USEC. IGNACIO: Tuluy-tuloy pa rin po ang ginagawa nating coverage sa nangyayaring vaccination ng pamahalaan. Sa puntong ito, tatalakayin naman natin ang iba’t ibang hakbang na ginagawa ng ahensiya ng gobyerno sa patuloy na pag-usad ng bansa sa tinatawag na new normal.

BENDIJO: Magandang umaga uli, Usec. Nakaantabay rin ang buong puwersa ng PCOO para sa mga pinakahuling mga balita sa iba’t ibang panig ng Pilipinas.

USEC. IGNACIO: Maya-maya lamang po makakasama natin sa programa sina Philippine Ambassador to the United States Jose Manuel Romualdez; Department of Education Undersecretary Diosdado San Antonio; Department of Labor and Employment Secretary Silvestre Bello III.

BENDIJO: Samantala, kung mayroon po kayong mga katanungan, mag-comment lamang sa live streaming ng ating programa sa PTV Facebook page at sa YouTube account.

USEC. IGNACIO: Pasadahan na po natin ang mga balita: Suportado ni Senator Bong Go na payagan na ring magpabakuna sa harap ng publiko ang mga opisyal ng gobyerno upang maipakita na safe at effective ang COVID-19 vaccines at maitaas pa ang kumpiyansa ng taumbayan dito. Para sa iba pang detalye, narito po ang report:

[NEWS REPORT]

Balikan na natin ang mga kaganapan kagabi sa pagdating sa bansa ng COVID-19 vaccine na AstraZeneca sa tulong ng COVAX Facility ng World Health Organization. Ayon sa WHO, ang naturang mga bakuna ay bunga nang matatag na pagtutulungan para sa pinalakas na pagtugon sa COVID-19 pandemic. Ihahatid sa atin iyan ni Mela Lesmoras:

[NEWS REPORT]

BENDIJO: At samantala, nanindigan naman ang WHO, World Health Organization na nananatiling mabisa laban sa South African variant na virus ng COVID-19 vaccine ang AstraZeneca. Ayon kay Dr. Rabindra Abeyasinghe, Country Representative ng WHO sa Pilipinas, limitado lamang ang sakop ng pag-aaral sa South Africa na sinasabing bumababa umano ang efficacy rate ng AstraZeneca vaccine kontra sa South African variant.

Sa ngayon, wala pa umanong ebidensiya nang malawakang presensiya ng South African variant virus sa Pilipinas pero ngayon pa lamang iginiit ng WHO na mahalaga ang bakuna at pagsunod sa minimum health standards para mabawasan ang hawaan ng COVID-19 sa bansa kabilang na ang mga bagong strain o itong variant.

[VIDEO CLIP]

USEC. IGNACIO: Ikinababahala ngayon sa America ang tumataas na bilang ng violence against Asian-American dulot ng diskriminasyon sa COVID-19. Ano po kaya ang tugon dito ng kauupo pa lamang na administrasyon ni United States President Joe Biden? Makikibalita po tayo kay Philippine Ambassador to the US, Jose Manuel Romualdez. Magandang araw po, Ambassador.

AMBASSADOR ROMUALDEZ: Hi. Good morning. Good morning to you.

USEC. IGNACIO: Opo. Ambassador, basahin ko muna po iyong tanong ng ating kasama sa media ano po. Sa Pilipino Mirror, tanong po ni Evelyn Quiroz: Ambassador, nagpadala nga po daw kayo ng note verbale sa pamahalaan ng Estados Unidos sa nangyayaring pag-atake sa mga Asian-American na dala ng diskriminasyon sa COVID-19. May sagot na po ba ang White House at ilang senador na po iyong… sa inyong pagkabahala?

AMBASSADOR ROMUALDEZ: Well, pinadala namin iyong note verbale sa State Department which is the place where we interact with dito sa America at immediately naman sila’y nag-react. At nagpadala rin kami ng sulat sa mga senators dito, iyong mga US senators lalo na iyong Chairman ng Justice Committee ng US Senate, si Senator Dick Durbin. Tumawag siya ng hearing, iyong isang araw at tinawag nila iyong FBI Director at tinanong nila tungkol dito sa mga hate crimes.

At maganda naman ang mga sagot ng FBI dahil sila’y gumagawa ng lahat ng puwede nilang gawin na itigil itong hate crimes. So marami silang mga agents na nag-spread out all over the US lalo na sa California na marami tayong mga Filipinos ‘no. Doon marami ring mga Asian-Americans. So mukhang things are moving in the right direction in the sense that they are well aware of these hate crimes that is now happening dahil dito sa COVID.

USEC. IGNACIO: Opo. Ambassador, kahit po ba Biden Administration na po iyong nakaupo ay sa tingin ninyo po ay hindi pa rin po ba tumitigil iyong banta sa kapwa Pinoy nating nakatira sa Amerika?

