USEC. IGNACIO: Magandang umaga Pilipinas. Mula sa PCOO, ako po si Usec. Rocky Ignacio. Ngayong araw ng Sabado – trabaho, bakuna at nagkakaisang pananampalataya ng mga Pilipino ngayong panahon ng pandemya ang ating pag-uusapan kasama ang mga panauhin na laging handang sumagot sa tanong ng bayan, kaya tumutok lamang sa isang oras nating talakayan dito sa Public Briefing #LagingHandaPH.

Maya-maya lamang po ay makakasama natin sa programa sina Philippine Overseas Employment Administration Administrator Bernard Olalia; Philippine Medical Association President Dr. Benito Atienza; Bishop Reuben Abante at Bishop Efraim Tendero para po sa gagawing interfaith prayer meeting for the nation; at si Department of Health Undersecretary Maria Rosario Vergeire.

Kung may tanong o mensahe po kayo sa kanila, mag-comment lamang po sa live streaming ng ating programa sa PTV Facebook at YouTube account.

Kapapasok lamang po na balita: Ayon kay Labor Secretary Silvestre Bello III, sasagutin na ng mga employers ang gastos sa institutional quarantine requirements ng ating mga OFWs sa Saudi Arabia. Para po sa detalye ng anunsiyong ito at tulong na maibibigay ng Labor Department sa mga naapektuhan na mga manggagawa ng suspension order kahapon, makakausap po natin sa linya ng telepono si Philippine Overseas Employment Administration Administrator Bernard Olalia. Good morning po, sir.

POEA ADMINISTRATOR OLALIA: Good morning po, ma’am. Good morning po sa mga nanunood po sa programa.

USEC. IGNACIO: Opo. Sir, ano na po iyong napagkasunduan nina Secretary Bello at ng Saudi government dito po nga sa nangyaring suspension muna ng deployment ng OFWs natin sa kanilang bansa?

POEA ADMINISTRATOR OLALIA: Tama po kayo sa binalita ninyo ma’am ano. At tulad po ng gusto nating mangyari at inaasahan natin doon sa pagbibigay natin ng direktiba ng temporary suspension of deployment, nakipagpulong na po at nakipag-usap na ang ating mahal na Ambassador ng Kingdom of Saudi Arabia sa ating mahal na Secretary of Labor at pumapayag na po, ayon po sa Ambassador, ang KSA government na ilalagay nila sa isang clarification letter na ang KSA employers o iyong foreign employers po ang sasagot sa lahat po ng health and quarantine protocols ng ating mga OFWs na papunta po ng Kingdom of Saudi Arabia.

Pinaliwanag na po nila iyong advisory na hindi po dapat kasama ang OFW doon sa travel advisory na kung saan may mga pananagutan ang mga travelers na mag-7-day institutional quarantine at magbayad po ng COVID test pati na po iyong insurance coverage.

USEC. IGNACIO: Opo. Ibig sabihin po nito ay lifted na iyong suspension order at maaari na pong makaalis ito pong kahapon na may halos limandaan po na hindi natuloy na magbiyahe sa Saudi Arabia?

POEA ADMINISTRATOR OLALIA: Naku Usec., iyan po ang ating hangarin ano. Alam ninyo po ang nakalagay doon sa nabasa kong news, sa oras na matanggap po ng aming mahal na Secretary of Labor iyon pong note verbale o iyong communication na nagsasabi na iyong employers na ang sasagot sa lahat ng health and quarantine protocols ay ili-lift agad din po ng ating mahal na Secretary iyong temporary suspension na pinairal po natin kahapon.

USEC. IGNACIO: Opo. Iyon nga po ‘yung sinasabi natin na kung nag-signify na po ngayon na sagot naman po ng employer nila iyong gastos sa requirements para sa quarantine protocol, posible pong payagan na itong mga OFW na makaalis. Admin, linawin lang po natin para po sa mga nakikinig nating naapektuhan ng biyahe sa Saudi Arabia.

POEA ADMINISTRATOR OLALIA: Opo, tama po iyon. Ang nabasa ko po, ang nakalagay po doon sa news article at kinakailangang i-consult ko pa sa ating mahal na Secretary ay oras po na matanggap iyong official communication magmula po sa KSA Embassy na pumapayag na po ang employers na siya ang sasagot sa lahat po ng quarantine and safety protocols, agad-agad po ay ili-lift ng ating mahal na Secretary iyon pong temporary suspension.

USEC. IGNACIO: Opo. Bakit daw po kasi suspension agad iyong naging utos ng DOLE kung pinag-aaralan pa naman daw po iyong nasabing kaso, Admin?

POEA ADMINISTRATOR OLALIA: Alam ninyo po, iyon pong KSA advisory na iyan inilabas po noong Mayo 11 ng taong ito ‘no at naging effective po iyan May 20, 2021 ‘no. Mahigit isang linggo na pong pinapatupad iyan at nagkaroon po kami ng sulat at communication sa Saudi government na humihiling kami ng clarification na dapat huwag isama ang OFW doon sa kanilang travel advisory dahil according to POEA rules, iyong employer po nagbabayad noon – maliwanag po iyon sa regulasyon po natin. Pero wala po tayong natatanggap na official clarification kaya po nagkakaroon ng confusion at iyong mga OFWs po natin, iyong kawawang pumupunta ng Saudi ang siyang nagbabayad at napakalaki po ng ginagastos.

Kaya tayo po ay umaksiyon, ang ating mahal na Secretary po ay nag-issue agad ng direktiba ng immediate temporary suspension of deployment para po magkaroon ng pressure na maglabas na ng official declaration, kasi po iyon ang nangyayari, marami pong OFWs natin ang nagrireklamo at kinakailangan pong agarang solusyon.

USEC. IGNACIO: Opo. Administrator, may bilang po ba kayong kung ilan iyong mga na-stranded simula pa kahapon?

POEA ADMINISTRATOR OLALIA: Mahigit apat na raan po Usec. iyong hindi po nakaalis kahapon. Pero ang kagandahan naman po nito, sila po ay binigyan po natin ng advice at nandudoon naman po ang OWWA ‘no na siya pong nag-shoulder ng hotel accommodation noong mga galing pa ng probinsya at iyong food allowances and everything para po nang sa ganoon eh mag-aantay lamang sila nang napakaikling panahon para po masolusyunan ito. Ang amin pong tinitingnan eh baka bukas o mamayang hapon or today ay lifted na po iyan, makakaalis na rin po sila.

USEC. IGNACIO: Opo. Administrator, ito pong nangyari dito sa regulasyon na ginawa po ng Saudi Arabia, ito po’y sa Saudi lamang. Pero pinag-aaralan na rin po ba ng ating pamahalaan iyong mga posible rin pong guidelines na ipatupad pa rin sa iba pa ring mga bansa? Alam po natin na napakahalaga nito sa Saudi Arabia kasi dito po talaga napakaraming mga Pilipino ang nagtatrabaho. Pero para sa mga ibang bansa po, tayo po ba ay mayroon na ring inilalatag na guidelines o koordinasyon para po hindi na ulit mangyari ito?

