USEC. IGNACIO: Magandang umaga Luzon, Visayas at Mindanao at sa buong mundo. Ngayon po ay araw ng Martes, ika-walo ng Hunyo, sama-sama muli nating pag-uusapan ang mga napapanahong isyu sa loob at labas ng bansa. Ako po ang inyong lingkod, Usec. Rocky mula sa PCOO. Simulan na natin ang Public Briefing #LagingHandaPH.
Local government units dapat maging creative o mapamaraan para mahikayat ang kanilang constituents na magpabakuna. Ayon sa Senate Committee on Health Chairperson Senator Christopher “Bong” Go, ang mga nasa priority groups naman ay hindi na raw dapat magpatumpik-tumpik pa. Narito ang report:
[VTR]
USEC. IGNACIO: Kahapon, ika-7 ng Hunyo, ay ipinagdiwang ang Migrant Workers’ Day para sa mga itinuturing nating mga bagong bayani, kumustahin natin ang naging selebrasyon nito kasama si Administrator Bernard Olalia ng POEA. Magandang umaga po sa inyo.
POEA ADMINISTRATOR OLALIA: Magandang umaga po, ma’am. Magandang umaga po sa mga nanunood po sa inyong programa. Kumusta po?
USEC. IGNACIO: Mabuti naman po. Sir, kumusta po iyong naging selebrasyon nitong Migrant Workers’ Day kahapon, Admin Olalia?
POEA ADMINISTRATOR OLALIA: Napakaganda po ng ating selebrasyon noong June 7, kahapon, ng Migrant Workers’ Day ‘no, marami po tayong naging activities po dito. At tayo po ay nag-observe ng safety and health protocols dahil marami pong dumalo at sila po ay naki-celebrate sa ating Migrant Workers’ Day.
USEC. IGNACIO: Opo. Ano po ang naging tema nitong Migrant Workers’ Day ngayong taon, Admin?
POEA ADMINISTRATOR OLALIA: Ang tema po natin ay ang “Bagong Bayani Ngayong Panahon ng Pandemic” kasi alam po natin may COVID-19 at marami pong hamon sa ating mga OFWs dahil po sa game changer itong ating pandemya ngayon at tayo po ay tumutulong kahit po panahon ng pandemya sa ating mga OFWs.
USEC. IGNACIO: Ito po ang palagiang tinatanong, ano po: Nasunod po ba raw ng mga dumalo ang ipinapatupad na standard health protocols?
POEA ADMINISTRATOR OLALIA: Naku, opo, kinakailangan nating sundin iyan. Mayroon po tayong safe distance; mayroon po tayong bago ka pumasok ng POEA po, mayroon po tayong health declaration na pipirmahan; at pagkatapos dapat po ay naka-face mask kayo; pinakaimportante din po iyong temperature check ‘no, tapos bago po kayong pumasok ay mayroon pong huhugasan tapos mag-a-alcohol nang sa ganoon ay maiwasan po natin iyong pagkalat po ng pandemya.
Kahapon din po, banggitin ko na, nagkaroon po ng Bagong Bayani Foundation Awards dahil Migrant Workers’ Day kahapon, binigyan parangal po natin iyong mga deserving OFWs po natin, at marami pong nakatanggap ng awards.
USEC. IGNACIO: Opo. Admin, sinuspinde, pansamantalang sinuspinde ng POEA ang deployment o naglagay lang po ng limitasyon para sa mga nurses at iba pang health care workers overseas matapos itong pumalo sa 5,000 cap. Maaari ninyo po bang ipaliwanag sa amin ito, Admin? At sino lamang daw po ang apektado ng quota na ito?
POEA ADMINISTRATOR OLALIA: Naku, tama po kayo, Usec. Napakainit po na usapin ngayon ito pong ating cap na 5,000 ‘no. Kung maaalala po ninyo, last year, naglabas po ng resolusyon ang IATF natin na ili-lift na iyong temporary suspension ng deployment ng HCWs referring to the 14 skills category na binanggit po natin sa POEA Governing Board Resolution #9, iyong mission critical skills; at kasama po ang nurses, nursing assistant at saka mga nursing aid natin na na-lift ang temporary suspension. Kaya lamang po ay may kundisyon iyon: Simula January 1, 2021 ay kinakailangan may cap po na 5,000.
ADMINISTRATOR OLALIA: (con’t) At sa kasamaang palad noon pong June 1, 2021, naabot na po natin ang 5,000 dahil binibilang po natin iyong naiisyu po na OEC o Overseas Employment Certificate dito po sa POEA kaya iyon po ang ginawa natin, pansamantala po muna nating inihinto ang pag-iisyu ng OEC.
