation centers sa mga nagpupositibo sa sakit. Para po sa detalye makakausap po natin ngayong umaga sina Education Secretary Leonor Briones; sina Undersecretary Alain Pascua at Undersecretary Diosdado San Antonio. Magandang umaga po sa inyo.
DEPED SEC. BRIONES: Magandang umaga, Usec. Rocky. Magandang umaga sa lahat ng nanunood ng programang ito, sana maka-share kami ng katotohanan at mga pinakabagong datos hinggil sa COVID-19 campaign at ang edukasyon, maraming salamat.
USEC. IGNACIO: Secretary Briones ang Philippine Red Cross at ang Mayors po ng Metro Manila ay pinaplano pong gawing temporary isolation centers nga po iyong mga paaralan para sa mga asymptomatic COVID-19 patients. So ano na po ang update dito?
DEPED SEC. BRIONES: Sumulat sa akin si Secretary of Health Duque at ang Metro Manila governor na nag-request sila kung puwedeng gamiting temporary facilities ang ating mga eskuwelahan. Ang sagot ko noon, pumapayag kami sa tatlo o apat na kondisyon.
Una, iyong policy natin na last resort ang paggamit ng eskuwelahan sa anumang problema, sa anumang sakuna, dahil ang eskuwelahan ay iyon ang pangalawang tahanan ng ating mga bata at dito naman nangyayari iyong mga educational activities natin. So last resort iyan. Agree naman sila, kung walang ibang mapupuntahan, kasi iyong preference diyan ay iyong talagang malalaking facilities para sa isolation centers kagaya ng sa NCR.
Ang pangalawang kondisyon, kailangan iyong aming mga classrooms na gagamitin, Usec. Rocky, ay appropriate para sa isolation center. Dahil hindi naman lahat ng mga classrooms namin, bagay na gawin na isolation centers. Mayroon kaming schools na one room lang ang school clinic, mayroon naman kaming schools na medyo may lugar talaga para sa mga isolation centers. So, sabi namin, kailangan papasa sa requirements ng Department of Health kung ano ang dapat ang hahanapin sa isang isolation center.
Pangatlo, na aming kondisyon na hinihingi namin, ay kailangan also na ang ating mga local government units mismo sila ang mamahala nito, dahil primary responsibility ito ng local government units, kami ang magbigay ng facilities, etcetera kung kailangan halimbawa sa Metro Manila, alam naman natin na talagang nagra-rush na ang DPWH, gumagawa na sila ng mga isolation centers na pangmalakihan, nagbibilang sila by the hundreds. So, siguro maibsan iyong demand para sa ating mga school rooms.
Ang bottom line lamang na Hinihingi natin appropriate for isolation center ang ating schools. Pangalawa, papasa sa requirements ng Department of Health, ayaw natin na gamitin ang schools na halimbawa kaunti lang ang tubig o malayo sa health facilities o nasa crowded places.
Ang final ano namin, ang hinihingi sana namin ay huwag magsabay-sabay ang mga simultaneous activities sa isang school kasama iyong isolation center. Halimbawa, kung gawing vaccination center ang isang eskuwelahan, hindi puwedeng gawing isolation center din iyong eskuwelahan na iyan.
Kung mayroong activities ang eskuwelahan, halimbawa sa paghahanda kung sakali mang magbubukas na ang ating schools, eh dapat hindi iyan ihalo. Ang ibig lang naming sabihin, kung isolation, isolation lang; kung vaccination, vaccination lang, huwag ihalo-halo lalo na sa academic activities kung mayroon man, kasi right now, wala naman tayong classes; otherwise payag naman kami.
So far Usec. Rocky, sa pinaka-latest report natin ay ang number of schools na amin ng tinurn over para sa isolation, vaccination or whatever health activity, 1,212 schools na at saka 6,148 classrooms. Pero ito ni-review ito both ng DepEd, ng local government, hindi both ha, kasi tatlong group po ito at saka ng Department of Health. Kailangan papasa sa requirements ng Department of Health dahil ayaw natin na ma-expose kung sino man ang nandiyan sa loob ng eskuwelahan at this time.