POEA ADMINISTRATOR OLALIA: Alam ninyo po Usec. last year, bago po nagkaroon ng resumption of deployment, ‘di ba nagkaroon po tayo ng mga lockdowns, ng mga travel restrictions, bago po lumabas iyong ating deployment guidelines para po sa mga OFWs natin, ang POEA po ay inatasan na ng DOLE na maglabas ng guidelines tungkol sa quarantine at saka safety protocols.

At maliwanag po doon sa POEA guidelines namin last year pa na lahat ng gagastusin sa quarantine, COVID test at anumang mga protocol iyan na ipinatutupad ng iba’t ibang bansa, iyong tinatawag nating countries of destination, dapat po walang gastos ang ating OFWs at ang sasagot sa gastos na iyan ay iyon pong mga foreign employers. Maliwanag po iyong guidelines natin na iyon at ito po ay pinatutupad natin kaya nga po nagkaroon ng conflict nang nag-issue ang KSA ng travel advisory na salungat doon sa guidelines ng POEA. Kaya po ginawaan natin agad ng solusyon para po hindi ma-confuse ang ating mga OFWs.

USEC. IGNACIO: Opo. Pero Administrator, kasama rin po ba diyan sa ating inaasikaso na iyan iyon pong ilang mga bansa, mayroon na po bang mga report na mayroon silang mga gustong bakuna mula doon sa mga papapasukin sa kanilang mga bansa?

POEA ADMINISTRATOR OLALIA: Iyon pa po ang isang dahilan ano kaya po tayo naglabas ng ganiyang solusyon. Kasi nga po doon sa advisory ng KSA, apat lamang iyong type po ng bakuna na kanilang kinikilala. Hindi po kasama iyong isang bakuna na siya nating ginagamit dito sa ating bansa for our vaccination program. Harinawa hindi po maging ganiyan ang patakaran ng ibang bansa na mayroong choice of vaccine dahil sa ating bansa kahit anong vaccine eh iyon po ang ginagamit natin para po sa vaccination program po natin.

USEC. IGNACIO: Opo. Sir, kunin ko na lang po iyong payo ninyo sa ating mga kababayan na OFWs na nakatakda pong aalis ngayon patungo sa Saudi Arabia.

POEA ADMINISTRATOR OLALIA: Opo. Maraming salamat pong muli, Usec. sa opportunity na ito. Para po sa mga kababayan po nating OFWs, alam po namin na marami pong naantala, marami pong nagsakripisyo kahapon pero intindihin po natin, ginagawa po natin ang ganito para po sa nakararami ‘no. Iyong majority po ng ating mga OFWs na umaalis ay nagrireklamo at sinasabi na iyong kanilang mga protocols doon sa pupuntahan nila, sila po mismo ang sumasagot.

Alam po natin na may mga employers naman na compliant. Alam po natin na iyong mga OFWs naman natin, iyong iba diyan ay hindi nagbabayad pero karamihan po talaga ng ating OFWs ay sinisingil sa quarantine cost kaya po ginawa natin ito para po sa mga nakararami ‘no.

So mag-antabay lang po tayo, baka ngayong araw na ito o mamayang gabi, ito po ay magkakaroon na ng agarang solusyon at papayagan na po muli ng ating mahal na Secretary of Labor, Silvestre “Bebot’ Bello III, iyong pag-alis po ng ating mga OFWs papunta po ng Kingdom of Saudi Arabia.

Marami pong salamat.

USEC. IGNACIO: Maraming salamat po sa inyong panahon at siyempre sa inyong impormasyon at paliwanag, POEA Administrator Bernard Olalia.

Sa iba pang balita: Muli naman pong nadagdagan ang Malasakit Center sa bansa. Kamakailan po ay dalawang branch nito ang binuksan sa publiko sa Lungsod ng Maynila. Narito po ang report:

[VTR]

USEC. IGNACIO: Sa gitna ng mga pangamba sa COVID-19 vaccine, kabi-kabila pa rin po ang information drive na isinasagawa ng iba’t ibang sektor upang mapaintindi sa ating mga kababayan iyon pong kahalagahan ng pagpapabakuna, at isa po sa katuwang natin sa vaccination program ay ang health care professionals. Kaugnay niyan ay makakausap po natin si Dr. Benito Atienza, ang presidente po ng Philippine Medical Association. Good morning po, Doc.

PMA PRES. ATIENZA: Good morning. Good morning sa inyo.

USEC. IGNACIO: Opo. Nito lang pong Huwebes ay nag-launch po kayo ng “Sa Bakuna Nagkaisa” campaign. So ano po ang layunin nito at ang mga inaasahan natin sa paglulunsad nitong kampanya?

PMA PRES. ATIENZA: Nakakatuwa iyong paglulunsad naming ito, kasi ito ay isang inisip ng Philippine Medical Association together with other health care frontliners tulad ng MedTech, pharmacists, radiologists. Kasi iyong Philippine Regulation Commission ay may 44 accredited professional [health association], at isa rito ay iyong COPHA – ito iyong Confederation of Professional Health Association.

Naisip ng Philippine Medical Association na makipagkaisa kami at buuin ang isang grupo na nag-aano po ng adbokasiya na mabakunahan ang ating mga kababayan, ang mga kapuwa Pilipino para maabot po natin iyong herd immunity, ito po ay para mapaabot sa atin, lalo iyong mga seniors, na magpabakuna. At makikita nila, lahat ng health sector ay nakikiisa dito.

At kung maaano ninyo, mayroon kaming pinalabas na isang teaser, parang ano iyon, ‘Ako isang doktor. Ako isang nurse, isang medical technologists. Isa akong radiologist.’ Magandang makita na kami-kami ay nagtutulungan para mapalaganap ang kaalaman sa bakuna at mabawasan natin iyong hesitancy para magpabakuna. Napakaganda nitong paraan at saka nagkaroon ng lecture si Dr. Atty. Bu C. Castro para ipaliwanag ang mga pros and cons ng pagbabakuna na walang sagutin ang mga magbabakuna kasi ito ay ano ito, nasa ano ng gobyerno. At saka safe, at saka babantayan namin ang mga—kausap din namin dito, kasama rin namin si Dra. Lulu Bravo, ang aming chair ng advocacy ng pagbabakuna sa Philippine Medical Association, at siya rin ang chairman ng adverse event ng bakuna. Kung may nakita silang nagkaroon nang kaunting problema after bakuna, itatawag ito sa kanila.

At saka nagkaroon din kami dito ng panunumpa na tutulong kami hanggang sa pagpapalaganap ng kahalagahan ng bakuna, pagbabakuna at pagmu-monitor sa mga nabakunahan.

