USEC. IGNACIO: Magandang umaga, Pilipinas. Ang mga paksang dapat malaman ng mga Pilipino ang muli nating pag-uusapan ngayong araw ng Biyernes, sa pamamagitan din ng pagsasanib-puwersa ng PTV at Radyo Pilipinas ipaparating namin sa inyo ang mga pinakahuling pangyayari mula sa iba’t ibang bahagi ng bansa.

At sa ngalan po ni Secretary Martin Andanar, ako po si Usec. Rocky Ignacio, simulan na natin ang Public Briefing #LagingHandaPH.

Maya-maya lamang po makakasama natin sa programa sina Department of Interior and Local Government Undersecretary Jonathan Malaya; Land Transportation Franchising and Regulatory Board Executive Director Joel Bolano; at Department of Labor and Employment Assistant Secretary Dominique Tutay.

Kung mayroon naman po kayong katanungan, mag-comment lamang sa live streaming ng ating programa sa PTV Facebook at YouTube account.

Aprubado po ni Pangulong Rodrigo Duterte ang ulat ng Department of Trade and Industry na may mga kumpanyang interesadong magtayo ng vaccine manufacturing plant sa bansa. Sa tulong nito, hindi na kakailanganin pang maghintay ng supply ng bakuna mula sa ibang bansa ang Pilipinas. Nagpaalala naman ang Pangulo sa mga kinauukulang ahensiya ng gobyerno na kailangan pabilisin ang proseso nito. Ang report mula kay Sweeden Velado-Ramirez:

[NEWS REPORT]

USEC. IGNACIO: Nagbabala ang Malacañang sa mga ospital at iba pang health care facilities na hindi regular na nagsasagawa ng COVID-19 testing sa kanilang mga kawani. Batay sa memorandum ng Department of Health, dapat ay isinasailalim sa test ang health care workers isang beses kada dalawang linggo o isang buwan depende sa kapasidad ng ospital. Ayon kay Presidential Spokesperson Harry Roque, puwede nang paimbestigahan ang mapapaulat na lumalabag dito. Kaya’t ang mensahe niya sa lahat, ipagbigay-alam lang sa mga awtoridad kung may mga hindi sumusunod sa naturang patakaran para magawan nang karampatang aksiyon.

[VTR]

USEC. IGNACIO: Pagkakaroon nang locally manufactured COVID-19 vaccines suportado rin ni Senator Bong Go. Aniya malaki ang potensiyal ng bansa na makapag-produce ng gamot at bakuna laban sa iba’t ibang uri ng sakit. Mas mabuti na rin daw na handa ang Pilipinas lalo pa’t walang nakakatiyak kung anong pandemya pa ang maaaring tumama sa mga susunod pang panahon. Narito ang detalye:

[NEWS REPORT]

USEC. IGNACIO: Ilang araw bago ang deadline ng pamamahagi ng ayuda sa NCR Plus, kaliwa’t kanan na ang isinasagawang distribyusyon ng mga LGUs. Ayon sa DILG, posible naman daw itong ma-extend kung kinakailangan, iyan at iba pang issue ang ating pag-uusapan kasama po natin si DILG Undersecretary Jonathan Malaya. Good to see you again, Usec.

DILG USEC. MALAYA: Yes. Magandang hapon—ay umaga. Magandang umaga Usec. Rocky at magandang umaga po sa lahat ng ating tagasubaybay.

USEC. IGNACIO: Alam kong abalang-abala kayo kaya hindi mo na alam kung umaga, gabi o hapon ano Usec.

Usec., unahin ko na lang po itong tanong ni Janice Ingente ng UNTV: Sa monitoring ng DILG, out of the 22.9 billion pesos na inilaang ayuda, nasa mga magkano po or ilang percent na ang na-disburse?

DILG USEC. MALAYA: Opo. Usec. Rocky, gumanda na po, bumilis na po iyong ating pamimigay ng ayuda. Sa NCR po nasa 31% na tayo, 3.4 million beneficiaries na po ang ating nabigyan ng ayuda which is equivalent to 3.4 billion pesos. So bumibilis na po ang ating pamimigay at wala pong tigil ang ating mga local government units sa pamumudmod ng ayuda mula sa national government.

USEC. IGNACIO: Usec., suportado po daw ng Malacañang na magkaroon ng extension sa pamamahagi ng ayuda. May final decision na po ba kayo sa Kagawaran tungkol sa apela ng ilang mga LGUs sa posibleng pagpapalawig pa ng distribution?

DILG USEC. MALAYA: Well mayroon na po kaming mga natanggap na mga requests for extension gaya po dito sa NCR: Muntinlupa, Valenzuela City, Quezon City. Mayroon din pong ilan sa Bulacan, sa Rizal, Laguna and Cavite. Ngunit ito pong mga request na ito ay pag-uusapan pa, magpupulong pa po si Secretary Eduardo Año, who Usec. Rocky I am pleased to announce ay bumalik na po sa trabaho sa araw na ito. He is back to work.

So si Secretary Año po [garbled]. Sila po ang magdidesisyon kung ilang araw ang ibibigay na palugit doon sa mga local government units na nag-request nito. As of now po, wala pa pong desisyon dahil Friday pa lang naman at ang earliest [garbled] probably [garbled].

USEC. IGNACIO: Opo. Usec., pasensiya na ‘no medyo napuputul-putol ka kanina. Ulitin lang natin na makikipagpulong po si Secretary Año and good news po na talagang nakabalik na siya dito sa trabaho. Ano po iyong unang-unang direktiba na naibigay ni Secretary Año sa inyo?