Also, may mga non-classroom facilities tayo Usec. Rocky na ginagamit din, halimbawa, gymnasiums natin, mga school grounds na ginagamit na quarantine areas. Ang sabi lang namin, huwag ihalo iyong mga iba’t-ibang klaseng health activities, huwag ihalo sa academic activities.
At saka mahigpit nating babala sa ating mga teachers, sa ating mga bata na kailangan sundin nila ang minimum na health protocols. Hindi tayo basta-basta magtu-turnover na sige gamitin ninyo ang school pero kailangan may ingat talaga, hindi natin paghalu-haluin itong academic, itong health, itong vaccination, itong isolation, etc., kung hindi naman nauobserbahan, hindi naman namu-monitor ng ating Department of Health at ng local government. Otherwise, kami naman ay nagku-cooperate din dahil alam naman natin na krisis ito at kailangan lahat mag-contribute but ingat din.
Thank you, Usec. Rocky.
USEC. IGNACIO: Pero, Secretary, iyong mga datos po na binanggit ninyo na mga eskuwelahan o mga lugar ng DepEd na nai-turnover po sa DOH, saan po itong mga lugar na ito?
SEC. BRIONES: May detalye, siguro puwedeng maibigay ni Usec. Alain kung saang mga schools ito. Marami sa National Capital Region, kadalasan kasi dito naman ang bugso ng ating problema sa COVID. Sa mga malalayong lugar kagaya ng mga isla, hindi naman ganoon katindi ang pressure. So, it is in the areas na mataas ang level ng COVID na nagsho-shortage talaga sila ng facilities.
Pero ang pagkakaalam namin, ang Department of Public Works and Highways nagra-rush sila lalo na sa Metro Manila na mag-build ng mga additional facilities. So, in these instances ay puwedeng ma-spare ang mga schools natin at magamit din sa ibang mga purposes. Largely, NCR siguro ito, I will ask Usec. Alain kung makabigay siya ng mas detailed na mga numbers but I would imagine na these are in the places na mataas ang level ng COVID like NCR and the other regions, otherwise sa ibang mga lugar naman eh hindi naman ganoon katindi ang pressure.
USEC. IGNACIO: Opo. Puwede po kay Usec. Alain?
USEC. PASCUA: Yes Ma’am. Ang total number of schools na ginagamit ngayon as quarantine area ay humigit-kumulang na 1,212. Ganiyan karami ngayon iyon sa buong bansa ang ginagamit na eskuwelahan as quarantine facilities.
Of those 1,212, ang pinakamalaki actually, Ma’am, USec., ay sa Region VIII – 422 schools ang ginagamit sa Region VIII na quarantine areas. Dito sa Metro Manila actually, apat pa lang ang ginagamit na eskuwelahan.
Bakit ganiyan, bakit mas marami sa ibang region kaysa sa NCR eh sa NCR mataas ang surge? Mas marami ho kasing facilities dito ang ating mga hospitals at ang iba pang mga facility na ginagamit dahil low priority iyong school sa paggamit kaya dito sa NCR ang naitala ay ganiyan lang kababa.
So, ang pinakamataas natin ay Region VIII at ang susunod po diyan eh Region V, mga 216 po diyan ang ginagamit na quarantine facilities na mga eskuwelahan.
USEC. IGNACIO: Opo. Kung sino lang po ang maaaring sumagot ano po. Sisimulan na rin daw po ng DepEd ang early registration para sa school year 2021-2022. Ang early registration po ba na ito ay sakop po mula sa pre-school hanggang high school na; at ano daw po ang magiging proseso dito?