USEC. IGNACIO: Opo. Doc., kaugnay niyan, basahin ko lang po, may tanong sa inyo si Bianca Dava ng ABS-CBN News: What is your assessment daw po of our vaccination program? May improvement ba o marami pa ring dapat ayusin?

PMA PRES. ATIENZA: So far, marami pa ring dapat ayusin. Kaya nga lang ngayon, nakakatuwa na kasi doon sa information campaign, sa pakikipagtulungan ng Philippine Medical Association, DOH at sa iba pang sangay ng pamahalaan at NGO, dumadami na iyong gustong magpabakuna lalo dito sa NCR. Ang nagiging problema nga ay kulang iyong bakuna doon sa ibang area at saka iyong magbabakuna. Kaya ang ano namin, katulad doon sa Araneta Center, ang binabakunahan nila doon ay 2,000 per day. Tapos may mga areas katulad ng NEDA, humihingi sa amin ng tulong, sa Philippine Medical Association, ng vaccinators kasi may darating silang 3,000.

According to our Undersecretary Myrna Cabotaje, siya iyong sa bakuna, maraming darating na bakuna sa private at saka sa LGU nitong June at July. Kaya inaasahan namin na makikipagtulungan kami, ang mga doctor, ang mga nurses para madagdagan at saka mabawasan iyong pila, mahabang pila, para mabilis ang pagbabakuna at ma-monitor namin.

USEC. IGNACIO: Opo. Doc., kanina sinabi mo, may kailangan pang ayusin o para ma-improve. Ano po iyong nakikita ninyong pangunahing dapat ayusin para ma-improve pa iyong ating vaccination program?

PMA PRES. ATIENZA: Ang kailangan pa nating ayusin ay iyong mga timing ng pagbabakuna, iyong oras na pagpunta nila doon para hindi masyadong mahaba iyong pila [garbled] dito sa Quezon City, marami silang vaccination centers at saka iyong [garbled] ang problema sa vaccination centers, kulang iyong magbabakuna. Dapat well-coordinated.

At iyan ang aming gagawan ng paraan na different areas ng Pilipinas kasi may 117 component societies sa buong Pilipinas at natutugunan. Like iyong sa Palawan, nakikipag-ugnayan ang LGU sa medical society ng Palawan [garbled] naaayos nila iyong may oras bawat doktor. Kumbaga, ako magbibigay ako ng dalawang oras, itong isang doktor dalawang oras, napupunuan. Bawat oras ay may doktor doon na naghihintay.

Tulad din dito sa Taal-Lemery, ganoon din ang ginagawa natin at saka [garbled] ibang sangay. At saka pinakikita ng mga miyembro [garbled] together with their offices, nandudoon sila, nakabantay lang. Kailangan lang [garbled] para siguradong may babakunahan kasi nandiyan na iyong bakuna, dapat hindi masayang ang bakuna kasi iyong iba diyan baka mag-expire at saka iyong kailangan natin iyong cold chain natsi-check.

USEC. IGNACIO: Opo. Second question po niya: How should we increase daw po the public’s confidence in vaccination of any kind of brand?

PMA PRES. DR. ATIENZA: Iyon nga ang sinasabi namin, palaging sinasabi na ang halos ng mga bakuna ay—sinasabi na all vaccines are created equal kasi para sa kagalingan nga natin. Ang anuhin lang natin kung anong bakuna dadating sa inyo, huwag na tayong [garbled] siya ay makakapagbigay ng proteksiyon para hindi tayo magkaroon [garbled]. Ang inaano lang natin na after ng bakuna natin ay dapat pa rin tayong mag-ingat [garbled] iyon nga [garbled]. Kasi nabigay na natin iyong protection kaya maghugas ng kamay, iyong main ano natin, mag-face shield at [garbled] nariyan pa rin ang ano sa ibang variant.

Puwede po tayong [garbled] pero [garbled] tayo mag-positive kasi iyong ibang variant o kaya dapat—kasi ang sinasabi namin palagi, ang pinakaligtas diyan bakunahan ka ng dalawang dose, two weeks after ng second dose, dapat malaman iyon at saka malaman ng mga tao na lahat nga, kaming mga professionals nagpapabakuna nga; bakit ano ba iyong agam-agam nila? Ini-explain naman, kaya nga sinisigurado namin lahat ng vaccination area ay mayroong ano tayo, may doktor o ano na mag-i-explain sa kanila.

At para doon naman sa mga nasa bahay at saka iyong sa ano, kaya ini-involve natin ngayon iyong lahat ng mga lahat ng professionals – engineer, itong mga architect, lahat kasi sila ang paliliwanagan natin na magpaliwanag sa kanilang mga, sa kanilang [garbled] kamag-anak kasi malaking bagay iyon lalo na iyong mga may-ari ng mga tindahan [garbled], iyong kanilang mga [garbled] mabigyan para maabot natin iyong 70% to 80% herd immunity kasi kailangang mabakunahan ang 8 million of the Filipinos para maabot natin iyong herd immunity.

Napakaganda noon, ipinaliwanag namin ito doon sa aming [garbled] sa bakuna nagkaisa kasi nga nagkaroon kami doon panunumpa na tutulong kami sa pagpapaliwanag, pagbabakuna, pagbabantay noong mga nabakunahan. Ito’y napakaimportante kasi [garbled] kita nilang ang mga doktor, lahat ng nasa health sector bakuna [garbled] natin itong nasa letter A pa lang tayo tapos susunod na diyan iyong mga nasa military, mga teachers, iyong mga ganoon na [garbled]. Importante kasi makaabot sa ating mga kababayan [garbled]—

USEC. IGNACIO: Opo. Doc, babalikan namin kayo Doc Atienza ha. Aayusin po namin iyong aming linya ng komunikasyon sa inyo. Napuputul-putol po kayo, balikan po namin kayo.

Samantala, bisyo ang magserbisyo, iyan ang pinatunayan ni Senator Bong Go habang patuloy siya sa pagtupad sa pangakong gagawin ang kaniyang buong makakaya para makatulong sa mga Pilipino. Narito po ang report:

[NEWS REPORT]

USEC. IGNACIO: Muli po nating balikan si PMA President Dr. Benito Atienza. Doc?

PMA PRES. DR. ATIENZA: Okay na po?

USEC. IGNACIO: Opo. Naririnig ninyo na po ako?

PMA PRES. DR. ATIENZA: Yes, po.

USEC. IGNACIO: Opo. Pasensiya na po kanina. Doc, kahapon inanunsiyo ng IATF na kasama na rin po sa A1 priority list ang immediate family members ninyong mga healthworkers. So, ano po ang masasabi ninyo rito?