AMBASSADOR ROMUALDEZ: Well, alam mo itong hate crime lalo na sa Eastern America nag-umpisa iyan last September pa dahil nga dito sa COVID ano. Tinawag nga na Chinese virus dito sa Amerika, so medyo maraming nawalan ng trabaho, marami siyempre ang nagkasakit at maraming namatayan na mga pamilya nila, so, siyempre galit na galit sila at ibinubuhos nila iyong galit nila sa mg Asian – Americans.

Unfortunately, marami tayong mga Filipino that have Chinese descent. Lalo na iyong nangyari doon sa New York nga ano, medyo na-alarm kami doon, iyong isang Filipino na sina-slash nila from ear to ear sa subway. Doon medyo naano kami dito sa embassy at immediately we called our consulate in New York at tinawag din namin ang pansin ng State Department na we’re very concerned about the safety of many of our Filipino – Americans, Filipinos living in New York.

USEC. IGNACIO: Ambassador, nagkaroon na po ba kayong [pagkakataon na] makilala nang personal ngayon si US President Biden? In case po, may mga napag-usapan na po ba kayo tungkol sa relasyon ng Pilipinas at ng Estados Unidos?

AMBASSADOR ROMUALDEZ: Hindi, ang kausap namin sa White House iyong National Security Advisor Jake Sullivan at iyong kaniyang—iyong in charge ng Asian areas, [unclear]. Siya iyong nakausap ko noong isang araw at about a week ago at marami kaming pinag-usapan lalo na iyong mga security issues at iba’t-iba pang mga issues of mutual interest of both our countries.

USEC. IGNACIO: Opo. Pero naganap na po ba iyong tinatawag nating annual bilateral strategic dialogue between Manila and Washington kung saan daw po inaasahang pag-uusapan iyong naging pahayag ni Pangulong Rodrigo Duterte tungkol sa pagbabayad ng Amerika sa Pilipinas kung hindi po ay iti-terminate na lamang niya iyong Visiting Forces Agreement?

AMBASSADOR ROMUALDEZ: Well, iyong sa bilateral strategic dialogue, iyan ay every year iyan nagmi-meeting tayo, and of course this year it was on a virtual meeting. Pinag-usapan natin iyong VFA at iyong Mutual Defense Treaty.

Iyong sinabi ni President Duterte tungkol doon sa pagbayad, ang interpretation namin ay dahil kailangan nang imu-modernize na iyong ating Armed forces. So, mayroon kaming nakuhang lista na ibinigay sa amin, na ibinigay sa amin ng Pentagon. Ikinompare namin doon sa listed na ipinadala nila kay Secretary Lorenzana at mukhang sapat naman sa lahat ng mga hinihingi natin. Mukhang kumpleto naman at marami pang dadating na mga kailangan natin na mga armas o whatever hardware that we need from the United States ‘no.

So, hopefully nakita na ng Presidente iyon dahil nandiyan na kay Secretary Lorenzana at iyon, that would probably satisfy the President’s concern regarding itong pag-modernize ng ating Armed Forces at marami pang darating lalo na iyong mga helicopter mayroon pa tayong something like ten more Blackhawk helicopters na parating diyan sa Pilipinas within this year.

USEC. IGNACIO: Opo. So, sa tingin ninyo, Ambassador, hindi naman po ito makakaapekto, iyong pagtulong ng Amerika sa atin para po palakasin ang kakayahan pa ng ating AFP sa pamamagitan nga po ng equipment at mga sasakyang pandigma, Ambassador?

AMBASSADOR ROMUALDEZ: Well, I don’t think it will have an effect. Alam mo, matagal na itong relasyon natin sa Amerika and as a matter of fact this year we are celebrating 75th anniversary of our diplomatic relations and 70 years of the Mutual Defense Treaty ‘no.

Siyempre, mayroon tayong mga kaunting mga problema in the past lalo na iyong na-terminate iyong mga US bases pero ganoon pa man tuluy-tuloy pa rin ang ating relasyon dito. Ako, I’m confident na maski ano man ang mangyari importante itong relasyon natin sa Amerika at I think we will continue to have good relations with this country and so all of these problems [will be sort out] in a way that is mutually beneficial to all of us.

Recently, mayroong sinabi si President Biden na gusto niya i-strengthen iyong kanilang mga alliances all over the word lalo na sa Asia at handa silang tumulong at gusto nga nila – tama rin iyong gusto natin, gusto ni Presidente – na tayo dapat ay medyo huwag tayong masyadong dependent sa Amerika.

Gusto natin iyong ating Armed Forces ay mahanda na maging talagang mutual defense. Mutual defense meaning to say puwede tayong sabay kapag mayroon mang problema, mayroon man tayong kalaban na puwede tayong sumabay sa Amerika.

So, iyan gusto rin ni President Biden na a policy that he would like to implement here. So, again, I guess that jives with what President Duterte would like also to happen.