Pero iyong mga may OEC na po, makakaalis po iyon ‘no. Kahit sila ay umalis ng June or July, kahit po nag-expire iyong kanilang OEC ire-revalidate po natin iyan at no cost to the OFW. Exempted po dito sa ating 5,000 cap of course iyong mga tinatawag po nating balik-manggagawa or returning workers dahil mayroon po silang existing live contracts at may babalikan po silang employment. Sabi rin po ng ating mahal na Secretary, ang UK at saka ang mga G2G po natin ay exempted din po sa cap.
Iyong G2G po natin, ito po iyong government to government agreements po natin na kung saan mayroon po tayong state obligation to comply with the bilateral labor agreement with our counterpart.
USEC. IGNACIO: Opo. Admin, lagi nga po kasing tinatanong bakit daw po kailangang itigil ang pagdi-deploy at ito daw po ba ay hindi na tataas sa 5,000?
ADMINISTRATOR OLALIA: Mayroon na po tayong rekomendasyon, Usec. ‘no, sa IATF at TWG at pinag-aralan po natin iyon pong ating rekomendasyon na iyan at nang sa ganoon magkaroon po tayo rekomendasyon na kung maaari i-increase po iyong cap, iyon po iyong ating ginagawa. Maliban po doon sa increase ng cap, mayroon po tayong rekomendasyon na kung maaari po sana eh payagan, palawakin iyong exemption para nang sa ganoon marami po tayong ma-deploy.
USEC. IGNACIO: Opo. Ayon po kay Anak Kalusugan Party-list Representative Mike Defensor and I quote, “there was no point in restraining them, the migrant workers, when the Philippines only offers low wages.” Ano po ang masasabi ninyo dito?
ADMINISTRATOR OLALIA: Kami po ay sang-ayon doon naman sa sinabi ng ating mahal na Congressman. Talaga pong dapat pong payagan natin ang mga nurses po natin lalung-lalo na iyong mga may kontrata na, iyong nakapagproseso na, iyong mga may employment contracts na pinirmahan lalung-lalong na iyong mga may visa kasi matagal na po silang nakapagproseso at sila po ay—Hello?
USEC. IGNACIO: Go ahead, Sir. Go ahead.
ADMINISTRATOR OLALIA: Hello?
USEC. IGNACIO: Sir, we can hear you.
ADMINISTRATOR OLALIA: Hello—yes.
USEC. IGNACIO: Go ahead po, we can hear you, Sir
ADMINISTRATOR OLALIA: Opo. At sila po ay nakapagproseso kaya iyon po iyong ating ginagawa po ngayon. Nagpupulong po ang MCS at nang sa ganoon po ay mayroon po tayong mai-recommend para po doon sa Mission Critical Skills kasama po ang nurses.
USEC. IGNACIO: Opo. Admin, linawin lang natin. Hindi po nagkaroon ng deployment ban, ito po ay nagkaroon lang ng limitasyon ano po at ang tanong nga rin po ng marami, papaano naman daw po iyong nag-aasam na makapagtrabaho abroad? Hanggang kailan po daw sila maghihintay na ma-lift ang cap na ito?
ADMINISTRATOR OLALIA: Tama po kayo, Usec. ‘no. Wala po tayong deployment ban, ito lamang po ay compliance doon sa IATF Resolution na mayroon po tayong cap na 5,000 ‘no. Kami naman po ay kasapi doon sa TWG na binuo po ng Department of Labor and Employment, kasama po ang PRC diyan, kasama po ang DOH, kasama po ang CHED, at saka ang POEA ng DOLE ‘no. Nag-uusap po tayo, kami po ay nagpupulong, kumukuha po kami ng data at inaayos lamang po natin.
Kasi kung matatandaan po natin, dahil pandemya, wala pong classes ‘no, wala po masyadong nag-graduate na mga nurses at pinakamasaklap po, wala pong PRC Board of Nursing na exam last year at kapag nagkaroon po ngayong taon at medyo lumuwag na po at dumami na po ang supply natin, baka sakali po na tayo po ay makapagrekomenda na iangat po natin iyong tinatawag na 5,000 cap.
USEC. IGNACIO: Opo. Admin, may deployment din daw po tayo ngayon sa mga manggagawa bound to Myanmar dulot ng tension ngayon doon? Ano po ang detalye nito?