DILG USEC. MALAYA: Magpupulong pa po kami mamayang alas dos. So wala pa po siyang binibigay, except just to continue doing our job at i-monitor po ang distribution ng ayuda sa iba’t ibang mga LGUs sa NCR+.

USEC. IGNACIO: Opo. Ulitin ko lang po ano, kung okay po sa inyo na mayroon talagang ma-extend at ano po iyong magiging basehan ninyo sakaling mapagbigyan iyong hiling ng ilang LGUs na i-extend pa iyong pamamahagi nila ng ayuda?

DILG USEC. MALAYA: Well, depende po ito, Usec. Rocky, sa ibibigay na dahilan ng mga local government units and doon din sa naging tugon nila sa joint memorandum circular na ipinalabas ng DILG.

Sa tingin ko po, ang isa sa mga posibleng maging basehan is iyong nagkaroon ng COVID ang mga empleyado ng mga munisipiyo kaya hindi kaagad naipamigay iyong pondo – that is a valid reason dahil nga po naka-monitor po kami ng ilang munisipiyo sa Bulacan for example, na nagkaroon ng lockdown. So isa po iyan.

Pangalawa po, siguro ay mahirap po kasing mamudmod ng pondo sa panahon ng pandemya ‘no. And ang mga Lungsod po ng Quezon City at Manila ay napakadami po nilang kailangan bigyan ng pondo at hindi naman po sila in full capacity precisely because nasa surge po tayo. So if you consider all of those reasons, Usec., isa po iyan siguro sa ikukonsidera ni Secretary Eduardo Año at ni Secretary Rolly Bautista.

USEC. IGNACIO: Opo. Tanong pa rin po ni Janice Ingente: May sinasabi po si MMDA Chairman Benhur Abalos na mabagal iyong ginagawang house-to-house distribution ng ayuda ng ilang LGU. Irirekomenda po ba raw ng DILG na huwag gawing house-to-house ang sistema ng pamamahagi ng ayuda to comply with the deadline?

DILG USEC. MALAYA: Again, Usec., nasa kamay po ng mga LGU kung ano ang pamamaraan ng kanilang distribution. Iginagalang po iyan ng DILG kasi mas alam po ng LGU iyong sitwasyon sa baba, iyong sitwasyon sa mga barangay. Kaya po doon sa ipinalabas na Joint Memorandum Circular #1 ng DILG at DSWD ay binigay po natin ang kapangyarihang magdesisyon kung papaano ang pamimigay sa ating mga mayor.

Although totoo po ang sinabi ni MMDA Chairman Abalos na mas mabagal nga po ang pagbibigay kapag house-to-house dahil mas kumplikado po talaga ang house-to-house dahil papasok ka sa mga iskinita ‘no. But nonetheless, Usec., nasa kamay po ng mga LGU ang pamimigay nito at ang distribusyon nito depende sa kanilang kapasyahan.

USEC. IGNACIO: Opo. Kumusta naman po iyong update doon sa LGU na pinili pong mamahagi ng in kind na ayuda?

DILG USEC. MALAYA: Kaunti lang po ito, Usec. Rocky ‘no, sa Calauan, Laguna and several others, hindi pa po sila nakakapagsimula dahil may procurement process pa po silang sinusunod. Nag-posting po sila ng invitation to bid, and kapag nai-deliver po iyong mga goods na in-order nila ay iri-repack pa po iyan and iyan po ang house-to-house distribution.

So base naman po doon sa joint memorandum circular, 30 days naman po ang ibinigay nating period for distribution. So imu-monitor na lang po namin, ng DILG, kung maaabot naman mga LGU na ito iyong 30-day deadline.

USEC. IGNACIO: Opo. Usec., ilang mga barangay po iyong inirireklamo dahil hindi diumano naging maayos iyong sistema ng pamamahagi naman ng cash assistance. Hindi na raw po nasunod iyong physical distancing, mayroong inabot ng madaling araw sa pila. Ano po ang naging aksiyon ng DILG tungkol dito? At pinagpaliwanag ninyo po ba iyong mga LGU na humantong sa ganito iyong kanilang pamamahagi ng ayuda?

DILG USEC. MALAYA: Usec., hindi naman po pangkahalatan iyang ganiyang sitwasyon. As a matter of fact, kapag mayroon pong report kaming nakukuhang ganiyan, binabato po namin kaagad doon sa Joint Monitoring and Inspection Team para po magawan ng aksiyon iyong mga reklamo ng ating mga kababayan.

Para po sa akin, hindi naman po masama kung abutin ng hatinggabi. Ang ibig lang pong sabihin nito ay gustong tapusin ng ating mga disbursing officers ‘no, distribution team iyong pamamahagi ng ayuda so long as nasusunod iyong physical distancing and social distancing at iba pang mga minimum health standards.

So far, lahat naman po ng reklamo tungkol sa violation ng physical distancing at social distancing ay naaksiyunan na po ng mga local government units. Iyon pong nangyari sa Batasan during the first day of distribution ay matagal na pong nasolusyunan. Kahit po iyong nangyari sa Taguig na sumugod po iyong mga wala naman sa listahan ay nasolusyunan na rin po. So tuloy lang po ang pagtutok ng DILG para po lahat ng mga reklamo ay matugunan natin kaagad-agad.

USEC. IGNACIO: Opo. Tanong naman mula kay Miguel Aguana ng GMA News: Sa San Jose del Monte, Bulacan po ay diumano’y pinapipirma raw ng waiver sa mga nagki-claim ng ayuda. Nakalagay raw po na wala silang habol o reklamo sa gobyerno matapos tumanggap. Ano po ang masasabi ninyo dito? Dapat po ba raw ay may waiver pa?