PMA PRES. DR. ATIENZA: Opo. Kasi matagal na po naming hinihingi iyan at nagpapasalamat kami po sa Inter-Agency Task Force na pinagbigyan po ang hiling namin kasi nga ay nagiging problema natin, kahit po ang mga healthworkers at saka mga doktor po ay [garbled] po, ang inaano po natin is baka po tayo mahawa rin. At kasi nakita pa rin natin, kahit na nabakunahan na iyong mga doktor at saka mga nurses, mayroon pong pangilan-ngilan na nahahawa pa rin. Kasi sabi po nga natin dapat ay nakumpleto muna iyong ating bakuna para maprotektahan tayo doon sa severe COVID pero po puwede pa rin tayong mahawa sa mild COVID.

Iyon po ang nangyayari doon sa iba na ‘pag uuwi po sa bahay ay nag-aagam-agam pa rin ang ating healthworkers kasi nga po iyong pag-uwi ay wala pang bakuna ang kanilang mga mahal sa buhay na kasama sa bahay; ay hindi naman po puwedeng hindi sila uuwi. Kaya po ang ginagawa nga ng iba nagha-hire pa ng bahay o naghu-hotel pa para mag-quarantine pagkatapos ng duty at ano po nito, isang magandang pagkakataon ito para mawala ng—iyong ano ba, iyong tulong sa pamilya ng mga frontliners natin.

USEC. IGNACIO: Opo. Doc, tungkol naman po sa pamamahagi ng Ivermectin drug bilang panggamot daw umano sa COVID. May mga nabalitaan rin po ba kayong mga medical practitioners na nagrireseta nito kahit hindi sila authorized ng FDA?

PMA PRES. DR. ATIENZA: Ah, kasi palagi po naming pinaalalahanan ang ating mga doktor na iyon pong ibinigay ng FDA na [garbled] pag-aano po ni Dr. Eric Domingo na ito po ay binigay lang doon sa limang [garbled] at ito po ay para lang doon sa bulate po, iyon po. At kung magri[garbled] may reseta lang po iyan, doon po sa mga doktor under [garbled] sa limang [garbled] po [garbled]. Kung nag-issue naman po sila na available na po iyong Ivermectin for human use, iyon po ay [garbled] ng FDA na iyon po ay para sa bulate.

USEC. IGNACIO: Opo. Doc, pinahihinto naman daw ng Kongreso iyong Professional Regulation Commission at DOH sa pag-iimbestiga sa mga doktor na nauna nang namahagi ng Ivermectin dito raw po sa isang barangay sa Quezon City dahil ayon sa isang mambabatas ay gusto lang nilang maging accessible ang gamot para sa lahat. So, ano daw po ang reaksiyon ng PMA dito?

PMA PRES. ATIENZA: Iyon po [garbled] ang ano lang PO ng Philippine Medical Association ay may nagreklamo po doon sa apat na doktor at ipinasa na po iyon sa Commission on Ethics ng Philippine Medical Association. Ang nag-aano po ng ganiyan ay ang Regulatory [garbled] po ng PRC. Sila po ang puwedeng magkansela o mag-imbestiga sa [garbled] at pina-follow up na po namin iyan sa Philippine Regulation Commission.

USEC. IGNACIO: Opo. Kami po ay nagpapasalamat sa inyong panahon sa pagsama sa amin dito at siyempre sa mga inisyatibo ng Philippine Medical Association dito po sa mga pagsusulong na ginagawa ninyo para po mapalakas itong ating pagbabakuna, itong vaccination program ng pamahalaan. Salamat po sa inyo, Philippine Medical Association President, Dr. Benito Atienza.

PMA PRES. ATIENZA: Maraming salamat din po sa pagpapa [garbled].

USEC. IGNACIO: Opo. Samantala, napakalaking tulong sa panahon ngayon ang pagkakaroon nang matinding pananampalataya upang malagpasan nating mga Pilipino ang mga hamon ng pandemya kaya nagkaisa pong muli ang iba’t ibang sekta ng relihiyon sa bansa para sa isasagawang interfaith prayer meeting bukas, araw po ng Linggo. Alamin natin ang iba pang detalye niyan mula po kina Dr. Butch Belgica, Presidential Adviser for Religious Affairs; Bishop Reuben Abante, lead convenor ng Alliance of Baptist Councils; at Bishop Efraim Tendero, global ambassador ng World Evangelical Alliance. Welcome po sa Laging Handa, Sirs.

Opo. Unahin ko na lang po si Dr. Belgica. Gaano po kahalaga itong pagkakabuklud-buklod ng iba’t ibang religious groups sa bansa sa pagsasagawa ng national interfaith prayer meeting ngayong patuloy po nating nararanasan ang pandemya?

4. BUTCH BELGICA: Magandang tanghali po sa lahat, sa atin pong mga kababayan at sa inyo diyan sa PTV 4.

Ang Diyos na lumikha ng langit at lupa ang siyang tanging makapagliligtas sa atin sa pandemyang ito. Walang anupaman, wala ho talaga tayong maaasahan lalung-lalo na po sa pagbangon natin sa epekto dito sa pandemyang ito.

Kaya po ang ating Pangulo ang nanawagan sa lahat po ng ating mga kababayan, anuman po ang inyong relihiyon, na makiisa sa whole nation pray as one, heal as one. Ang Pangulo bilang lider ng ating bayan ay siyang tanging makapangunguna sa atin upang tayo ay kahabagan ng Diyos, at ang atin pong ekonomiya ay umunlad at ang atin pong buong bansa ay magkaroon ng kapayapaan.

USEC. IGNACIO: Opo. Dr. Belgica, bagama’t limitado pa rin po iyong capacity ng mga religious gatherings, ano po iyong pamamaraan na isasagawang simultaneous prayer meeting bukas? At ilan din po iyong inaasahang makikiisa dito?

1. BUTCH BELGICA: Eh milyong-milyong Pilipino po, kasi lahat po kasi ng mga napuntahan namin, we’re about 10,000 volunteers na nagmuni-munisipiyo at bukod po sa mga simbahan. Iyon pong mga mayors, governors ay nakiisa, naabisuhan po namin. At ang iba ay bumili pa nga ng mga air time para mag-hook up sa PTV 4 bukas. Kaya hindi po namin masabi, siguro baka kasing laki ito ng mga boksing ni Pacquiao na mag-aabang dahil 3 to 5, ito po iyong interfaith prayer meeting at ang President’s Hour na kung saan po ang Pangulo mismo ang mangunguna sa panalangin. Lahat po ito ay virtual or blended ang tawag, at iyan po ay mapaliliwanag ng atin pong chairman at co-chairman ng Organizing Council of Elders ng mga relihiyon na nagsama-sama upang ito ay ilunsad sa utos po ng atin pong Pangulo sa akin mismo.

Salamat po.

USEC. IGNACIO: Opo. Dr. Belgica, tiyak po na marami sa ating mga kababayan na nanunood at nakaabang para sa programang ito. So anong oras po ba ito magsisimula? At paano po sila puwedeng makiisa?