ADMINISTRATOR OLALIA: Naku! Tama po kayo, Usec. ano. May kaunting kaguluhan po sa Myanmar ngayon kaya ang POEA governing board po ay nagpatupad at nagpalabas ng isang governing board resolution na kung saan ang nakalagay po doon na level 2 iyong state of alertness doon sa nasabing bansa kaya bawal po ngayon ang new hires. Ang pinapayagan lang po nating ma-deploy sa bansang Myanmar ay ang mga balik-manggagawa kung tawagin natin. Iyong mga direct hires at agency-hired na bago po ay hindi po papayagan dahil alert level 2 po ngayon ang bansang Myanmar.
USEC. IGNACIO: Opo. Noong nakaraang linggo po ay inalis na po ng DOLE ang deployment ban naman ng Filipino workers patungong Saudi Arabia matapos nga pong manggaling sa Saudi Government na sasagutin nito ang mga gastusin sa institutional quarantine at iba pang COVID protocols upon arrival. Wala na po bang nagkaroon ng aberya dito na naranasan ng ating mga OFWs na biyaheng Saudi?
ADMINISTRATOR OLALIA: Sa awa naman po ng Diyos, agad pong na-lift iyong temporary suspension natin sa KSA. Tayo naman po ay tinulungan ng bansang KSA at nagkaroon ng paliwanag doon sa travel advisory nila na sinasabi nila na wala pong sasagutin ang ating OFWs doon sa quarantine at health protocols. At iyong mga natengga, iyong mga hindi po nakaalis ay tinulungan naman po ng OWWA. Sinagot nila iyong food, hotel accommodation, pati po iyong mga visa na nag-expire tinulungan din po natin iyan, at iyong kanila pong plane ticket ay ni-rebook po nila at lahat naman po sila ngayon nakapag-rebook na at naghihintay na lamang po ng tamang araw para po sa pag-alis nila.
USEC. IGNACIO: Okay. Iyong mga una pong naabala ng deployment, nakaalis na po ba lahat, Admin?
ADMINISTRATOR OLALIA: Iyon po ang ginagawa po ng OWWA ‘no. Na-rebook na po iyong kanilang flights, tinulungan po sila at naghihintay na lamang po ng schedule ng kanilang paglipad at sa awa ng Diyos lahat naman po sila ay naasikaso. Iyong iba po, umuwi muna ng probinsiya kasi gusto muna nilang makapiling iyong kanilang mga pamilya at sila po ay mag-ii-schedule muli ng kanilang paglipad.
USEC. IGNACIO: Opo. Admin, kunin ko na lamang iyong mensahe ninyo sa ating mga kababayang OFWs.
ADMINISTRATOR OLALIA: Unang-una po, salamat po, Usec., sa pagkakataon na ito. Alam ninyo po, marami po tayong hinaharap ngayon eh lalung-lalo na iyong isyu ng 5,000 cap ng mga nurses natin. Alam ninyo po kasi, marami pong nag-uusap diyan at kasama po ang POEA at DOLE na nakikipagpulong upang tumugon sa mga request po ng ating mga nurses ‘no. Hayaan po ninyo, pinag-aaralan po nating mabuti ito, makikipag-usap po tayo sa DOH, sa PRC, nang sa ganoon sa lalong madaling panahon ay iangat po ng IATF iyong 5,000 cap. Harinawa, ngayon ding taon na ito ay payagan po na makapag-deploy tayo above the 5,000 cap.
Iyon lamang po. Ingat po tayong lahat. Maraming salamat pong muli.
USEC. IGNACIO: Kami po ay nagpapasalamat din sa inyong panahon, Administrator Bernard Olalia ng POEA. Mabuhay po kayo and stay safe.
ADMINISTRATOR OLALIA: Salamat po, Ma’am. Salamat po.
USEC. IGNACIO: Isa po sa mga pinag-aaralan ng mga eksperto ngayon ang pag-mix at match ng mga bakuna kontra COVID-19. Ano na kaya ang updates patungkol dito at ligtas nga kaya ang magiging resulta nito? Alamin natin iyan dito sa ‘Check the FAQs.’
Kaugnay po niyan ay makakausap natin si Dr. Rontgene Solante, Vaccine Expert Panel at infectious disease expert. Magandang umaga po, Doc!
DR. SOLANTE: Magandang umaga, Usec. Rocky!
USEC. IGNACIO: Opo. Doc, maaari ninyo bang ibahagi sa amin ang findings mula sa pag-aaral ng University of Oxford na nai-publish sa Lancet tungkol po sa updates sa vaccine na mix and match?