DILG USEC. MALAYA: Well, ikinagulat po namin itong report na ito. Nakarating po ito sa amin sa DILG kagabi ‘no na diumano ay mayroon daw waiver na pinapapirma sa mga benepisyaryo natin sa San Jose del Monte. Again, let me emphasize, wala pong ibang lugar na nag-require ng waiver diumano except San Jose del Monte. Kaagad-agad po ay tsinek namin iyong executive order na inisyu ng mayor ng San Jose del Monte, at wala naman po kaming nakita na requirement doon for a waiver, at wala rin po doon sa Joint Memorandum Circular #1 na kailangan ng waiver.

So as of now, Usec., ay kinu-confirm muna namin itong report na ito kung totoo nga na may waiver. At hinihintay namin po ang paliwanag ng San Jose del Monte; if true, bakit sila nag-require ng waiver because as I said, wala nga po sa Joint Memorandum Circular #1 ang waiver at wala rin po doon sa executive order na inisyu ng mayor ng San Jose del Monte.

USEC. IGNACIO: Opo. Sakali po na totoo, may pananagutan po ba iyong mayor dito?

DILG USEC. MALAYA: Well, Usec., hindi ko pa masagot iyan ‘no kasi nga hindi pa tapos iyong ating imbestigasyon. As I said, ang hinihingi namin from San Jose del Monte is the legal basis for requiring a waiver. So siguro hanggang doon na muna, Usec., hintayin muna namin ang comment ng local government unit bago po kami magbigay ng komento.

USEC. IGNACIO: Opo. Tanong pa rin ni Miguel Aguana ng GMA News: Inirireklamo rin po ng ilang residente doon na isang libo lang daw po iyong natatanggap ng isang pamilya sa halip na 4,000 pesos?

DILG USEC. MALAYA: Okay. Nasolusyunan na po itong problemang ito. This was an issue around two or three days ago. Nagkaroon na po ng adjustment ang local government unit. Nagpunta po ang ating DILG field office sa San Jose del Monte, at inayos po natin iyong sistema.

Nagkaroon lang po ng kalituhan dahil naging iba po ang approach ng LGU na hindi nila pinapayagan na tanggapin ng head of the family iyong pondo para sa mga members of the family. Ang sabi po namin sa San Jose del Monte, since ang ating mga senior citizens are stay at home at ang mga minors naman are also stay home, they should allow iyong mga head of the household para kunin ang benepisyo para sa mga nasa bahay.

So nasolusyunan na po ito, Usec. Wala na pong reklamo yesterday dito sa problemang ito, at natatanggap na po ng pamilya ang lahat ng ayuda na kanilang kailangang matanggap depende sa numero ng miyembro. So kung tatlo po sila sa pamilya, ibinibigay na po sa kanilang iyong 3,000; kung apat po, 4,000. Pero kung lampas po sa apat, hanggang 4,000 lang po talaga ang puwedeng ipamigay na ayuda mula sa national government.

USEC. IGNACIO: Ayon po kay Chairman Belgica, marami na po daw silang natatanggap na reklamo tungkol dito sa cash aid distribution sa NCR Plus. Pero nabanggit naman po ninyo sa isang panayam na wala pa kayong nakukuhang reklamo ng anomalya sa ECQ ayuda. So, ano po ang ibig ninyong sabihin dito, Usec., bakit magkaiba daw kayo ng PACC sa sitwasyon na nakukuha from the ground?

DILG USEC. MALAYA: Kami po ay nakikipag-ugnayan na kay Chairman Belgica ng PACC para po makuha namin iyong datos tungkol dito sa complaints na natanggap nila mula sa ating mga kababayan in so far as the distribution of the ayuda is concerned. Dahil kami po ay nabahala din noong sinabi ni Chairman Belgica na umabot na sa 8,000 ang kanilang reklamong natatanggap.

Hindi po maliwanag sa amin kung anong klaseng mga reklamo ito, kasi po ang mga natatanggap po ng DILG na reklamo so far ay hindi po anomalya at hindi po korapsiyon with relation to the ayuda. Ang natatanggap po namin ay iyong mga wala sa listahan, itong mga isyu ng mga waiver, iyong kumpul-kumpulan, iyong mga pagdating doon sa center or distribution center ay mayroon ng pumirma sa pangalan, mostly ganiyan po; at iyan naman pong mga problemang iyan ay nasusolusyunan ng Grievance and Appeals Committee ng local government unit.

So, kami po ay nakikipag-ugnayan na ngayon sa PACC para ma-turnover sa amin iyong mga reklamo para ma-confirm nga po namin kung ano naman iyong mga sinasabing reklamo na hawak ng PACC.

USEC. IGNACIO: Ano daw po ang gagawin ng DILG at DSWD para ngayon pa lang daw po ay i-update na iyong listahan ng mga benepisyaryo na mga tumatanggap ng ayuda para kung sakaling may susunod pang pamamahagi ng cash aid ay wala na pong mga tanung-tanong pa. Kasi di ba ang naging basehan nga po iyong listahan na ito ay 2015 census pa. Inyong matatandaan—kasi parang Usec, understandable last year medyo kasi iyong ating unang bahagi ng pagbibigay ng ayuda medyo talagang alam nating masalimuot ito, pero kasi ito iyong ilang beses na, na nagkakaroon po tayo ng cash assistance?

DILG USEC. MALAYA: Yes, Usec ‘no. Alam mo hindi na talaga—sa tingin ko iyong reklamo sa ating mga kababayan normal na iyan. Hindi na ako umaasa pa na magkakaroon tayo ng distribution o programa ng gobyerno na walang reklamo. Ito iyong sinasabi na naka-base sa 2015 listahan nga, iyan po iyong 2015 po na listahan ay naging basehan lamang sa estimate noong pondo para sa pamimigay ng ayuda. Hindi po natin ibinase iyong listahan mula sa 2015 listahan na.