1. BUTCH BELGICA: Si Bishop Reuben at saka si Bishop Efraim, siguro mas maganda sila ang makapagpaliwanag tungkol diyan. Sila ang mga nasa program committee at sila po ang talagang nag-supervise sa flow ng program.

USEC. IGNACIO: Opo. Kay Bishop Abante po.

BISHOP REUBEN ABANTE: Opo. Magandang araw sa iyo, Usec. Rocky. Magandang araw sa ating lahat ng mga kababayan.

Tungkol po dito sa Whole Nation Pray as One, Heal as One sa Mayo a-trenta, sa Linggo na po ito, ano po. Bukas actually, alas-tres ng hapon hanggang alas sais. At iyong tanong mo, Usec. Rocky, kung gaano karami, inaasahan pa po natin ang tulong ng lahat ng ating mga sektor, lahat ng ating mga ahensiya gobyerno, lahat ng mga iba’t ibang relihiyon at mga simbahan, mga nasa pamunuan, na tulungan po tayo na ipabalita at ipamahagi ito sa lahat, ano po.

At alam ninyo po, napakaganda sapagka’t lumalabas sa buong mundo, Usec. Rocky, tayo lang ang lumalapit sa Diyos na isang bayan, bilang isang bayan. Alam mo, sabi ng ating Preamble sa ating Constitution eh, “We, the sovereign Filipino people, imploring the aid of the Almighty God,” so ito ay very consistent sa ating Preamble na as a nation regardless of ang ating katayuan, regardless ng lugar natin, anumang relihiyon, anumang tribo, anumang katayuan sa lipunan, saanmang sektor, ang hikayat po natin ay makibahagi po tayo rito.

Kaniya-kaniyang panalangin kaya po iyong programa ay ipapabahagi natin sa pamamagitan po ng network ng government. At nagbigay commitment na rin po ang ibang mga miyembro ng KBP at mga iba’t ibang social media platforms ng maraming mga relihiyon at simbahan na sabay-sabay po na ito ay ikakalat sa buong mundo.

At alam ninyo po ay nakakuha na po tayo ng mga commitment at mga prayers actually, some of them in video na mula sa mga iba’t ibang sektor, industriya, mga ahensiya, mga branches ng ating pamahalaan, ano po, at mga LGUs – kalat na kalat na po ito. Kaya bukas ay magsasama-sama po tayo.

USEC. IGNACIO: Opo. Alam din po natin na isa rin ang religious sector, Bishop Abante, na sinubok nitong pandemic, ano po. Pero kayo po, paano ninyo po ito hinarap lalo na’t kailangan na kailangan po ng maraming Pilipino ang inyong suporta?

BISHOP REUBEN ABANTE: Alam ninyo, very challenging. Kaya mabuti na lamang po at iyong panawagan na ito na ginawa ng Office of the Presidential Adviser on Religious Affairs, iyong panawagan na ipinaabot sa amin mga religious leaders, ayan, kasama ko po sila Bishop Efraim Tendero at mga iba pang mga nasa pamunuan ng iba’t ibang relihiyon, aba’y bukas-isip po at bukas puso na tinanggap ito. Ayan na magsama-sama kami, kami ang nag-meeting, pinag-usapan ang pinakamagandang paraan kung paano itong panawagan na ito ng ating Pangulo ay ipaabot po sa lahat.

At maganda rin po naman na ang iba’t ibang mga kaibigan, mga networks, at alam naming mga nasa pamunuan ng ibang relihiyon ay they came on board, ano po. At hanggang po ngayon ay nakikibahagi pa tayo at sumusulat po tayo na ipadala ang kanilang mga prayers at kung saan man po naruroon ang mga iba’t ibang kongregasyon at mga churches ay sabay-sabay po tayong manunood. At habang may nananalangin po sa social media platforms at telebisyon ay sabay-sabay din po silang mananalangin.

USEC. IGNACIO: Opo. Salamat po, Bishop Abante. Kay Bishop Tendero naman po. Bishop, masasabi ninyo po bang nabawasan o mas tumindi pa iyong pananampalataya ng mga Pilipino ngayong panahon ng pandemya? At ano na lamang po ang inyong mensahe sa ating mga kababayan lalo na iyong may mga pinagdadaanan?

BISHOP EFRAIM TENDERO: Napansin natin na sa panahon ng pandemya, ang mga tao ay lalong lumalapit sa ating Panginoong Diyos sapagka’t iyong COVID-19 ay isang evolved enemy. Hindi po alam kung nasaan eh. Okay nga sana kung giyera na nakikita mo kung nasaan iyong nagpuputukan, nasaan ang iyong kalaban. Pero dito hindi mo alam kung sino ang may dala nito, kung sino ang may nai-infect na nito kaya ang tulong ay coming from our God who made heaven and earth.

Nagpapasalamat tayo na sa panahong ito ng pandemya, maraming mga Pilipino ang lalong naging malapit sa Panginoong Diyos, lumalapit at talagang naninikluhod, humihingi ng tulong, humingi ng gabay at tunay na paglapit sa Diyos.

Nagpapasalamat din nga tayo na ang ating Pangulo Presidente ang siyang nagkaroon ng ganitong pagbibigay ng instruction sa pamamagitan ng Office of the Presidential Adviser for Religious Affairs [garbled] kaya from the Catholic Bishops Conference, ang Evangelical Churches, National Council of the Church, ang mga Muslim, ganoon din iyong sa Iglesia ni Cristo, kasama din natin ang nasa Church of Jesus Christ of the Latter Day Saint.

Ang pinupuntirya ay sa panahong ito na mayroon tayong problemang hinaharap o parang nakikipag-giyera tayo sa invisible enemy, lumapit tayo sa ating Diyos na buhay at ang Diyos na buhay ang handang tumulong.

Paalala nga galing sa salita ng Diyos, sinabi doon sa 2 Chronicles 7:14 which is our theme verse, ‘If my people, which are called by my name, shall humble themselves, and pray, and seek my face, and turn from their wicked ways; then will I hear from heaven, and will forgive their sin, and will heal their land.’

Kailangan ng ating bansa ang kagalingan, kailangan ng ating bansa ang patnubay sa mga pamunuan, ang protection na nanggaling sa ating Panginoon Diyos at ang ating pananalangin ang magiging tugon sa ganitong kalagayan. Ang ating Diyos ay Diyos na buhay, Diyos na lumalang ng langit at lupa at siya ang makakatulong sa atin sa pagharap ng matinding dagok at hamon ng COVID-19.

USEC. IGNACIO: Opo. Kami po nagpapasalamat sa inilaan ninyong oras sa amin Dr. Butch Belgica, Bishop Reuben Abante at Bishop Efrain Tendero. Nawa’y maging matagumpay po ang gagawing inter-faith prayer meeting bukas at mag-ingat po at maraming salamat po sa inyo.

BISHOP TENDERO: Maraming salamat po.