SEC. BRIONES: Usec. Jess ang puwedeng magsagot niyan dahil siya ang in-charge sa enrollment. Dahil samantalang tayo ay nakikipaglaban sa COVID, patuloy din tayo sa ating mga regular duties at ang primary duty, primarily responsibility really ay ang pagpatuloy ng edukasyon. So, si Usec. Jess ang makakapagbigay ng detalyeng iyan.
USEC. IGNACIO: Usec. Mateo? Sige, balikan na lang po natin si Usec. Mateo, Secretary. Mukhang nawala po sa linya. Then kung sino po ang muling makakasagot dito: Anak Kalusugan Representative Mike Defensor urges the DepEd to brace for a prolonged distance learning saying the COVID-19 shots from Filipino children below sixteen years old may not be available in the country until summer of 2022. He says there is a high probability that we won’t have face-to-face classes in the school year 2021-2022. Ano daw po ang ginagawa ng DepEd to address numerous challenges in distance learning? Teachers, students, and parents continues to express struggles with poor internet signal, errors in modules among others, Secretary Briones?
SEC. BRIONES: Salamat sa tanong na iyan. Actually, ang pagpaplano hindi lamang isa iyang plano mo na may target ka, you have to open classes on this day, ito ang gagawin mo. Ngayon, multiple levels ang planning natin. Nagpaplano tayo kung ganito ang sitwasyon, kung tatagal ang COVID; nagpaplano tayo kung halimbawa ma-control na natin ang COVID at magbubukas na talaga ang eskuwelahan.
So, iba’t-ibang lebel iyong pagpaplano natin. We plan for all possibilities. Of course, it is very challenging, so, you have alternative one, alternative two, alternative three kung ito ang mangyayari. Ito lahat ay pinaghahandaan dahil nakikita na natin ngayon hindi natin mapi-predict kung ano talaga ang mangyari. Maraming variables na hindi natin mapi-predict kaya iyong pagpaplano naman natin iba’t-iba iyong assumption.
Iyong request ni Congressman na tayo ay magplano for a prolonged blended learning, distance learning, eh talagang kasama na iyan sa pagpaplano natin. Kaya only recently, nakakatuwa, Usec. Rocky, ang Bureau of Customs halimbawa, nag-donate sila ng dalawang sets iyon, more than 5,000 iyong first set ng mga gadgets, computers, laptops, tablets, etc.; ang China nag-donate din at inuna namin iyong mga lugar na tinatawag nating Last Mile schools. So, we started distributing gadgets already in anticipation of an eventual shift or higher level of dependency on technology.
Kasi, Usec. Rocky, kahit sabihin nating maku-control natin ang COVID o aalis na si COVID kung sakali mangyari man iyan, ayaw nating i-encourage iyong napakataas na dependency natin sa printed material kasi ilang ulit ko na iyan sinasabi na pinakamabigat ang paggamit ng maraming printed materials taon-taon dahil pinapatay natin iyong ating mga puno. Kung papatayin natin iyong ating mga puno dadalas iyong mga baha at nakikita naman natin kung ano ang nangyayari. Kailangan natin ng papel, materyales, at napakamahal ng printed material.
So, whatever happens to COVID, talagang we are also endeavoring to lessen our dependency on printed materials – if we want the environment to survive, if we want the plant to survive, if we want to limit the occurrence of floods and other natural disasters – which used up a lot of trees, used up a lot of paper and used up a lot of financial resources.
So, salamat sa question na iyan. Iba’t ibang lebel iyong planning namin. We cannot plan na ito lang ang objective namin at kailangang masunod dahil iyon ang objective namin – no. If this happens then this is what we will do and if that happens, this is also what we will do. Parang ganoon.
Thank you, Usec. Rocky.
USEC. IGNACIO: Para naman po kay Usec. San Antonio: May mga nananawagan naman po ng academic break. Paano po ito nakakaapekto sa pag-aaral ng mga bata tulad ng wala pong gadgets?