Iyong listahan po ng mga benepisyaryo ay nanggaling sa Social Amelioration Card or Social Amelioration Forms na mismong pinirmahan po ng ating mga kababayan. At hindi lang po iyan, iyong mga wait-listed din po ay pinapirma din po natin ng mga SAP forms at lahat po iyong dalawang listahan na iyon, iyon po ang naging basehan ng ating pamimigay ng ayuda ngayong taon.

But we understand na baka nga po may mga gustong maghabol at wala pa sa listahan, so ang ginawa po natin ay binigyan po natin ng kapangyarihan ang mga LGU na magdagdag o magtanggal ng mga pangalan. Kasi nga po napansin po namin sa mga ibang LGU na iyong iba ay umuwi na sa probinsya. Marami pong mga beneficiaries ng SAP last year ay umuwi na sa probinsya at wala na po ngayon sa kani-kanilang mga lugar. Since wala na po sila at nasa probinsya na po sila, puwede na pong magdagdag ng benepisyaryo ang mga local government units.

Iyan po ang ginawa naming sistema, Usec., para iyong mga nagrireklamo na wala sila sa listahan ay maihabol pa natin. Nasa kamay na po ngayon ng LGU para maisama po ang pangalan ninyo sa listahan so long as kayo po ay kuwalipikado.

USEC. IGNACIO: Opo. Usec., alam natin na napakahalaga ng contact tracers, iyong role nila sa paglaban natin dito sa COVID-19.

Ako po ay nakatanggap din ng reklamo, isa pong kababayan natin na nagbalik mula sa Norway, pagdating niya dito sa Terminal 3 ay iba daw po iyong flight details niya; so kailangan niyang ipabago iyong flight, binago naman daw po. Sumunod naman mali iyong pangalan niya so binago naman. Pero noong mali pa rin iyong address ay ayaw na daw baguhin kasi may email naman daw po. Eh napakahalaga po iyong mga detalyeng ganito na iyong pangalan, ang iyong address at ang iyong flight sa mga contact tracers. Ito po daw ay nangyari sa Terminal 3.

So sana po iyong ating mga magiging contact tracers ay talagang maging masigasig po sa pagkuha ng mga napakahalagang impormasyon ano po.

DILG USEC. MALAYA: Tama po kayo. Kaya nga po dito sa iha-hire na panibagong numero ng contact tracers which is around 4,754 na magagawa po natin itong hiring na ito sa tulong naman ng DOLE TUPAD ay lahat po itong 4,700 na ito ay isasailalim sa contact tracing training na isasagawa po ng DILG at ng Local Government Academy. So makakaasa po kayo Usec., na lahat po ng ating bagong contact tracers will undergo training para po mas magampanan nila ang kanilang mga tungkulin nang mas mahusay at mas efficient.

Para po sa mga interesado na maging contact tracers under the DILG-DOLE-TUPAD program ay puwede po kayong magsumite ng inyong mga application letter kasama ang barangay certificate to prove your residency at na kayo po ay isang displaced or disadvantaged worker at wala po kayong derogatory records sa barangay. Kasama na rin po ang isang medical certificate at puwede po itong isumite sa mga Public Employment and Service Office o mga PESO sa lahat ng City Hall sa Metro Manila. Doon po sila mag-apply para po sila ay makasama sa contact tracing program ng DILG na ngayon po ay kasama na nag Department of Labor and Employment.

USEC. IGNACIO: Okay. Kami po ay nagpapasalamat sa inyong pagbibigay ng oras sa aming programa, DILG Undersecretary Jonathan Malaya. Ingat po kayo!

DILG USEC. MALAYA: Maraming salamat din at mabuhay po kayo, Usec.

USEC. IGNACIO: Inirirekomenda po ng Food and Drug Administration na ipagpatuloy muli ang paggamit ng COVID-19 vaccines ng AstraZeneca sa Pilipinas, matatandaang inihinto ang pagbibigay nito sa mga edad 59 years old pababa dahil sa napaulat na blood clotting incident sa buong bansa na iniuugnay sa naturang bakuna.

Ayon kay FDA Director General Eric Domingo, base sa mga bagong ulat, very rare naman ito at nanatili pa ring ligtas gamitin ang gamot. Nakikipag-ugnayan na aniya sila sa Department of Health ukol dito at sumulat na rin siya kay DOH Secretary Francisco Duque III.

[VOICE CLIP]

USEC. IGNACIO: Nasa 600 hanggang 800 daang residente ng San Juan City ang target na mabakunahan ng lokal na pamahalaan ngayong araw, kabilang na dito sa San Juan City Mayor Francis Zamora na gumaling na po mula sa COVID-19. Ang detalye niyan mula kay Cleizl Pardilla:

[NEWS REPORT]

USEC. IGNACIO: Okay. Maraming salamat sa iyo, Cleizl Pardilla. Mag-ingat, Cleizl.

Ilang karagdagang ruta ang muling binuksan sa Kamaynilaan upang hindi na mahirapan ang mga pasahero na bumiyahe at makipagsapalaran ng sakay sa mga colorum units. Alamin natin ang detalye ng balitang iyan mula po kay Executive Director Joel Bolano ng LTFRB.

Good morning po, Sir!

LTFRB EXEC. DIR. BOLANO: Good morning, Ma’am! Usec., thank you for having us this morning.

USEC. IGNACIO: Salamat din po. Director, kahapon po ay sinimulan na iyong muling pagbubukas po ng ilang ruta sa NCR ano po. Ito po ba ay mga bus at jeep, at anu-ano po iyong mga ruta na pinayagan ninyo ulit na makabiyahe?