1. BUTCH BELGICA: Maraming salamat po.

BISHOP REUBEN ABANTE: Maraming salamat po.

USEC. IGNACIO: Samantala, puntahan naman natin ang PBS Radyo Pilipinas para sa pinakahuling balita mula sa mga lalawigan, makakasama natin si Aaron Bayato. Magandang umaga sa iyo Aaron.

[NEWS REPORT]

USEC. IGNACIO: Maraming salamat sa iyo Aaron Bayato ng PBS Radyo Pilipinas.

Tumungo na po tayo sa pinakahuling datos ng COVID-19 cases sa buong bansa. Base sa report ng Department of Health kahapon, May 28, 2021:

• Umabot na sa 1,209,154 ang total number of confirmed cases matapos madagdagan ng 8,748 ang mga bagong kaso. Malaki-laking bilang po ulit iyan mga kababayan.
• 187 katao ang mga bagong nasawi, kaya umabot na po sa 20,566 ang total COVID-19 deaths.
• Ang mga kababayan natin namang naka-recover na sa sakit ay umakyat na sa 1,134,818 matapos itong madagdagan ng 3,017 new recoveries kahapon.
• Ang total active cases naman sa kasalukuyan ay 53,770, nananatili po iyan sa 4.4% lamang ng kabuuang kaso sa Pilipinas

Matapos kontrolin ang surge sa NCR Plus, sa mga probinsiya naman nakatuon ang atensyon ngayon dahil doon naman tumataas ang bilang ng mga nahahawa sa COVID-19, upang alamin ang sitwasyon ukol diyan at update na rin sa ating vaccination roll-out, muli tayong sasamahan ni Department of Health Undersecretary Maria Rosario Vergeire. Good morning po USec.

USEC. VERGEIRE: Magandang umaga po Usec. Rocky.

USEC. IGNACIO: Opo USec., kumusta na po iyong status ng ICU ng ilang probinsiyang binabantayan ng DOH bilang high risk areas?

USEC. VERGEIRE: Yes, ma’am no. So, katulad ng sinasabi po natin, bagama’t bumaba ang kaso dito sa NCR Plus Bubble, makikita naman natin ang pagtaas ng mga kaso dito po sa ilang bahagi ng ating bansa pati na rin po ang paggamit ng kanilang mga ICU beds. Dito po sa CAR we have 71% utilization, sa Region II po 71% din, sa Region IX it’s 79%, Caraga has 71%, Region IV-A has 71% and Region III has 71; so, kapag tiningnan po natin sila po lahat ay nasa high risk level po.

USEC. IGNACIO: Opo. USec, nasabi ninyo nga po kahapon na wala pang official na statement na ipinapadala sa inyo ang World Health Organization tungkol sa community transmission ng mga UK at South African sa bansa. Pero sa ating pag-aaral at pag-aanalisa, USec., hindi pa ba natin ito makukumpirma at wala pa ba tayong masasabing sapat na ebidensiyang hawak sa ngayon?

USEC. VERGEIRE: Well, pag tiningnan po kasi natin, USec. Rocky ‘no, ang definition po kasi ng community transmission:

• Ito po iyong pag-detect ng large number of these variants;
• pangalawa, may mga clusters po tayong nakikita at napatunayan na itong mga variant ang cause niyan;
• pangatlo, hindi na ho natin nali-link iyong mga kaso sa bawat isa doon sa komunidad na pinangyayarihan.

Ito pong ginagawa natin whole genome sequencing is we are doing for purposive sampling kung saan hindi naman ho natin nati-test lahat ng mga areas at tayo lang po ay namimili kung sino dahil may limitasyon pa rin po ang ating proseso. Kaya nga po kami we rely and also we request these help from the WHO so that we can be able to analyze properly at mabigyan po tayo ng guidance kung talagang may community transmission na nga dito sa ating bansa.

Pero ang gusto lang nating sabihin sa ating mga kababayan kahit na ano pa hong level ng community transmission, kahit ano pang variant ang dumating dito sa ating bansa, iyon naman pa rin po ang ating gagawin hindi mababago. We just need to intensify our compliance with the minimum health protocol at kung turn na ho nating magpabakuna, magpabakuna na po tayo.

USEC. IGNACIO: Opo, Usec., nitong mga nakaraang araw, mataas po ang naitatalang COVID deaths. Posibleng may kinalaman din po kaya ito sa local transmission ng Indian variant? Na-identify na po ba natin kung anong variant ang may pinakamaraming naitalang namatay sa bansa?

USEC. VERGEIRE: Sa ngayon po, Usec. Rocky, we can’t even see that there is local transmission of this Indian variant. Ang naitatala pa lang ho natin sa ating mga datos ay labing dalawang katao na na-identify natin na may mga variant na ito most of them have recovered already. Of course alam natin na may isang namatay at mayroon pa hong naka-admit sa Hospital na tatlo.

Pero, kapag tiningnan po natin kasi katulad nitong B1.1.7 itong UK variant sa ating bansa, only about 2% from these detected individuals ang namatay dahil po dito sa COVID-19. Dito po sa South African variant ganoon din po, mga 2.1%, out all of those identified with the South African variant.

So, pag tiningnan po natin, hindi ho natin nakikita iyong direct co-relation ng pagdami ng mga namamatay dito po sa mga variant. But of course as I have said, may limitasyon ho ang ating surveillance when it comes to variant because we are just doing sampling in specific areas at hindi pa rin ho natin nakikita iyong totoong picture at katulad nga ng lagi kong sinasabi, iyon pa rin naman ho, it’s the same response that we do is we just intensify it because of the detection of the variant.

USEC. IGNACIO: Paano naman daw po iyong magiging kalakaran dito sa pagbabakuna na ng mga family members ng ating mga health care workers at OFWs na aalis ng bansa? Kung na-estimate ninyo po ba kung ilang doses ang kailangan para dito at kung kailan po daw ito magsisimula?

USEC. VERGEIRE: Yes Ma’am, actually ito pong sa OFW ang binigay na protocol ng IATF dapat iyong mga paalis na within four months from this period. So, atin pong ikakalap iyan, kukunin natin sa Department of Labor and Employment, ilan ba iyong OFWs na nakikita natin paalis na within this four months na sinasabi.

Pangalawa, ito pong mga kamag-anak ng mga health care workers kailangan pa ho nating makapag-release ng guidelines para magkaroon po tayo ng pamantayan kasi kailangan lang po siguro nuclear family muna ang uunahin, dahil nga alam naman natin this will all depend on the number doses that we have right now. So, hintayin po natin iyong mga guidelines para po mas maayos ang pagpapatupad natin.