ADMINISTRATOR OLALIA: Okay. Iyong sa ginawang pag-aaral, pagsusuri doon sa University of Oxford, pinaghalo nila iyong Pfizer tapos sinundan ng AstraZeneca. Dalawang arm iyon four weeks after ang interval at saka iyong 8 – 12 weeks. Tapos iyong pangalawa naman, nauna ang AstraZeneca tapos followed by the Pfizer vaccine, ganoon pa rin ang pagitan four weeks iyong pagitan at saka 8 -12 weeks.
Ang unang ipinakita doon kung ligtas ba, safe ba ibibigay; Pangalawa, kung iyong pagbibigay mayroon bang mas mataas na adverse event na nakikita; Tapos iyong pangatlo, hinihintay natin iyong immunogenicity kung iyong antibody na ma-produce ng dalawang platform na magkaiba ay mas mataas pa ba doon sa original platform or pareho lang.
So, doon sa safety and adverse reaction, nakita doon na kapag imi-mix mo iyong Pfizer tapos ang pangalawa iyong AstraZeneca, medyo mas mataas iyong adverse reaction in terms of iyong masakit sa pagbakuna dito sa pain at injection site at saka medyo mas mataas iyong nakaramdam ng pagod, nakaramdam ng medyo mabigat sa katawan kumpara doon sa original na Pfizer and Pfizer.
Doon din sa Astra and Pfizer ganoon din, mas mataas ang reaksiyon pero ito ay nawawala 2 to 3 days after na binabakunahan, okay. So sa ngayon hinihintay natin iyong data on immunogenicity ‘no. So doon sa pag-aaral na iyon, mukhang safe ‘pag ipaghalo itong dalawang bakuna. Hintayin na lang natin iyong data kung ang antibody na ma-produce ng iba’t ibang or magkaibang platform ng bakuna ay mas mataas pa ba or mas pareho lang doon sa pangalawang—o sa parehong platform.
USEC. IGNACIO: Pero Doc, mayroon na po kayong puwedeng mairekomenda, ang ating Vaccine Expert Panel sa pag-mix nga vaccine sa ating bansa?
DR. SOLANTE: Sa ngayon Usec. ‘no, wala pa tayong ganoong recommendation na imi-mix natin at saka ‘pag magkaiba ang unang dose at saka pangalawang dose ‘no. So far wala pa tayong ginagawang recommendation. Unang-una uumpisahan pa lang natin iyong pag-aaral na ‘yan no sa pagmi-mix ng mga bakuna base na doon sa ulat noong DOST na mag-uumpisa na ito any time ‘pag na-approve na ipaghalo natin. Kagaya ng example ‘no, ang unang dose Sinovac tapos iyong pangalawang dose is Pfizer or iyong unang dose Sinovac pangalawang dose Astra ‘no.
So ito ay pag-aaral para makita natin kung ano iyong mga bakuna na kung puwede natin imi-mix ‘no in the near future na halimbawa makulangan tayo ng Pfizer or makulangan tayo ng Astra, so mayroon tayong maihalo doon sa Sinovac. So itong pag-aaral na ‘to ay isang taon at malalaman talaga natin kung safe pa rin siya at saka maganda ba iyong proteksiyon na makukuha natin sa dalawang magkaibang platform ng bakuna.
USEC. IGNACIO: Opo. Doc, mayroon na rin po bang updates sa mga pag-aaral na ginawa tungkol naman po sa Sinovac vaccine na tinest sa mga bata?
DR. SOLANTE: Mayroon na silang nilalabas ‘no na ang tawag nito media release lang nila ‘no so wala pa tayong dokumentong nahawakan base doon sa talagang resulta kung ano iyong resulta dito sa efficacy ng Sinovac sa mga bata.
Ang nababasa lang natin iyong release nila doon sa China pinayagan na nila ang paggamit ng Sinovac vaccine sa mga bata edad 12 years old up to 17 years old. So maghintay tayo ng mga karagdagang detalye at datos nito kung magpa-file sila ng expansion ‘no, extension of the indication as instead of the 18 years old and above lang, hintayin natin kung sila iyong magpa-file ng EUA dito sa Pilipinas.
USEC. IGNACIO: Opo. Doc, ano po iyong kasalukuyang data sa efficacy ng mga bakuna na available sa Pilipinas sa mga variants na natutuklasan dito sa bansa?
DR. SOLANTE: Okay ‘no. So medyo—sige basahin ko lang ‘to kasi medyo detalye ‘to ‘no. So ito iyong ginagawa pong table na there are 4 variants of concern ngayon ‘no. Unang-una out of these 4 variants of concern, nakitaan doon sa laboratory experiment na ang South African variant ang medyo mas mataas na makapagbawas noong antibodies sa mga bakuna na ginagamit ‘no.