LTFRB EXEC. DIR. BOLANO: Ma’am, iyon pong mga binuksan nating ruta simula po noong April 13, ito po ay karagdagan doon sa nabuksan na po natin noong mga nakaraan pang taon during GCQ. Ang mga ruta po na ito ay sa mga iba’t-ibang area po ng Kamaynilaan, sa NCR, at ito po ay mga traditional PUJ at mayroon din pong modern PUJ [ruta] po tayong nabuksan para po makatulong doon sa ating mga pasahero.

USEC. IGNACIO: Pero masasabi po ba natin na bumabalik na iyong dami ng units na bumibiyahe sa Metro Manila kagaya noong pre-pandemic situation po tayo?

LTFRB EXEC. DIR. BOLANO: As far as LTFRB is concerned, halos po 80% na po ng ating traditional PUJ ang naibalik na po natin pre-COVID routes. Kumbaga po, sa ngayon po ang datos po natin ay nasa almost 40,000 na traditional PUJ na po ang tumatakbo sa buong NCR. Kaya sa tingin ko po nakakatugon na po ito doon sa mga pangangailangan ng ating mga pasahero considering po na medyo mababa rin po iyong mga [inaudible] sa ibang lugar dahil po doon sa limitation po ng ating ina-allow na bumiyahe sa labas.

USEC. IGNACIO: Director, ano po ang naging reaksiyon ng mga LGUs sa pagbubukas ng ilang ruta, ano po? Hindi naman po ba sila nangamba na maging dahilan po ito ng pagtaas ng kaso sa kani-kanilang mga bayan o probinsiya?

LTFRB EXEC. DIR. BOLANO: I-qualify ko lang po, Usec. Iyon pong mga jeepneys sa Metro Manila ay – sabi ko nga po kanina, dati na nga pong may mga open na ruta tayo, iyong iba nga po dinagdagan na lang po natin ng mga units – ay palagay ko po ay hindi naman po ang mga LGU magri-react po dito dahil ito ay makakatulong doon sa kanilang mga constituents.

Ang mayroon lang po tayong isang binuksan na iyon pong provincial buses. Ito pong provincial buses going to north and south, ito po iyong mayroon pong kailangan na permit doon sa mga LGUs na kanila pong dadaanan o kaya kung saan po sila mag-o-originate. Hindi po ibig sabihin na binuksan na po natin iyong ruta ng pang-probinsiya po natin ay puwede na po sila agad tumakbo.

Kailangan pong may coordination pa rin po ang LGU sa kanila or sila makipag-coordinate sa LGU kung papayagan na po na sila po ay makapagbiyahe doon sa lugar. So, bago po kami magbigay ng mga permit o iyong QR code para makabiyahe po iyong isang provincial bus ay kailangan po mayroong endorsement sa atin pong mga LGUs.

USEC. IGNACIO: Director, nang maipatupad po iyong ECQ, gaano po karami iyong mga nahuling colorum ng LTFRB kung kaya’t nagdesisyon po ang DOTr na magbukas pa ng mga ruta? At ano po iyong panganib sa pagsakay sa ganitong uri ng transportasyon?

LTFRB EXEC. DIR. BOLANO: Thank you, Ma’am. Iyon pong simula nang nag-ECQ po tayo, iyong LTFRB kasama po ang interagency council for traffic, iyong IACT po natin at iyong HPG, si LTFRB po ay nakapag-impound ng 43 units na mga “colorum” sa iba’t ibang lugar po sa Maynila kasama na po iyong mga boundaries natin sa may area po ng Laguna, itong nakaraang ECQ hanggang April 12 po.

So, kami po sa LTFRB at sa DOTr nananawagan doon sa ating mga kababayan na huwag po tayong pumatol doon sa mga “colorum.” Una po, hindi po natin nasusunod iyong health protocols. Baka sa kagustuhan po nating makauwi, iyong pasalubong po natin na ibibigay ay virus sa ating mga kamag-anak o kaanak sa ating uuwian.

Pangalawa po, wala po iyang mga insurances na puwede pong sumagot. Huwag naman po sana na may mangyari doon po sa inyong pagbiyahe. Dahil po ang mga public utility ay mayroon pong tinatawag iyon na Passenger Accident Insurance para sa kanilang pagbiyahe. So, sana po sundin po natin iyong mga patakaran pagdating po sa public transport.

USEC. IGNACIO: So, papaano ninyo naman o namu-monitor kung talagang nasusunod naman iyong 50% capacity sa mga pampublikong transportasyon?

LTFRB EXEC. DIR. BOLANO: Pagdating po diyan sa ating 50% capacity at sa iba pong mga ni-require natin sa health protocols, katuwang po natin diyan ang iba’t ibang agency ng ating pamahalaan, kasama na po ang LGUs.

Admittedly, Ma’am, napakaliit po ng ating complement pagdating po sa enforcement ng LTFRB at DOTr. So, kaya po katulong po natin diyan ang PNP, LGU, local enforcement, ang IACT, at iyon pong HPG at iba pong mga ahensiya like MMDA. So, doon po kasama po natin na na nagpapatupad sa kalsada para po ma-implement itong health protocol kasama na po iyong ating capacity sa mga public transport natin.

USEC. IGNACIO: Iyong contact tracing po partikular po sa mga jeep ay hindi naman daw po nasusunod. So, paano po ito dapat sinusolusyunan?