USEC. IGNACIO: Opo. Mayroon lang pong follow-up question ang ating kasama, si Leila Salaverria po ng Daily Inquirer, paki clarify lang daw po: Do you mean providing military enough equipment to the AFP will convince the President to keep the VFA?

AMBASSADOR ROMUALDEZ: Well, at the end of the day the President has the sole prerogative to either to review or extend the Visiting Forces Agreement. Ang trabaho natin dito sa Amerika ay to make sure that all of these are communicated properly to the right channels at kung ano ang sabihin ng Presidente iyon ang aming susundin.

Pero like I said, itong ‘Visiting Forces Agreement’ at saka itong bilateral strategic dialogue every year nag-uusap tayo. That’s a yearly event and that is where we bring out all of the status and I think whatever issues na ilabas man natin, the United States is prepared what to see what they can do.

And like I said, itong mga armas o whatever it is that we are—Mahaba iyong list na ibinigay kay Secretary Lorenzana which is technically what we programmed for the past five years, since 2016 actually. Lahat ng mga gusto natin at kailangan natin medyo natupad at marami pang darating.

USEC. IGNACIO: Ambassador, may tanong naman po iyong kasamahan din natin sa media, si Pia Rañada po ng Rappler: Can we expect the 117,000 Pfizer doses from COVAX and how about Pfizer doses obtained through bilateral negotiations? When can we expect the signing daw po of a supply agreement with Pfizer?

AMBASSADOR ROMUALDEZ: Well, as far as Pfizer is concerned, ang ating supply ay galing sa COVAX kagaya ng AstraZeneca ‘no. Iyong 117,000 that was actually promised by COVAX, I understand from Secretary Galvez medyo nagkaroon lang ng kaunting delay pero darating din daw. It’s supposed to be coming to the Philippines within the next couple of weeks ‘no.

Ngayon, ang aming tinatrabaho dito, iyong Moderna which is with the private sector diyan sa atin. We have already concluded the agreement, iyong supply na lang ‘no. We’re threshing out the supply kung kailan nila puwedeng i-deliver itong Moderna. Ito iyong medyo katumbas ng Pfizer and we’re hoping that we will have the first deliveries by either end of May or early part of June, iyan ang tina-target natin.

And then of course, hindi naman sabay-sabay lahat iyong 20 million na ibinibigay natin sa Moderna, almost half of that will go to the private sector and their employees, malaking force iyan; and then the other half will go to our health workers, to all other or the rest of the Filipinos that would be receiving the Moderna; to the LGUs and other entities there in the Philippines.

So, we are confident that all of these things will be coming, definitely within the next second half of this year. We will be expecting these vaccines coming from the United States arriving.

And also I’d like to, gusto ko lang sabihin sa ating mga mamamayan na alam mo ang Amerika nagdu-double-up ng kanilang production ng mga vaccines. Sinabi ni President Biden na by end of May lahat ng mga Amerikano ay puwede silang ma-vaccinate kung gusto nila and there will be enough for the United States.

So, in other words iyong demand nila, the supply that they need will be completed by the end of May but the production will continue lalo na itong pinakabagong lumalabas na iyong Johnson & Johnson na one jab ‘no. Lahat iyan will be made available to the world which everybody agrees, hindi naman puwedeng iyong isang bayan lang eh COVID-free na, kailangan lahat, the whole world.

So, they’re aware of that and that the fact that they are back in the WHO and they are also contributing to the COVAX facility will give access to most countries especially the Philippines.

USEC. IGNACIO: Opo. Ambassador, may follow up question lang po si Joseph Morong ng GMA News about Pfizer. What accounts daw po for the delay and are we scheduled to receive other vaccines from other American manufacturers; if yes, how many and when daw po?

AMBASSADOR ROMUALDEZ: Okay. Well like I said, iyong Pfizer right now we have negotiated it through the COVAX Facility. The reason for that is because dahil it’s definitely more affordable ‘no kung bibilhin natin diretso.

Ngayon iyong sa Moderna iba ‘yun ‘no kaya natin inimbita iyong private sector na sumama sa gobyerno para at least we can be able to spread it out at saka iyong cost ‘no. At saka ito ay, this is also being financed by the World Bank which we were able to work with also for this purchase of Moderna. Lahat iyan dadating no later than—at least the first batches will start arriving no later than June of this year all the way down to the third and fourth quarter of this year. So that’s Moderna.

Ngayon iyong Pfizer, iyong Novavax na si Secretary Galvez is also working on, I think we have already concluded that one and that’s why he’s going to India to talk to Novavax. That is an American pharmaceutical company but it is being produced in India.