USEC. SAN ANTONIO: Maraming salamat, Usec. Rocky. Magandang umaga po, Ma’am Liling.
Iyong palaging sinasabi po na academic break ay panawagan ng mga kabataan. Pero po, tayo naman sa Kagawaran ng Edukasyon ay mayroon din tayong sinasabing academic ease. Naniniwala po kasi kami lalo na rin iyong ibang mga mag-aaral na nagti-text din sa amin na hindi naman kailangang itigil ang pagpapatuto. Ang kailangan po ay mas maging considerate tayo sa mga sitwasyon ng bawat bata.
So, iyon pong mga walang gadgets, hindi rin po siya dahilan para itigil na kasi nga po alam naman natin iba-iba iyong paraan ng pagpapatuto sa mga bata. Puwede pa rin po iyong printed self-learning modules ang gamitin at may mga paraan din po para makapagpaabot sila ng kanilang natutunan sa mga guro natin na nailimbag lang po.
Ang sinasabi rin po natin sa mga kasamang guro ay huwag masyadong mahigpit sa mga deadlines kasi nga po nauunawaan natin na masyadong mapanghamon ang mga ginagawa at ang iba ay nagsasabi na masyadong overloaded iyong mga kailangang isumite ng mga bata. Kaya po ang ipinapakiusap natin at kasama po ito sa nailabas nating guidelines na huwag masyadong mahigpit sa mga deadlines at palaging imu-monitor kung kailangang may dagdag na suporta.
Ginagawa po ito ng mga kasamang guro namin kahit hindi namin inuutusan ay nagpupunta sila sa bahay at gumagawa ng personal follow-up para po iyong mga guidance nila ay maibigay sa mga mag-aaral na nangangailangan nito.
May mga nakikita din tayong mga kasamang guro na kahit high school teacher kung nasa work from home ano siya, iyong mga neighbors nila, ano po parang ginagawang uso ngayon, iyong pagtulungan talaga. Mga kapitbahay na mga bata na ang mga magulang ay walang kakayahang magbigay ng suporta ay tinutulungan din po. May mga namu-monitor po tayo sa ating pagbisita sa mga paaralan na ganito ang mga ginagawa.
USEC. IGNACIO: Okay. Kami po ay nagpapasalamat sa inyong pagpapaunlak, Education Secretary Leonora Briones, Undersecretary Alain Pascua at Undersecretary Diosdado San Antonio. Mabuhay po kayo, stay safe po, lalo po kayo Secretary Liling Briones. Salamat po!
DEPED SEC. BRIONES: Usec. Rocky, puwede bang habulin ko iyong question directed towards Usec. Jess, dahil hindi siya makapasok.
Iyong tungkol sa enrollment, actually nag-umpisa na tayo ng early registration. Kasi samantalang lumalaban tayo sa COVID ginagawa din natin iyong ating regular duties, sinusunod natin iyong ating regular calendar.
So, so far, 2,686,834 ang enrollees sa early registration, ipinagpatuloy natin ito so that iyong may sense of normalcy, may sense of continuity, iyong sinasabi nating education must continue whatever is the situation in the country. We do what we are supposed to do, but at the same time, we fight COVID and join in the battle against this dreaded disease. Thank you.
USEC. IGNACIO: Maraming salamat po, Education Secretary Leonor Briones.
Samantala, hinatiran naman ng tulong ng tanggapan ng Senator Bong Go at iba pang ahensiya ng pamahalaan ang mga kababayan natin sa Pampanga na lubhang naapektuhan ng hanapbuhay dahil sa pandemya. Narito po ang detalye:
[NEWS REPORT]
USEC. IGNACIO: Samantala, alamin naman po natin ang kaganapan sa Cordillera na ihahatid po sa atin ng PTV Cordillera—samantala, babalikan po natin ang report na iyan.