LTFRB EXEC. DIR. BOLANO: Iyon pong contact tracing, alam ninyo po, importante ho ito kaya nga po noong naglabas po tayo ng circular at pinayagan na po nating bumiyahe iyong public transport natin during GCQ kasama po doon ay iyong parang form na pi-fill-apan [fill-up] kapag sumakay ka po doon sa mga public transport.

Sa ngayon po, dahil naglabas na po ang IATF ng official pong contact tracing natin, iyong app ng StaySafe. Pinapayuhan po natin iyong ating mga public transport na gamitin po ito, mag-download para po mas madali ang paggawa po ng ating contact tracing. Although inaayos din po ng LTFRB kung paano ito totally maipatutupad dahil ito po ay isang technology, lalo na po doon sa ating mga public utility jeepneys.

But sa ngayon, ang ipinapatupad ho natin kung wala pa po iyong app na iyon ay iyon pong—kailangan mayroon po silang pini-fill-apan na papel bago po sila bumaba sa public transportation.

USEC. IGNACIO: Naku! Nasusunod po ba sa mga jeepney itong ganitong klase? Well, anyway, hanggang kailan daw po naman tatagal iyong mga libreng sakay ng DOTr para sa mga APOR? May mga reports po ba kayong natatanggap kaugnay sa umano’y paniningil ng free ride vehicles sa kanilang pasahero? Naku, mayroon ba pong ganiyan? Saan daw po sila puwedeng magsumbong kung sakali?

LTFRB EXEC. DIR. BOLANO: Sa ngayon po, Ma’am, doon po sa instruction ni Secretary Tugade, tuluy-tuloy po ito hindi lang po sa Metro Manila kung hindi ini-expand na po natin ito sa buong bansa kaya nag-start na po tayong maghanda para po maipatupad din ito sa ibang regions ng ating bansa. So, sa ngayon po habang MECQ tayo, tuluy-tuloy po iyan at ang instruction ni Secretary, kahit po anong maging quarantine status natin ay ipagpapatuloy po ang ating libreng sakay.

Tungkol po doon sa tanong mo, Ma’am, na kung may nagrireklamo, iyong umpisa po iyong initial days natin na nagpatupad, may mga pailan-ilan po na tayong nari-receive pero na-address naman po natin iyan dahil kinausap po natin iyong mga operators na kailangan na sabihin sa kanilang mga drivers na ‘pag tinawag na ‘free ride’ dahil mayroon po kayong bayad sa gobyerno ay wala po talagang isinisingil.

Ngayon kung mayroon po na mga instances o mga incidents na may naniningil, tumawag lang po kayo sa LTFRB hotline 1342 o kaya puwede ninyong bisitahin ang aming mga social media at iyon pong aming website.

USEC. IGNACIO: Okay. Bigyang-daan ko lang po iyong tanong ng ating kasama sa media ano po. Mula kay Karen Villanda ng PTV: Nagsagawa po ng mini caravan ang mga jeepney drivers sa Pasig ngayong umaga para daw po mabigyan po sila ng sampung libong pisong ayuda. Ang gusto din po sana nila ay agarang ayuda mula sa government. May inaasahan po ba ang mga jeepney driver mula sa LTFRB?

LTFRB EXEC. DIR. BOLANO: Ma’am, iyon pong mga ayuda o iyon pong mga assistance natin sa mga drivers, kahit noong isang taon po ang namimigay po ay ang [garbled]. Ang LTFRB lang po ang nagbibigay noong mga listahan po ng mga pangalan ng mga beneficiaries natin from our operators, iyon po iyong ating niri-regulate.

So sa ngayon po ang programa natin para sa mga drivers ito pong service contracting na patuloy po kasama na po iyong libreng sakay diyan under the service contracting para po maayudahan natin iyong konting kinikita nila na madagdagan po.

Kaya siguro, Ma’am, hingiin ko itong pagkakataon para po sa ating mga driver-operator na bisitahin po iyong aming mga social media at website na patuloy kaming naglalagay ng mga paalala kung papaano po kayo makaka-enroll dito po sa aming programa at patuloy ho ito na inaasikaso natin para po sila po ay matulungan doon sa kanilang [garbled]. [Garbled] halimbawa po sa PUJ, bukod po sa kikitain nila kung naka-enroll po sila doon sa tinatawag natin na service contracting, binabayaran po sila ng P11 sa ngayon ha, P11 po Ma’am per kilometer na binabiyahe nila on top po doon sa kanila pong kikitain.

So malaking bagay po ito lalo na sa ating mga traditional PUJ. Ngayon po mayroon pong ginawa ang LTFRB, na itaas po ito sa P27 para po mas lalo po silang matulungan. Kaya ini-encourage ko po sila, ang ating mga drivers, ating operators na sumali na po kayo. Puntahan ninyo po iyong aming website o iyong aming opisina kahit po MECQ may mga tao po kami ngayon sa office para po mag-assist po sa kanilang registration, orientation and signing of the contract – iyon lang pong tatlo na iyon ang process natin, Ma’am Usec.

USEC. IGNACIO: Okay. Maraming salamat po sa inyong panahon, LTFRB Executive Director Joel Bolano. Ingat po kayo, Director!

LTFRB EXEC. DIR. BOLANO: Thank you, Usec. Thank you, ma’am. Thank you po.

USEC. IGNACIO: Samantala, binuksan ngayong araw ng Taguig City ang ikatlo nitong mega vaccination hub. Bahagi pa rin ito ng hakbang ng lokal na pamahalaan para po mapabilis at maging organisado ang kanilang pagbabakuna kontra COVID-19. Ang update mula kay Louisa Erispe:

[NEWS REPORT]

USEC. IGNACIO: Maraming salamat sa iyo, Louisa Erispe. Ingat, Louisa.