Ngayon iyong Janssen, mayroon tayong naka-ready na na 4 million. In other words, they have committed already for us—I’m sorry 6 million doses of the Janssen pero hindi sila maka-commit pa kung kailan nila madi-deliver dahil nga iyon nga, ang priority ay iyong demand muna dito sa America which is really… I suppose its understandable dahil gawa dito at they need to vaccinate at least 70% of Americans here in the United States.

USEC. IGNACIO: Opo. Iyon nga po. Ambassador, kumusta naman po iyong kalagayan ng ating mga kababayan diyan? Marami na po ba iyong mga nagpabakuna or may agam-agam din po ba sila or iyong hesitation na kumuha ng bakunang ituturok sa kanila; at paano ninyo po sila ini-encourage na talagang sumailalim din sa vaccination program ng America?

AMBASSADOR ROMUALDEZ: Well iyong ating mga healthworkers which is sobrang—they are hardworking Filipino nurses and doctors here, sila ang nangunguna na inoculated na or vaccinated na ‘no. And they’re encouraging all Filipino-American and Filipinos alike to go ahead and get the vaccine. There is no question that the only way that we can manage and [garbled] is through the vaccine. Wala na tayong ibang choice so in fact I’m also encouraging all our kababayans sa Pilipinas na go ahead and take the vaccine.

At saka tama rin eh, whatever is available, kunin na ninyo iyan. Whatever it is that’s being offered right now dahil hindi naman ilalabas iyan ng mga… ng WHO or even iyong Sinovac, that will not be delivered to us if it’s something that doesn’t work. We just have to face the fact that the sooner we get vaccinated, the better for everyone especially there in the Philippines. So—and then rest assured at least from my conversations with Secretary Galvez, we will have enough vaccines to really be able to have that herd immunity that we’re looking.

USEC. IGNACIO: Opo. Ambassador, may follow up question lang po si Joseph Morong ng GMA News: Ilan daw po ang Novavax?

AMBASSADOR ROMUALDEZ: Ang Novavax ang pagkaalam ko ho, sabi sa akin ni Secretary Galvez is something like 30 million doses ‘no. So that will be for at least 15 million people, dalawa rin iyong kailangan na jabs diyan. Ang mag-i-inoculate ng Novavax iyong United Lab. Alam mo ang ginawa natin, as early as middle of last year upon the instruction of the President, we have been talking to the pharmaceutical companies here. Iyon lang, of course as I said the delays are caused by several factors. I don’t want to really have to go through any of the details but mainly many of them is because of our procurement laws ‘no.

So all that has been changed and because it’s an emergency and we’ve been able to work faster especially those private pharmaceutical companies that obviously cannot go through a facility like COVAX ‘no. So it takes time but we are not far behind—as people think that we are not far behind from many countries. Sa totoo lang we’re actually better off than many countries because technically we’re only the first week of March we already started our vaccination program. We are very confident that we would be able to get the vaccines that we need before the end of this year and on to early next year.

USEC. IGNACIO: Opo. Ambassador, may follow up lang din po si Pia Gutierrez ng ABS-CBN: Update lang po sa request ng Pilipinas for additional Pfizer vaccines under COVAX Facility.

AMBASSADOR ROMUALDEZ: Yes. Like I said iyong supply dito sa America, siyempre iyon ang una ‘no kasi when President Biden took office, his instruction were to supply or to be able to give Americans the vaccines at the quickest possible time. So in the beginning medyo slow iyong kanilang production pero nag-double up na nga and Pfizer has already… sort of like is now working with the competitor, iyong Merck which is another pharmaceutical company. So they are doubling up their production of the vaccines.

As I said, kung ma-supply na iyong demand dito sa America, there’ll be enough, then they’ll be able to now start selling this or perhaps exporting it or going through the COVAX Facility which is really the best way because iyong COVAX is a pool of many vaccines that the WHO put together so that it will be able to supply the rest of the world especially countries like the Philippines where our resources are of course limited ‘no. It’s not a limitless type of thing.

Kaya nga itong Moderna, lumapit tayo sa World Bank to give us the financing. Dahil medyo mahal nga itong Moderna because of the fact that it’s a new company—well, it’s a smaller pharmaceutical company that we needed to get this particular kind of vaccine which is the special one, the RNA development ‘no.

USEC. IGNACIO: Opo. Maraming salamat po sa inyong panahon, Philippine Ambassador to the US Jose Manuel Romualdez.

AMBASSADOR ROMUALDEZ: Maraming salamat din. Thank you very much.

USEC. IGNACIO: Nasa isanlibong healthworkers naman ang magpapabakuna sa Cardinal Santos Medical Center sa San Juan City gamit po ang CoronaVac ng Sinovac. Matatandaang sa naturang ospital na-confine ang pinakaunang kaso ng local transmission ng COVID-19 sa bansa. Ang report, alamin natin mula kay Cleizl Pardilla. Cleizl…

[NEWS REPORT]

USEC. IGNACIO: Okay. Maraming salamat sa iyong report, Cleizl Pardilla.