Tapos isang sa mga variants na ito like iyong B.1.1.7 ‘no, itong mga data, ang nangunguna dito sa efficacy ang Pfizer ‘no base doon sa data nila sa UK at saka sa Israel ‘no, sa rollout ‘no na ang efficacy nila against the B.1.1.7 is up to 86% iyong doon sa UK and then up to 90% doon sa Israel ‘no. Pangalawa dito iyong AstraZeneca which is 74% against the UK variant tapos itong Janssen 74% at saka itong Moderna ‘no.
Tapos doon naman sa South African variant, iyong B135 ‘no, doon sa rollout sa Qatar nakitaan na ang Pfizer is 75% effective against the B135 and this is followed by Janssen 52% and then itong Astra.
Tapos iyong sa Brazilian variant, walang masyadong data pa tayo dito although mayroon iyong press release ng Sinovac doon sa Brazil na isang province ng Brazil na 80% ang nakita nilang protection against those individuals doon sa Brazil na mas mataas ang Brazilian variant.
Tapos ito may bago, Usec. Rocky ‘no, iyong B1617 ‘no, ito ‘yung Indian variant. Kalalabas lang nitong data na ‘to na doon sa United Kingdom rollout, nakitaan ng after naka-receive ng dalawang dose sa Pfizer, ang efficacy niya against the Indian variant is 88% and then iyong sa AstraZeneca naman is 60%. So ito pa lang iyong mga data sa mga different vaccines in terms of iyong ilang porsiyento na effective sila sa ganitong klaseng variants of concern.
USEC. IGNACIO: Opo. Doc, ano na lang po iyong inyong paalala sa ating mga kababayan na patuloy pa rin po na may alinlangan sa pagpapabakuna at patuloy pa rin po na may brand preference?
DR. SOLANTE: Oo. Unang-una ‘no, itong mga bakuna na nandito na ngayon sa Pilipinas at mga nirirekomenda natin ay may FDA approval at including the evaluation from VEP na ito ay safe, ligtas at effective ‘no. So hindi tayo mangamba kung hindi naman siya ganoon kaano—alinlangan tayo sa mga variant ‘no. Napakaimportante at this point in time na hindi natin iisipin itong mga variant, ang iisipin natin na maprotektahan tayo sa mga bakunang ito ‘pag io-offer iyan sa inyo.
Napakataas ng efficacy dito against severe COVID ‘no, iyon ang gusto nating makikita especially at this point in time na bumaba na iyong mga kaso at medyo nakakahinga na iyong hospital. Hopefully mabakunahan lahat para hindi tayo magka-COVID particularly those mga vulnerable population na may mga edad, may mga comorbidities na mataas ang risk nila na makakuna ng COVID at the same time puwedeng maging severe ang COVID.
So please get your vaccine, anytime na mai-offer sa inyo huwag na kayong mamimili ng bakuna because itong lahat ng bakuna na available ngayon are safe and effective.
USEC. IGNACIO: Opo. May tanong lang po galing kay Mark Fetalco ng PTV: Ano po daw iyong tinitingnang threshold ng Vaccine Experts Panel bago pagkalooban ng liberal incentives ang mga fully vaccinated na?
DR. SOLANTE: Pina-follow pa rin natin iyong WHO threshold efficacy which is 50% ‘no. So ang ibig kong sabihin dito, ‘pag halimbawa lahat na tayo nabakunahan ‘no regardless of what brand, as long as it is effective na nakuha natin iyong 50% efficacy to prevent mild and then especially for severe infection which most of these vaccines 90 to 95 percent can really prevent severe infection, then safe na tayo dito sa mga bakunang ito.
USEC. IGNACIO: Opo. Kami po ay nagpapasalamat sa inyong panahon at impormasyon, Dr. Rontgene Solante, Vaccine Expert Panel at Infectious Disease Expert. Stay safe po.
DR. SOLANTE: Salamat, Usec. Rocky.
USEC. IGNACIO: Narito naman po ang bagong tala ng COVID-19 sa bansa as of 4 P.M., June 7, 2021:
- Umabot na po sa kabuuang bilang na 1,276,004 ang mga nagkaka-COVID-19 sa bansa;
- 6,539 sa mga ito ang bagong naitala kahapon;
- 58,854 sa total count ng COVID-19 ang aktibo sa kasalukuyan.