Ilang pamilyang biktima po ng sunog sa Kawit at Dasmariñas, Cavite ang hinatiran ng tulong ng team ni Senator Bong Go. Aabot naman sa mahigit dalawandaang indibidwal na lubhang apektado ng community quarantine mula sa iba’t ibang bayan ng Cavite ang nakatanggap din ng tulong mula sa Senador. Narito po ang report:

[NEWS REPORT]

USEC. IGNACIO: Mula naman po sa Davao, may ulat si Julius Pacot:

[NEWS REPORT]

USEC. IGNACIO: Okay, babalikan po natin ang report na iyan ni Julius Pacot.

Marami pong manggagawa sa sektor ng turismo ang muli na namang umaaray sa gitna nang mahigpit na community quarantine. Ano nga ba ang hatid na tulong ng DOLE para sa kanila. Makakausap po natin sa puntong ito si Assistant Secretary Dominique Tutay mula po sa Employment and General Administration Cluster ng DOLE. Welcome Back, Asec.

DOLE ASEC. TUTAY: Magandang araw po, Usec. Rocky. Doon po sa tourism sector po, mayroon po tayong mga 15,500 na establishments po na tourism related affecting almost 300,000 workers mula po noong nag-umpisa itong pandemya. Pero, Usec. Rocky, itong mga naitala po natin na displaced workers or naapektuhan, maaari pa po itong mas mataas pa dahil nasa formal sector lamang po iyong binibigay Kong datos, maaari Pong dumoble ito. Kaya naman po under the Bayanihan II, mayroon po tayong 5,000 pesos financial assistance under the COVID-19 Adjustment Measures Program in the tourism sector.

USEC. IGNACIO: Opo. Sa panuntunan po o guidelines ng DOLE at DOT, lahat po ba ng manggagawa sa sektor ng turismo ay sakop ng COVID-19 Adjustment Measures Program o CAMP? Kung hindi naman po lahat, sinu-sino lamang po iyong sakop at maaaring mag-avail ng CAMP mula po sa sektor ng turismo?

DOLE ASEC. TUTAY: Opo. Lahat po ng mga tourism-related sectors, Usec. Rocky, ay kasama po sa ating mga pagbibigay ayuda po. Unang-una na po dito iyong mga naapektuhang manggagawa sa primary at secondary tourism enterprises na DOT-accredited po o kaya ay lisensiyado po ng ating mga local government units. Kabilang po dito iyong mga hotels, resorts, travel and tours agency, iyong mga tourist transport operators po natin, iyong mga tourism trainers, tourist shops, iyon pong mga tourism training centers, mga zoo, mga recreation centers, gallery at museum. Kabilang din po dito iyong mga naapektuhang manggagawa na nagbibigay po naman ng tourism support services kagaya po ito ng mga bus, mga jeepney, mga tricycle drivers, mga island hopping boats, mga fast-food, mga food vendors po sa mga tourism destinations po natin ay pasok din po sila. Pati na rin po iyong mga massage therapist po natin, iyong mga salon, mga parlor at mga barberya, kasama po sila dito.

USEC. IGNACIO: Opo. Asec., patuloy pa rin po ba iyong isinasagawang tulong ng DOLE at DOT para naman po doon sa mga apektadong manggagawa at saka establishments sa sektor ng turismo, lalo na po dito sa NCR+ kung saan ipinatutupad ngayon iyong MECQ?

DOLE ASEC. TUTAY: Opo. Tuluy-tuloy po ito, Usec. Rocky. Binigyan po ng mandato ng ating Kalihim Bebot Bello ang lahat po ng mga regional directors po natin na nakakasakop po sa NCR+ bubble na i-prioritize po nila iyong mga workers under the tourism related sectors sa pamimigay po ng ayuda.

Base po sa tala po ng Department of Labor and Employment, mahigit 250,000 workers na po under the tourism sector ang naibigay na po iyong talagang kanilang financial assistance to the tune of 1.26 billion as of yesterday. And mayroon po tayong na-process pa na mga more than 151,000 tourism related sector na workers po to the tune of 758 million na kailangan pong ma-process po ang payment within the month of April.

And then thereafter po, Usec. Rocky, may matitira na lamang po tayo na mga isang bilyon sa tourism na budget para po makapag-accommodate pa po ng around 200,000 workers and hopefully po, ito ay matapos po natin bago po ang buwan ng Hunyo.

USEC. IGNACIO: Opo. Asec., kung sakali pong naging benepisyaryo ng Small Business Wage Subsidy o SBWS program ng SSS, maaari pa rin po bang mag-avail sa CAMP ang mga manggagawa mula sa tourism sector?

DOLE ASEC. TUTAY: Opo, Usec. Rocky. Pinalawig po ng DOT at ng DOLE ang kaniyang joint memorandum circular para po mabigyan pa rin po ng ayuda iyong mga dating nakatanggap na po na tourism-related sectors na nabigyan na rin po sa SBWS at saka even po iyong sa mga unemployment insurance po na nanggagaling sa SSS. Kaya simula po nitong Abril ay maaari na po silang mag-apply para po dito sa CAMP tourism.

USEC. IGNACIO: Bukod po sa CAMP, Asec., mayroon pa po ba tayong ibang tulong na ipinaabot sa mga manggagawa sa sektor ng turismo?

DOLE ASEC. TUTAY: Opo. Iyon pong ating mga ibang sektor na lalung-lalo na doon po sa informal sector patuloy pa rin po iyong pamimigay po natin sa kanila ng ayuda through the emergency employment program under TUPAD at ito po naman ay may kaukulang pong bayad na minimum wage doon po sa prevailing wage rate po sa region kung saan nasasakop po ang ating mga kababayan.