BENDIJO: Patuloy din ang vaccine rollout sa mga pampublikong ospital sa Metro Manila. Kaninang umaga ay nagsimula na ang pagbabakuna sa health care workers sa Makati City gamit ang Sinovac. Puntahan natin si Louisa Erispe para sa detalye. Louisa?

[NEWS REPORT]

BENDIJO: Maraming salamat, Louisa Erispe. Matagal nang plano ng Department of Education na subukan ang face-to-face classes sa gitna ng COVID-19 pandemic pero hindi pa pumapayag ang ating Pangulong Duterte na ito ay ituloy. Sa kanilang pinakahuling proposal, nakumbinsi na kaya si Pangulong Duterte na isagawa ang pagbalik-eskuwela ng mga piling estudyante? Alamin natin ang paghahanda ng kagawaran mula kay Usec. Diosdado San Antonio. Magandang araw po, Usec..

DEPED USEC. SAN ANTONIO: Magandang araw naman po, Secretary Martin at sa ating mga tagasubaybay.

BENDIJO: Opo. Usec., this is Aljo Bendijo kasama din si Usec. Rocky.

DEPED USEC. SAN ANTONIO: Okay. Yes, Boss Aljo and Usec. Rocky, magandang umaga po sa inyo.

BENDIJO: Kayo nga po ay nagprisenta kamakailan sa Senado ng inyong strategy for limited face-to-face classes at kanila pong irirekomenda ang pagsimula ng pilot testing. Ano ba ang magiging kalakaran sa mga paaralan kapag pinayagan na po ito at ano po iyong mga suggestion ng mga senador na ikinukonsidera ninyo sa inyong mga plano?

DEPED USEC. SAN ANTONIO: Kapag pinayagan na po tayo, talaga pong ang mga paaralan na napili at piling-pili po siya, mahigpit iyong ating mga pamimilian at mainam naman po iyong mga narinig naming mga suggestions galing sa ating mga senador na kailangan talagang kaunti lang lalo na iyong unang grupo na magsasagawa ng limited face-to-face at gagawin ito sa mga lugar na talagang nadeklara na iyong COVID cases ay kung puwede talagang iyong mga wala.

Katulad po ng napakita rin namin may mga nahanap na kaming mga lugar na walang COVID cases sa nakalipas na tatlumpung araw, priority po sila. At siyempre po, ang kailangan iyong community, iyong mga magulang at mga paaralan ay talagang nagpapatunay na nagtutulungan sila para po ito ay mas magawa sa mga paaralang magkakaroon ng limited face-to-face kapag pinapayagan.

BENDIJO: Ano po ang sentimyento ng mga guro at mga magulang at maging ng mga estudyante sa plano po ninyong face-to-face classes?

DEPED USEC. SAN ANTONIO: Ang pagkakaunawa ko po ay marami naman ang may gusto pero hindi po ito iyong buong bansa ang gustong-gusto, may mga ayaw din po. Noong isang linggo, kausap ni Secretary Liling ang mga student leaders, nagtanong po kami at halos lahat po ng mga nandoon ay sinabing payag sila at susundin iyong mahigpit na health protocols.

So, nauunawan po namin na hindi ito 100% gustong-gusto ng marami kaya nga po ang sinasabi rin namin kapag magkaroon na tayo nito, iyong mga napiling schools kahit nandoon iyong anak ng magulang na hindi naniniwalang kailangan nang mag- face-to-face ay irirespeto din po natin at tuluy-tuloy pa din sila sa distance learning.

BENDIJO: Pero hangga’t hindi pa din po nababakunahan ang dalawang milyong Pilipino ay hindi pa nababanggit ng Pangulo na siya ay papayag sa face-to-face classes. Reaksiyon po ninyo?

DEPED USEC. SAN ANTONIO: Kami po, bilang bahagi ng Executive Branch ay handang sumunod sa mga gustong ipatupad ng ating Pangulo.

BENDIJO: Sa kasalukuyan po, kumusta ang lagay ng atin pong mga guro, mga teaching personnel, at maging mga estudyanteng naka-enrol this school year? Ilan po sa kanila ang nagkasakit ng COVID-19 at naka-recover?

DEPED USEC. SAN ANTONIO: Hindi ko po hawak ngayon iyong datos pero ang namu-monitor naman po natin parang parehas din ang mga trends sa labas sa buong bansa kaya po ang ano naman po natin, nakikita na mapanghamon itong school year na ito at ang mainam lang po, nakikita rin natin kung gaano ka propesyonal ang karamihan sa mga kasama naming guro sa paghahanap ng mga malikhaing paraan upang matugunan iyong pangangailangan na ang mga kabataan ay tuluy-tuloy na matuto.