- Nakapagtala naman ng 6,969 new recoveries kahapon kaya ito ay umabot na sa 1,195,181 total recoveries;
- 71 naman po ang mga bagong nasawi kahapon para sa 21,969 na total deaths.
Patuloy pa rin po ang aming paalala na sumunod sa ipinatutupad na standard health protocols. Ugaliin pong magsuot ng face mask at face shield at panatilihin pa rin ang tamang distansiya sa ibang tao. Kung hindi naman po kinakailangang lumabas ng bahay ay manatili na lamang tayo sa loob ng ating mga tahanan.
Isa po sa epekto ng pandemya ay ang pagkawala ng hanapbuhay ng ilan sa ating mga kababayan. Kaya kamakailan ay daan-daang displaced workers mula sa iba’t ibang bahagi ng bansa ang hinatiran ng tulong ni Senator Bong Go at ilang ahensiya ng pamahalaan. Narito ang report:
[NEWS REPORT]
USEC. IGNACIO: Samantala, puntahan na natin ang mga balitang nakalap ng Philippine Broadcasting Service, ihahatid iyan ni Ria Arevalo mula sa PBS-Radyo Pilipinas.
[NEWS REPORT]
USEC. IGNACIO: Maraming salamat Ria Arevalo ng PBS-Radyo Pilipinas.
Dumako naman tayo sa pinakahuling balita mula sa Rehiyon XI, magbabalita si Julius Pacot, live.
[NEWS REPORT]
USEC. IGNACIO: Daghang salamat Julius Pacot mula po sa PTV-Davao.
Magbabalik po ang Public Briefing #LagingHandaPH.
[COMMERCIAL BREAK]
USEC. IGNACIO: Nagbabalik po ang Public Briefing # Laging Handa PH.
Samantala, bagama’t bumababa na ang bilang ng mga bagong kaso ng COVID-19 sa NCR plus, hindi pa rin po maalis ang ilang super spreader events na nagpapabilis ng transmission ng virus, kagaya na lang po ng ilang aktibidad na nangyari sa Quezon City sa mga nakalipas na linggo. Kumustahin po natin ang lagay ng mga residente dito. Kasama po natin si Quezon City Mayor Joy Belmonte.
Magandang umaga po, Mayor.
QUEZON CITY MAYOR BELMONTE: Magandang umaga Usec. Rocky at magandang umaga po sa lahat ng nanunood ng atin pong programang Laging Handa.
USEC. IGNACIO: Opo. Mayor kumusta na po iyong kaso ng COVID-19 dito sa Quezon City? Downward na po ba iyong trend ng cases? Alam po natin na ang Quezon City ay isa sa pinakamalaking siyudad.
QUEZON CITY MAYOR BELMONTE: Yes, dito po sa Quezon City natutuwa naman po akong ibalita na katulad din naman sa kabuuang NCR ay downward na po ang trend ng ating pong mga COVID-19 cases. In fact, from a high of about 1,100 per day ay mga 200 plus na lang ang aming average daily cases dito nga sa ating lungsod at ang atin pong positivity rate ay mas mababa na sa 10% at ang ating pong reproduction rate ay bumaba na rin po.
Bagama’t bahagyang tumaas ng dahil po sa ilang mga pangyayari o ganap na nangyari dito sa ating lungsod in the last few weeks. But having said that, dumami naman po ang ating mga contact tracers, naging 3,500 na po at ang atin pong testing capacity umakyat na po up to 4,000 at dumami na rin po ang isolation facilities natin kaya confident po ako na mapagtatagumpayan natin ang COVID, of course our vaccination program is doing very well.
USEC. IGNACIO: Alam namin, Mayor, na talagang nagsusumikap talaga kayo para mapigilan itong mga super spreader events pero mangilan-ngilan nga po ang napaulat na. So, ano na po iyong latest dito sa naging outreach program naman ni Counselor France Pumaren? Ilan na po ang nagpositibo ngayon sa sakit? Paano po natin natsi-check kung lahat po ba ng dumalo doon sa bigayan ng relief ay inyo na pong na-test?
QUEZON CITY MAYOR BELMONTE: Well alam mo Usec. Rocky, gusto ko rin lang munang banggitin na inabsuwelto po ng Quezon City Police District si Konsehal France Pumaren ano, sapagkat kanilang napagpasyahan that he did not act irresponsibly naman. Nagkaroon naman po ng sapat na pakikipag-ugnayan sa kapulisan at sa iba pa nating mga enforcers, nagkataon lang kasi na umulan ng malakas kung kaya’t nagkaroon ng kaguluhan.