USEC. IGNACIO: Opo, isinusulong po ng isang grupo ng mga Senior Citizens na payagan nang lumabas o magkaroon ng bakuna pa ang mga senior na nabakunahan na. Meanwhile, pinag-aaralan ninyo pa rin iyong posibilidad ng pag-aalis ng face mask sa mga bakunadong individual. Hindi po ba daw makakahikayat ang mga proposals na ito sa iba pang mga Pilipino na magpabakuna na dahil nakikita nila na nagba-back to normal na iyong fully vaccinated persons? Maaari na po bang masabi na ito, Usec?

USEC. VERGEIRE: Kailangan po natin pag-aralang maigi itong bagay na ito, katulad ng sabi ko nga kahapon sa media forum natin, pinag-aaralan po lahat iyan. Bukas po ang ating gobyerno para pag-aralan ito dahil nakikita naman natin na maaaring maging beneficial para po ma-increase ang vaccine confident sa ating bansa lalung-lalo na sa mga senior citizen.

Pero, kailangan din po natin balangkasin maigi dahil pag tiningnan po natin iyong mga ibang bansa, na gumagawa nitong mga ganitong practices, they have already covered about 50% of their population. Dito po sa ating bansa, kakaunti pa lang ang ating nababakunahan, hindi pa rin po sapat para masabi natin na magiging ligtas tayo kapag ginawa natin ito dahil hindi ho natin alam na baka kapag pinalabas natin sila may mga makakasalamuha pa rin sila na hindi pa ho bakunado o di kaya ay may sakit at baka mahawa pa rin sila. So, kaya gusto pong pag-aralan maigi ng gobyerno ito bago tayo magbigay ng desisyon.

USEC. IGNACIO: Opo. Bigyan daan ko lang, Usec., iyong mga tanong ng ating mga kasamahan sa media. Mula kay MJ Blancaflor ng Daily Tribune: The national Task Force says, additional doses of Sputnik V vaccine will arrive on Sunday. Where will the government deploy these vaccine doses?

USEC. VERGEIRE: Ito po ay pinag-uusapan actually according to the national vaccine cluster. Ibibigay po ito uli doon sa mga lugar na nakikitaan natin ng pagtaas at may high burden of disease and highly populous. And kakaunti lang ho kasi itong paparating na Sputnik V, mga 50,000 doses lang po, so siguro po mga dalawa hanggang tatlong lugar muna ang mabibigyan nitong mga bakunang ito.

USEC. IGNACIO: Opo. Usec., may follow up lang si Leila Salaverria ng Inquirer para doon sa mga health workers po na family, pahabol po, pa-clarify lang daw po: Ibig bang sabihin ay iyong mga immediate family lang na kasama sa bahay ng health worker ang isasama sa A1?

USEC. VERGEIRE: Usec. Rocky kailangan ko hong ulitin, hintayin natin iyong guidelines dahil atin pong pinag-aaralang maigi dahil ang usapan naman talaga with our IATF officials, this will depend on the supplies or depend on the delivery of vaccines to our country. So, kaya nga kailangan natin tingnan sino po ba talaga iyong mga kapamilya na dapat ipa-prioritize muna. Na ang mga health care workers, ipa-prioritize natin bago po iyong iba naman na extended family na tinatawag. So, ito po ay pag-uusapan at magbabalangkas tayo ng polisiya or guidelines para dito para po mas maging maayos.

USEC. IGNACIO: Opo. Ang second po niyang tanong: Ano daw po ang dahilan kaya isinama na sila sa A1?

USEC. VERGEIRE: Ito po ay isang kahilingan ng ating mga health care workers, simula’t sapul naman po na ang kanilang sinasabi sa atin, nabakunahan nga sila pero kapag umuwi naman sila sa kanilang kabahayan ay iyong kanilang mga kasama sa bahay ay hindi bakunado. So, nandoon pa rin iyong risk na puwede silang mahawa at puwede rin nilang mahawa iyong kanilang mga kamag-anak. Kaya nga po ito po ay isa sa isinulong ni Sec. Galvez at ng ating mga IATF officials para maging buo ang protection ng bawat pamilya lalung-lalo na ang ating mga health care workers who are the most at risk and most vulnerable at this point in our pandemic.

USEC. IGNACIO: Opo. Ang second question po ni MJ Blancaflor: Na-administer na po ba lahat ang Sputnik V doses na na-deliver sa atin? Did we record severe effects among vaccine recipients?

USEC. VERGEIRE: Ito pong naibigay sa atin noon na Sputnik V, these were 30,000 doses, 100% po ay nai-deliver na doon sa mga piling lugar dito sa NCR at lahat po ay nai-administer na for the first and the second doses of these vaccine. Eto pong mga adverse events na tinatawag, wala po tayong naitala na severe or serious at mga namatay dito po sa Sputnik V na bakunang ito.

USEC. IGNACIO: Opo. Huling tanong po ni MJ Blancaflor, tanong din po ito ni Michael Delizo ng ABS-CBN news: Is the government inclined to NCR Plus under a more relax form of GCQ and should the public expect that more promises will be place under a stricter quarantine qualification due to rising number of cases?

USEC. VERGEIRE: Well, makakaasa po kayo na pinag-aaralan naman po talaga ng ating gobyerno ito pong mga pagtaas ng mga kaso sa ibang lugar dito sa ating bansa. Mayroon ho tayong ginagamit na mga pamantayan para masabi kung tayo ay mag-i-escalate or magdi- deescalate ng community quarantine classification. Ito po iyong numero ng mga kaso at saka iyong health care utilization. So, base po dito sa parameters na ginagamit natin dito po magiging basehan ng decision ng IATF officials at ito po ay ia-announce through an official statement coming from the Office of the President through our Spokesperson.

USEC. IGNACIO: Opo. Sunod pong tanong ni Michael Delizo: Sa pananaw daw po ng Department of Health, ano ang mga industriya na puwede ng magbukas at manatiling sarado? Dalawang buwan nang sarado ang mga fitness center, mapagbibigyan na ba sila sa Hunyo?

USEC. VERGEIRE: Kailangan tingnan natin kung ano iyong pinaka-appropriate base sa community quarantine classification. Kapag tinitingnan po natin iyong ating Omnibus guidelines ng IATF kapag dumating sa mga community quarantine classification mayroon pong mga iba’t-ibang industriya na nakasaad diyan na puwedeng bukas o hindi bukas depende sa quarantine classification.

Ang unang-una po na ginagamit natin na batayan would be paano po ba iyong risk of being exposed or getting the infection kapag ikaw ay nagbukas ng ganitong industriya? Katulad po ng mga ganitong mayroong mga fitness gyms, iyong mga Spas wherein iyong pong pagsasama-sama ng tao at saka iyong mga close contacts na tinatawag natin na interaction between and among them ay hindi maiiwasan, baka ito po ay isang bagay na pag-iisipan pa maigi ng ating gobyerno. Ang atin pong priority ngayon na binubuksan are the essential sectors para iyong ating ekonomiya ay makabawi at magkaroon din po ng sapat na salaries ang ating mga kababayan para hindi sila nagugutom.