Iyon din pong mga bata alam natin may mga risk ang nag-aaral sa bahay, may mga issue po sa psychological health nila at lahat. At ang nakikita naman po natin iyong iba naman nagmimensahe sa akin, nasusorpresa po ako na hindi ko naman kakilala nagpapadala ng mensahe na, “Ah, okay naman sila, natututo at gusto nila ang distance learning dahil hindi na sila kailangang mag-commute at nagkakaroon sila ng pagkakataon na mag-desisyon kung kailan gagawin ang mga bagay-bagay.”

So, ito rin pong mga reaksiyon na ito ay, sabi ko hindi siya sa buo or generally, masasabi natin na applicable sa lahat pero ang ano po natin talagang mapanghamon at iba-iba iyong reaksiyon ng marami. Pero po lahat gumagawa ng paraan para makapagpatuloy sa pagpapatuto sa kabataang Pilipino.

BENDIJO: Follow up po, ano iyong mga hakbang na ginagawa po ninyo para maiwasan ang pagtaas ng kaso ng COVID-19 sa DepEd, Usec?

DEPED USEC. SAN ANTONIO: Kami naman po kapag may nari-report na mayroon, kaagad pinapa-isolate; nagdi-disinfect po ng aming mga tanggapan; at pinagdideklera po tayo ng panahon para masiguro na iyong mga may contact/direct contact ay tini-trace po at pinag-iingat at niri-remind po natin na kailangan mag-ingat sila sa possibility na sila ay positive din at kapag kailangan po, nagbibigay din po ng test iyong pong rapid test or antigen test o iyong swab test. Naisasagawa din po iyan lalo na kung may mga kailangang face-to-face na pagpupulong kami na hindi namin maiwasan ay sinisiguro namin na lahat na nandoon ay negative sa ganitong test. Iyon po ang mga nakikita kong ginagawa ng aming mga tanggapan dito sa DepEd.

BENDIJO: Opo. Kayo bay nakipaghuntahan na at nakipag-usap kay Secretary Galvez kung kailan ba talaga mababakunahan ang mga teachers or puwede ba next year na lang po kayo? Opo, go ahead po.

DEPED USEC. SAN ANTONIO: Ang ulat naman po ni Secretary Liling, dahil kasali po siya sa IATF ay hindi niya naman po itinitigil iyong pagpapaliwanag na ang mga kasamang guro ay dapat makasama rin doon sa susunod na mga priority pagkatapos po ng ating health workers.

BENDIJO: Uhum. Kayo ay makapaghintay naman ‘no, na sa susunod na taon na lang ang pagsasagawa ng face-to-face classes kapag nabakunahan na ang mga guro?

DEPED USEC. SAN ANTONIO: Ang sinasabi po natin, sana ang Pangulo ang gagawa ng desisyon kung kailan sasabihin na komportable na siya na magkaroon nang limited face-to-face. So kami po ay naghahanda, sabi nga po namin sa Senado, sa loob ng isang linggo kapag kami ay pinayagan, kakasa po at tatakbo na iyong limited face-to-face sa mga mauunang paaralang maa-identify namin na kuwalipikado o napasahan ng mga nilagay naming requirements para makapagbigay sila ng face-to-face sa mga bata.

BENDIJO: Bakit po kayo nagkaroon ng adjustment ngayong taon, school year? Medyo humaba po ang pag-uusap, opo.

DEPED USEC. SAN ANTONIO: Tayo po kasi sa DepEd ay tuluy-tuloy na minu-monitor ang lahat ng mga nangyayari. Unang buwan pa lang pa lang po nagsabi na ang mga bata at ang mga magulang ang daming pinapagawa kasi nagpalabas po tayo ng academic memorandum noon sa utos ni Secretary Liling. At sabi natin huwag masyadong mahigpit, piliin lamang iyong mga lubhang napakamahalagang activities na ipapagawa sa mga bata.

Pero naniniwala po kami na sa kalagitnaan ng pasukan, kailangan tingnan ulit at rebisahin. Kahit naman po maganda iyong datos na nakuha namin sa first quarter, 99% ng mga bata ay nakakuha ng pasadong marka. Ang ibig sabihin ng pasado ay 75 pataas, ay gusto pa rin po nating walang napag-iiwanan kasi kahit 1% lang po iyan ay hundreds of thousands din iyan. So, ang sinasabi po natin tingnan, nakikita naman ho iyong mga teachers iyong mga gaps sa pagkakatuto ng mga bata at gusto nating bigyan sila ng panahon na mapunuan ito.

At iyon naman pong mga natuto na alam namin, iyon na nga, pinili lang iyong piling-piling importanteng activities ay baka puwedeng balikan iyong iba pang dapat na ilatag at isagawa ng mga bata para iyong pagkakatuto ay talagang mas malalim at mas maging handa ang bata pagdating po ng mga susunod na grade nila.

BENDIJO: May pagbabago ba kayo sa pagtatapos ng school year this year? July ho ba iyon at kailan po iyong opening ng susunod na school year?

