PALO: Narito na sa linya si Secretary Martin Andanar, good morning. Maayong buntag, Sec., good morning, heartthrob.
SEC. ANDANAR: Good morning, Leo. Good morning sa lahat ng nakikinig po sa inyong programa.
PALO: Sabi agad ng ano… binanggit ko kasi kanina iyong government satellite, sana pati sa bahay-bahay daw sabi ng taga-Hong Kong na si Gigi Trevenio (?). Imagine mo iyon.
Anyway, diretsuhin na natin: Kailan ito matutupad, Secretary Andanar?
SEC. ANDANAR: Ang atin pong target roll out is June this year, June po this year. So we will begin rolling it out sa lahat po ng PCOO offices. Ito po iyong sa Philippine Information Agency, mayroon po tayong mga Philippine News Agency, Radyo Pilipinas, PTV. Nationwide po ang ating iro-roll out.
And then, we will begin to roll it out sa mga barangay na bibigyan po ng go signal ni Secretary Ano, lalagyan na po natin. But this is really available to all of the government agencies nationwide and LGUs nationwide.
So three things ang maganda sa Government Satellite Network: Number one, iyong mga barangay na hindi ho connected sa internet ay maku-connect po natin agad, sapagka’t bibigyan mo lang ng isang government satellite receiver ay makakasagap na ho siya ng lahat ng government media – TV and radio – at mayroon din siyang libreng internet.
PALO: So libre iyon ha. Iyan, ang ganda.
SEC. ANDANAR: Opo, maganda. Tapos number two, lahat ho ng impormasyon na manggagaling ho sa Malacañang o sa Executive branch ay diretso ho iyan sa barangay; wala na hong dadaanan na iba iyan, diretso ho sa barangay iyan.
Number three, kung mayroon din pong impormasyon na gustong ibato ang mga barangay papuntang Executive branch or sa kanilang mga probinsiya, sa pamamagitan po ng Government Satellite Network ay magagawa na ho din iyan kasi mayroon ho silang libreng internet.
So iyong tatlo na ho iyon ang maganda diyan. Hindi na ho kailangang maglatag ng fiber optic; hindi na ho natin kailangan ang mga cell sites sa inyong mga lugar, lalo na sa mga liblib na lugar. Ang kailangan ninyo lang ho ay government satellite receiver at masasagap ninyo na ho ang balita mula sa Maynila, mula sa gobyerno, at the same time, makakapagpadala ho kayo ng balita sa gobyerno; Number three, puwede na ho kayong makipag-usap sa inyong mga national leaders dito po sa Malacañang.
PALO: Teka. Nabanggit ko iyan kanina, Secretary. Sabing ganoon, napakasuwerte daw ng mga kapitan na makausap ang Pangulo. Nabanggit ko iyan, sabi ko, makakausap mismo, face-to-face ang Pangulo sa pamamagitan ng parang teleconference. Totoo ba iyon?
SEC. ANDANAR: Tama. Totoo iyon sapagka’t ang Government Satellite Network ay hindi lang ho receiver ng impormasyon ang inyong mga government satellite receivers. Kayo rin po ay puwede ho kayong mag-deliver ng inyong news sa pamamagitan po ng ating internet signal na dadaan po ng satellite at babagsak po kung saan ninyo dapat ipapadala.
Napakahalaga po ng satellite technology at napakabagay po sa ating lugar na very prone to typhoons. Sapagka’t kapag bumabagyo sa isang lugar, natutumba iyong poste ng kuryente, kasama iyong kawad ng kuryente, kasama iyong kawad ng komunikasyon. Minsan natutumba rin iyong cell site, nasisira lahat.
Now, ito pong Government Satellite Network, maliit lang ho ito na disc ang kailangan mo, iyong receiver. Kapag nakita po ni kapitan na, ‘Uy, mayroon tayong signal number 3, may signal number 4 tayo,’ ang gagawin niya ay tatanggalin niya lang iyong maliit na disc, ipapasok niya sa loob ng kaniyang opisina. Tapos kapag kinabukasan tapos na ho, wala na hong bagyo, ibabalik niya lang ho doon sa labas. Ikakabit niya, io-orient niya para makita niya iyong satellite. Kung wala hong kuryente, ang gagawin niya lang ho ay paandarin ang kaniyang generator, at automatic, puwede na ho siyang makipag-communicate dito sa main office, headquarters ng DILG.
PALO: Kaya lang, ang sabi ni Ms. Bing (?) na nasa White House ngayon, “Good morning, Leo.” Sabi niya, “free internet, a big welcome to our kababayans iyan. I am sure the private providers not happy now.”
SEC. ANDANAR: Well, ito naman ay limited lamang ito sa mga barangay halls.
PALO: Barangay lang ito.
SEC. ANDANAR: Oo, hindi naman tayo nakikipag-compete sa private network, private sector. Tayo po ay… kumukuha lang po tayo ng information network sa pamamagitan ng Government Satellite Network para po sa mga LGUs at para po sa mga agencies sa ilalim po ng Executive branch ng ating gobyerno.