Sa ibang balita hindi po aarestuhin ng Philippine National Police o PNP ang mga lumalabag sa quarantine protocols. Ito po ang naging direktiba ni PNP Chief Police General Debold Sinas sa mga pulis na nasa ilalim ng Modified Enhanced Community Quarantine. Ayon po kay PNP Spokesperson Police Brigadier General Ildebrandi Usana ang mga mahuhuling lalabag sa protocol at pagsasabihan lamang o pagmumultahin depende po sa umiiral na ordinansa ng lokal na pamahalaan. Hindi na rin po tatanggap ang pulisya ng mga nahuling indibidwal mula sa mga barangay. Ang mga aarestuhin na lamang po ay ang lumalabag sa pagpapatupad ng peace or order at mga may kaugnayan po sa criminal activities.
[VOICE CLIP]
USEC. IGNACIO: Samantala, balikan na po natin ang ating PTV Cordillera. Ihahatid po ang report mula kay Jorton Campana:
[NEWS REPORT]
USEC. IGNACIO: Maraming salamat sa iyo Jorton Campana ng PTV Cordillera.
Ikalawang araw po ngayon na nasa Modified Enhanced Community Quarantine or MECQ ang NCR Plus bubble kabilang na nga po dito ang lalawigan ng Rizal. Makakausap po natin si Rizal Vice Governor Reynaldo ‘Junrey’ San Juan Jr. para po kumustahin ang kilos ng probinsya para mapanatiling ligtas at nakakaraos ang mga kababayan natin doon ngayong may pandemya. Good morning po, Vice Gov. Junrey.
VICE GOV. SAN JUAN: Magandang umaga po Usec. Rocky at sa inyong mga viewers. Magandang umaga po.
USEC. IGNACIO: Opo. Welcome po sa Public Briefing ano po. Vice Gov., ano po iyong mga pagbabagong ipatutupad ninyo ngayong MECQ na ang Rizal at ano po iyong mangyayari sa curfew at liquor ban?
RIZAL VICE GOV. SAN JUAN: Ang Rizal ngayon as part of the NCR+ bubble kasama po ang Laguna, Cavite and Bulacan is now placed under MECQ ano from ECQ. Kung titingnan po natin ‘no, basically konti lang po ang pinagbago ng MECQ at ECQ ‘no, halos same pa rin ang principle na niri-restrict ang movement po ng ating mga kababayan. So kailangan manatili pa rin ang ating mga mamamayan, ating mga kababayan sa kanilang mga tahanan – unless part po sila ng APOR.
We submit ano, we submit to the wisdom po ng ating National Inter-Agency Task Force in placing Rizal as part of the NCR+ bubble under MECQ. And we support their decision sapagkat alam naman natin iyong pinagbasehan po nila is base po sa mga datos at pag-aaral na kanilang ginawa.
At patuloy pa rin po ang ating pagpapatupad, strict implementation po ng mga protocols po or guidelines na ibinababa po ng ating Inter-Agency Task Force. Patuloy pa rin po ang pagpapatupad ng minimum health standards and in place pa rin po iyong sinasabi nating mga regular checkpoints po sa mga territorial boundaries po ng ating lalawigan.
At regarding po sa curfew, nakipagpulong po ang ating mahal na Punong Lalawigan, Governor Ynares sa ating mga local chief executives sa mga bayan-bayan ‘no, for the LGUs sa ating bayan-bayan at napagkasunduan po ‘no, ang consensus po ay magpatupad po ng unified curfew ‘no – 8 PM to 5 AM po.
USEC. IGNACIO: Opo. Vice Gov., kumusta naman po iyong pamamahagi ninyo ng ayuda sa lugar at naging maayos po ba iyong proseso nito at ilang bayan na po ang nakatapos ng payout? Naging mahigpit po ba iyong pagpapairal ng safety protocols?