DEPED USEC. SAN ANTONIO: Ang opening po ay pinag-uusapan pa pero irirespeto po namin iyong nakaugalian na may mga medyo mahabang summer vacation. Dati po dalawang buwan pero hindi pa po namin ngayon napagdidesisyunan kung dalawang buwan pa rin iyan o medyo kailangan i-adjust.

BENDIJO: May mga ulat po tayong natanggap. Totoo ba ito, Usec., itong ‘sagot on sale’ at ano po iyong parusang ipapataw sa mga bumibili po niyan, nagbibenta ng mga sagot sa modules?

DEPED USEC. SAN ANTONIO: Iyon naman po ay pinapatingnan, papatingnan natin sa ating mga kasama at magpapa-validate tayo ng mga naulat. Ang maliwanag po simula’t simula, binigyang-diin din natin na hindi puwedeng gawin ito kasi hindi ito makakatulong sa pagturo ng honesty, pagiging honest ng mga kabataang Pilipino kung ang mga magulang mismo ang mamimili o ang tutulong sa pagbigay ng sagot.

So, hindi po talaga ito pinapayagan at ang mapapatunayan po siyempre sa mga kapwa guro natin na nagbenta at siya ang gumawa ng sagot para sa sarili niyang estudyante na parang ang hirap pong ma-imagine, hindi ko po ma-imagine na mangyayari ito ay siyempre po dadaan sila sa proseso ng administrative cases namin.

At kapag napatunayang nagkasala ay magkakaroon po ng parusa na ayon doon sa kung ano iyong nakitang bigat ng anong ito. Hindi ko po saulado iyong mga parusa kasi mga lawyers po ang may alam nito pero ang alam ko naman po kapag napapatunayan pagkatapos ng mahabang proseso ay nabibigyan nang angkop na kaparusahan.

USEC. IGNACIO: Opo. Good morning, Usec. Diosdado. May tanong lang po tayo sa ating mga kasamahan sa media. Mula po kay Evelyn Quiroz ng Pilipino Mirror: Some senators are unconvinced daw po about the unrealistic DepEd report that 99% of students nationwide obtained passing grades in the first quarter of the school year where distance learning became norm due to the pandemic. How do you account for the surprising percentage of passing grades considering the challenges of distance learning?

DEPED USEC. SAN ANTONIO: Una po, sabi ko po iyan ay ulat galing sa aming mga kasama sa regions, sa school divisions at sa mga paaralan. At siyempre po kung ano ang nasumite sa amin, iyon naman ang niri-report namin. At bakit po nangyaring ganoon? Una po, may mga panawagan nga na lahat ipapasa, hindi po tayo pumayag doon. At ang ginawa nga po natin, iyong academic ease na binigyan nating diin ay sinabi natin baka kailangang mas maging considerate naman tayo ngayon.

So iyon po kasing 99% na pumasa, hindi naman naliwanag namin na pati iyong markang 75 ay considered pasado na. So ang gusto kong mabigyang-diin ay puwede po talaga na naging mas considerate ang mga kasamang guro natin pero po may naiwan pa ring 1% na parang hindi naman nakipag-coordinate, nakipag-cooperate sa kanilang mga teachers. Kasi po bilang teacher din dati, ako, ang bata na nagpapakita ng kagustuhan na siya ay matuto ay sa unang grading period kinu-consider-consider ko pa iyan.

So baka po iyong aming considerations ay napasok na kaya mas marami ang, sabi nga, sabi ninyo surprising na 99% ang nabigyan ng markang pumasa sila. Pero po sabi nga natin, ang maliwanag naman ay hindi talaga isinagawa ng mga teacher iyong panawagan ng iba na ipasa na lang lahat ng mga bata.

USEC. IGNACIO: Opo. Usec., may tanong po si Pia Rañada pero nasagot ninyo na po ito, iyong about face-to-face. At tanong naman po ni Kenneth Paciente nasagot ninyo na rin po, about iyong possible na pagbabakuna. Tanong po ni Maricel Halili ng TV-5: Some workers who were hired to work on TV lessons of DepEd complained of delayed compensation. September last year pa raw po wala pang fee until now. Ano daw po ang nangyari dito?

DEPED USEC. SAN ANTONIO: Ang pagkakaunawa ko po sa mga pagbabayad sa mga professional na na-hire, kasi po iyong mga talents namin mga kasamang teachers namin iyon at mga opisyal, so hindi naman po sila kailangang bayaran. Pero po naunawaan ko na may suporta technically sa mga propesyonal na marunong sa ganitong istratehiya ng pag-record at pag-develop ng mga video lessons.