USEC. IGNACIO: Opo. Tanong naman po ni Bianca Dava ng ABS-CBN news: Do we already have guidelines for the vaccination of foreigners following the inoculation daw po of several Chinese nationals in Pasay City? May we ask for updates on the DOH probe into the incident?

DOH USEC. VERGEIRE: Ah yes, ma’am ‘no. So actually noong ating nakapanayam ang ating mga officials from this local government, sila naman po ay nakapagsaad na itong mga binakunahan are permanent residents although they are foreign nationals but they have permanent residency here in the country. At iyan naman po ay naisaad na sa isa sa mga IATF resolutions na sinasabi kung ikaw ay permanent resident dito bagama’t ikaw ay foreigner, you will not be treated differently from Filipino nationals. Ibig sabihin dito ka nakatira, kailangan bakunahan ka namin kasi ikaw ay makakasalamuha rin ng mga Pilipino. So ito pong nangyari sa Pasay noong isang araw ay nabigyan na po natin ng clarity na ito naman po ay ayon sa protocols ng ating gobyerno.

USEC. IGNACIO: Opo. Usec., sunod pong tanong niya: What is DOH’s reaction to some LGUs and private establishments plan to implement incentive programs to encourage more people to get vaccinated? Is the DOH planning to come up with its own incentive program as well?

DOH USEC. VERGEIRE: Ah yes, ma’am ‘no. So ang sinasabi nga natin, wala po tayong opposition dito sa mga ginagawang incentive programs. Actually we support this ‘no so that we can improve better itong kumpiyansa sa bakuna, we can encourage people. Ito naman po ay isang bagay na ginagawa talaga in the strategy of persuading people ano to uptake services.

Sa atin naman pong banda, sa ating national government with DOH, tayo na rin po ay nakikipag-usap ‘no with the other agencies kung paano tayo makakapagbigay nang further incentives. Katulad po noong mga incentives sa ating mga programa sa gobyerno. So titingnan po natin iyan at magbibigay po tayo nang additional information in the coming days.

USEC. IGNACIO: Opo. Tanong naman po ni Red Mendoza ng Manila Times: Bakit po lumobo sa mahigit walong libo ang kaso kahapon samantalang anim na libo lang po ang tinest na positibo noong dalawang araw bago ang release ng data? Ito po ba ay surge or dahil po ba sa naiwang mga kaso at maari po ba itong makaapekto sa posibleng pagdideklara ng restriction sa Lunes?

DOH USEC. VERGEIRE: Kailangan natin—we have to be very cautious in interpretation, Usec. Rocky; kailangan alam po ng ating mga kababayan ang iba’t ibang factors which affects our numbers per day. Alam po natin that Wednesday, Thursday, Friday would be—may trend na po na nandiyan talaga iyong mas mataas na mga numero na naitatala natin because of all laboratories submitting completely and being operational for these specific weeks or specific days.

Ito pong pagtaas kahapon, iyong walong libo, tinitingnan po natin ano iyong mga datos. Nakikita po natin kasi aside from NCR, IV-A and Region III, dumadagdag na po iyong pagtaas ng kaso sa ibang lugar. So ito po siguro ay bunsod noong mga pagtaas ng mga kaso sa iba’t ibang lugar aside from the NCR Plus. Pero minu-monitor po natin maigi at uobserbahan ho natin iyan para makapagbigay po tayo nang accurate na information sa ating mga kababayan.

USEC. IGNACIO: Mula pa rin po kay Red Mendoza: May dini-develop po na technology ang DOST Region VI na ang tawag ay S-PASS na isang travel management system para sa mga nagtatrabaho at mga turistang lokal. Maari po ba itong maikonsidera ng DOH bilang COVID passport para madaling makapunta at ma-trace ang pinupuntahan ng isang tao sa isang lugar?

DOH USEC. VERGEIRE: Well bukas naman po ang ating tanggapan, Usec. Rocky, sa mga ganitong technologies. Kung ito po ay makakatulong para po dito sa response natin sa COVID-19, pag-aaralan po natin iyan.

USEC. IGNACIO: Opo. Padalang tanong naman po ni Athena Imperial ng GMA News: Ano po ang mangyayari kapag ang isang tao ay na-infect ng two variants ng SARS-CoV-2?

DOH USEC. VERGEIRE: Well, ganoon pa rin naman po ang ating mga management kapag diyan ‘no, kapag sinabi na you have these variants. Actually ‘pag tiningnan natin Usec. Rocky, iyon pong mga mutations na nakikita sa—for example sa UK variant, nakikita rin natin iyan sa South African variant. Iyong mutations na nakikita natin sa both UK and South African variant, nakikita natin rin natin iyan sa Indian variant. So kung kayo po ay magkaroon nang magkasabay na UK and South African variant, I don’t think that there would be any difference in how we are going to manage this patient.

USEC. IGNACIO: Opo. Tanong naman po ni Rida Reyes ng GMA News: SWS survey says 79% consider violators of health protocols behind current COVID-19 spread; 33% consider themselves responsible and 31% cite national government. Ano po ang pinaplanong aksiyon ng gobyerno dito lalo’t matagal na daw pong pinu-promote ang pagsunod sa minimum health standard?

DOH USEC. VERGEIRE: Well katulad po ng mga surveys na mayroon tayo ngayon na lumalabas, ginagamit po natin iyan to further guide us kung paano tayo gumagawa ng mga aksiyon. Ang number one po talaga pagdating sa pag-comply sa minimum health protocols will be visibility in enforcement. So ito po ‘yung ating gustong gawin ngayon at nakikipag-usap tayo sa DILG para matulungan din po tayo ng local government so that we can be able to better enforce itong pagpapatupad ng health protocols. Dahil alam naman po natin, ito iyong isa sa dalawang bagay na makakatulong talaga sa atin para talaga tayo magkaroon na nang normalcy, ito pong pag-comply sa minimum health protocols at saka pagbabakuna.

USEC. IGNACIO: Okay. Maraming salamat po sa inyong oras, Department of Health Undersecretary Maria Rosario Vergeire.

DOH USEC. VERGEIRE: Thank you very much po.

USEC. IGNACIO: Alamin naman natin ang lagay ng Davao City mula sa report ni Clodet Loreto:

[NEWS REPORT]

USEC. IGNACIO: Maraming salamat sa iyo, Clodet Loreto. At iyan po ang mga balitang aming nakalap ngayong araw.

Ang Public Briefing po ay hatid sa inyo ng iba’t ibang sangay ng PCOO sa pakikipagtulungan ng Department of Health at kaisa ng Kapisanan ng mga Brodkaster ng Pilipinas o KBP.

Salamat po sa inyong panunood, ako po si Usec. Rocky Ignacio ng PCOO. Magkita-kita muli tayo sa Lunes dito lamang sa Public Briefing #LagingHandaPH.

###

—
News and Information Bureau-Data Processing Center