ELY: Secretary, good morning po sa inyo.
SEC. ROQUE: Ely, magandang umaga at magandang umaga rin sa lahat ng nakikinig sa atin ngayon.
ELY: Opo, unang una po sa lahat ay dito po sa pagsuspinde ng Ombudsman sa lahat po ‘no iyong apat po na Commissioners ng Energy Regulatory Commission. Eh papaano ho ito malulumpo po itong operasyon ng ERC, Secretary?
SEC. ROQUE: Lilinawin ko lang po ‘no. Iyong pang-araw-araw po na trabaho ng Commission ay hindi naman po iyan malulumpo kasi iyong Chairman po na tumatayong Chief Executive Officer ay hindi naman po suspendido. So tuloy-tuloy naman po ang pagganap ng tungkulin ng ERC, iyong mga pang-araw araw na bagay.
Pero totoo po pagdating doon sa polisiya eh nakalahad po sa ating EPIRA law na ang ERC ay isang collegial body, kinakailangan nagbobotohan ‘no. At dahil wala po ngayong Commission dahil suspendido iyong apat, iyong Chairman lang ang natira, hindi po makakapagdesisyon ang ERC doon sa mga importanteng polisiya na dapat desisyunan.
So ang Ehekutibo po ay ganito po ang opsiyon ‘no. Unang una, walang gagawin, eh hindi naman po pupuwede iyan kasi walang magagawang desisyon ang ERC sa loob ng isang taon ‘no. Ang pangalawang opsiyon po, eh may kapangyarihan ding magtanggal ang Ehekutibo ‘no, mayroong diyang proseso na dapat sundin at tingin ko po ay isa rin ito sa opsiyon na gagawin dahil hindi makapaghintay ang gobyerno ng isang taon na walang desisyon ang ERC ‘no.
ELY: Opo.
SEC. ROQUE: So tingin ko po pag-aaralan din ng opisina ni Executive Secretary Medialdea iyong basehan kung bakit sila nasuspinde at titingnan kung sapat na itong basehan din para sila ay tuluyang ng matanggal ng gayon at magkaroon ng kapalit ng hindi naman po matigil at mabinbin ang trabaho diyan sa ERC.
ELY: So iyon so bagama’t alam naman natin mayroon pa silang pagkakataon na umapila po ‘no sa Ombudsman pero talagang iyon na pala, so pag-iisipan na kung puwede ng tuluyang na silang ano…palitan.
SEC. ROQUE: Ay linawin ko lang po. Ang suspension po immediately executory iyan—
ELY: Opo.
SEC. ROQUE: Ang makapagpipigil lang niyan TRO, pero wala pong apila iyan ‘no—
ELY: Ang Korte—
SEC. ROQUE: Pero puwede silang kumuha ng TRO.
ELY: Ah iyon, Korte lang po ang puwedeng pumigil dito pero sa Ombudsman wala na po silang apila doon?
SEC. ROQUE: Immediately executory po iyan ‘no.
ELY: Opo. So iyon ho ‘no kasi marami pong mga nakapending na usapin para po sa ERC at iyon ho alam naman natin na talagang hindi po papayagan iyan ng Pangulo na maparalisa iyong operasyon—
SEC. ROQUE: Opo.
ELY: Opo. So ngayon ho ay inaasahan natin na talagang maaksyunan po kaagad ng Pangulo iyan sa lalong madaling panahon.
So iyong sa PCSO, nalaman na rin kaya ito ng Pangulo, Secretary ‘no na iyong mga alegasyon diumano kasi base rin po sa mga dokumento eh halos aabot sa 10 million or 6,300 per head iyong Christmas party. Wala naman hong ipinagbabawal ‘no na Christmas party, kaya lang sa mga ganito ho, Secretary ‘di ba eh parang hindi po ata maganda ang timing?
SEC. ROQUE: Well ayaw ko pong panghimasukan, ayaw kong pangunahan ang Presidente. Ang sasabihin ko lang po ang Christmas party po ng Gabinete ni hindi po sa Palasyo ginawa, ginawa po sa Malago Clubhouse. Ito po ay napakasimpleng pagtitipon at iyan po ang gustong mangyari ni Presidente. Pero hayaan po nating magdeklara ng kaniyang posisyon ang Presidente; at tingin ko naman po lalabas na iyan.
ELY: Okay. So dito naman ho, Secretary sa—iyong holiday truce sa mga komunista. So pinaikli at ano ho ba talaga? Pakilinaw nga po ito, Secretary.
SEC. ROQUE: Well, tatlong araw po ang ceasefire para sa Pasko at tatlong araw din para sa Bagong Taon. Magsisimula po ng ala-sais ng bente tres, magtatapos po ng 11:59 ng a-benta-sais at a-trenta na naman po, ala-sais ng gabi hanggang a-dos ng 11:59 ‘no. So anim na araw po iyan na unilateral ceasefire—
ELY: So ibig sabihin—
SEC. ROQUE: Para mabawasan po iyong mga pinagkakaabalahan ng ating mga mamamayan at sila po ay madamdam ang tunay na diwa ng Pasko.
ELY: Ang ibig pong sabihin niyan eh wala pong gagawin na opensiba ang ating gobyerno kumbaga sa ano—kung sila aatakihin, lalaban. Parang ganoon?
SEC. ROQUE: Siyempre naman po hindi tayo papayag na papatayin na lang ang ating mga kasundaluhan ‘no. Bagama’t mayroong unilateral ceasefire kapag sila ay pinutukan, puwede silang magdepensa sa kanilang mga sarili.
ELY: Pero dito Secretary eh inaasahan ho ba ng Malacañang na gagawa rin ng—iyong ibig sabihin sasagot din ng ganito iyong CPP-NPA-NDF ng—
SEC. ROQUE: Nabasa na po natin kung anong gagawin nila ‘no dahil noong nakikipag-usap tayo ng kapayapaan, wala namang hupa ang atake nila sa ating kasundaluhan. Tignan na lang po natin. At ang sinabi nga ni Joma Sison sham daw iyan, na nakakalungkot ‘no kasi nga siguro nawala na sa kaniya iyong diwa ng Pasko dahil napakatagal na niyang wala sa Pilipinas.
ELY: Opo. So sa panghuli po, Secretary, at alam ninyo naman ng talagang abalang abala iyong mga kababayan natin ‘no at napakarami ho nagpuputahan sa mga matataong lugar. So para po sa Palasyo ay iyong katiyakan po ‘no na handa po iyong ating pamahalaan na maibigay po iyong sapat na seguridad at iyong mensahe rin po ngayong holiday season, Secretary?
SEC. ROQUE: Well alam ninyo po, talaga namang on full alert ang ating—lahat ng security forces pero kinakailangan din po magmasid at maging listo ‘no sa mga posibleng banta sa ating seguridad.
Ang Presidente po ay mag-i-issue ng kaniyang message para sa Paskong ito pero siyempre po siguro iyong pagdedeklara ng ceasefire, iyan po ay patunay na nais magkaroon ng Presidente ng tunay na kapayapaan sa panahon ng pag-ibig at nais po niyang makita na itong kapayapaan na ito ay maging mas matagalan at tumagal pa maski hindi na po Pasko.
ELY: Opo, Secretary, salamat po sa inyong oras. Happy holidays.
SEC. ROQUE: Maraming salamat po at Maligayang Pasko.
###
Source: PCOO-NIB (News and Information Bureau)