Sa gobyerno po kasi, alam naman po yata ng marami na kapag nagpapalabas ng pera, may mga proseso pong sinusunod – iyong procurement, iyong mga lahat. So baka po ang sanhi ng delay ay iyon nga po, dahil nga challenging naman ngayon iyong pagpalakad ng mga papel at mga proseso ay hindi agarang naisaayos po iyong mga kailangan para ang pagbibigay ng bayad ay magawa nang mabilisan. So kasama po ito sa mga bagay na, siyempre nalulungkot kami, kaya lang po ay iyon na nga, may mga proseso at mga alintuntunin naman po kasi na kailangang sundin para ito ay maisagawa.

Ang alam ko po may pondo naman, iyon lang proseso ng pagpapalabas po ng pondo ay may mga sinusunod na proseso po.

USEC. IGNACIO: Okay. Maraming salamat po sa inyong panahon, Undersecretary Diosdado San Antonio mula po sa Department of Education.

DEPED USEC. SAN ANTONIO: Thank you Usec. Rocky at Aljo.

BENDIJO: Inanunsiyo naman ng Pangulong Rodrigo Duterte na magdu-donate muli ang China ng mga bakuna kontra COVID-19 sa Pilipinas. Sa kaniyang talumpati sa Bulacan kahapon, sinabi ng Pangulo na bukod sa naunang 600,000 doses ng Sinovac na unang ibinigay ng China, ito ay madadagdagan ng 400,000 doses. Dahil dito, magiging isang milyong doses na ng bakuna ang kanilang ibibigay na donasyon sa Pilipinas. Kasabay niyan, kinumpirma ng Punong Ehekutibo na bakuna ng Sinopharm ang kaniyang hinihintay para maiturok sa kaniya. Sa hiwalay na panayam sa media ni Vaccine Czar Carlito Galvez, Jr., sinabi niyang posibleng CoronaVac muli ng Sinovac ang magiging donasyon ng China.

[VTR]

USEC. IGNACIO: Ilang health worker sa Vicente Sotto Medical Memorial Center ang nabakunahan na rin ng Sinovac vaccine at ayon sa kanila wala naman po silang naramdaman ng kahit anong severe side effects. Bukod diyan, ‘di rin magbabago ang kanilang pananaw tungkol sa Sinovac kahit na dumating na ang AstraZeneca vaccine. Si Daniel Manalastas sa detalye. Daniel…

[NEWS REPORT]

USEC. IGNACIO: Okay. Maraming salamat sa iyo, Daniel Manalastas.

BENDIJO: At upang maghatid din nang pinakahuling mga kaganapan sa Cebu City, may ulat si John Aroa. John…

[NEWS REPORT]

BENDIJO: Daghang salamat John Aroa from Cebu.

USEC. IGNACIO: Sa iba pang balita: Mga opisyal sa Silang, Cavite, binigyang pagkilala sa kanilang bahagi o parte sa COVID-19 responses ng pamahalaan. Pinaalalahanan din sila ni Senator Bong Go na laging unahin ang kapakanan ng kanilang mga nasasakupan. Narito ang report:

[NEWS REPORT]

BENDIJO: Para po sa patuloy ng pagsiserbisyong medikal para sa mga Pilipino, ika-isandaan at dalawang Malasakit Center binuksan sa Rafael Lazatin Memorial Medical Center sa Angeles City, Pampanga. Narito ang report:

[NEWS REPORT]

USEC. IGNACIO: Mula naman sa PTV Cordillera, may ulat din si Florence Paytocan.

[NEWS REPORT]

USEC. IGNACIO: Maraming salamat sa iyo, Florence Paytocan.

BENDIJO: Narito naman ang pinakahuling datos ng COVID-19 cases sa buong bansa. Base sa ulat ng DOH kahapon, March 4, 2021, umabot na sa 584,667 ang total number of confirmed cases matapos makapagtala ng 2,452 na mga bagong kaso; 15 katao naman ang bagong mga nasawi kaya umabot na sa 12,404 ang total COVID-19 deaths.

Dumarami pa rin ang mga kababayan nating nakaka-recover sa sakit na ngayon ay nasa 535,037 matapos makapagtala ng 266 new recoveries kahapon. Ang total active cases ngayon ay 37,226.

USEC. IGNACIO: At iyan nga po ang aming mga balitang nakalap ngayong araw. Ang Public Briefing ay hatid sa inyo ng iba’t bang sangay ng PCOO sa pakikipagtulungan ng Department of Health at kaisa ng Kapisanan ng mga Brodkaster ng Pilipinas o KBP.

BENDIJO: Maraming salamat sa Filipino Sign Language Access Team for COVID-19. Asahan ninyo ang aming patuloy na paghahatid ng impormasyon na mahalagang malaman ng bawat Pilipino, ako po si Aljo Bendijo. Usec., thank You.

USEC. IGNACIO: Salamat din sa iyo Aljo at ako naman po si Usec. Rocky Ignacio. Magkita-kita tayong muli bukas dito sa Public Briefing #LagingHandaPH.

###

—
News and Information Bureau-Data Processing Center