PALO: Hello po, Secretary Martin Andanar, from Nagoya, Japan. Sabi ni Nikka(?), “Wow, that’s good news, Secretary Martin. Galing talaga Tatay Digong Admin.” Ayan, totoo iyan. Hindi nagbibiro ang Pangulo doon sa mandato na ibinigay kay Secretary Martin Andanar.
Anyway, Secretary, dito ay puwede ring mag-report iyong mga IO? Alam ko ilulunsad mo iyong Information Officer United. Napakaganda iyon para sa mga barangay. Ibig sabihin, sila ang mag-uulat.
SEC. ANDANAR: Opo, kasi alam mo, hindi ho lahat ng barangay ay mayroon hong information officers; may mga barangay na wala. So kaya tayo po ay nagbuo nitong grupo na Information Officers United para magtulung-tulungan po ang lahat ng mga information officers para lahat po ng mga barangay ay magkaroon din po ng information officer at nang sa ganoon kung mayroon ho tayong trainings at mayroon din tayong isang organisasyon na maganda ang movement ay mas madali ho nating masasawata itong fake news.
Pero alam mo, kung mayroon kang tao, kung mayroon kang miyembro ng organisasyon na kayang magsawata ng fake news, mas maganda kung i-team up natin dito ang isang Government Satellite Network para mayroon na ho silang tool na magamit para masawata talaga itong fake news.
Halimbawa na lamang, kung mayroon isang fake na balita na may red tide sa Juan Dela Cruz Barangay, ang gagawin lang ho ito kung mayroon ho tayong nagkakaisang 42,000 information officers at mayroon tayong Government Satellite Network, magshi-share lang ho iyong isang barangay. Iyong Juan Dela Cruz Barangay sasabihin niya, walang red tide dito. Sabi ng DFAR, ito, ito, ito. Ang gagawin mo, ishi-share ninyo lang ho at iyong 42,000 na information officers ay ishi-share iyong kaniyang pinost. So ngayon, mas matatabunan niya iyong fake news dahil akalain mo, 42,000 ang nag-share ‘di ba.
PALO: Correct, correct. Ang dami niyan, hindi joke iyan.
SEC. ANDANAR: Kung maka-share nga tayo ng isandaan, dalawandaan, masaya na tayo.
PALO: Oo, ako nga, gaya ngayon, ang saya-saya ko ngayon. Hundred plus iyong nanonood sa atin ngayon at sige ang ano nila dito sa atin. Katulad nito, sabi niya, “Secretary Andanar, gamitan ng solar power din instead of generator kapag bumagyo.” Oo, tama, puwede rin.
SEC. ANDANAR: Magandang idea iyon. Tama, solar power, tama.
PALO: Kasi hindi nga naman aandar iyong box mo kapag wala kang baterya. Maganda rin iyon. Ayan, sabi ganoon, “Good job. High-tech, Secretary, the Heartthrob Andanar.” Kita mo, may ganoon na. [Laughs]
SEC. ANDANAR: Pinauso mo kasi. [Laughs]
PALO: Ako lang ang nagpauso noon, kayo naman. Hindi, hindi ako ang nagpauso. Iyong mga OFWs nanonood kasi. Heartthrob ka daw talaga kaya ganoon.
“Good morning, Sir Leo and Secretary Andanar. Yehey, makita na namin ang mahal namin sa buhay on time. Mabawasan naman ang pangungulila namin sa pamilya. More years to come, Tay, Sir, para lahat mapalagyan ang Pilipinas. We are lucky to have you, Tatay Digong and Secretary Andanar.” Kita mo naman ha. Vivian Lacorte (?)
Well, again, Secretary, good luck dito. Dahil sabi ko nga, mukhang sa panahon mo lang yata talaga pumailanlang ang mga ganitong uri ng mga pagbabago. Kahit ako, kapag nandiyan sa RP 1, sabi ko nga ay sobra. Sobrang laki nang pagbabago. Ibang-iba ang nakikita mo ngayon. Tila baga, kumbaga dati ay nasa park ka lang, ngayon ay parang nasa mall ka na. Ganoon na kaganda ang PBS.
Secretary Andanar, thank you sa iyong oras. Maraming salamat sa pagtugon mo sa aming tawag. Baka mayroon kang nais na iparating pa sa ating mga kababayan, nasa iyo ang pagkakataon.
SEC. ANDANAR: Maraming salamat, Leo. Basta trabaho lang tayo. Tuluy-tuloy lang po tayo sa ating mga objectives sa gobyerno.
Ngayong araw ho na ito ay magkakaroon ng Cabinet meeting sa Palasyo so tiyak po bukas, Leo, ay maraming balitang puwede ninyong ibalita pagkatapos po ng Cabinet meeting.
Maraming salamat at magandang umaga.
###
SOURCE: PCOO – NIB (News and Information Bureau)