USEC. IGNACIO: Asec., para po sa kaalaman ng publiko, saan daw po maaring sumangguni kung may mga katanungan o suliranin hinggil sa pag-a-avail po ng CAMP?

DOLE ASEC. TUTAY: Opo. Puwede po silang tumawag sa DOLE hotline 1349 at para naman po doon sa gustong mag-follow up o kaya ay gusto pong mag-apply para sa Tourism CAMP maari din po nilang puntahan iyong ating reports.dole.gov.ph.

USEC. IGNACIO: Opo. Asec., next month po ay gugunitain natin iyong Araw po ng Manggagawa o Labor Day. So, may mga activities po ba na hinahanda ngayon ng DOLE para po sa paggunita ng nasabing okasyon?

DOLE ASEC. TUTAY: Opo. Ngayon po Usec. Rocky, ay naghahanda po tayo para sa malawakang job fair para po sa May 1 at lahat po ng ating mga regional offices at Public Employment Service Offices nationwide po ay nangangalap na po ng mga job vacancies at iyong magpa-participate po na employer para sa ating job fair. Kaya nga lang po kakaiba po ang gagawin nating job fair sa taon na ito dahil nga po sa pandemic, bawal po ang maraming tao so online na gagawin ng DOLE sa pakikipagtulungan po ng ating mga PESO ang ating magiging job fair for May 1.

Mayroon din po tayong isinusulong Usec. Rocky na job summit para po sa May 1. Ang layunin naman po ng job summit na ito ay ma-recover po talaga natin iyong mga employment na nawala po sa atin during the pandemic. At ilalatag po dito ng ating mga business group, ng mga labor sector at ng pamahalaan iyon pong employment recovery agenda na tinatawag po natin sa darating po na job summit on May 1.

USEC. IGNACIO: Asec., imbitahin mo na iyong ating mga kababayan na mga naghahanap ng trabaho para dito sa job summit at sa job fair. Saan po sila pupunta kapag sinabi po ninyo na online ito, ano po?

DOLE ASEC. TUTAY: Sa mga gusto po na mag-apply po para sa ating mga iba’t ibang job vacancies, maaari po ninyong puntahan ang mga Trabaho Negosyo Kabuhayan (TNK) web page under the Bureau of Local Employment iyan po ay matatagpuan sa ble.dole.gov,ph.

O kaya naman po maari din po nating bisitahin ang ating official social media pages lalung-lalo na po sa mga Facebook po natin, dito rin po maaari po kayong magtanong sa ating mga Public Employment Service Offices na nakalagay po or nandudoon po sa ating mga local government units sa bawat munisipyo, sa bawat siyudad at bawat probinsiya po na mas malapit po sa inyong lugar.

USEC. IGNACIO: Opo. Ulitin lang natin, Asec., nationwide po itong jobs fair at saka po itong job summit ano po?

DOLE ASEC. TUTAY: Tama po, iyon po ang ating gagawing activity for May 1 ay malawakan po, nationwide po.

USEC. IGNACIO: Okay. Maraming salamat po sa inyong oras, Assistant Secretary Dominique Tutay ng Employment and General Administration Cluster ng DOLE. Mabuhay po kayo, Asec.!

DOLE ASEC. TUTAY: Salamat po.

USEC. IGNACIO: Samantala, muli nating balikan ang ulat ni Julius Pacot mula sa PTV Davao. Julius?

[NEWS REPORT]

USEC. IGNACIO: Maraming salamat sa iyo, Julius Pacot ng PTV Davao. Makibalita din tayo sa Cordillera, ang ulat ihahatid sa atin ni Florence Paytocan.

[NEWS REPORT]

USEC. IGNACIO: Maraming salamat sa iyo, Florence Paytocan.

Narito naman po ang pinakahuling datos ng COVID-19 cases sa buong bansa. Base po sa report ng Department of Health kahapon, April 15, 2021, umabot na sa 904,285 ang total number of confirmed cases matapos makapagtala ang Kagawaran ng 11,429 na mga bagong kaso. 148 na katao ang mga bagong nasawi kaya umabot na sa 15,594 ang total COVID-19 deaths. Ang mga kababayan naman natin na naka-recover na sa sakit ay sumampa na sa 705,164 matapos makapagtala ng 856 new recoveries kahapon. Ang total active cases naman sa bansa sa kasalukuyan ay 183,527.

Pinapayo po ng mga eksperto sa kalusugan na makipag-ugnayan sa tele-consultation kung may nararamdamang sintomas ng COVID-19. Maaari rin po kayong tumawag sa hotline na 02-894-26-843 o i-dial po ang 1555. Nandiyan din po nag One Hospital Command Center hotlines upang tulungan kayo na ma-admit sa pagamutan kung kinakailangan.

At iyan po ang mga balitang aming nakalap; muli salamat po sa mga ahensiyang nakasama natin sa pagsiserbisyo publiko.

Ang Public Briefing po ay hatid sa inyo ng iba’t ibang sangay ng PCOO sa pakikipagtulungan ng Department of Health at kaisa ng mga Kapisanan ng mga Brodkaster ng Pilipinas o KBP. Maraming salamat din po sa Filipino Sign Language Access Team for COVID-19.

Tandaan: Mag-MASK, HUGAS, IWAS! Buksan ang mga bintana para dumaloy po ang hangin sa ating mga tahanan ano po; panatilihin din pong malakas ang ating resistensiya, kumain po tayo ng tama.

At sa ngalan po ni Secretary Martin Andanar, muli ako po si Usec. Rocky Ignaci0. Magkita-kita muli tayo bukas dito lamang sa Public Briefing #LagingHandaPH.

##

—
News and Information Bureau-Data Processing Center