RIZAL VICE GOV. SAN JUAN: Yes. Una sa lahat nagpapasalamat kami ‘no, we are very thankful po sa ating mahal na Presidente, President Rodrigo Duterte, for providing this assistance, iyong sabi nga emergency subsidy o ayuda sa ating mga kababayan lalo na iyong mga bahagi pong NCR+ bubble. Malaking tulong po ito sa ating mga kababayan.
At actually na-receive na po ng ating mga LGUs, 13 municipalities and 1 city sa ating lalawigan ang financial assistance na ito ‘no. Last week po nakapagsimula na ang ibang bayan sa ating lalawigan at just yesterday ang ibang bayan ay nagsimula na rin. And sa distribution po ng assistance, compared sa SAP 1 and SAP 2 last year, nakikita po natin mas controlled at manageable na po ang sitwasyon. May pina-follow po na mga protocols o proseso ang iba’t ibang bayan sa ating lalawigan.
Kagaya po ng ibang bayan po, mayroon po silang tinatawag na number o color coding kung saan may oras at araw po ang pagpunta ng ating mga kababayan sa kanilang bara-barangay. Iyong iba namang mga bayan po na maliit lamang po, clustered po ang pagpunta ng mga tao sa different barangays po, kina-cluster po.
So patuloy rin ang pagpapaalala namin sa ating mga LGUs, na sa utos na rin po ng ating Governor Nini na dapat matupad o masunod ang pagpapatupad ng minimum health standards sa pamimigay po ng ayuda. Cash po, cash po ang napagkasunduan po na ibigay ng ating mga LGUs sa ating lalawigan po.
USEC. IGNACIO: So Vice Gov., paano ninyo daw po niriresolba naman iyong mga wala sa listahan? Namahagi rin po ba kayo ng in-kind donations kasi sabi ninyo cash po iyong binigay ninyo?
RIZAL VICE GOV. SAN JUAN: Yeah. Actually iyong sa listahan po, mabuti po sa panahon ngayon na sa distribution, ngayon po ay mayroon tayong tinatawag na grievance committee. Ang ating mga LGUs ay nagtalaga po ng mga grievance committee ayon na rin po sa memo po na binaba ng ating DSWD. So iyong mga wala po sa listahan, pumunta lang po sila sa kanilang mga grievance committees sa kanilang mga areas at doon po agaran pong iriresolba iyong kanilang mga reklamo o hinaing.
Actually po iyong ibang bayan po kapag wala po sa listahan, kinukuha po iyong pangalan nila at nilalagay po sa waiting list ‘no. At just in case na doon sa nakalista ay mayroon pong na-reject o hindi pumasa doon sa panuntunan po ay puwede po silang maisingit po.
At tungkol naman po sa ayuda, ang atin namang provincial government, sa pangunguna po ni Gov. Nini ay tuluy-tuloy naman po at patuloy po ang pagbibigay namin ng ayuda. At continuous and open ang communication po ng ating pamahalaang lalawigan sa ating mga LGUs – sa ating mga mayors, sa ating mga barangay captains po, sa ating mga barangays upang malaman kung ano po iyong mga pangangailangan nila.
Lalo na po iyong mga nagdi-declare nang localized na quarantine o tinatawag natin na specialized or granular lockdowns. Kapag may request po ang ating mga barangay, agad-agad po nagpapadala po ang ating lalawigan ng mga ayuda po sa pamamagitan po ng mga food packs sa mga naapektuhan po.
USEC. IGNACIO: Maraming salamat po sa inyong panahon, Rizal Vice Governor Reynaldo ‘Junrey’ San Juan, Jr. Mabuhay po kayo at stay safe po.
RIZAL VICE GOV. SAN JUAN: Kayo rin po. Magandang umaga po and stay safe po. God bless us all po.
USEC. IGNACIO: Salamat po.
At dito nagtatapos ang ating programa, ako pong muli si Usec. Rocky Ignacio ng PCOO. Ito po ang Public Briefing #LagingHandaPH.
###
—
SOURCE: PCOO-NIB (News and Information Bureau-Data Processing Center)