But having said that of course, I do believe that was a super spreader events dahil noong nagbalik iyong mga tao sa kani-kanilang linya ay medyo dikit-dikit na po sila, wala na pong social distancing, crowded na po talaga at iyong iba ay dahil nabasa iyong kanilang mga face shield at face mask ay medyo naging pabaya at because of that we have so far already identified 86 positive cases out of 953 that were tested doon sa event na iyan.
At doon sa tanong mo naman na are we sure we can test everyone? The answer is no, kasi wala pong maayos na contact tracing na naisagawa, wala pong listahan ng mga pangalan, ng mga nag-attend ng ayudang iyan at lahat ng mga shortcomings na nakita natin at pagkukulang ay atin na pong na-address ngayon through additional guidelines. But of course tapos na po kasi iyong super spreader na iyan and we just have to make the most of what we have at that time.
So, ang ginagawa po ng mga contact tracers natin ay their working backwards, interviewing all the positive patients and trying to identify as many as possible of those that were present at that particular ayuda. Also, we noticed na marami din sa mga pumila sa ayuda na iyan ay hindi taga-Matandang Balara, marami rin pala na taga ibang barangay kung kaya’t hirap kaming hanapin lahat.
Now as an outcome of our work in Matandang Balara, we have already put about five small areas under lockdown at sa ilalim po ng programang lockdown namin ay lahat po ng mga kabahagi ng lockdown area ay pina-test din po natin. Iyong mga nag-positive naman po dinala na po natin sa ating quarantine facility and ang nakakatuwa sa contact tracing Usec. Rocky, from those that tested positive marami na rin tayong nakitang nakasalamuha nilang mga tao na galing pa sa ibang mga lugar.
So, we’ve seen that the spread has actually happened already from those na nag-attend ng ayuda, nag-inuman sa iba pang mga kasamahan nila, galing sa ibang mga lugar and ngayon may mga lockdown areas na rin tayo sa mga lugar na iyan. Ako naman, Usec. Rocky, I see this as triumph of our contact tracing abilities because mabilis po natin nahahanap itong mga positive patients na ito.
USEC. IGNACIO: Opo. Pero, Mayor, nabanggit ninyo na mayroon kayong isinailalim sa special concern lockdown sa Quezon City. Ano-ano pong mga lugar ito?
QUEZON CITY MAYOR BELMONTE: Actually, Usec. Rocky we have about twenty eight (28). So, hindi lang iilan katulad po ng ibang mga lungsod. Sa laki po ng lungsod Quezon we have about twenty eight (28) lockdown areas. Pero karamihan sa mga lockdown areas po natin, isa dalawa, tatlong kaso lang at we lock them down as a preventive measure kasi ang mga lugar na ito ay nakikita natin mga densely populated, mga depressed communities, mga communities na hindi kayang magkaraoon ng social distancing.
So, medyo mas preventive ang lockdowns na ito. Pero nonetheless when we have a lockdown like I mentioned may ayuda lahat ng tao good for two weeks, kasi two weeks po ang lockdown nila, fourteen days at lahat po ng mamamayan doon ay tini-test po natin at hinihiwalay kaagad, ayon sa bilin sa akin ni Sec. Duque, ang mga positives.
So, doon naman sa super spreaders, ma-identify ko lang iyong binanggit ko na, iyong sa Matandang Balara na limang lockdown, iyong sa Matandang Balara din na hindi nanggaling sa ayuda kundi nanggaling sa kasal at sa inuman, lockdown din po iyan at yield po iyan ng seventy-two (72) positive patients at sa Matandang Balara din iyong binanggit ko na kainuman ng mga nag-attend ng ayuda sa South Zuzuarregui ay naka-lockdown na rin po iyan and we are scheduled to test about a hundred twenty (120) people today from that particular area. So, mabilis naman po tayong kumilos, Usec. Opo.
USEC. IGNACIO: Mayor, papaano ninyo po pinapaalala ng DOH at siyempre ng LGUs iyong pagbabawal pa rin ng mga parties at paano ninyo po sinusuyod iyong inyong mga bawat komunidad sa Quezon City para tiyaking walang makakalusot muli na mass gathering?
QUEZON CITY MAYOR BELMONTE: So, una sa lahat Usec., there are two types of super spreaders that I would like to mention. Noong una talaga galing sa mga mamamayan natin na pasaway, patuloy pa rin nagsu-social gathering nagma-mass gathering, katulad ng mga kasal, mga party, mga videoke, karaoke, inuman etc., ito talaga istrikto tayo.
So, ang ginagawa natin mas lalo pa nating pinaigting ang enforcement natin. Iyong ating QC Police District, iyong ating mga Barangay Tanods, ang ating Quezon City Task Force Disiplina, ang ating Department of Public Order and Safety at iba pang mga kaugnay ng ating peace and order cluster or iyan po iyong cluster na in-charge of enforcement ay ngayon nag-organize na po sila ng Foot Patrollers na kung dati po ang kanilang pina-patrol ay iyong mga sa labas lamang ng isang Barangay, ngayon pinapasok na po nila lahat ng mga eskinita at lahat po ng mga mahirap na puntahan na mga lugar sa mga bawat Barangay and that is our way of ensuring na walang ganap sa mga lugar na iyan na ipinagbabawal ng ating kasalukuyang IATF guidelines at maging ng mga ordinansa ng Lungsod Quezon.
So, pinaigting natin ang ating enforcement no. Pangalawa po, ay iyong super spreaders naman na kaugnay ng mga humanitarian activities, alam naman natin taghirap ngayon, maraming gustong tumulong, mga pulitiko, mga civil organizations, mga iba’t-ibang NGOs and now we have required everybody who wants to give ayuda para maiwasan iyong nangyari na naganap sa Matandang Balara, kailangan makipag-coordinate sa local government at least three to five days before the actual event para makatulong po ang local government to ensure na compliant po sila sa minimum health standards kapag sila po ay nagbibigay ng tulong o ayuda.
So, there are two types of intervention that we have in place now and so far mukhang nagwu-work naman kasi lahat ng mga tao ngayon ay nakikipag-coordinate na sa atin kung may kasalang bayan ba, kung mayroon po silang pagbibigay ng mga grocery bags o kaya kung mayroon na ayuda o pera silang binibigay, ngayon ay nakikipag-coordinate na po sila sa amin and I think that I’m always asked pinagbabawal ba natin ang pagbibigay ng ayuda? The answer is no, the problem is not the giving of aid, the problem is lack of coordination and that is what we are trying to solve at present, Usec.
USEC. IGNACIO: Opo. Last question na lang mula kay Leila Salaverria: Ano daw po iyong safeguards to ensure iyong vaccination ng A2 and A3 will not be sidelined now that the A4 vaccination has begun? There are areas daw po where A2 and A3 members have registered for the vaccine but have yet to receive a schedule and there are concerns that their vaccination might be delayed now that it has now opened to the A4 category?
QUEZON CITY MAYOR BELMONTE: Yes Usec., that’s a very good question and I would like to reassure the public, una sa ating datos, only one third of A2s have been vaccinated so far and we have three hundred thousand A2s. So, about a hundred thousand pa lamang ang nababakunahan, ganiyan kadami kasi ang mga senior citizen sa Lungsod Quezon at I’m sure marami sa mga A3s ang hindi pa nababakunahan.
So, ang planong gawin po ng Lungsod Quezon ay magdi-dedicate po ng mga vaccine sites specific and exclusive only to A2s and A3s kahit pa man binuksan na natin ang mga sa A4s. Bukod diyan, ang mga vaccine sites for A2s and A3s, you can access through online booking at puwede rin through the Barangay Assisted Booking Program of the City Government.
So, huwag po kayong mag-alala, in fact hindi ko po kayo nakakalimutan at ngayon pa lamang ay dini-discuss ko na dahil magkakaroon po kami ng mga Barangay Day sa darating po na mga buwan at ang atin pong first and second prize ay mapupunta sa mga barangay na natapos nilang bakunahan ang kanilang mga A2s at A3s kasi for me, when you protect the most vulnerable ay that is already half the bag.
USEC. IGNACIO: Okay. Maraming salamat po sa inyong panahon Quezon City Mayor Joy Belmonte. Mabuhay po kayo Mayor.
QUEZON CITY MAYOR BELMONTE: Maraming salamat, Usec. Rocky at mabuhay po tayong lahat.
USEC. IGNACIO: Maraming salamat po sa ating mga partner agency para sa kanilang suporta sa ating programa at maging ang Kapisanan ng mga Brodkaster ng Pilipinas o KBP.
Muli, maraming salamat po sa walang sawa ninyong pagtitiwala sa amin upang maghatid sa inyo ng mga napapanahong balita at impormasyon.
Magkita-kita tayo ulit bukas, ako po ang inyong lingkod Usec. Rocky Ignacio ng PCOO, ito ang Public Briefing #LagingHandaPH.
###
—
SOURCE: PCOO-NIB (News and Information Bureau-Data Processing Center)
